رواية احببتك بصدفة الفصل الرابع 4 - بقلم سمر بسطاوي

آدم كان نايم صحى على صوت تلفونه. آدم: الو مين؟ شذى: انت لسه نايم لحد دلوقتي؟ قوم وفوق يلا. آدم: تصدقي عرفتك من صوتك العالي ده. عاملة إيه ياختي؟ شذى: الحمد لله تمام. بقولك أنا راجعة مصر بكرة. آدم: تمام، وأنا هاجي آخدك. شذى: ملاك عاملة إيه دلوقتي؟ آدم: الدكتورة بتقول فيه تحسن في حالتها وهننقلها النهارده. شذى: ربنا يطمنا عليها دايماً وتفوق من الغيبوبة. وساعتها مش هسيبها لوحدي تاني أبداً. آدم: إن شاء الله.

شذى تبقى أخت آدم الكبيرة، عندها 28 سنة وكانت بتدرس. وبعد ما خلصت اشتغلت برا في ألمانيا. *** جميلة: صباح الخير. مامت جميلة: صباح النور. بقولك متنسيش تاخدي إجازة بكرة. جميلة: ليه؟ اه هحاول يا ماما. مامت جميلة: تمام، تعالي افطري وانزلي الشغل يلا. جميلة: حاضر. فطرت جميلة ونزلت على الشغل. *** في المستشفى. جميلة كانت بتتفحص ملاك، لقيت آدم داخل. آدم: صباح الخير. جميلة: صباح النور. ملاك حالتها مستقرة وفي تحسن.

آدم: يعني أقدر أنقلها النهارده صح؟ جميلة: آه، هكتبلها على الخروج وهقول للدكتور على إن أنا اللي هتابع حالتها. روح انت اعمل الإجراءات للخروج. آدم: تمام. آدم راح عمل الإجراءات وخرجوا ملاك وودوها البيت. *** في بيت آدم. جميلة: أنا ظبطتلها الأجهزة وكل حاجة تمام. آدم: تمام يا دكتورة جميلة. أنا عاوزك انتي تبقي معاها طول الوقت. معلش من الصبح لحد الساعة 8 بالليل. جميلة: بس أنا كده مش هعرف أروح المستشفى وأتابع حالة المرضى.

آدم: أنا عارف، بس في المستشفى موجود دكاترة كتير تتابع حالة المرضى. بس مفيش حد هنا ممكن أأمنله على ملاك غيرك. جميلة بصت لملاك وبعدين بصت لآدم. جميلة: أنا موافقة. بس هو أنا بكرة لازم أروح بدري، لأن عندنا مناسبة ومفروض إني كنت هاخد إجازة من المستشفى. آدم: وأنا موافق. جميلة: يبقى كده كله تمام. وفضلت جميلة تتابع حالة ملاك لحد ما جه الليل. جميلة: أستاذ آدم، أنا هروح عشان كده خلصت شغلي النهارده. آدم: تمام، وأنا هوصلك.

جميلة: لا، ملوش لازوم. أنا هروح لوحدي. آدم: أنا هوصلك، مش هتلاقي مواصلات دلوقتي. جميلة: تمام. آدم وصل جميلة البيت. جميلة: أنا جيت يا ماما. مامت جميلة: اتأخرتي كده ليه؟ جميلة: مفيش، بس كان فيه شغل جديد النهارده. هبقى أحكيلك عليه. المهم، عاملة أكل إيه النهارده؟ مامت جميلة: مكرونة بشاميل وفراخ. جميلة: طب جهزلي الأكل على ما أغير هدومي عشان أنا واقعة من الجوع بجد. *** تاني يوم الصبح.

جميلة صحيت ونازلة، راحت الشغل. لقيت آدم مستنيها قدام البيت. آدم: كنت معدي من هنا وقولت آخدك عند ملاك في طريقي. جميلة: شكراً ليك يا أستاذ آدم. آدم: آدم. جميلة: إيه؟ آدم: قوليلي آدم بس. جميلة: انت تقربلي؟ انت صديقي؟ انت جاري؟ آدم: لا. جميلة: يبقى أستاذ آدم، ويا أستاذ آدم يا ريت تخلي تعاملنا على قد الشغل وبس. آدم: تمام، ماشي براحتكم. وصل آدم جميلة عند ملاك وراح الشركة. *** في الشركة. آدم: صباح الخير يا أحمد.

أحمد: صباح النور يا حبيبي. آدم: إيه أخبار الشغل؟ أحمد: كله تمام، تحت السيطرة. آه، عندنا اجتماع النهارده. آدم: الغيه أو احضره بدالي. أحمد: ليه؟ وراك إيه؟ آدم: شذى راجعة، هروح أجيبها من المطار. أحمد: إيه؟ بجد؟ آدم: آه. وريني الورق اللي محتاج توقيع. أحمد: تمام، هروح أجيبه من لبنى. آدم: طب بسرعة ها. أحمد: حاضر يا خويا، اهدى عليا. أحمد طلع وراح عند لبنى. أحمد: إزيك يا لبنى؟ لبنى: الحمد لله تمام.

أحمد: أنا محتاج الورق بتاع الصفقة الجديدة اللي محتاج توقيع. لبنى: اتفضل. أحمد: شكراً. لبنى: العفو. أحمد أده الورق لآدم عشان يوقعه. أحمد: اتفضل الورق أهو. آدم: هات بسرعة أوقعه عشان أروح عند شذى أجيبها من المطار الساعة 3. أحمد: خد. *** في المطار. كانت بنت جميلة، محجبة وعيونها بني وجميلة جداً، مستنية أخوها. وأكيد طبعاً انتوا عرفتوا هي مين. شذى. شذى: ياه، هو اتأخر كل ده ليه؟ لقيت حد بيطبطب عليها دراعها، بتبص لقت آدم.

شذى: آدم وحشتيني. آدم: معلش اتأخرت سيكا. شذى: سيكا؟ آدم: أوكي، اتأخرت حبة كتير. إيه بقى، موحشتكيش؟ شذى: طبعاً. وخدها بالحضن، وركبوا العربية وروحوا. *** جميلة كانت مع ملاك وفونها رن. مامت جميلة: إيه يا جميلة؟ فينك كل ده؟ جميلة: معلش يا ماما، شوية كده وهاجي. بس عندي شغل دلوقتي. مامت جميلة: ماشي، متتأخريش. جميلة: حاضر يا ماما. جميلة قفلت الفون ورجعت لملاك تاني. لقيت آدم جه ومعاه بنت.

آدم: معلش يا دكتورة جميلة، أنا اتأخرت. أنا فاكر إنك كنتي قايلالي إنك لازم تروحي بدري النهارده. جميلة: متقلقش، أنا قولت للممرضة تعمل إيه لو ملاك تعبت. آدم: آه صحيح، نسيت أعرفكم. شذى أختي الكبيرة. يا جميلة، شذى دي جميلة، الدكتورة اللي بتتابع حالة ملاك. شذى: اتشرفت بمعرفتك. جميلة: ليا الشرف. آدم: تعالي أوصلك يا دكتورة جميلة. جميلة: لا، معلش. أنا همشي لوحدي. وسابته ومشيت. *** جميلة روحت ولقيت خالتها وابن خالتها.

جميلة: السلام عليكم. خالت جميلة: وعليكم السلام. جميلة: ازيك يا خالتي؟ عاملة إيه؟ خالت جميلة: الحمد لله تمام. أسامة ابن خالت جميلة بص لها. أسامة: عاملة إيه يا جميلة؟ جميلة: الحمد لله. جميلة: الشغل شغل برضوا يا خالتي. مامت جميلة: طب هقوم أحط أكل. أهي جميلة جت وزمان محمد جاي أهو. محمد: أنا جيت. جميلة: سبحان الله، بتيجي على السيرة. محمد دخل وسلم عليهم وقعدوا ياكلوا. *** آدم: شذى، ادخلي ريحي من السفر. وأنا هقعد جمب ملاك.

شذى: لا، خليني جمبها شوية. وحشتني أوي. آدم: ماشي.