رواية احببتها صعيدية الفصل العاشر 10 - بقلم رفيدة وائل

تميم: الو ي حبيبي عامله إيه؟ رفيدة: تمييييييم الحقني! تميم: في إيه مالك؟ أهدي، إنتي فين؟ رفيدة: في البيت، ااااه مش قادرة ي تميم. تميم: طب أهدي، أهدي، ثواني وأكون عندك. بعد 10 دقايق تميم: رفيدة، رفيدة، إنتي فين؟ رفيدة: أنا هنا ي تميم. تميم: مالك؟ إنتي كويسة؟ في إيه؟ رفيدة: خد شوف ماله، عمال يسأل عليك من الصبح. تميم: هو مين؟ وبص على اختبار الحمل اللي في إيديه. رفيدة هزت دماغها بابتسامة.

تميم حضنها بفرحة: مبروك ي روحي، هكون بابا، هكون بابا. رفيدة: أحلى بابا ي عيوني. تميم: تعالي ننزل للدكتور، عاوز أشوفه. رفيدة بضحك: حاضر، حاضر. في العربية تميم حط إيديه على بطنها: هو هييجي إمتى؟ أنا نفسي أشوفه. رفيدة بضحك: لسه بدري، لسه بنقول يا هادي. عاوز ولد ولا بنت؟ تميم: أي حاجة، أي حاجة، مدام منك أنا هحبها. عند الدكتور الدكتورة: مبروك ي مدام. تميم: حالتها إيه؟ والبيبي حالته إيه؟

الدكتورة: لا، البيبي كويس خالص، بس المدام ضعيفة شوية، فهنزود التغذية وهكتبلها على فيتامينات. تميم: تمام ي دكتور، يلا ي حبيبي. تيجي ناكل بره. رفيدة: إيه دا بجد؟ ياريت ي تميم، وبعدها نروح الملاهي. تميم: لا ي روح تميم، هناكل بس، مفيش ملاهي. رفيدة بتزمر: تمييم. تميم: إنتي ناسيه إنك حامل ي بنتي، ملاهي إيه؟ بعد أسبوع رفيدة: إيه رأيك في الفستان؟ تميم: زي القمر ي روحي، يلا اتأخرنا على الناس. رفيدة: بس اتحنت ي تميم.

تميم: تخنتي من أسبوع؟ يلا ي بنتي، يلا، ربنا يهديك. رفيدة: يعني لما أتخن شوية هتبطل تحبني؟ تميم: هو أمي قالتلي عن هرمونات الحمل، بس إحنا لسه في الأول ي رفيدة، أعقلي ي حبيبتي ويلا الناس مستنيانا. رفيدة: أعقل! إنت قصدك إني هبلة. تميم باس راسها: لا ي روحي، إنتي ست العاقلين، ممكن ننزل بقا. رفيدة: إنت بتاكل بعقلي حلاوة. تميم بزهق: ياارب إنت اللطيف بعبادك ياارب، أنا نازل، عاوزه تنزلي تعالي. هدي: إيه ده؟

أمال فين مراتك ي بني؟ تميم: بتحارب على خناقة فوق. هدي: اطلع ي تميم هات مراتك ي حبيبي، ربنا يهديك، دي حامل. تميم: أهي نزلت أهي. تعالي ي حبيبي. رفيدة: ابعد عني، متكلمنيش. تميم بغيظ: وطي صوتك ي حبيبتي، الناس بتبص علينا. رفيدة: كل اللي همك الناس، ااه ي ميلة بختك يا اني، ااه. تميم: إيه ي روحي؟ هي وصلت ندب حظك؟ هتشتغلي هنا ولا إيه؟ الماذون: مين وكيل العروسة؟ تميم: أنا ي سيدنا الشيخ.

الماذون: حط إيدك في إيده ي بني وقول ورايا. تميم: الماذون: بارك الله لكما وبارك عليكما وجمع بينكما في خير. إنس: وحضن رنا: مبروك عليا انتي ي رنووش. رفيدة: شوف ي تميم العرسان بتعمل إيه، مش زيك أول ما كتبنا، يلا ورايا شغل، جتك القرف. تميم بذهول: هي طلبت معاكي نكد لحد جتك القرف؟ لا ي روحي، أهه. وحضنها ولف بيها. هدي: حااسب ي تميم، مراتك حامل ي بني. تميم ونزلها بهدوء: مبسوطة؟ رفيدة: أوي ي تيمو.

تميم في سره: رزق الهبل على المجانين ياارب. رفيدة: بتقول حاجة ي تميم؟ تميم: بقول ربنا يخليكي ليا ي حياتي. رفيدة ابتسمت بخجل: هروح أبارك لرنا. تميم: تعالي، يلا نروح سوا. بعد فترة رفيدة بصراخ: تمييييييييييم! تميم فط بخضة: إيه؟ في إيه؟ البيت بيولع؟ رفيدة: بوووولد بوووولد، الحقني! تميم بتوهان: بتولد؟ ااه بتولد؟ أعمل إيه؟ ااه. وسكت مرة واحدة: بتولدي إيه ي رفيدة؟ رفيدة: بووولد ي تميم، الحقني بسرعة.

تميم: ياارب صبرني، أنا شوفت بتولد في السابع والتامن والتاسع، أما الأول دي أول مرة أسمعها، هااا، بتتولد إزاي؟ رفيدة ضحكت بهبل: ههه، كنت بجرب بس ي حبيبي، أشوفك هتتصرف إزاي. وجريت. تميم وجري وراها: هتروووحي مني فين؟ هجيبك، هتهبليني قريب. رفيدة: غيييث، تعالي هنا يلا، تعبتني. غيث بطفولة: يووووه، كله غيث غيث. رفيدة: عاوز حاجة ي تميم ي حبيبي؟ غيث لف بخضة: بابا.