رواية احببتك ولم تحبني يوم الفصل الثالث 3 - بقلم رنا سعيد

ملك بستهزاء وبابتسامة: سوري مخدتش بالي منك ياميار، عاملة إيه؟ فجأة صوت جاء عليهم: كل الحجم ده ومخدتشي بالك منها ياملك؟ الكل التفت للصوت: هاي، أخباركم إيه؟ ملك بابتسامة خبيثة: تمام يا جيجي. جيجي بابتسامة: بهزر معاكي، أوعي تكوني زعلتي ياميار. ندي كانت لسه هتخنق معاها، بس ميار مسكت إيدها بمعني إنها متتكلمش. ميار بابتسامة: لا عادي، ولا يهمك، يلا ياندي نمشي. وميار وندي كانوا لسه هيمشوا، بس عمر جه عليهم.

عمر: واقفين كده ليه، خير؟ ملك اقتربت منه: أكيد خير يا مستر عمر. عمر بابتسامة: طب يلا، كل واحد على مكتبه. ملك عايزك في مكتبي ضروري. ملك برقة: ماشي. وبالفعل كل واحد راح لمكتبه، وكان مكتب ندي وميار جنب بعض. ندي بضيق: مخلتنيش ليه أوقفها عند حدودها؟ ميار بابتسامة: يا حبيبتي، فكك منها، كبري عقلك يا ندي بقا، ويلا اشتغلي. ندي بنفخ بضيق: حاضر، بس وربنا اللي يجي جمبك تاني، أنا مش هسكت يا ميار، فاهمة؟

ميار بابتسامة: فاهمة يا قلبي. صباح الخير على أجمل وأحلى بنتين في الشركة. ميار وندي: صباح النور يا زياد. زياد بابتسامة: أخباركم إيه يا ميار؟ ميار بابتسامة: الحمد لله. زياد باستغراب: مالك ياندي ساكتة ومبوزة ليه على الصبح؟ ندي بضيق: مفيش. زياد بجدية: مالك يا بت، في إيه؟ ندي بضيق أكتر: بقولك مفيش يا زياد. زياد: هي مالها يا ميار؟ ميار: مفيش حاجة يا زياد. زياد بزعل: براحتكم، عن إذنكم. زياد وخرج وهو زعلان منهم.

ميار: عجبك كده؟ ادي خطيبك زعل منك. ندي بضيق: يتفلق. ميار بضحكة: من قلبك؟ ندي: لا. ميار بابتسامة: طب قومي صالحي يلا. ندي: مش وقته يا ميار، بعدين يبقا أصالحُه. ميار: قومي صالحي أحسن ما أزعل منك والله. ندي: حاضر. في مكان آخر. ملك برقة: تمام يا مستر عمر. عمر بابتسامة: ملك، ركزي كويس، واعرفيلي كل أخباره إيه. ملك بابتسامة: حاضر، متقلقش. عمر بابتسامة: ماشي. في مكان آخر. زياد بحدة: ادخل. الباب اتفتح ودخلت ندي.