رواية أحببتها في منامي الفصل التاسع 9 - بقلم اية سلمان

انس: الو. زياد: الحق يا انس، حور فاقت. انس: بجد؟ طيب أنا جاي حالا. زياد: طيب توصل بالسلامة. قفل انس معاه ولف بص لمسعد. انس: أنا بقول كفاية كده عليك، مروان تاخده وتاخد شريط الفيديو وتسلمه للبوليس، بس روّقوا شوية قبل ما تودوهم. مروان: حاضر، بس انت رايح فين؟ انس: زياد بيقول حور فاقت، رايحله. مروان: بجد، حمد الله على سلامتها. انس: الله يسلمك، همشي أنام. مروان: تمام. انس خرج وركب العربية وطار على المستشفى.

انس دخل المستشفى وهو بينهج. انس: زياد، حور فاقت. زياد: خد نفسك، أيوة فاقت وكويسة، الحمد لله، الدكتور طمني. انس: الحمد لله، أنا هدخل أطمن عليها. زياد: ادخل. انس دخل لقي حور نايمة، قرب منها وباس راسها، ففتحت عينيها. انس: حمد الله على سلامتك. حور: الله يسلمك. انس: قلقتيني عليكي، انتي عاملة إيه دلوقتي؟ حور: أنا كويسة، متقلقش. انس قرب منها وحضنها جامد. حور: ااه. انس بعد عنها بخوف: أنا آسف، غصب عني، أجيب الدكتور؟

حور: لالا، مفيش داعي. انس: حور، انتي قبل ما تفقدى وعيك قولتيلي إننا اتقابلنا قبل كده. حور: أ أيوة، أنا شوفتك قبل كده كتير، بس انت مكنتش بتاخد بالك مني. انس: إزاي دا؟ حور: دار الأيتام اللي انت بتروحها كل أسبوع، أنا كنت بروحها كل فترة وشوفتك هناك أكتر من مرة، وكنت بتعمد أروح كل أسبوع في نفس معادك عشان أشوفك، بس انت مكنتش بتشوفني. انس: معقول؟ بس إزاي مشوفتكيش ولا مرة؟

حور: انت شوفتني مرة واحدة، لما كانت قمر تعبانة ودخلت الأوضة بتاعتها تشوفها، ولأن أنا ممرضة كنت بكشف عليها في اليوم دا، انت شوفتني بس للحظات. انس بدأ يفتكر. فلاش باك. انس راح دار الأيتام دي وبدأ يدور على قمر بين الأطفال، مشافهاش. انس: أمال فين قمر؟ مش شايفها. سعاد: تعبانة شوية. انس: نعم؟ تعبانة إزاي؟ طيب هي كويسة؟ آخدها للدكتور؟ سعاد: لالا، هما شوية برد، وفيه ممرضة هنا كشفت عليها. انس: طيب ممكن أشوفها؟

سعاد: أه طبعاً، اتفضل. دخل انس الأوضة عند قمر، وكانت حور واقفة بتطمن عليها. انس: إيه يا ريري؟ مدام سعاد بتقولي إنك تعبانة؟ قمر: لا، دول شوية برد كده، متقلقوش عليا، أنا كويسة. انس: أيوه كده، خليكي جامدة، بس المهم تاخدي الدوا. قمر: لا مش عايزة، ده وحش قوي. انس: كده؟ طيب أنا مش هاجي تاني بقى. قمر: لالا، خلاص هاخده. انس رفع عينه بص لحور. انس: بعد إذنك، اديها أنا الدوا.

حور ادتله الدوا وإيدها لمست ايده لثواني، حست قلبها هيقف، وانس أدى الدوا لقمر وباسها ومشي. نهاية الفلاش باك. انس: افتكرت. حور: أنا مكنتش عايزة أعرف إن أنا شوفتك قبل كده. انس: ليه؟ حور: معرفش، خوفت تفتكر إني بلعب عليك عشان فلوسك. انس قرب منها قوي وطبع قبلة على شفايفها برقة. حور: انس! انس طبع بوسة تانية على شفايفها، ولكن أقوى شوية. انس: ششش، متتكلميش، حسابك معايا لما نخرج من هنا.

حور كانت في عالم تاني، فجأة فاقت على خبط الباب. زياد: إيه يا حور، عاملة إيه دلوقتي؟ حور: الحمد لله يا زياد. زياد: طيب قومي بقا كده وفوقي عشان نرجع البيت. حور: حاضر. انس: زياد، تعالي معايا نسأل الدكتور عن معاد خروجها. زياد: حاضر. حور: آآآنس. انس بص ليها وخرج. حور: يادي النيلة، أكيد زعلان مني، أووف. الباب خبط، طق طق. حور: ادخلي. نور: السلام عليكم. حور: وعليكم، انتي مين؟ نور: أنا نور، احم، حبيبة زياد.

حور: ههه، انتي مكسوفة كده ليه؟ 😂 تعالي ادخلي. نور دخلت وقعدت على كرسي قريب من حور. نور: انتي عاملة إيه دلوقتي؟ حور: الحمد لله بخير، بس قوليلي إيه القمر ده؟ لا، الواد زياد طلع عنده ذوق. نور: ولا ذوق ولا نيلة.. احم، معلش اصلي عفوية شوية. حور: هههه، لا عادي، انتي أختي يعني. 😂😂 فضلوا يتكلموا سوا، وانس طلع طلب خروج لحور من المستشفى، وروحوا البيت. انس داخل شايل حور على إيده، وزياد داخل معاه.

انس طلع على فوق ودخل الأوضة وقفل الباب برجله ونزل حور بالراحة على السرير. حور: انس، لو سمحت عايزة أتكلم معاك. انس: _حور: انس. انس: نعم. حور دموعها بدأت تنزل من عينها: أنا آسفة. وبدأت صوت شهقاتها يعلي. انس قرب منها وحضنها: ششش، متتأسفيش، خلاص، متعيطيش. مسح دموعها وقرب منها وطبع بوسة على شفايفها. حور اتكسفت وخدودها احمرت قوي. انس: هههه، بصي وشك احمر إزاي. تعالي يلا عشان أغيرلك. حور: نعم؟ انس: هساعدك في أي، أنا جوزك.

حور: لالالا، أنا هساعد نفسي. انس: شششش، اسكتي. غيرلها هدومها ولبسها بيجامة واسعة ومريحة، ونزل تحت. انس: زياد، تعالي عايزك. زياد: حاضر. أخده ودخل المكتب. انس: بكرة العشا هنروح نطلب إيد نور. زياد: إيييه؟ بتتكلم جد؟ احلف يستا، احلف. انس: والله. زياد: نووووووور! هنتجوز ي بت! انس: يبن الهبلة، اسمعني للآخر. زياد: أؤمرني. انس: *****. تري أي هيحصل.