رواية احببتها رغم عجزها الفصل الرابع والعشرون 24 - بقلم الكاتبة الصغيرة

ملك في الأوضة. "بت يافاطمة أي اللي انتي عملتيه يخربيتك؟ "الواد سمعت إنه بيجهز لفرح كبيرة أوي وهيجوزك." فاطمة بفرح: "معملتش حاجة، بس هنتجوز خلاص. ألف مبروك لبنتي." ملك: "ألف مبروك ليكي انتي ياقلبي، بجد طلعتي ناصحة يابت." فاطمة: "تعليمك يابرنسيسة." ملك: "تعليم مين، دانا اللي هتعلم منك." فاطمة: "هههههه مش لدرجة." ملك سمعت صوت حاجة وقعت بره. ملك بتوتر: "استني أشوف في إيه." راحت فتحت الباب. فاطمة على الفون: "في إيه، مين؟

ملك: "ها، لا مافيش حاجة، المهم يلا أسيبك دلوقتي عشان طالعة مشوار." فاطمة: "اشطا، بس أوعي تتأخري على فرحي." ملك: "مقدرش أتأخر ياروحي، يلا باي." فاطمة: "باي." فاطمة قفلت مع ملك وبضحك: "هههههه، وخلاص خطتي نجحت وهتكون جوزي وهكون مرات مازن المصري وكل الأملاك دي هتكون ليا." وقامت دخلت عند كيان. فاطمة وهي بتزق كيان برجليها: "قومي ياخدامة عشان تباركي لستك فاطمة وسيدك مازن." كيان باستغراب: "مين اللي خدامة دي؟

وهبارك ليكم على إيه؟ فاطمة: "النهاردة فرحي أنا ومازن." كيان بصدمة: "مستحيل، مازن جوزي أنا بس." فاطمة: "هههههه، كان زمان. والنهاردة أنا اللي هكون مراته." كيان بعياط: "لا مستحيل، انتي كدابة. مازن مستحيل يتجوزك عشان جوزي أنا وبيحبني أنا." فاطمة: "هههههه، خلاص يلا جهزي نفسك عشان أخليكي تحضري الفرح. باي عشان مش فاضية وهروح عند الكوافير." وسابتها وطلعت وقفل عليها الأوضة. فاطمة: "خلوا بالكم منها عشان رايحة مشوار."

"تمام ياهانم." كيان بعياط: "مستحيل، هي أكيد بتكدب عليا. مازن بيحبني أنا بس ومستحيل يبص لحد غيري وهو ليا أنا بس." عند مازن. "الو، أي فينك؟ فاطمة: "قدام الفلة أهو." مازن: "تمام، هبعتلك السواق يوديكي الكوافير." فاطمة: "تمام، بس انت مش جي معانا؟ مازن: "عندي شغل أخلصه وأنا هاجي آخدك." فاطمة: "تمام." مازن: "كيان هاخدها منك إمتى؟ فاطمة: "بعد الفرح." مازن: "تمام، سلام." فاطمة: "باي يابيبي." مازن: "اشطا، وأخيرًا."

عند معتز ومحمد وبوسي. معتز: "مازن بيقولكم تفرحوا وتلبسوا أشيك لبس." محمد: "هو الواد ده اتجنن ولا إيه؟ إحنا مش هنحضر الفرح أصلًا، بلا قرف." بوسي: "بابا عنده حق، أنا مش هحضر برضه." معتز: "لازم نحضر، لأن أنا متأكد إن مازن بيخطط لحاجة وهيعملها. وكمان فاطمة هي اللي خاطفة كيان، فاكيد في حاجة." بوسي: "حاجة إيه؟ معتز: "معرفش، بس لازم نسمع كلام مازن لحد ما نعرف بيعمل كل ده ليه."

بوسي: "يعني عايزنا نسمع الكلام ونلبس ونطلع نحضر الفرح؟ معتز: "آه، والأكبر إنه بعتلك الفستان الجديد ده، وعمي بدلك في أوضتك." محمد: "لا، انتوا اتجننتوا. أنا مش هحضر وهسافر دلوقتي أشوف حد يعرف يساعدني في موضوع كيان." معتز: "عمي، اسمع الكلام وحياة كيان." محمد: "ماشي، لما أشوف آخرتها." أوّع وسابها ومشي. بوسي قعدت على السرير وزعلانة. معتز قعد قدامها على رجله. معتز: "حبيبتي، زعلانة ليه؟

بوسي: "يعني كل اللي بيحصل، وبتسألني زعلانة ليه؟ معتز: "آه، انتي أخت مازن، وأكيد بتفهمي أخوكي من غير ما يحكي حاجة. فلازم تكوني فهمتي إنه بيحب كيان وممكن يضحي بحياته عشانها، فاكيد مش هيتجوز واحدة غيرها. واكيد هو بيعمل ده كله عشان في خطة بيعملها." بوسي: "طيب هنعمل إيه إحنا دلوقتي؟ نقف نتفرج وهو لوحده؟ معتز: "مازن ناصح وأنا واثق فيه. المطلوب مننا نسمع كلامه ونعمله." بوسي: "حاضر، هسمع الكلام."

معتز: "تمام، أيوه دي حبيبتي العسل. يلا قومي جهزي نفسك عشان شوية كده الضيوف هتيجي." بوسي: "حاضر، اطلع بره طيب." معتز: "انتي هتغيري في الحمام، فروحي وأنا هستنى هنا عادي." بوسي: "بره، يلا عيب اطلع." معتز: "دانا حبيبك، وأول ما نلاقي كيان بالسلامة هكون جوزك." بوسي: "كيان قالتلي: 'مهما كان اللي قدامك ياخويا، حتى لو كتبنا الكتاب، ميقعدش معايا في أوضة واحدة مدام متجوزتوش قدام الناس.'"

معتز: "طيب ياحضرة الشيخة انتي وهي، طالع." بوسي: "شاطر." معتز: "عارف أحسن منك." بوسي: "مجنون وربنا." عند فاطمة. خلصت ولبست الفستان ومستنية مازن يجيلها. ملك: "حبيبتي قلبي، ألف مبروك." فاطمة: "الله يبارك فيكي ياماما، ياقمر. انتي مازن جي معاكي؟ ملك: "لا، أنا جي لوحدي." فاطمة: "أمال هو متأخر ليه كده؟ استنى أرن عليه." مازن: "الو، أيوه." فاطمة: "فينك؟ مازن: "في الطريق أهو، دقيقة وهكون عندك." فاطمة: "تمام يابيبي، بسرعة باي."

ملك: "ها، جي؟ فاطمة: "آه." ملك: "طيب همشي أنا قبل ما يجي عشان ما يمكن يشك في حاجة." فاطمة: "تمام، ماشي." ملك: "يلا باي ياحبيبتي." فاطمة: "باي ياماما." مازن وصل أخد فاطمة وراح على الفلة. فاطمة: "مازن، أنا فرحانة أوي. أخيرًا هبقى مراتك." مازن: "وأنا كمان ياحبيبتي." فاطمة: "طيب مستني إيه؟ فين المأذون بسرعة عشان يكتب كتب الكتاب." المأذون: "هيجي دلوقتي، مستعجلة على إيه؟

معتز من بعيد: "فكي التكشيرة عشان مش لايقة على القمر." بوسي: "اتلم، الناس حوالينا." معتز: "محدش ليه عندي حاجة، أنا بتغزل في حبيبتي ومراتي المستقبلية." بوسي: "قلت اتلم، ها اتلم." معتز: "رخمة، حاضر." فاطمة: "ها، يلا فين المأذون؟ مازن: "أهو." فاطمة شدت المأذون وقعدوا. "يلا ياحضرة المأذون اكتب بسرعة وخلص." والكل عمال يضحك عليها. المأذون: "حاضر يابنتي، اهدي." فاطمة: "حاضر." المأذون: "بارك الله عليكم وبارك لكم."

فاطمة: "لولولولولولوي، ألف ألف مبروك ياحبيبي." بوسي واقفة عمالة تبصلهم بقرف. معتز: "اضحكي شوية." بوسي: "أضحك على إيه، مش شايف اللي بيحصل؟ معتز: "اضحكي عشان المفاجأة اللي هتحصل، وجهزي نفسك عشان هنرقص ونهيص." بوسي باستغراب: "انت شكلك اتجننت زيه." فاطمة: "مأذون، أنا مش مصدقة نفسي إني خلاص بقيت مراتك." وصوت من على السلم من فوق: "ولا أنا ياغالية."