رواية احببتها صعيدية الفصل السابع عشر 17 - بقلم رفيدة وائل

رفيدة وقفت قدام تميم: تميم أنا معيدة في كلية صيدلة. هرنا بخضة: جدييي. تميم: نورت يا جدي. اتفضل، معرفتنيش ليه؟ كنت جيتلك المحطة. الجد: انتي قولتي إيه يا رفيدة؟ رفيدة بتوتر: أنا معيدة في كلية صيدلة. الجد: وده إزاي؟ رفيدة بدأت تحكي. رفيدة: أنا آسفة يا جدي، بس ده مستقبلي، وانت كنت رافض رفض قاطع. رفيدة: جدي، أنا عارفة إني غلطت لما وهمتك إني بكون عند خالتي وبخرج من وراك، بس مكنش ورايا حاجة تانية.

تميم قعد قدام جده: جدي، رفيدة مغلطتش، بالعكس، دي دكتورة ورفعت راسك، التعليم مهم يا جدي، وأنا حاولت معاك أقنعك تسيبها تكمل. الجد: أنا فخور بيكي يا رفيدة، أنا مش زعلان منك، أنا زعلان إني حرمتك من حاجة بتحبيها وخلّيتك تعمليها سر، كأنك بتسرقي. رفيدة بعياط حضنته: أنا بحبك أوي يا جدي، ربنا يخليك ليا. الجد بحنية: ويباركلي في عمرك يا بتي. تميم: احم احم، خلاص يا رفيدة كفاية أحضان. الجد بضحك: غيران مني إياك.

تميم وشد رفيدة عليه: لا، غيران من إيه بس يا جدي؟ أنا بس عامل عليك، انت جاي من سفر تعبان وعاوز ترتاح. الجد بضحك: لا متخافش عليا، تعالي يا رفيدة جنبي هنا. رفيدة: بس كده، من عيوني. تميم بغيظ: أنا طالع فوق أشوف حاجة، عن إذنك يا جدي. الجد: اطلعي وراه يا رفيدة واعتذري منه، يا بنتي مفيش واحدة محترمة تطلع من البيت من غير إذن جوزها يا حبيبتي، واللي انتي عملتيه غلط. رفيدة: حاضر يا جدي. في الشقة فوق. رفيدة: تميم، انت زعلان؟

تميم بغيظ: إيه مرحلة العشق الممنوع اللي كانت تحت دي؟ خلصت؟ رفيدة بضحك: لا، بس قولت أطمن عليك. تميم بغيظ: لا، كتر خيرك، يلا انزلي. رفيدة: تميم، أنا آسفة إني خرجت من غير إذنك، بس أنا مكنتش عاوزاك تغير نظرتك عني عشان عرفت تعليمي. تميم: وإيه هي نظرتي عنك يا فظة العقل؟ رفيدة بحزن: انت كنت شايفني جاهلة ووحشة يا تميم. تميم مسك وشها بين إيديها وكمل بحنية: عمري يا فراشتي، عمري ما شفتك كده، أنا كنت عارف كل حاجة يا رفيدة.

رفيدة: عارف إيه؟ تميم: حبيبتي، انتي فاكراني ساذج أوي كده؟ أنا كنت عارف انتي خرجتي، روحتِ فين؟ آه صحيح، وشوفتك يوم الاجتماع، بس عملت نفسي مأخدتش بالي. رفيدة: إيه! ومقولتليش ليه؟ تميم: كنت عاوزك تثقي فيا وتقوليلي. انتي كنتي مستنية الوقت ده؟ أنا يوم وفاة أهلك حاولت مع جدك كتير، رفض، بس ساعتها عرفت بحكاية دراستك. منزلي وأنا اللي عرضت على حازم كليتك وعرفته على أنس، أنا كنت عارف كل حركة صغيرة بتخطيها يا فراشتي.

رفيدة: ده كله وليه يا تميم؟ تميم: يمكن عشان بحبك مثلاً. رفيدة: بجد يا تميم؟ تميم: وأكتر يا قلب تميم. رفيدة وداليا. تميم: قولتلك قبل كده شيلي داليا من دماغك، داليا حاجة تانية خالص، رفيدة حاجة تانية. رفيدة: إزاي؟ تميم: هقولك بس مش دلوقتي، دلوقتي يلا ننزل عشان أنس اتصل وقال إنه على وصول. رفيدة: طيب، استني أخلع القميص الأبيض وألبس الأسود. تميم: وده ليه؟ رفيدة: عشان أنا هلبس الفستان الأسود اللي لسه شاريينه.

تميم: آآه، هتبدأي في الشغل ده؟ رفيدة بتمثيل الحزن: خلاص يا تميم، انزل. تميم: خلاص يا قماصة، هغير بس انجزي. قطع كلامهم صوت خبط على الباب. رنا: يلا يا تميم، ماما بتقولك الناس تحت مع جدك. تميم: طيب، أنا نازل أهو، يلا انزلي. رنا: لا، أنا عاوزة رفيدة، هنروح نشتري شوية حاجات لماما. تميم: دلوقتي يا رنا؟ الوقت اتأخر. رنا: ماما نسيت الحاجات اللي هتقدمها، مش هنتأخر يا تميم. تميم: طيب، خدوا بالكم من نفسكم. بعد شوية.

تميم: منورنا يا دكتور. أنس: بنورك، أنا كنت لسه بقول لعمي إن... رنا بصراخ: الحق يا تمييييم! تميم بخضة: اهدي يا رنا، في إيه وفين رفيدة؟ رنا: خدوه يا تميم، الحقها. تمت.