رواية أحببتها صغيرة الفصل الثاني 2 - بقلم سلمى حجازي

جلال / ايييييه

رضوان / ها اي رايك

جلال / طب ... طب ي حضره العمده اديني فرصه افكر

رضوان / بكره ترد عليا ي جلال

جلال / حاضر ي عمده عن اذنك

رضوان / اذنك معاك

ذهب جلال الي الدار

ميرفت / ها ي جلال العمده كان عايز اي

جلال / العمده طالب يد لرح بنتي

ميرفت / لولولولولوي ي الف نهار ابيض ي الف نهار ابيض

جلال / انتي اتهبلتي ف مخك ي وليه اصبري عاد لما اديله رد حاكم انا جولتله افكر

ميرفت / اييه يخويا تفكر .... هااا ما هو ده اللي ناجص ترفص النعمه بايدك والنبي شجلك اتجننت

جلال / ماهو ي ميرفت البت لسه صغيره

ميرفت / مين دي اللي صغيره ده البت لسانها اطول من سقف الدار ..... اهدي يخويا و وافق ده اكيد مهرها هيكون عالي اوي اوي اوي

جلال / جالي مهرها هيبقى البيت اللي ف الجزيره

ميرفت / اللهم صلى ع النبي لولولولوي .... انت من صباحيه ربنا تروح وتجوله موافق وكتب الكتاب يكون الخميس الجاي سامع ولا لا

جلال / حاضر ي ميرفت حاضر

ف الصباح

ذهب جلال الي منزل العمده وطلب رؤيته

رضوان / تعالي ي جلال اجعد

جلال / انا موافق ي حضره العمده

رضوان / ع خيره الله كتب الكتاب يكون الخميس الجاي

جلال / ان شاء الله ... عن اذنك

وف طريق جلال للعوده وقفه ابراهيم

ابراهيم / مش مكسوف من نفسك عاد

جلال / انت بتتحدد معاي انا

ابراهيم / هوف غيرك هيجوز بنته الصغيره لراجل اكبر منى ومنك

جلال / الموضوع ده ميخصكش

ابراهيم / حرام عليك بنتك ي اخى

جلال / جولتلك ميخصكش ... سلام

عوض / برضك ي ابراهيم جولتلك شيل يدك من الموضوع ده العمده لو عرف هيجطع عيشك

ابراهيم / صعبان عليا البنات دى ي عوض

ابراهيم / ميصعبش عليك غالي يخوي يلا

ف دار جلال

ميرفت / راحه فين ي بت انتي

فرح / راحه المدرسه ي مرت ابوي

ميرفت / اطلعي ي حلوه مافيش مدرسه من هنا وجاي

ميرفت / يعني اي مش هروح المدرسه

جلال / اطلعي ي فرح دلوجت

فرح / حاضر ي بوي

جلال / ميرفت اطلعي كلميها وفهميها بشويش

ميرفت / حاضر

دخلت ميرفت غرفه فرح فوجدتها جالسه

ميرفت / فرح ي حبيبتي

فرح / حبيبتي ؟؟

ميرفت / اسمعيني ي بت .... من هنا ورايح مش هتروحي المدرسه عاد ويوم الخميس الجاي هيكون فرحك ع العمده

فرح / ايييه ... هتجوز العمده

ميرفت / ايوا وي سعدك وهناكي ... هيأكلك احسن اكل ويشربك احسن شرب وهتجعدي معاه ف بيته الكبير اوي وهيلبسك احسن لبس

فرح / بجد ي مرت ابوي

ميفرت / اه والله وكمان هيجيبلك كل اللعب ومش هتحتاجي لعب البت سعاد تاني

فرح / الله ..... طب وليه ميودنيش المدرسه

ميرفت / لا خلاص بجا انتي كبرتي وهتتجوزي يعني هيكون ليكي بيت وهتبقى مسؤله منه زيي كده بس طبعا انتي هيبقى عندك خدمات مش زي حالاتي نحس

فرح / ماهي ارزاق ي مرت ابوي

ميرفت / انجري قدامي ي ام لسان طويل

ف القاهره

ف شركه ..... لتصميم الملابس

حبيبه / استاذ صقر المدير عاوز حضرتك ف المكتب

صقر / تمام انا جاي حالا

ذهب صقر الي مكتب مدير الشركه

صقر / حضرتك طلبتني ي فندم خير

اسامه / اقعد ي صقر ..... انا قررت اعينك مدير إدارة الشركه

صقر / ايييه .... ده بجد ؟

اسامه / ايوا طبعا بجد .... انت بالرغم من صغر سنك الا انك شاطر جدا ف شغلك وامين كمان

صقر / ايوا ي فندم بس ده كتير اوي

اسامه / ولا كتير ولا حاجه انت مجتهد وتستاهل اكتر من كده .... ان شاء الله من بكره هخليهم ينقوا مكتبك جنبي هنا

صقر / متشكر جدا جدا ي مستر اسامه

استووووب

صقر رضوان 20 سنه يدرس ف كليه فنون تطبيقه قسم ملابس يعيش ف القاهره بعيدا عن والده ف الصعيد وقرر انه يشتغل ف شركه لتصميم الملابس بجانب الكليه

هو شاب ذكي جدا ودائما يذاكر قبل الامتحانات بشهر واحد ويستطيع النجاح بتقدير عالي وهو يفعل ذلك ليوفق ما بين دراسته و عمله

هو شاب يملك الملامح الصعيديه حاده طويل القامه ذات بشره قمحيه وعيون سوداء وشعر اسود

توفت والدتها وهو ف الصف الثالث الثانوي فقرر الذهاب الي القاهره ليكمل دراسته

كان صقر يجلس ف مكتبه وهو ف غايه الفرحه حتى رن هاتفه

صقر / الو

رضوان / ايوا ي ولدي

صقر / ازيك ي بابا

رضوان / بخير يبني الحمد لله كنت عايز اخبرك ع حاجه

صقر / خير

رضوان / انا هكتب كتابي يوم الخميس الجاي

صقر / تاني ي بابا دى المره التالته

رضوان / هههه لا ي ولدي ما طلجت التانيين واسمعني بجاا انت المرتين اللي مروا انت مكنتش موجود فلازم تيجي بجا المره دي

صقر / للاسف ي حاج مش فاضى

رضوان / ورحمه امك ي صقر لتيجي وتجنصفي الامور بينا يبني

صقر / ان شاء الله ي حاج

رضوان / هستناك

صقر / ماشي سلام

صقر / هوووووف ..... ادخل

حبيبه / استاذ صقر محتاجين حضرتك تمضي ع الورق ده

صقر / هاتي

حبيبه / احم ... مالك ي صقر

صقر / مافيش

حبيبه / لا في .... هستناك تعدي عليا بالليل نتعشى سوا وهعرف مالك وقتها لان دلوقتي مش هينفع ف الشركه

صقر / كويس انك عارفه

حبيبه بابتسامه / هستناك الساعه ٩ باى

ف المساء

حبيبه / ها ي حبيبي كان مالك النهارده

صقر / مافيش ابويا هيتجوز تاني

حبيبه / طب واي المشكله

صقر / كل ما بفتكر اللي كان بيعمله ف امي مبقدرش اسامحه انا لولا ورث امي كان بهدلني

حبيبه / الحمد لله ي حبيبي ... انسي بقا

صقر / عمري ما هنسى

حبيبه / طب هتروح الفرح

صقر / اه هروح

حبيبه / طب كويس ... اه صحيح مبروك التعيين ي قلبي

صقر / ااااه ... اهو ده اكتر حاجه فرحتني

حبيبه / عقبالي ي رب

صقر / ي رب ي حبيبتي

بعد مرور يومين

ميرفت / لولولولولوي يلا ي ام السعد عشان تجهزى عروستنا لولولولولوي

بدأوا النساء ف تجهيز فرح و وضع لها بعض مستحضرات المتجميل واصبحت جاهزه

رضوان / الو ي صقر انت فين فاضل ع كتب الكتاب ربع ساعه

صقر / خلاص انا وصلت اهو سلام

ابراهيم / اهلا وسهلا ي استاذ صقر نورت الصعيد

صقر / شكرا ي ابراهيم

ابراهيم / كنت عايز اجولك حاجه بس ي استاذ صقر

صقر / خير ي ابراهيم

ابراهيم / محاولتش تقنع حضره العمده يتجوز واحده كبيره شويه؟

صقر / لي هي العروسه قد اي

ابراهيم / ١٠سنين

ابراهيم / اييييه

جلال / فين العروسه ي ميرفت

ميرفت / فوق ي خويا وجاهزه

جلال / طب يلا اطلعي هاتيها الماذون وصل

ميرفت / من عنيا يخوي

صعدت ميرفت ودخلت الغرفه الذي توجد بها فرح

ميرفت / يااالهوووووي