رواية احببتها رغم صغر سنها الفصل التاسع عشر 19 - بقلم اميره محمد

بعد مرور أسبوع على أبطالنا دنيا وأحمد، جهزوا كل حاجة علشان كتب الكتاب. محمد بيخطط علشان يخرب الجوازة. مها ولدت وجابت ولد شبه محمد. *** يوم كتب الكتاب. دنيا وهي بتلبس: ندي هاتيلي الصندل. ندي جابتلها الصندل ولبستهولها: قمر يا مامي. دنيا: أنتي القمر يا حبيبتي والله. مريم، أخت أحمد: يلا يا دنيا المأذون جه. دنيا: حاضر يا حبيبتي. دنيا خرجت وكانت زي القمر، قعدت جنب أحمد. أحمد وهو بيهمس ليها: مكنتش أعرف إنك قمر كدا.

دنيا دست على رجله. أحمد بوجع: آآه. أدهم: في إيه يااض. دنيا بتضحك: قولهم في إيه. وفضلت تضحك. بعد مدة. المأذون: بارك الله لكما وبارك عليكما وجمع بينكما في خير. أحمد حضن دنيا جامد وعيط، ما حب 7 سنين بقى. أحمد بعياط: كنت بحلم باليوم ده من زمان، ولما عرفت إنك متجوزة زعلت وقولت خلاص هي مش هتكون ليا، بس ربنا أراد إنك تكوني معايا، بحبك أوووي. دنيا اكتفت إنها تحضنه وخلاص. مريم، أخت أحمد: كفايا بقى.

وشدت دنيا وحضنتها: ألف مبروك يا مرات أخويا. دنيا: الله يبارك فيكي يا حبيبتي، عقبالك يارب. مريم: لا لا لسه بدري يستي. دنيا ضحكت. وبعدين أدهم جاله: ألف مبروك يا حبيبتي، شوفتي ربنا عوضك إزاي. دنيا: عوض ربنا حلو أوووي. اليوم عدى على خير، وكل واحد راح بيته. دنيا كانت قاعدة بتفكر، يا ترى محمد عرف ولا لأ. بس أكيد دعاء قالتله. طب هو قال إيه؟ يارب بقى. طب هو أنا بفكر فيه لي بقاااا. أوووف.

قطع تفكيرها تليفونها بيرن، لقيته أحمد. أحمد: بقولك إيه، البسي وتعالي نخرج في مطعم، إنما إيه جااامد. دنيا ابتسمت: حاضر، هاخد إذن أدهم. دنيا قفلت، وبعدين خرجت. لقت أدهم ودعاء قاعدين. دنيا: أحمد كان عاوزني علشان نخرج نتعشى مع بعض. أدهم: يا حبيبتي ده بقا جوزك، فاخرجي من غير إذن عادي. دنيا: حاضر. وقامت ولبست ورنت على أحمد وخرجوا. راحوا مطعم مشهور. دنيا: المطعم شكله غالي يا أحمد. أحمد: مفيش حاجة غالية عليكي يا حبيبتي.

دنيا ابتسمت. أحمد طلب أكل هو ودنيا. بعد مدة خلصوا أكل وراحوا يتمشوا على الكورنيش. دنيا: أنا خايفة عليك. أحمد بص لها: من إيه يا حبيبتي. دنيا: محمد. أحمد: هيعمل إيه يعني، وحتى لو عمل متخفيش عليا، أنا بستحمل. دنيا: مهما كان برضه يا أحمد، إنت خلاص جوزي ولازم أخاف عليك. أحمد مسك إيدها وباس راسها: وأنا أوعدك يا حبيبتي إني أعوضك عن كل حاجة، متخفيش. دنيا ارتاحت. بعد مدة. دنيا: يلا نمشي، الجو سقعه.

أحمد قلع الجاكت ولبسه لدنيا. دنيا: إنت لابس بنص كم يا أحمد. أحمد عطس: متقلقيش. دنيا: لا لا، إنت كده هتخليني أقلق. بعد شوية الجو مطر. أحمد ودنيا جريوا تحت المطر لحد ما وصلوا البيت. دنيا: ادخل غير هدومك علشان كده هتتعب. أحمد: طب عاوز حاجة صغننة كده. دنيا: إيه هي. أحمد شاور على خده. دنيا: تؤتؤتؤتؤ، ممكن حد يشوفنا. أحمد قرب منها: خلاص هاخدها أنا. دنيا بعدت عنه: يعم ادخل، هتاخد برد. أحمد: تؤ، آخد البوسة الأول.

دنيا دبدبت في الأرض: حاضر حاضر. وباسته من خده ودخلت بسرعة. أحمد ضحك عليها. *** تاني يوم. دنيا صحيت استغربت إن أحمد مرنش عليها. بس لقت مريم رانة عليها كتير. رنت عليها. دنيا: إيه يا مريم، في حاجة. مريم: أحمد تعبان أوووي، حرارته عالية وجبنا له الدكتور وقال لازم نهتم بيه ونديله العلاج ونشرب حاجات سخنة كتير. دنيا: طب أنا هلبس وجاية. دنيا لبست الإسدال وراحت عنده وخدت مازن معاها علشان كان صاحي. دنيا دخلت أول ما مريم فتحت.

دنيا دخلت لأحمد. لقيته صاحي. دنيا: مش قلتلك يا أحمد هتتعب. أحمد بتعب: مش بدل ما إنتي تتتعبي. دنيا: أوووف بقا. أحمد مسك إيدها: مالك يا حبيبتي. دنيا: قلقانة عليك. أحمد: أنا كويس متقلقيش. مريم دخلت ومعاها مازن: يلا علشان معاد العلاج. دنيا: هاتي العلاج يا مريم، ولا أقولك هقوم أعمل الفطار علشان ياخده. أحمد مسك إيدها علشان متقومش: خليكي متتعبيش نفسك. وفضل يكح. دنيا جابتله مايه شرب: نام شوية على ما أخلص الفطار.

دنيا قامت جهزت الفطار وندهت لأدهم وأميرة ودعاء. وعبد الكريم كان راح الشغل. وندهت للعيال علشان يفطروا. وهي خدت الفطار ودخلت لأحمد. دنيا قعدت جنبه: يلا علشان تاكل. أحمد عدل نفسه: طب وإنتي. دنيا وهي بتأكله: هاكل بعدين. أحمد: لا كلي معايا. دنيا: حاضر بس كل بس. أحمد كل وخد العلاج ونام. دنيا خرجت. أدهم: هو عامل إيه دلوقتي. دنيا: كويس الحمدلله. ندي: أنا عاوزة أدخل أشوف حموكشه. مالك بعصبية: اسمه بابا، احترمي نفسك بقا.

ندي عيطت. دنيا: في إيه يا مالك، هما صحاب. إنت الوحيد اللي خدت طبع محمد، مكنتش عاوزة كده والله. مالك مشي سابهم. بعد مرور وقت طويل. أحمد صحي وخرج برا. دنيا أول ما شافته: إيه اللي خرجك يا ابني، إنت تعبان. أحمد بتعب: لا لا كويس، متقلقيش. دنيا قامت حسست على وشه. لقت لسه سخن: لا لا، إنت حالتك وحشة يا أحمد. مريم بقلق: طب هنعمل إيه. دنيا: هنزل أجيب له علاج. أحمد: لا مش هتنزل لوحدك، هنزل معاك. دنيا بصت له: بس إنت....

أحمد قاطعها: يلا يا حبيبتي. دنيا نزلت هي وأحمد وراحت الصيدلية. بعد مدة دنيا جابت العلاج هي وأحمد ومشوا. أحمد: شكرا على كل حاجة عملتيها. دنيا مسكت إيده: إنت جوزي وده حقك. وبعدين أنا مكنتش أتوقع إن ربنا يعوضني بشخص زيك. أحمد ابتسم ليها ومشوا. *** بعد مرور 4 شهور. دنيا حبت أحمد أكتر. ومحمد بيخطط لحاجة علشان ياخد دنيا من أحمد. يوم فرح دنيا وأحمد. أحمد خد دنيا وودها الكوافير. دنيا: أنا معرفش أخوكي صمم إنه يعمل فرح لي.

مريم: إنتي تستاهلي يا حبيبتي كل حاجة. دنيا حضنتها. بعد مرور ساعات. دنيا خرجت وهي لابسة الفستان وحاطة ميكب خفيف قوي ومبين ملامحها. دعاء بفرحة حضنتها: شكلك قمر أوووي. مريم: اختيارات أخويا بجد، برافو. دنيا: أنا بحبكم أوووي. ياسمينة من وراهم: والله وشوفتك عروسة. دنيا بصت وراها. لقت ياسمينة حضنتها: أحلى مفاجأة، وحشتيني. ياسمينة: إنتي أكتر يا حبيبتي. بعد مرور وقت من الضحك والهزار. أدهم

شاف دنيا انبهر بجمالها: والله وعشت وشوفتك بالأبيض. وحضنها وعيط. دنيا عيطت. دعاء: لا لا كده الميكب هيبوظ، ويلا استعدي للفرست لوك. دنيا وقفت وأدت ضهرها للباب. أحمد دخل وكلهم زغرطوا. دنيا أول ما سمعت صوت أحمد لفت ليه. أحمد نزل سجد سجدة لربنا إن حقق أمنيته. وبعدين قام وحضنها وهو بيعيط. دنيا حضنته. أحمد وهو بيمسح دموعه: قمر يا حبيبتي. وباس راسها. أحمد خدها علشان يتصور سيشن. وراحوا القاعة رقصوا وفرحوا وهيصوا. وبعدين روحوا.

نسبهم بقى لوحدهم. *** بعد مرور شهر من جواز أحمد ودنيا. أحمد دور على شغل ونزل يشتغل. دنيا خدت عيلها معاها الشقة علشان يبقوا معاها على طول. ومريم، أخت أحمد، عاشت معاهم. *** دنيا: إنت مش هتنزل الشغل ولا إيه. أحمد بتعب: لا لا، واخد إجازة النهارده يا حبيبتي. دنيا: طب مالك فيك إيه. أحمد: مفيش، أنا كويس. فجأة الباب خبط. دنيا فتحت. لقيته محمد. دنيا بضيق: إيه اللي جابك هنا.

محمد: جاي أوريكم جوزك اللي إنتي اتجوزتيه بيعمل إيه من وراكي. أحمد جه: مين ده يا دنيا. دنيا: ده محمد. محمد: أنا جاي أفضحك قدامها بس يا قمر. وأدى دنيا ظرف. فتحت، لقت فيه صور لأحمد مع واحدة تانية. دنيا ببرود قطعت الصور ورمتها في وش محمد: عاوزة أقولك إن أحمد حكالي على كل حاجة والصور دي قبل ما أعرفه، فا ياريت تريح نفسك وتبطل بقااااا. وقفل الباب في وشه. أحمد: إنت زعلانة صح. دنيا: أنا واثقة فيك يا حبيبي.

أحمد بفرح: إنتي قولتي إيه. دنيا بكسوف: حبيبي، إيه حرام لما أقول لجوزي كده. أحمد حضنها. *** محمد بعد ما خرج من عند دنيا: والله ما هرحمك يا أحمد.