رواية أحببتك دون ان ادري الفصل الرابع 4 - بقلم مارينا عبود

رنا دخلت لقت أمير متعصب وملامحه كلها غضب. رنا في نفسها: رنا جهزي نفسك للطر. رنا بابتسامة: صباح الخير. أمير: صباح الزفت على دماغك. رنا: إيه، وأنا مالي؟ أمير بعصبية: اتأخرتي ليه يا زفتة؟ رنا: حضرتك أنا اسمي رنا، مش زفتة. أمير بعصبية: بت، مش عاوز استظراف الصبح. اتأخرتي ليه؟ رنا: مش ذنبي، الطريق كان زحمة، أعمل إيه؟ أمير: دي آخر مرة تتأخري فيه، انتي فاهمة؟ رنا بضحك: حاضر. أمير باستغراب: ممكن أعرف بتتزفتي تضحكي على إيه؟

رنا بضحك: بصراحة عليك. أمير بعصبية: نعمممم؟ رنا: هههه، مقصدش طبعًا، بس أنا طبيعتي إني بضحك على أي حد قدامي يكون متعصب. ههه. أمير بعصبية: طبيعتك دي تتغير يا زفتة. رنا: رنا، حضرتك اسمي رنا. وبعدين أنا نفسي أعرف حضرتك متعصب ليه؟ صدقني تعصيبك مضر للصحة. أمير بترفز: اللهم ما طولك يا روح. بت اتزفتي، اختفي من قدامي أحسن لك، وهاتيلي ورق المناقصة من مكتب أحمد، اخلصي. رنا: حاضر يا باشا، ثواني ويكون عندك.

أمير: دانتي شكلك مش ناوية على خير. إيه باشا دي؟ اسمي زفت أستاذ أمير. رنا: حاضر يا زفت أستاذ أمير. أمير بعصبية وملامح غضب: بت، انتي مجنونة؟ انتي عارفة بتقولي إيه؟ رنا: إيه؟ حضرتك اللي قلت لي أقولك كده. أمير بعصبية: بت، اختفي من قدامي أحسن لك. رنا: حاضر يا عم، بس متزقش. أمير بغضب: رنا، اتزفتي على شغلك. يخرب بيت اللي بيقول لك حاجة، يلاه بره. دانتي مجنونة. رنا: هو حضرتك متجوز؟ أمير: نعمممم؟ لا، طبعًا.

رنا: أمال بتخرب بيتك ليه قبل ما تفتحه؟ يا شيخ حسبنا الله. أمير شدها من دراعها جامد: انتي عارفة لو ممشيتيش من قدامي ممكن أتهور وأرميكي من هنا؟ انتي عارفة إحنا في الدور الكام؟ يلاه اتزفتي على شغلك. رنا: حاضر، هروح بس سيب دراعي. أمير سابها. أمير: دي طلعت مجنونة خالص. مش عارفة بتتكلم مع مين، بس إزاي مخفتش؟ أنا مفيش حد وقف قدامي إلا وخاف وعمل لي ميت ألف حساب. بس وربنا لأوريه على طوله لسانه. رنا طلعت لقت رحمة قدامها.

رحمة: إيه، عملتي إيه؟ رنا: ههههه، ولا حاجة، جبته له السكر وطلعت. رحمة بضحك: ينهار مش فايت، بلاش تلعبي بالنار. رنا: إيه يا عم الجو ده؟ يلاه عشان نشتغل. وكل واحدة قعدت على مكتبها، وفجأة دخل أحمد. أحمد: صباح الخير يا بنات. رنا ورحمة في صوت واحد: صباح النور. أحمد: رنا، أستاذ أمير وصل ولا لسه؟ رنا بصت له: قصدك أستاذ مغرور. أحمد ورحمة فضلوا يضحكوا. أحمد: ااه، وصل ولا لسه؟ رنا: ااه، وصل. أحمد: طيب. أحمد خبط على باب المكتب.

أمير: ادخل يا زفت. أحمد: صباح الخير. أمير: صباح النور. تعال يا أحمد. أحمد: إيه مالك متعصب ليه؟ السكرتيرة الجديدة ضايقتك ولا إيه؟ أمير: قصدك المجنونة رنا. كان يوم أسود يوم مجت. أحمد بضحك: إيه حصل؟ إيه؟ أمير: دي طلعت مفيهاش دماغ خالص. المهم، سيبك منه، عملت إيه مع الوفد؟ أحمد: جايين النهارده وهنتفق على كل حاجة. أمير: تمام. رنا خبطت على الباب بطريقته. أمير: اتفضلي يا زفتة. رنا دخلت: اسمي رنا، مش زفتة.

أمير: بت، أنا أقول اللي عاوزه. انتي هنا في شركتي وبتشتغلي عندي، يعني أقول اللي عاوزه، فاهمة؟ رنا: برضو اسمي رنا. أمير بعصبية: رناااا، حطي الورق واختفي من قدامي. رنا: حاضر، اتفضل الورق اللي طلبته. وطلعت. أحمد بضحك: انت متأكد إنك انت اللي هتعلمه درس متنساهوش؟ أمير بعصبية خبط على مكتبه: ااااااحمد، قصدك إيه؟ أحمد بخوف: لا، ولا حاجة. أنا هروح أشوف الموظفين، بعد إذنك. أمير: اتفضل. أحمد طلع بسرعة عشان عارف أمير لما بيتعصب.

طلع أحمد لقى رنا عمالة تضحك مع رحمة. أحمد كان معجب برحمة جدًا، هي بنت خالته وهو اللي جابها على الشغل ده. أحمد: رحمة، تعالي على مكتبي. رحمة: حاضر. وراحت وراه. رنا بصت عليهم باستغراب وسندت دراعها على المكتب. رنا في نفسها: أنا ليه حاسة إنه الاتنين دول بينهم حاجة؟ ههه، اشطا، شكله فيه قصة حب. واو، أنا بحب الحاجات دي. وفضلت تضحك. أمير طلع لقاها بتضحك مع نفسها.

أمير: ينهار أسود، وكمان طلعت بتكلم نفسها. انتي يا زفتتتتتتة، بتعملي إيه؟ رنا بخوف: أنا، أنا مش بعمل حاجة. وبعدين حد يخض حد بالطريقة دي؟ أمير: نعمممم؟ لا، استنى المرة الجاية أبقى آخد إذنك. اتزفتي، كملي شغلك. ودخل مكتبه. رنا: أبو شكلك، واحد حيوان. وفجأة جت بنت جميلة أوي ولابسة فستان لحد الركبة، بس مغرورة أوي. البنت: انتي، ياللي واقفة هناك. رنا ببرود: قصدك مين؟ أنا؟ البنت: فيه حد غيرك؟ رنا: نعم، مين حضرتك؟

البنت بغرور شديد: انتي السكرتيرة الجديدة للاستاذ أمير. رنا: ااه، أنا السكرتيرة الجديدة. البنت: طيب، اتفضلي قولي له إني عاوزة أقابله. رنا: حاضر. رنا في نفسها: ينهار أسود، وكمان طلع بتاع نسوان. دانتي أيامك سودة يا رنا. يعني ملقتيش غير ده تشتغلي عنده. رنا خبطت على الباب: ممكن أدخل؟ أمير: اتزفتي. رنا وهي بتقلّد البنت: فيه واحدة مغرورة وشايفة نفسها عاوزاك بره. أمير وهو كاتم ضحكته على تصرفاتها المجنونة: طيب، دخليها فوراً.

رنا: حاضر. البنت: ممكن أدخل؟ أمير: اتفضلي. أمير: انتي إيه جابك هنا؟