رواية احببتك بصدفة الفصل الثالث 3 - بقلم سمر بسطاوي

مجهول: أنا اديتها الحقن. مجهول اتنين: طب إيه، طمنيني حالتها ساءت. مجهول: آه، تعبت جامد. مجهول اتنين: جدع، تعالا عشان تستلم فلوسك. *** جميلة وآدم جريوا على الأوضة، لقوا الدكتور على فيها. آدم: فيه إيه يا دكتور؟ الدكتور على: جميلة، خديها على غرفة العمليات. جميلة: حاضر. آدم: فيه إيه، فهموني إيه اللي بيحصل.

دكتور على: أستاذ آدم، ملاك حالتها رجعت اتدهورت تاني وحياتها دلوقتي في خطر، فلازم تدخل العمليات فورًا. فارجوك روح اعمل الإجراءات. آدم: هتبقى كويسة، مش كده؟ دكتور على: ... آدم: أنا أختي لو جرالها حاجة، أنا مش هرحمكم. جميلة: اهدى يا أستاذ آدم، وإن شاء الله خير. آدم هدى على كلامها وارتاح لها جدًا ومش عارف ليه. آدم: أروح أكمل الإجراءات فين؟ جميلة: تعالا معايا. دكتور على: جهزوا المريضة بسرعة ودخلوها على أوضة العمليات.

آدم راح ومعاه جميلة وكملوا الإجراءات. كان دكتور على بعت ممرضة لجميلة. الممرضة: دكتورة جميلة، الدكتور على عاوزك معاه في العمليات بسرعة. جميلة: حاضر، حاضر جايه بسرعة. جميلة جات تمشي، آدم مسك إيديها وقالها: جميلة: ارجوكِ انقذيها، أنا مليش غيرها في الدنيا، من غيرها مش هقدر أعيش، دي بنسبالي كل حاجة. جميلة: متقلقش يا أستاذ آدم، هعمل اللي عليا والباقي على ربنا، بس أنت ادعلها. الممرضة: يلا يا دكتورة جميلة بسرعة، وضح المريضة.

وراحت جميلة أوضة العمليات. *** (في أوضة العمليات) دكتور على: دكتورة جميلة، اتاخرتي كل ده ليه؟ جميلة: معلش يا دكتور، آسف. دكتور على: ملاك حالتها بتدهور أكتر وأكتر. جميلة حست بحاجة غلط، قامت اتفحصت ملاك تاني. دكتور على: فيه إيه يا جميلة؟ جميلة: دكتور، في حد مديها حقنة غلط. دكتور على: إزاي؟ أنا مدتهاش حقن انهارده ولا اتذكر إني قولت للممرضات.

جميلة: فعلاً، أنا راجعت ملفها قبل ما أدخل العمليات، مكنش فيه حقن، كان مكتوب تعليق محاليل بس. دكتور على: نبضها بيقل. جميلة: حضري الحقنة بسرعة. جميلة أدتها الحقنة. دكتور على: مش بتقاوم، مستسلمة للموت، النبض مبقاش موجود. جميلة: حضروا جهاز الصدمات الكهربائية بسرعة. جميلة مرة واحدة افتكرت آدم وهو بيقولها: "ارجوكي انقذيها". جميلة: ملاك، قومي عشان أخوكي، ملاك أخوكي ميقدرش يعيش من غيرك، انتي بنسباله كل حاجة.

جميلة كانت بتعملها صدمات كهربائية. مرة واحدة: دكتور على: استجابت، استجابت، رجع النبض. جميلة: الحمدلله، قدرنا ننقذها. وخلصت العملية. *** بره، آدم كان متوتر وخايف على ملاك. جميلة طلعت من أوضة العمليات وجري عليها آدم. آدم: طمنيني، ملاك عاملة إيه؟ جميلة: ملاك بقت كويسة وحالتها استقرت. آدم: الحمدلله، الحمدلله، شكرًا، شكرًا جدًا ليكي، أنت متعرفيش ملاك بنسبالي إيه. جميلة: متشكرنيش، أنا عملت واجبي. آدم ابتسم ليها.

جميلة: أستاذ آدم، ممكن أتكلم معاك شوية بخصوص ملاك؟ آدم: هي ملاك فيها حاجة؟ مش قولتي إنها كويسة؟ جميلة: اهدى، ملاك كويسة وكل حاجة تمام. آدم: اومال فيه إيه؟ جميلة: حادث ملاك كان عن قصد؟ آدم حكالها كل اللي حصل. جميلة: أستاذ آدم، في حد حاول يقتل ملاك انهارده. آدم: إيه؟ أنتِ بتقولي إيه؟ جميلة: زي ما بقولك كده، في حد اداها حقنة غلط وكان ممكن تموت لولا أنقذناها. ملاك مش هتبقى في أمان هنا. آدم: أنا هنقلها مستشفى تانية.

جميلة: يعني اللي حاول يقتلها هنا مش هيعرف يقتلها هناك؟ أنت ممكن تنقلها بيتك، بس بيت محدش يعرفه غيرك. آدم: تمام. *** في الشركة. أحمد: إزيك يا لوبنا؟ لوبنا: الحمدلله، فيه حاجة يا أستاذ أحمد؟ أحمد: ممكن بعد الشغل نشرب أنا وإنتي قهوة مع بعض؟ لوبنا: لا مش ممكن، معلش والله مش فاضية. وسابت أحمد ومشيت. آدم جه. آدم: أنت لسه بتحبها؟ أحمد: آه بحبها، بس أنا حتى مش لاقي كلمات توصف حبي ليها، والمشكلة مش عارف أعترف لها.

بمناسبة أحمد عنده 25 سنة، شاب قمر ووسيم، ولوبنا بنت محجبة قمر وكيوت عندها 24 سنة. آدم: قوم من سرحانك ده، ورانا شغل. *** عند جميلة. أنا رجعت يا ماما. مامت جميلة: أهلًا وسهلًا يا حبيبتي. جميلة: طبخالنا إيه انهارده؟ مامتك جميلة: عاملة محشي. جميلة: بحبه أوي، شكرًا يا ست الكل. ماما عندي خبر حلو ليكِ. مامت جميلة: إيه؟

جميلة: فاكرة لما قولتلك إني كلمت دكتور على على إني متخرجة طب وكده وإني اشتغلت ممرضة عشان ملقتش حاجة غيرها قدامي والكلام ده؟ مامت جميلة: آه يا بنتي فاكرة. جميلة لسه هتكمل، لقيت محمد أخوها داخل يبالالين عليها وبيقولها: "مبروك يا دكتورة". جميلة فرحت أوي. جميلة: إنت عرفت منين؟ أكيد الدكتور على قالك، منتوا أصحاب بقى؟ محمد: أيوه قال لي، مبروك يا روحي. مامت جميلة: متفهموني في إيه؟ الله سايبني كده زي الأطرش في الزفة.

جميلة ومحمد في صوت واحد: "بقينا دكتورة". مامت جميلة فرحت أوي وقعدت تزغرط من الفرحة. وبعدها كلوا، وراحت جميلة تقعد في البلكونة. تليفون جميلة رن. جميلة: الو، مين؟ مجهول: أنا أخو المريضة ملاك، فكراني آدم. جميلة: وجبت رقمي منين؟ آدم: مش مهم جبت رقمك منين، المهم ممكن تكوني دكتورة ملاك الخاصة؟ جميلة: تمام، وأنا موافقة. آدم: شكرًا جدًا ليكي. جميلة: لا شكر على واجب. وقفلوا المكالمة. *** عند جميل. محمد: بتحبي ولا إيه يا عسول؟

جميلة: يعم اتلم. محمد: يبت احترمي إني أخوكي الكبير. جميلة: فكك من الحوار ده دلوقتي، عاوزة آخد رأيك في حاجة. محمد: خير؟ جميلة: الله مجعله خير، بص يا سيدي، انهارده في المستشفى... وحكتله كل اللي حصل. محمد: أنا من رأيي متوافقيش، لأنك كده هتبقي مهددة بخطر. جميلة: بس أنا لازم أساعده، وانت عارف إني واخده عهد على نفسي إني أنقذ الناس. محمد: اللي يريحك، بس أنا يوم ما تحصلك حاجة، بعد الشر، أنا مش هرحم حد.

جميلة: بطل تحبطني وقوم نام يلا عشان وراك شغل بكرة. محمد: تصبحي على خير يا أختي. جميلة: وانت من أهله. وبعدين قعدت تفتكر آدم وإد إيه كان بيفكرها بنفسها لما والدها عمل حادثة. *** flash bag من ست سنين. جميلة: يلا يا ماما، بابا زمانه على وصول. مامت جميلة: خلصت الحلويات وعملتها. جميلة: محمد، طلبت قالب جاتوه. محمد: آه، وجاي أهو في الطريق. الباب بيخبط. محمد: شكله هو، هروح أفتح. فتح الباب وحاسب الراجل ودخل. محمد: أهي وصلت.

جميلة: يبقى كده كله تمام، ناقص بابا بس يوصل. تليفون مامت جميلة رن. مامت جميلة: الو. مجهول: حضرتك صاحب الفون ده عمل حادثة، هو دلوقتي في مستشفى... مامت جميلة: إيه؟ وقعدت تعيط ووقعت الفون. جميلة: فيه إيه يا ماما؟ بابا مالهم؟ محمد خد الفون واتأمله الخبر. محمد: بابا عمل حادثة يا جميلة. جميلة: إيه؟ يلا نروح له بسرعة. في المستشفى. لو سمحت، فيه واحد لسه عامل حادثة دلوقتي، هو فين؟ الممرض: في أوضة 113.

محمد وجميلة جريوا على الأوضة، وأول منظر شافوه أبو جميلة وهو مدمر حرفيًا. جميلة قعدت تعيط. محمد كان بيحاول يتماسك عشان أخته وأمه. دكتور: أنتم أهله؟ محمد: آه. دكتور: مش هنكذب عليكم، حالته سيئة جدًا ومحتاج عملية. جميلة انهارت أول ما سمعت كده. محمد: أنت مستني إيه؟ اعمله العملية. دكتور: تمام، روح اعمل الإجراءات. جميلة: هو هيبقي كويس، مش كده؟ قول يا دكتور. الدكتور: إحنا هنعمل اللي علينا. ودخل أبو جميلة العمليات.

جميلة ومامتها كانوا منهارين، ومحمد كان متماسك عشانهم وبيهديهم. محمد: اهدوا، إن شاء الله خير وبابا هيكون كويس. محمد: متقلقيش يا جميلة، بابا هيكون كويس. جميلة: بابا بنسبالي كل حاجة، لو حصلوا حاجة مش هقدر أعيش. محمد: مش انتي لوحدك، ده بنسبالنا كلنا. خرج الدكتور وأوضة العمليات. الدكتور: شدوا حيلكم، البقاء لله. من اللحظة دي، جميلة قررت تكون دكتورة عشان تنقذ حياة المرضى. جميلة فاقت من سرحانها ودخلت نامت.