رواية احببتها صعيدية الفصل السادس عشر 16 - بقلم رفيدة وائل

تميم بحزن: انتي مش واثقة فيا يا داليا؟ داليا: يا تميم افهمني، الموضوع مش كده. تميم: لا، الموضوع واضح يا داليا. لما تثقي فيا شوية ابقي كلميني. عن إذنك. داليا: طب خلاص، خلاص استني. موافقة. تميم: بجد يا دودي؟ داليا: آه يا تميم، انت عارف إني أنا بحبك. تميم: طب يلا امضي. داليا: انت مجهز الورق؟ تميم بخبث: طبعًا يا حبيبي، أنا مبقتش قادر أبعد عنك. يلا امضي. داليا: حاضر. ومضت. تميم: تعالي معايا يلا. داليا: هنروح فين؟

تميم: تعالي بس، ما تخافيش، أنا معاكي. بعد فترة. داليا: تميم، أنا مش عاوزة أشرب. تميم: لا يا داليا، يلا عشان خاطري، دا يومنا يا روحي. داليا: حاضر يا تميم. تميم: انتي تعرفي الرائد عمر عزام بقا يا داليا؟ داليا: لا، معرفوش. تميم: ولا أبوكي يعرفه؟ داليا بتوهان: معرفش، بس سمعت أبويا بيكلم حد قبل كده وقاله: "عمر لازم يموت، موقفلي كل شغلي." تميم: شغل إيه دا يا دودو؟ داليا: شغل أبويا. تميم: آه، هو شغال في إيه بقا يا عيوني؟

داليا: بيجيب سلاح من بره. تميم: آه، قولتيلي. داليا: انت بتسأل في الحاجات دي ليه يا تميم؟ تميم: مش لازم أكون عارف كل حاجة عن مراتي. داليا: تميم، أنا راسي وجعاني أوي. تميم: معلش، هيروح الصداع دلوقتي. يلا، أنا همشي وأجيلك تاني. داليا: إحنا مقعدناش مع بعض يا تميم. تميم: مرة تانية بقا يا دودي، عشان عريس رنا جاي النهارده. داليا، وهي بتمسك إيديه: لا يا تيمو، متسبنيش، أفضل معايا. تميم،

ينفض إيديها بحدة: تيمو إيه بس، قلتلك هجيلك مرة تانية بالعيش والحلاوة. مش هتأخر. يلا سلام يا قطة. في الطريق. تميم: قابلني يا مازن، أنا جبتلك الورق والتسجيل. يلا بسرعة. مازن: حاضر، يلا نص ساعة وأكون في مكانا. تميم: ماشي، يلا سلام. بعد فترة. مازن: عاش يا صاحبي، هو دا الشغل ولا بلاش. تميم: عيب عليك يا بني، دا أنا جامد. مازن: خلاص، أنا هروح المحكمة بكرة أقدم الورق وأطلع إذن بالحجر عليهم.

تميم: وأنا هروح بقا، في عريس جاي لرنا، وهشوف أكلم أسر، يارب يفهم وأخلص من الموضوع ده بقا. مازن: طيب يا صديقي، ألف مبروك مقدمًا. يلا سلام. في مكان آخر. الجد: يلا يا وعد يا بتي، هنأتخر، خلينا نلحق الطريق قبل العتمة. وعد: خلاص يا حج، خلصت أهه. في البيت. تميم: رفيدة، عاملة إيه دلوقتي يا ماما؟ هدي: متخافش ي حبيبي، هي كويسة، مع أختك جوه. تميم: طيب، أنا هدخل أشوفهم. الحلوين حبايبي، عاملين إيه؟

رنا: تميم، انت جيت اتأخرت كده ليه؟ تميم، وهو بيبص على رفيدة: حقك عليا يا حبيبي، بس كان موضوع مهم لازم يخلص. رنا: طيب، حمد الله ع سلامتك. تميم: فراشتي، عاملة إيه دلوقتي؟ رفيدة: الحمد لله. تميم: إيه دا؟ هي فراشتي زعلانة مني؟ ما تشوف ماما عاوزاك يا رنا. رنا: انت بتوزعني؟ تميم، وهو بيزقها بره الأوضة: أيوه يا ماما، يلا. تميم: حقك عليا والله، بس كان لازم أخرج، موضوع مكنش ينفع يتأجل. رفيدة: أنا عاوزة أقولك حاجة يا تميم.

تميم: لا، أنا اللي عاوز أقولك حاجة مهمة خالص. رفيدة بفضول: إيه؟ تميم: بحبك. رفيدة: إيه؟ تميم: بحبك يا رفيدة. حقك عليا، تعالي نبدأ من جديد. رفيدة... تميم: رفيدة، قولتي إيه؟ رفيدة: لما تسمعني الأول يا تميم، يمكن تغير رأيك. تميم: مفيش حاجة ع الكون هتخليني أغير رأيي، بس عاوزة تقولي إيه؟ رفيدة: تعالي بره. ماما هدي، ماما، لو سمحتي تعالي لحظة. هدي: في إيه يا بنتي؟ خير؟ انتي كويسة؟ رفيدة:

وقفت قدام تميم: تميم، أنا معيدة في كلية صيدلة. رنا بخضة: جدييي.