رواية أحببتك دون ان ادري الفصل التاسع 9 - بقلم مارينا عبود

سيف بغضب وزعيق: مين ده؟ وليه جاية في عربيته؟ أمير شافها ونزل. رنا بخوف من نظرات سيف: ده... ده أمير. سيف قاطعها: أمير عثمان؟ مدير الشركة اللي حضرتكِ بتشتغلي فيه؟ هي اتأخرت بسببى، فكان لازم أوصلها. سيف بصدمة: آآه، أنا آسف، أنا سيف أخو رنا. أمير: تشرفت بمعرفتك. سيف: الشكر ليا، الشرف. طيب اتفضل، مينفعش تيجي لحد هنا ومتدخلش تشرب حاجة. أمير: لا لا، ميرسي. رنا

بصدمة من طريقة كلام أمير: سيف، الأستاذ أمير لازم يمشي. يعني إيه هيخليه يدخل عندنا؟ مش كفاية المكتب؟ قصدي إنه اتأخر على شغله. سيف وهو ينظر إلى رنا بنظرات استغراب: رنا، عيب. الراجل وصلك لحد هنا ولازم يدخل البيت ويشرب حاجة. اتفضل لو سمحت. أمير: طيب، مش هزعلك. رنا: نعممممممم! سيف وهو ينظر إلى رنا بنظرات استغراب: فيه إيه يا رنا؟ رنا: لا مفيش. بقول ندخل بقى عشان مينفعش وقفة الشارع. سيف فتح باب الشقة.

سيف: ماما، بابا، تعالوا، فيه ضيوف. صفاء: أهلاً وسهلاً، مين ده يا سيف؟ أمجد: أهلاً يا ابني، اتفضل ادخل. رنا ببرطمة: دخلت في راسه حيطة، البعيد. أمير التفت لينظر لرنا. أمير: قولتي حاجة؟ رنا: لا لا، بقول اتفضل. دخل أمير وجلس مع أهل رنا، وظلوا يتحدثون ويتعرفون على بعض. صفاء: رنا حبيبتي، ادخلي اعملي قهوة للأستاذ. أمير: هي بتعرف تعمل قهوة؟ صفاء: طبعاً، هي شاطرة أوي في عمل القهوة. أمير نظر لها بنظرات توعد.

رنا في نفسها: يا أدي النيلة، كملت كده. هيعرف إني حطيتله ملح بشطة مكان السكر، قصدنا، ومش هيرحمني. صفاء: بنتي، واقفة ليه كده؟ ادخلي اعملي قهوة. أمير: لا لا، شكر. أنا اتأخرت ولازم أمشي. رنا: آه، ولله، وأنا شايفه كده. أمجد: رناااااا، وبعدين؟ أمير: معلش يا أونكل، أجلك مرة تانية. رنا بصدمة: لاااااا، بلاش. سيف: رناااا، خش جوه أحسن. أمير: أونكل، قول لي، هو انتوا إزاي مستحملينها في البيت معاكم؟

رنا بعصبية: ههههه، زي ما أنا مستحملاك في الشغل بالظبط. أمير: ههههه، لسانك الطويل ده عاوز القص. رنا: معلش. ظلوا يتشاجرون وسط ضحكات الجميع عليهم. وأهل رنا كان عاجبهم أمير جداً. أمير: طيب، أنا بستأذن. صفاء: خليك يابني شوية. رنا: لا ولله، متقول له يبات عندنا أحسن. صفاء: رنااااا، وبعدين فيكي. أمير بابتسامة: يوم تاني. رنا ببرطمة: ولا هيكون فيه تاني ولا تالت إن شاء الله. أمير: رنا، قولتي حاجة؟

رنا: ههههه، لا مقولتش. بقول، مدام فريدة قاعدة لوحدها؟ أمير: طيب، ميرسي أوي بجد يا جماعة، اتبسط جداً بمعرفتكم. أمجد: ابني، إحنا اللي مبسوطين بشوفتك، نتمنى نشوفك تاني قريب. أمير: إن شاء الله. أمجد: سيف، روح وصل الأستاذ لحد عربيته. سيف: حاضر يا بابا. اتفضل. أمير نزل من الشقة وكان معاه سيف. أمير: قولي، هي أختك كده على طول؟ لسانه طويل؟ سيف بضحك: آه، هي كده، معلش استحمله. وأسف لو صدر منه موقف ضايقك، هي بس مجنونة شوية.

أمير: شوية؟ دي عقلها طاير خالص. سيف فضل يضحك. أمير ركب عربيته وسلم على سيف ومشى. *** في شقة رنا. سيف دخل. رنا بعصبية: سييييييف، يعني كان لازم تقوله اتفضل؟ سيف: الراجل وصلك، وده واجب علينا. رنا بعصبية: سييييف، ده مغرور وشايف نفسه. صفاء: ههههه، أنا مش شايفاها كده خالص، هو باين عليه شاب محترم ومهذب. أمجد: فعلًا يا بنتي، الراجل باين عليه محترم، غير ما انتي بتحكي عنه. رنا: عاااااا، أنا داخلة أنام.

رنا دخلت عشان تنام، وفضلوا كلهم يضحكوا عليها. *** في فيلا أمير عثمان. أمير وصل الفيلا وراح عشان يشوف مامته. أمير طرق باب الغرفة. فريدة: حبيبي، تعال. أمير: إيه أخبارك يا ست الكل؟ طمنيني عليكي. فريدة: أنا تمام. قول لي، وصلت رنا بيتها؟ أمير: آه، وصلتها، وكمان اتعرفت على أهلها. بصراحة ربنا يكون في عونهم. فريدة بصدمة: ليه يابني؟ مالهم؟ أمير: يعني عندهم بنت زي أم نص لسان دي، عاوزاني أقول إيه غير ربنا يكون في عونهم.

فريدة بضحك: بس جميلة أوي وروحها حلوة. أمير: وقليلة أدب. فريدة: أميررر، عيب، ولله دي بنت حلوة أوي. أمير: أنا بس نفسي أفهم، عاجبك فيه إيه؟ فريدة بضحك: بس يا ولا، وقوم يا أستاذ مغرور خد شاور. أمير: هي عدتك دي عدوة وخطر وربنا. فريدة بضحك: هههه، طيب قوم خد شاور وارتاح يلا. أمير: حاضر. وقام باس جبينها. قام وهو طالع من الغرفة، استوقفه صوت أمه. فريدة: ابني، معرفتش حاجة عن ياسمين؟

أمير بعصبية: لا، وفي ستين داهية، متشغليش بالك بوحدة رخيصة زي دي. فريدة: طيب، روح وارتاح. طلع أمير، وفريدة ظلت تفكر في رنا. *** في غرفة أمير. أمير دخل وهو متعصب، قلع جاكيته ودخل أخد شاور وطلع قعد على السرير. أمير: بقا أنا مغرور وشايف نفسي، وكمان قليل ذوق؟ طيب يا رنا، ده أنا هطلع عينك. ولكن ظل يفكر في أمه، فهذه أول مرة يراها تضحك ومبسوطة بعد موت باباها. ثم غرق في نوم عميق. *** تاني يوم في الصباح في فيلا أمير عثمان.

رنا طرقت باب غرفة فريدة. فريدة: ادخل. رنا: صباح الخير يا جميل. فريدة بابتسامة: حبيبتي، صباح الفل. امتى جيتي؟ رنا: من شوية، وقولت أطمن عليكي. طمنيني، بقيتِ أحسن؟ فريدة: يا روحي، أنا تمام. رنا: طيب، عاش أوي. أنا هروح أجهز لك الفطار. ذهبت رنا لتحضر الفطار لفريدة، وهي ماشية خبطت في أمير. رنا: عاااااا، يعني مش بتشووووف؟ آآه يا دماغي. أمير: انتي اللي عمية، أعملك إيه؟ رنا: عاااا، قليل ذوق.

أمير: بت، متستعبطيش، ويلا روحي جهزي الفطار لماما، وأديها أدويتها، وأنا هروح أشوفها. رنا: روح يارب تتكعبل توقع. وهربت من وشه، وهو ظل يضحك عليها. *** أمير طرق باب أمه. فريدة: أمير، تعال. أمير: صباح الخير. فريدة: صباح النور يا حبيبي. أمير: إيه بقيتِ أحسن؟ فريدة: آه، أنا تمام خالص. بعد عدة دقائق. رنا: بعد إذنك. أمير: يا نعممم، على الصبح. رنا: الأكل، المدام لازم تاكل عشان تاخد أدويتها.

أمير: طيب. وقام من مكانه، ورنا قعدت عشان تطعم فريدة. أمير: ماما، أنا هنزل أروح الشركة، خلي بالك من نفسك، وانتي يا بت، خلي بالك منها. أي غلط مش هسامحك. رنا بصت له بغرور: بت أمه تبتك. أمير بغضب وصوت عالي: قوولتي إيييييييه؟ رنا: قولت حضرتك هتتأخر على الميتنج. ويا ريت تسلم لي على رحمة. أمير: ليه، حد قالك إني شغال عندك؟ رنا: أبو شكلك حيوان ومغرور. أمير: انتي بتبرطمي؟ تقولي إيه؟ فريدة وهي تضحك بشدة على تصرفاتهم.

فريدة: أمير، يلا يا ابني، هتتأخر. أمير: حاضر. أمير نزل وساب رنا وفريدة في الأوضة. رنا: يا جميل، مش قولتيلي ابنك ده شايف نفسه وقاسي؟ فريدة: صدقيني، هو طيب أوي من جوه. رنا: إذا هو طيب زي ما بتقولي، عامل إنه قاسي ليه؟ وكمان عصبي؟ فريدة: ياااه، دي قصة طويلة. رنا: طيب احكي لي. فريدة: أحكيلك؟