رواية احببتها صدفة الفصل السادس 6 - بقلم رحمة محمد

دماسر نزل لمستواها: خوفتي صح؟ ابعدي عني بقا عشان مأذكيش أكتر من كده. ليان: اسر انت شارب؟ اسر ضحك: قولتلك ملكيش دعوه، انتي مبتفهميش. وسابها ودخل الأوضة بتاعته. ليان بدموع: يارب. قامت وقفت بصعوبة ودخلت الأوضة بتاعته. ليان وهي بتعقم الجرح: يارب. بعد ما خلصت نامت وآثار الدموع على وشها. بعد ساعات. صوت المنبه رن وليان قفلته وصحيت تجهز عشان تروح الجامعة. وبعد ما جهزت كانت حاسة بدوخة بس خرجت من الشقة وشافت ادهم خارج من شقته.

ابتسمت: صباح الخير. ادهم بابتسامة: صباح النور. ادهم لاحظ إنها تعبانة وماسكة دماغها. ادهم بقلق: مالك؟ ليان بتعب: لا مفيش، دوخة بسيطة بس. ادهم: طب بلاش تروحي الجامعة وارتاحي. ليان: لا مش عايزة أقعد في البيت، أنا كويسة. دخلت الأسانسير وادهم دخل بعدها. فضلوا ساكتين وبعد فترة صغيرة الأسانسير وقف وخرجوا. ادهم سابها وراح لعربيته ورجع ليها تاني. ادهم: ليان ممكن أوصلك الجامعة النهارده؟

ليان: لا شكراً، متتعبش نفسك معايا، عربيتي. ادهم: لو سمحتي. ليان بصت ليه وهزت راسها بالإيجاب وال مشيت بتجاه عربيته. وركب جنبُه وهو مشي بالعربية. ادهم: لي مصممة تروحي؟ شكلك تعبان أوي. ليان: وقت الجامعة أكتر وقت بيخرجني من مشاكلي. ادهم بص ليها: اشمعنى؟ ليان: عشان بشوف أصحابي. ادهم ابتسم: بتحبيهم أوي كده؟ ليان ابتسمت: جداً. هنا ورغد صحابي من الطفولة. ادهم: ربنا يخليكو لبعض. كملوا الطريق في صمت وبعد فترة وصلوا الجامعة.

ادهم: وصلنا. ليان كانت سرحانة. ادهم: ليان وصلنا. ليان فاقت: اي.. أيوا شكراً. ونزلت من العربية وشافت هنا ورغد. وادهم لسه واقف بالعربية. هنا ورغد قربوا من ليان. رغد بخوف: ليان مالك؟ ليان بتعب: هاا... لا مفيش. هنا بقلق: ليان. ليان اغمي عليها ووقعت على الأرض. ادهم نزل من العربية بسرعة. ادهم: ليان. هنا بدموع: يلا ناخدها المستشفى بسرعة. عمرو وصل بعربيته الجامعة وجري عليهم لما شاف هنا بتعيط.

عمرو بقلق وهو بيبص لهنا: مالك في إيه؟ (وبص لليان اللي مغمي عليها) ليان. ادهم شالها وركبها عربيته ورغد معاها وساق العربية بسرعة كبيرة. وعمرو ركب عربيته ومعاه هنا ومشوا ورا ادهم. هنا بدموع: خايفة عليها أوي. عمرو: إن شاء الله هتبقى كويسة، هو إيه اللي حصل؟ هنا بدموع: مش عارفة، هي لسه واصلة وسألناها مالك قالت إنها تعبانة واغمي عليها. ادهم كان سايق العربية بسرعة عالية. رغد بدموع: ليان حبيبتي اصحي، فتحي عيونك.

ادهم بخوف: هتبقى كويسة. رغد دموعها بتزيد: مش بتفتح عيونها. ادهم بص على ليان في المرايا وسكت. بعد فترة وصل عربية ادهم وبعدها عربية عمرو. ادهم شال ليان ودخل بيها المستشفى بسرعة ورغد وهنا وعمرو وراه. ادهم بصوت عالي: دكتور بسرعة. الممرضة: نايمها هنا. ادهم ساب ليان وفضل ماسك إيديها جامد. والممرضة دخلتها أوضة وبعد شوية دخل الدكتور. هنا ورغد واقفين جنب بعض وخايفين على ليان. رغد بدموع: هنعرف اسر؟ هنا: معرفش يارغد.

عمرو قرب من ادهم. عمرو: شكراً ليك، تعبناك معانا، تقدر تمشي. ادهم: هطمن على ليان الأول. هنا قربت منهم: حضرتك مين؟ ادهم: أنا الرائد ادهم التهامي، جارها، شفتها تعبانة وحبيت أوصلها الجامعة لأنها مكنش ينفع تسوق العربية وهي دايخة. رغد بدموع: شكراً ليك جداً. ادهم تليفونه رن وكان حمزة. ادهم بص ليهم: بعد إذنكم. وبعد عنهم. ادهم: الو ي حمزة. حمزة: انت فين؟ اتاخرت أوي. ادهم: أنا في المستشفى. حمزة بخوف: لي؟ مالك؟

ادهم: أنا كويس بس... وحكى اللي حصل. حمزة: طب أنا جاي باي. ادهم: خليك، أنا شوية وجاي. حمزة: لا هاجي وبعدين نروح نفطر سوا. ادهم: انت 24 ساعة أكل. حمزة: مفطرتش يعني اشتغل على لحم بطني كده. ادهم: خلاص اخرس باي. وقفل مع حمزة ورجع وقف معاهم. ادهم سأل عمرو: شوفت الدكتور خارج من الأوضة من شوية، قالك إيه؟ عمرو: قال في خبطة في دماغها وفضلت ساعات ونزفت دم كتير، ودلوقتي بيخيط ليها مكان الخبطة لأنها كانت خبطة شديدة. الدكتور خرج.

ادهم قرب منه بسرعة: هي كويسة؟ هنا ورغد بصوا لبعض باستغراب. الدكتور: أيوا الحمدلله بقت كويسة، الخبطة كانت شديدة ونزفت دم كتير ادي إلى الإغماء، ودلوقتي علقنا ليها محاليل وهتكون أحسن كمان شوية إن شاء الله. هنا بفرحة: ممكن ندخل ليها؟ الدكتور: أيوا اتفضلوا، هي 5 دقايق وهتفوق من البنج. وسبهم ومشي وكلهم دخلوا لليان. وبعد فترة بدأت تفوق من البنج. رغد: حبيبتي انتي كويسة؟ ليان بتعب: اه، دماغي. هنا: ارتاحي ي ليان.

عمرو قرب منها: انتي كويسة؟ ليان: أيوا. ادهم بحزن: طب الحمدلله إنك بخير. ليان بابتسامة: شكراً ليك ي ادهم. ادهم ابتسم: على إيه، المهم إنك بخير. رغد حضنتها: خوفتينا عليكي. ليان عيونها دمعت وهنا لاحظت ده. هنا مسكت إيديها واتكلمت بهمس: كفاية زعل، انتي تعبانة. ليان ابتسمت وهزت راسها بالإيجاب. رغد مسحت دموعها: هروح أجيبلك أكل عشان تفطري. ليان كانت هترفض بس هنا مناعتها ورغد مشيت. رغد أول ما خرجت من الأوضة عيونها دمعت.

رغد: الحمدلله إنها كويسة. ومسحت دموعها ومشيت. وهي ماشية خبطت في واحد. الشاب: آسف ي قمر. رغد بضيق: ولا يهمك. الشاب: إيه القمر كان بيعيط ولا إيه؟ رغد: نعم؟