رواية احببتها منذ البداية الفصل السابع 7 - بقلم علياء مصطفي

نور دخلت لقيت مايا بتبوس شريف. شريف بعد عن مايا بسرعة. مايا: أى يا حبيبى وبصيت لنور أنتى جيتى لسا بدري. نور: أنتى مقرفة أوي أى اللى مدخلك أوضتى. مايا: أوضتك أنتى صدقتى نفسك ولا إيه دى أوضة حبيبى يا ماما وأنتى هنا ضيفة مش أكتر. نور مسكتها من شعرها وطلعتها بره وقفلت الباب من جوه. شريف ساكت. نور: أنا وماما جينا من شوية واشترينا كل حاجة. شريف باستغراب من رد فعلها: أنتى كويسة. نور: أه الحمدلله ليه؟ شريف:

مش عايزة تعرفى إيه اللى حصل. نور: لا وهعرف ليه أنا مالى أنت جوزى على الورق وعلشان كدا طلعت مايا قدام الناس لكن أنت حر تعمل اللى تعمله لكن مستحيل أعاتبك. شريف بضيق من برودها: أنا رايح الشركة ولما أجى أبقى البس. نور: طيب. شريف وهو طالع. أحلام: خد هنا رايح فين. شريف: رايح الشركة يا ماما ليه فيه حاجة. أحلام: أيوا طبعا فيه النهارده فرحك والا أنت ناسي. شريف: دا منظر يا ماما مش أكتر. أحلام:

بس برضو الناس متعرفش كدا تقول إيه. محمد: اسمع الكلام يا شريف مفيش شركة النهارده. كريم: ويا سيدى لو على الشغل هروح أنا وأجى 6 بالكتير قبل الفرح. شريف بضيق: ماشي. طلع شريف. وهما تحت بيجهزوا للفرح بكل حب. وجت الميكب أرتست لنور. نور لحلام: مكنش فيه داعي للميكب أرتست يا ماما. أحلام بحب: أنا عارفة إنك مش محتاجة يا حبيبتى بس هي هتحط لمسات خفيفة. الميكب:

أيوا هي كلها مسكرة وروج وأنتى ماشاء الله تبارك الرحمن عليكى مش محتاجة أصلا. نور بحب: طيب. وبدأت تلبس وتحط الميكب. عند شريف كان هو وكريم فى الأوضة بيجهزوا. كريم: طلع مز أوي يا شرريفو. شريف: سمعنى سكوتك. كريم: أنا من النهار ملاحظ عليك إنك متضايق فيه حاجة. شريف: أيوا يا كريم وحكاله اللى حصل فى النهار. كريم بصدمة: وانت إزاي تعمل كده. شريف: هي اللى جت الأوضة أنا زعقت فيها بس هي بستني وبس ودخلت نور بعدها على طول. كريم:

أنا مش عارف رد فعلها إزاي كانت كدا. شريف: كلها شهرين وهنطلق. كريم: بس أنت بتحبها. شريف: لا لا دا مش حب دا إعجاب بشكلها مش أكتر. كريم فى نفسه: باين جدا عليك يا شريف. وجهزوا نفسهم ونزلوا تحت. عند نور بعد ما جهزت. الميكب: أجمل عروسة عملتها ميكب أى الجمال دا ربنا يحفظك ويحميكى. طلعت أحلام: مشاء الله تبارك الله عليكى يا مرت ابني ربنا يحميكى من العين.

نور كانت لابسة فستان أبيض جميل متزين بالألماس بكم والطرحه طويلة وجميلة جدا وميكب خفيف جدا. نزلت نور. شريف وكريم عينهم مش اتشالت من عليها وهي نازلة. شريف فى نفسه: هوا بجد فيه فى الدنيا زي جمالك يا بتى. كريم فى نفسه: يخربيت جمالك أنتى فى قمة الروعة فيه جمال كدا. وبعدها مسك شريف إيد نور وراحوا يكتبوا الكتاب. المأذون: فين موكلك يا عروسة. مكنش ينفع أخوها ولا أمها طلع كريم وقال أنا موكلها.

نور ابتسمت له وهمست له شكرا يا كيمو. كريم: ابتسم وقال ولو أنتى أختى يا نور. وبعدها انتهى المأذون بجملته الشهيرة بارك لكما وبارك عليكما وجمع بينكما فى خير. راحت دعاء وهي بتبكي كبرتى يا نور عيني وبقيت أشوفك بالأبيض. وأحمد: وانا مين هيلعب معايا البيت هيكون ممل من غيرك. نور: هيجي عندكم من وقت للتانى يا حبيبى. شريف حس بغيرة. وشريف سلم على المعازيم ومش كان راضي يخلي حد يسلم على نور. وخلص الفرح على خير ونور وشريف طلعوا.

غيرت نور الفستان ولبست بيجامة مريحة وسابت شعرها. وجابت فشار وقعدت قدام التلفزيون. شريف خد شور وطلع لقى نور فى الصالة. شريف وهو منبهر من جمالها: أنتى إيه اللى مقعدك. نور: أى حرام ولا إيه برضو. شريف: طيب مش تتأخرى فى النوم. دخل شريف وقفل عليه الباب. بعد 3 ساعات طلع يشرب لقى التلفزيون مفتوح ونور نايمة. طفى التلفزيون وجه يشيلها راحت عطيته بوكس فى وشه وقالت ابعد عنى واتفاجئت إنه شريف. شريف بالم:

يخربيتك دا أنا كنت هنيمك عدل على الكنبة. نور: معلش أنا آسفة مكنش قصدي وبعدين أنت مالك. شريف: تصدقى أنا غلطان براحتك. ودخل نام. ونور جابت المخدة ونامت. تانى يوم الصبح. نور: أه يا راسى. وقامت وفصلت تخبط على شريف علشان تاخد شور وتاخد هدوم لقى ما شريف طلع وهو لابس البنطلون وقالها إيه إيه عايزة إيه على الصبح نور وهي بتغمض عينيها. كانت عايزة هدوم عايزة أخد شور. شريف: طيب مغمضة عينك ليه. نور: بص لمنظرك وروح البس. شريف بضحك:

طيب ادخلى. دخلت نور أخدت هدومها وطارت. شريف بضحك: دا أنتى طفلة أوي. نزلوا شريف ونور. أحلام: صباح الخير يا حبايبى تعالوا. كريم ومحمد: صباح الخير. نور وشريف: صباح الورد. ونزلوا وقعدوا فطروا. نور لكريم: أنت صاحب شريف. كريم: أه من الطفولة. نور: اهاا شكرا يا كريم مرة تانية. كريم بابتسامة: شكرا على إيه أنتى أختى ومرت أخويا. نور ضحكت له. شريف كان هيولع من الغيرة. وبعدها خلصوا أكل. شريف: أنا طالع فوق أجيب ملف ورايح الشركة.

وفجأة طلعت مايا بلبس مثير قدام شريف. شريف: أنتى عايزة إيه. مايا: وحشتني يا حبيبى ولفت إيدها على رقبته. شريف: أنتى مقرفة أوي ابعدى عنى. بعد عنها ومشى. وهو رايح الشركة. نور وهي لابسة: استنى أنا رايحة الكلية وصلني معاك. شريف: كلية كلية إيه النهارده. نور: زى ما أنت رايح الشركة أنا رايحة الكلية. مايا طلعت وأنا كمان رايحة الكلية. نور: جاية تقعد قدام جمب شريف. مايا سبقتها وقعدت. مايا:

اقعدى ورا يا حبيبتى دا مكانى. شريف اتضايق. نور: طيب أنا هروح أركب مع كريم. نور: ممكن توصلني الكلية. كريم: عيونى أكيد اركبى. شريف نزل وقالها: مش هتروحى غير معايا. قامت مايا وركبت نور. وكريم خد مايا وطلعوا. وصلوا الكلية وبعدها شريف وكريم مشيوا للشركة. نزلوا نور ومايا. مشت نور مايا بغل: هفضحك تمن كل دا غالى أوي. نور وهي مش مرتاحة لبصات الناس ليها: هوا فيه إيه. واحدة جت عندها:

أنتى بقى اللى لفيتى على شريف الجبراونى وخليتيه يتجوزك هما كدا الشحاتين. نور مسكت إيدها ولفتها. نور: لو أنتى مش عارفة أنا مين هعرفك بنفسى ولو خايقة علي روحك ابعدى عنى واللى والله أخليكى تتمنى الموت ومش تلاقيه. البنت بوجع: سيبى إيدى بقولك سيبها خلاص أنا آسفة. نور سبتها ومشيت. وهي طالعة من الكلية جه شب وقالها أنتى نور. نور: أه أنا أقدر أساعدك بإيه حاجة.

الشب قرب منها وقالها أنتى جميلة أوي إزاي خليتى واحد وحش زى شريف يتجوزك أنتى ناعمة أوي. جه شريف ونزل ضرب فيه لحد ما كان هيموت فى إيده. شريف بغضب جحيمي: دا أنت هتموت النهارده. لحد ما العميد جه وحاشوا. العميد: إيه اللى حصل يا شريف بيه مينفعش كده. شريف: أنت عارف أنا ممكن أعمل إيه الكلب دا يتفصل من الجامعة. العميد: شريف بيه دا مينفعش. شريف: اللى أقوله يتنفذ. العميد: حاضر يا شريف بيه. شريف خد نور وطلع بيها على العربية.

مايا راحت عند الشب وقالت له أنت كويس. الشب بالم: لا خالص. مايا: تعالا معايا أنت عايز نور. ماجد: أوي أوي. مايا: طيب تعالا أقولك هتعمل إيه. وقالت له على الخطة. ماجد: دا أنتى الشيطان يتعلم منك. مايا: أمال دا أنا هندمها أوي. عند شريف بعد ما وصل البيت وملامحه غير مبشرة بالخير طلع الأوضة وفضل يكسر فى الأوضة وكل حاجة قدامو. شريف بغضب جحيمي: أنتى بتاعى أناااااووبسسانتى فاهمة. نور بخوف: أيوا فاهمة. مسكها من إيدها:

والله والله يا نور لو اللى حصل دا اتكرر مش هرحمك أنتى مراتى فاهمة. نور بعيط: فاهمة والله مش هيتكرر. وسبها تبكي وطلع. نور بتبكي: هوا أنا عملت إيه لكل دا يارب. وفضلت تعيط فى الأوضة. فى الليل نور نزلت الجنينة. وشريف كان باصص عليها من الشباك. وفجأة…