رواية احببتك ولم تحبني يوم الفصل الثاني 2 - بقلم رنا سعيد

ميار ومسحت دموعها: كان ملك عندها حق لما قالت إن عمر أخوكي عمره ما هيبص لواحدة سمينة ومليانة في الجسم كده. وزي ما قالت، كلامها طلع صح. وميار طلعت تجري على الباب وفتحته. وكانت لسه هتخرج بس اتفاجأت باللي واقف على الباب. ميار بصدمة: عمي. (تقصد عمر) عمر بابتسامة: إزيك يا ميار. ميار بصت عليه بطرف عينها ومشيت من غير ما ترد عليه. وندي جوه قاعدة على السرير بتكتم ضحكتها عليهم. ندي بضحكة: واسع كده يا عمر.

عمر باستغراب ورفع حاجب: هو في إيه؟ وكمل طريقه ناحية أوضته. ندي بضحكة ومسكت إيد ميار: ميار استني. ميار ومسحت دموعها ومن غير ما تلف وشها ليها: سبيني يا ندي دلوقتي، عن إذنك. ندي بضحكة: إيه رأيك في المقلب ده؟ ميار ولفت وشها ليها: مقلب؟ ندي بضحكة: آه، عملت فيكي مقلب إني عمر بيحب ملك، وإنتي شربتي المقلب. هههههههه. ميار بدموع: مقلب؟ بتعملي فيا مقلب زي ده ليه يا ندي؟ أنا كنت هموت فيها. روحي الله يسامحك. وكملت طريقها.

ندي اعترضت طريقها: خلاص بقى، كنت بهزر يا ميمو. ميار بحدة: أوعي يا ندي دلوقتي من وشي. وبصريخ: أوعي! ندي بعدت عنها وميار كملت طريقها. بس ميار فجأة وقفت لما سمعت صوت بكاء ندي. ميار لفت وشها لندي. ميار بابتسامة: يعني إنتي كمان اللي عملتي فيا المقلب وبتعيطي؟ ندي بدموع كالاطفال: أنا بعيط عشان إنتي زعلانة مني، وأنا مقدرش على زعلك يا ميار. ميار بابتسامة: تعالي في حضني يا هبلة إنتي. ندي وجريت حضنتها.

ندي بفرحة: بحبك أوي أوي يا ميمو. وفجأة صوت جه عليهم: الله الله على الحب. أجيب لكم اتنين ليمون. ندي وبعدت عن حضن ميار. ندي بابتسامة: يا ريت يا عمر، ويا ريت كمان لو من إيدك. وغمزت لميار. عمر بضحكة: يلا يا بت ادخلي نامي. وإنتي يا ميار، يلا روحي بقى. إنتوا نسيتوا ولا إيه إن عليكم شغل بكرة؟ ميار بضحكة: إنت بتطردتني من بيتك يا سي عمي. عمر بضحكة: هو أنا أقدر يا ميار.

ميار بابتسامة: بحسب. طب أنا همشي بقى يا ندي. يلا باي، أشوفك بكرة. ندي وحضنتها: مع السلامة يا حبيبتي. في صباح اليوم التالي. ميار ودخلت الشركة هي وندي. فجأة حد اعترض طريقهم: صباح الخير يا نادوشة. ندي بقرف: صباح النور يا ملك. ملك بابتسامة: أخبارك إيه؟ ندي بقرف: الحمد لله. ملك بسخرية وبابتسامة: سوري، ما خدتش بالي منك ياميار. عاملة إيه؟ فجأة صوت جه عليهم: كل الحجم ده ومخدتيش بالك منها يا ملك؟