رواية أحببتها في منامي الفصل الخامس 5 - بقلم اية سلمان

حور: عااااااااااااانس! حور: انت انت بتعمل ايه هنا؟ انس: أنا مكنتش أعرف إنك هنا، فجيت آخد حاجة من هنا. انس سرح في شكلها وشعرها اللي نازل على عينها وفضل متنح. حور لقيته باصصلها قوي فاتكسفت. حور بكسوف: أستاذ انس.. أستاذ انس. انس: آه أنا انس، أيوه. حور بضحك: حضرتك أخدت اللي أنت عاوزه؟ انس: آه. زياد دخل فجأة: إيه ده؟ أخدت اللي أنت عاوزه إزاي يعني؟ ينهار أسود! الشرف.. الشرف راح! ي انشراح بتخوني ي انس؟ حور: هههههههه.

زياد: إيه ده مين القمر ده؟ انس بغيرة: دي آنسة حور الممرضة الجديدة. زياد بسرعة: دي حور بتاعة الحلم؟ حور: حلم إيه؟ انس بسرعة: لا لا ولا حاجة، بس زياد بيحب يهزر. حور: آه طيب. زياد: على العموم تشرفنا ي آنسة حور، أنا زياد أخو انس اللي واقف ده. عندي 26 سنة، مهندس، وهيعجبك. حور: هههه تشرفنا ي أستاذ زياد، وأنا حور الممرضة زي ما سمعت كده من أستاذ انس. زياد: لا استاذ زياد إيه؟ خليها زياد.

انس بغيرة: ما أجيب اتنين لمون وأنا الشجرة. زياد: إيه ي عم ف إيه؟ بنتعرف. انس: طيب اتعرفت ي أخويا، اتفضل برة يلا. زياد: احم، إيه الإحراج ده؟ طيب أستأذن أنا، أصل معنديش حاجة. حور: 😂😂😂 انس بص لحور بصة خلتها تسكت مرة واحدة. خرج زياد وساب انس مع حور. انس: ياريت متتهزريش مع زياد كتير، ماشي؟ حور: نعم. انس: عن إذنك. خرج انس وهو هيطق من الغيرة. فجأة لقي حد بيشده من إيده. انس: أنت عبيط يلا؟ ف إيه؟ زياد: مين حور دي؟

هي دي نفسها حور بتاعة الحلم؟ هه. انس: آه هي. زياد: وإيه جت هنا إزاي؟ انس حكى كل حاجة لزياد. زياد: ي ديني! دا حكاية ولا في الأحلام! إيه الصدفة دي؟ انس: مش عارف. زياد: بس هي صراحة حلوة قوي. انس ضربه بالبوكس وقعه على الأرض. انس: عشان تحترم نفسك ومش أشوفك جنبها حتى، فاهم؟ زياد: آه ي غبي! إيه دا؟ إيدك تقيلة قوي. انس سابه وخرج، لقي حور خارجة. انس: آنسة حور، إنتي رايحة فين؟ حور: رايحة أجيب لبسي من عند صاحبتي.

انس: طيب تعالي، هوصلك. حور: لا لا شكراً قوي لحضرتك، مش عاوزة أتعبك معايا. انس: مفيش تعب ولا حاجة، اتفضلي. خرج انس وحور وركبوا العربية. انس كل شوية يبص لحور من غير ما هي تلاحظ. فضلوا ساكتين طول الطريق، وفجأة انس قطع الصمت ده وقال: انس: معاكي فون؟ حور: نعم. انس: معاكي فون يعني عشان لو حصل حاجة وأنا مش في البيت أقدر أوصلك وتوصلي لي. حور: أيوه. انس: طيب قولي رقمك. حور: 010****** انس: تمام كده.

حور: بس هنا.. أنا هطلع أجيب لبسي وأنزل. انس: تحبي أطلع معاكي؟ حور: لا لا شكراً. انس: تمام. طلعت حور واتأخرت قوي فوق. فجأة تليفون انس رن برقمها. انس: الو؟ أيوه ي حور؟ حور: ااااااه! ابعد عني.. سيبني بقولك ي حيوان! ااااه! انس أول ما سمع صوتها طلع جري على العمارة وبدأ يقرب من كل شقة يسمع صوتها. وفجأة سمع صوت حاجات بتتكسر وأنين جاي من شقة. بدأ يخبط على الباب. حور: الحقووو نييي!

انس فضل يضرب الباب برجله لحد ما اتكسر. دخل لقي اتنين رجالة واقفين ومكتفين حور، وحور شكلها متبهدل خالص. مسعد: انت مين وعايز إيه؟ انس: أنا اللي مين؟ وماسكها كده ليه؟ ابعد إيدك عنها. مسعد: إني جوزها وجاي أهنه عشان آخدها معايا البلد، انت اللي مين؟ انس بص لحور وقال: انس: جوزها إزاي وأنا جوزها؟ مسعد وعصام وحور انصدموا: 😳 مسعد: انت مجنون ي جدع انت؟ جوزها كيف يعني؟ انس: زي ما سمعت، نزل إيدك عنها.

مسعد: مش نازل، وأعلى ما في خيلك أركبه. انس فجأة طلع مسدس من ضهره وصوبه ناحية مسعد. انس: سيبها. مسعد: مش هسيبها. فجأة صوت طلقة طلع. ي ترى جت في مين؟