رواية احببتك صدفه الفصل الأول 1 - بقلم ايمان محمد

يعني إيه اتجوزها يا ماما دي معاقة؟ صباح. معلش يابني بس عشان خاطري دي يتيمة ومش ليها حد. آسر. لا يا ماما دي الحاجة الوحيدة اللي هقولك عليها لأ. صباح بحزن. عشان خاطري يابني. آسر بضيق. أنا طالع بره أقعد مع صحابي شوية. آسر. الو. مازن. الو يا آسر. آسر. أنت فاضي دلوقتي؟ مازن. أيوه. عايز حاجة؟ آسر. أنا جايلك أقعد شوية، ماشي؟ مازن. ماشي، مستنيك. تالين. جد تالين. عايزة حاجة يا بنتي؟ تالين تهز رأسها. لأ.

جدها. إيه رأيك يا تالين نجيب أكل من بره النهاردة؟ تالين بتهز رأسها إيجابًا. ماشي. جد تالين. يا تالين يا بنتي في جاي ليكي عريس. ابن خالتك صباح اللي كانوا عايشين هنا. تالين بتكتب على الورقة. بس أنا لسه في أولى كلية. جدها. بس أنا يابنتي عايز أفرح بيكي قبل ما أموت. عايز أطمئن عليكي يابنتي قبل ما أموت. تالين بتكتب على الورقة. بعد الشر يا جدي. بس أنا مش عايزة اتجوز دلوقتي. الجد. اللي يريحك يابنتي.

تالين بتكتب. أنا رايحة أذاكر، ماشي يا جدو. الجد. ماشي يابنتي. الجد. لازم تتجوزي يا تالين قبل ما أموت. أنا مش فاضل ليا كتير، بالكتير ست شهور الكانسر هينهي عليا يا بنتي. آسر بيخبط على الباب. مازن. في إيه يبني؟ آسر. ماما عايزة تجوزني. مازن. ماهو حلو أهو. آسر. عايزة تجوزني واحدة معاقة. مازن. معاقة إزاي؟ آسر. مش عارف عندها إعاقة فين. مازن. عشان كده أنت زعلان؟ آسر. آه يا سيدي. مازن. ما أنت رفضت بنات كتير.

آسر. بس المرة دي غير. المرة دي ماما عايزة تجوزني للبنت دي بأي طريقة. مازن. تعالى نطلع نتمشى شوية. آسر. يلا. تالين بتكتب لجدها على الورقة إنها طالعة مع صحبتها. الجد. هتتأخري يا تالين. تالين بتكتب. ساعة وهاروح يا جدو. الجد. سلميلي على سلمى. تالين بتهز رأسها كأنها بتقوله باي. الجد. ربنا يحميكي يابنتي. سلمى. يلا يا تالين. تالين بتهز رأسها إيجابًا. جايه.

سلمى. إيه رأيك نروح ناخد من البت مي المذكرة بتاعة الدكتور ونروح نشرب عصير؟ بيروحوا وبياخدوا المذكرة. وبعدين بيروحوا يشربوا عصير. آسر. يلا يا مازن خلينا نروح. علينا شغل في الشركة بكرة كتير. ومش تنسى الملف بتاع اجتماع بكرة. دي صفقة مهمة لازم تخلصها بكرة. مازن. ماشي يا حضرة المدير. آسر. على أساس إنك مش مدير. مازن. خلاص، فك شوية. فيها إيه يعني أمك جايبالك عروسة؟ آسر. أنا مش عايز اتجوز ياسيدي.

مازن. خلاص خلي طنط صباح تشوفلي أنا كمان عروسة. آسر. امشي يلا. مازن. يلا، هي وصلت لـ يلا. ماشي. آسر. هتعمل إيه يعني؟ مازن. هقولك يلا عادي خالص. آسر بضحكة. يلا امشي قدامي واسكت. سلمى. أنا هاروح أجيب علبة مناديل يا تالين وجاية، ماشي. تالين بتهز رأسها إيجابًا. ماشي. آسر ومازن وهما ماشيين. مازن. آه يا جماعة خاطفني. عايز يقتلني عشان ينتقم مني. آسر. الناس بتتلم عليه عشان تمسكه وبيكونوا هيضربوه.

مازن. بس يا جماعة أنا كنت بهزر. حد من الناس. بأه ده هزار؟ الشباب آخر زمن. آسر. بأه اللي أنت عملته ده ينفع؟ مازن. كنت بهزر معاك. مش بتهزر ولا إيه يا مرسي؟ آسر. ماشي. وبيجريوا ورا بعض. تالين بيكون في ولد بيجري من أمه وبيكون هيقع على الأرض وعربيات جاية. تالين بتجري على الولد وبتنقذه. وبتكون راجعة وبتدي الولد لأمه. تالين بتكون رايحة المكان اللي كانت مستنية فيه سلمى. وبتكون بتعدل الطرحة بتاعتها ومش مركزة. وبتخبط في آسر.

آسر. مش تحاسبي! تالين. مش بترد لأنها مش بتتكلم. آسر. يلا يبني. مازن. يلا. آسر. هو أنا ليه مش استنيت لحد ما تعتذر مني؟ مازن. مش مهم. آسر. يلا. بس دي حتى مش قالت ليه أنا آسفة. ده أنا كنت هقع على الأرض لولاك. مازن. يلا يابني. تالين. بتكون زهقت من الوقفة. وبتكون حزينة وعايزة تعيط لأنها مش عارفة ترد ولا تتكلم. سلمى. أنا آسفة يا تالين اتأخرت عليكي بس المحل كان زحمة. تالين بتمشي. وسلمى بتمشي وراها. سلمى. في إيه يا تالين؟

تالين بتحضن سلمى وبتقعد تعيط. سلمى. هو في حد زعلك؟ تالين. مش بتبقى عارفة ترد. سلمى بتطلع ورقة وقلم وبيكتبوا عليها. تالين. أنا حزينة أوي يا سلمى. سلمى. معلش يا تالين. تالين. كنت خبطت في واحد ومش عرفت اعتذر منه. تلاقيه بيتكلم عليا دلوقتي لأني مش اعتذرت. سلمى. اللي يتكلم يتكلم، سيبك منهم. يلا بأه نروح. واهدى كده يا أجمل تالين مع أجمل عيون أنا شفت في جمالك يا قمر أنت. تالين بتضحك وبتحضن سلمى.

مازن. مالك يابني سرحان في إيه؟ آسر. البنت اللي خبطت فيها من شوية، شفت عيونها. مازن. لا مش شفتها، مالها؟ آسر. جميلة أوي. مازن. جميلة إزاي؟ ملونة يعني؟ آسر. آه. مازن. لونها إيه؟ آسر. مش عرفت أحدد اللون، بس اللي أعرفه إني عيونها جميلة مع اللمعان اللي كان في عينيها. مازن. يلا وصلنا. آسر. مع السلامة يا صاحبي. مازن. مع السلامة. أشوفك بكرة في الشركة. آسر. والله مش عارف. أنا كنت مخنوق النهاردة، مش عارف كنت هعمل إيه من غيرك.

مازن. أنت أخويا، يلا. آسر. يالا. مازن. آه يالا. آسر. يلا سلام يالا. وبيضحكوا هما الاتنين. آسر بيكون طالع على السلم. بيفتح الباب وبيدخل. صباح. رجعت يابني. آسر. آه رجعت يا ماما. محتاجة حاجة أجبهالك؟ صباح. لا يبني بس... آسر. لو قصدك على موضوع الصبح ده، أنا مش هتجوز، وإن كنت هتجوز هتجوز واحدة مش تعبانة أو عندها أي نوع من الإعاقة. صباح. أنت تفكيرك كده يابني. خليك كده على طول. بس أقولك، هييجي يوم وتندم على تفكيرك ده يابني.

آسر. أنا رايح أنام يا أمي. آسر بيقعد على السرير. وبيفكر في عيون البنت اللي شافها. آسر. عيونها جميلة أوي. هي دي البنت اللي آسر بيحبها، تكون مميزة في كل حاجة. أنا فتاة أحلامه ليها مواصفات. وبيروح ينام. تالين. بتدخل البيت. الجد. رجعتي يابنتي، تعالي عشان تأكلي. تالين بتدخل تحضنه وبتدعي في سرها إن ربنا يخليه ليها. تالين بتكتب على الورقة إنها هتصلي وتغير هدومها وبعدين تأكل. الجد. ماشي يابنتي.

تالين بتفتكر معايرة الناس ليها والتنمر اللي كان بيحصلها بسبب إنها مش بتتكلم. وميعرفوش إن السبب إنها شافت جريمة قتل وهي صغيرة ومن ساعة ما شافتها وهي على الحالة دي لأن المجرمين كانوا بيهددوه لو اتكلمت هيقتلوها هي وجدها. وكانت مربوطة لمدة أسبوعين في قبو وحاطين على بوقها قماشة عشان مش تتكلم و.........