رواية أحببتك دون ان ادري الفصل الثالث 3 - بقلم مارينا عبود

رنا خبطت على باب المكتب. أمير: اتفضل يا زفت. رنا دخلت. أمير: نعم، في إيه؟ رنا: حضرتك طلبت الملف ده من آنسة رحمة، وهي قالت لي أدهولك. أمير: طيب حطيها هنا، وخلي حد يعمل لي قهوة. رنا بغيظ: حاضر. وهي طالعة: رنا (في نفسها) : يا لهوي، ده شكله سمعني. أمير سمعها. أمير: خدي تعالي هنا. رنا: أنا، أنا، أنا ما كنتش بقول حاجة. أمير بعصبية: كنتي بتقولي إيه وإنتي طالعة؟ رنا: أنا، أنا ما كنتش بقول حاجة.

أمير: طب اتزفتي خدي الورق ده، وعاوزك تخلصيها النهاردة. رنا أخدت الورق وطلعت بسرعة من المكتب. أحمد بضحك: يا ابني براحة عليها، دي لسه جديدة. أمير: اسكت أنت، هي لسه ما شافتتش حاجة. رنا طلعت بغضب لقت رحمة قدامها. رحمة: إيه يا بنتي، مالك؟ مين ضايقك؟ رنا: هيكون مين غير وش القرد، مديرك. رحمة فضلت تضحك. في اللحظة دي بيطلع أمير وأحمد من المكتب. أمير: رناااا. رنا بخضة: ينهار أسود، شكلك وقعتي في ورطة يا رنا.

رنا بصت وراها لقت أمير ووشه كله غضب. رنا بتهتهة: نـ نـ نعم. أمير: كنتي بتقولي إيه وأنا خارج؟ رنا: أنا، أنا ما كنتش بقول حاجة. أمير: إيه لسانك، كلتها القطة الصبح؟ ما كانش حد قادر يسكتك. رنا: على فكرة أنا مقولتش حاجة، وبعدين أنت الصبح كنت غلطان في حقي، وبصراحة تستاهل كل اللي عملته فيك. أمير بغضب مسك إيدها جامد. أمير: بت، انتي هنا في شركتي، يعني لما تتكلمي، تتكلمي بأدب.

رنا: على فكرة أنا مغلطتش في حضرتك، ويا ريت تسيب إيدي. أمير بغضب: مش حضرتك اللي تقولي لأمير عثمان يعمل إيه، انتي فاهمة؟ أحمد: خلاص يا جماعة، اهدوا، مش كده، أمير، هنتاخر على الاجتماع، يلا. أمير: ماشي، هعدهالك المرة دي. وسابها ومشي. رنا: يخرب بيتك، واحد حيوان. رحمة: هو فيه إيه؟ ليه بيتعامل معاكي كده؟ انتي عملتيله إيه؟ رنا: هههه، ولا حاجة، خبطني الصبح بعربيته، ونزلت عملت معاه مشكلة وهزقته قدام الناس.

رحمة: ينهار أسود، ده عمرها ما حصلت إن بنت تهزقه، وتهزق مين؟ أمير عثمان؟ انتي مجنونة؟ انتي مش عارفة ده مين؟ رنا: إيه، إيه، هيكون مين يعني؟ أنا مش بخاف من حد. رحمة: هههه، ربنا يسترها عليكي. بعد مرور ساعات. رنا خبطت على باب المكتب. رنا: ممكن أدخل؟ أمير: ادخلي. رنا: اتفضل، ده الملف اللي قولت لي أخلصه. أمير: طيب حطيها على المكتب، واتفضلي بره. رنا (في نفسها) : أبو شكلك مدير حيوان. أمير: قولتي حاجة؟ رنا: لا، مقولتش.

أمير: طيب اتفضلي، روحي كملي شغلك. رنا: حاضر. خلصت شغل ورجعت البيت. رنا: ماااااامااااا. رنا: انتي يا حاجة، يا اللي بيسموكي أمي. صفاء: إيه؟ فيه إيه يا بنت المجنونة؟ وبعدين اتاخرتي كده ليه؟ وعملتي إيه في المقابلة؟ رنا: مفيش، اتقبلت وبدأت شغل، بس مديري الحيوان مخلنيش أروح غير لما أخلص باقي الشغل. صفاء: طيب كويس، يلاه ادخلي خدي شاور لحد ما أجهز العشاء. رنا: أمال بابا فين؟ والولد سيف البارد؟

صفاء: باباكي قاعد في الأوضة، وسيف راح عشان يقابل خطيبته. رنا: طيب، أنا هروح أشوف بابا، وبعدها هاخد شاور. صفاء: طيب يا حبيبتي، بس متتاخريش. رنا: حاضر، مش هتأخر. رنا دخلت الأوضة لقت باباها قاعد بيقرأ. رنا: وااااالدي حبيبي. أمجد: حبيبتي، ليه اتاخرتي كده؟ رنا: معلش بقى، هعمل إيه في الحيوان؟ بشتغل عنده. أمجد: ليه ماله؟ هو ضايقك ولا إيه؟ لو مش مرتاحة في الشغل، شوفي غيرها.

رنا: لا عادي، بس بصراحة ضربت معاه خناقة الصبح وهزقته بين الناس، وبعدها طلع هو صاحب الشركة اللي رايحاها عشان أشتغل فيها. أمجد بتعجب: وهو قبل يشغلك بعد ما هزقتيه؟ رنا: الغريبة، أهااااا. أمجد: ده شكله إنسان محترم. رنا: محترم إيه؟ ده واحد قليل ذوق، وأنا مش بطيقه بصراحة، وشايف نفسه معرفش على إيه. أمجد بضحك: طيب روحى خدي شاور، وأهو الظاهر أخوكي سيف وصل، ويلاه عشان نتعشى.

رنا أخدت شاور وطلعت اتعشت مع أهله، وبعدها دخلت الأوضة ووقفت عند الشباك. وفضلت باصة للقمر، وفضلت تفكر: تراه اللي اسمه أمير ده هيكون ناوي لي على إيه؟ مش معقولة يقبلني في شركته بالسهولة دي، وخصوصا بعد التهزيق اللي هزقتهوله؟ ده أنا مسحت بكرامته الأرض. ده أكيد ناوي لي على حاجة. طيب أسيب الشغل؟ بس أنا أصلاً صدقت ما لقيت شغل، لا، أنا مش هخاف، ولو حاول يعمل حاجة، هعلمه درس ما ينساهوش، ومش هسيب الشغل. وراحت نامت. في الصباح.

رنا: صباح الخير يا أمومة. رنا: صباح الخير يا بابا. وبصت لسيف: صباح الخير يا عم الرومانسي. سيف اتكسف: بت، امشي من هنا، بدل ما أقوم أعمل معاكي الواجب. رنا: لا، وليه ياباشا، أنا مش فاضيالك. صفاء بتعجب: إيه ده، بنتي صحت بدري. رنا: معلش بقى، مش عاوزة أتهزق. سيف بضحك: شكله كده المدير ده هيعلمك الأدب. رنا: ههههه، لا عاش ولا كان يا باشا، أنا رنا. فضلوا يضحكوا، وهي خلصت أكل ونزلت عشان تروح الشغل. في الشركة.

أمير بغضب: فين الزفتة اللي اسمها رنا؟ رحمة: حضرتك، رنا لسه مجتش. أمير: نعممممم؟ هي فاكرة نفسها مين عشان تتأخر؟ أول ما تيجي، خليها تيجي لي على المكتب، يومها مش فايت. رحمة: حاضر يا فندم. رحمة: ينهار أسود، الأستاذ أمير باين عليه إنه متعصب أوي، شكلك مش هتكملي يا رنا. يخرب بيتك، انتي فين؟ رنا: صباح الخير. رحمة: صباح النور، اتاخرتي ليه؟ رنا: أعمل إيه يعني، كان فيه زحمة على الطريق.

رحمة: الأستاذ أمير سأل عليكي وشكله متعصب أوي، وطلبك فوراً على مكتبه. رنا: ههه، وهو امتى كان هادي؟ رنا راحت عشان تشوف أمير، بس رجعت تاني. رنا: رحمة، هو متعصب جامد. رحمة هزت راسها وقالت: هياكل بشر. رنا: بشرة خير، شكله يوم مش فايت، وهطرد من الشغل. رنا خبطت على المكتب. أمير: ادخل يا زفت. رنا دخلت لقت أمير متعصب وملامحه كلها غضب. رنا (في نفسها) : رنا، جهزي نفسك للطرد.