رواية احببتك بدون مقابل الفصل الثالث عشر 13 - بقلم ايات قرآنيه

كانت أهلة بداخل غرفتها، لم يأتِ إليها النوم. سمعت حديثه مع والدته. نامت على السرير وأخذت ابنتها في حضنها. دخل يحي إليها وظل ينظر إليها لحظات. وجدها ترتدي أسدال. يحي بسخرية: كأنكِ مدارية شيئًا جديدًا. دا أنا كلي شايفك. بس يلا. أخذ نجوم من أحضانها. يحي: انتي متعلقة فيها كدا ليه؟ كأنها أمك بجد. بس انتي شبهي أوي. معقول أزدهار تتوحم على دا؟ محمد يقتلها من غيرته عليها. ثم أكمل بتفكير: إلا إذا انتي كنتي بنتي.

وعند هذه الكلمة: معقول بنتي. نظر إلى أهلة: إذا فعلًا بنتي ومدارية عليّ. أعمل فيكِ إيه؟ أخذ نجوم وطرق باب غرفة والدته. يحي وهو يسطح ابنته بجوارها: معلش يا ماما، خلي نجوم تنام جنبك. بدرية: تنام جنبي فين؟ البنت ما بتنام بعيد عن أمها. يحي: أمها! أمسك بكف أمه. يحي: يا أمي بالله عليكِ، نجوم تبقى بنتي. قولي لي. بدرية بغصة: آه يا ابني. بنتك. يحي: كنت حاسس والله. طيب ليه داريتوا عليّ؟ ليه ما قلتيش؟

بدرية: انت أول ما جيت فكرت بنت محمد. وهي كانت مستنياك. أخذت تلمس على شعر الطفلة: أهلة ما قصرتش في تربيتها وغرزت في قلبها حبك. حتى لما افتكرتها بنت محمد، قالت لها إنك بتحبها أوي. يحي: احكي إزاي أهلة حملت وهي صغيرة. بدرية: بعد سفرك بشهر تعبت أوي وأخذتها للدكتورة. نفسية أهلة تدمرت، وخضعت لعلاج نفسي فترة الحمل. بس كانت مش عايزة تنزله لحد ما بقت كويسة. ورعيتها في آخر شهرين. هي ولدت بس تعبت أوي في الولادة لأن سنها صغير.

دخلت في غيبوبة أسبوع. وأول ما صحت سألت عن ضناها. ومن وقتها هي همها بنتها. حتى لما طلبت منها تتزوج رفضت. يحي بدموع: وتتزوج ليه! ثم اردف بقوة: طالما أنا موجود مش حتكون مع غيري. ثم قام متجهاً إلى الباب. يحي: تصبحي على خير. بدرية: بلاش تقرب من أهلة وتجرحها يا ابني. يحي: اتعودي يا ماما على نوم نجوم معاكِ. أصلي ما بنامش غير ومراتي في حضني. وخرج. بدرية باحراج: ولد قليل الأدب بصحيح. اتعلمها فين دي.

نامت بجانب حفيدتها وقالت: يلي الله يصلح حاله. *** ماريا: بقولك طلع ليها ولا عبرني. الشخص: انتي اللي غلطانة. ما كانش ترضي تنزلي البلد. ماريا: عايزني أعمل إيه؟ وانت عارف كلها فترة ويطلقني. الشخص بزعيق: يطلقك إزاي؟ انتي طول السنوات دي ما حملتيش منه. ماريا بخوف: اصله اصله ما قربش مني أبدًا. الشخص: انتي بتقولي إيه؟ كنتوا أخوات طول الفترة دي. ماريا: ما هو أنا ما سب...