رواية احببتك صدفه الفصل الثاني 2 - بقلم ايمان محمد

صباح: يا آسر يا آسر اصحى يابنى. مازن: خالتي أنا هدخل أصحى الكسلان ده، المفروض أنه صاحي من بدري. صباح: ادخل يابني صحيه على ما أجهز الأكل. مازن: ماشي يا خالتي. مازن: آاااااااااااااسر. آسر: في إيه؟ مازن: في أننا عايزين نروح الشركة ونفطر. آسر: هو حد بيصحى حد بالطريقة دي؟ مازن: لو مفيش حد بيصحى حد، يبقى في اتنين بيصحوا اتنين. آسر: على فكرة مش بضحك ودمك مش خفيف. مازن: خلينا لك خفة الدم.

آسر: هي إيه كتلة الرخامة اللي على الصبح دي؟ مازن: ماشي يا أبو كتلة، خلص عشان نفطر ونروح الشركة. آسر: دقيقتين وهاجي. مازن: عاملة إيه فطار يا صبوحة؟ صباح: عاملة بسطرمة وبطاكس، وفيه جبنة. آسر: صباح الخير يا ماما. صباح: صباح الخير يابني. آسر: مفيش بسلة من امبارح يا ماما؟ مازن: أنتِ عاملة بسلة امبارح؟ مش تقولي لي من بدري. آسر: تعالى يلا نسخن بسلة ورز. مازن: يلا. هو حد يضيع بسلة صبوحة. (بيقعودوا يأكلوا)

مازن: يلا يا درش عشان مش نتأخر. آسر: يلا. صباح: ربنا يحميكوا يا ولادي. آسر: عايزة حاجة يا ماما من بره؟ صباح: لا يابني. بس عايزة تفكري في الكلام اللي قولتهولك. آسر: أنا ماشي يا ماما. الجد: يا تالين يلا يا بنتي عشان مش تتأخري على الكلية. تالين أول ما بتصحى تبتسم لجدها كأنها بتقوله صباح الخير. الجد: يلا يا بنتي غيري هدومك واجهزي عشان سلمى لما تجيلك، وأنا هكون حطيت الفطار. تالين بتقوم تاخد شاور وبتجهز وبتروح تفطر.

الجد: ربنا يحميكي يا بنتي. بس أنا عايزك تفكري في اللي أنا قولتهولك بخصوص العريس. تالين بتكتب على الورقة: بس أنا يا جدي قلت لك إني مش موافقة على حاجة دلوقتي، أنا لسه في أولى كلية. الجد: بصي يا بنتي أنا مش كنت عايز أقول لك بس، يا بنتي أنا مش هعيش لك كتير. أنا يا قلب جدك عندي كانسر ويوم عن يوم بينهي عليا، ولازم أطمئن عليكي قبل ما أموت يا بنتي.

تالين بتتصدم من اللي قاله جدها وبتكون مش عارفة تتكلم، متعملش حاجة غير إنها بتعيط. الجد: عرفتي ليه يا بنتي عايزك تتجوزي؟ أنا مش عايز أسيب الدنيا يا بنتي وإنتي تكوني من بعده وحيدة، عايز أطمئن عليكي يا روحي. تالين بتزيد في العياط. الجد: أنا يا بنتي مش بقولك كدا عشان تعيطي، هي دي سنة الحياة. وأنا عايش بقالي كتير، وقبل ما أموت عايز أفرح بيكي يا أغلى ما ليا. تالين بتحضن جدها جامد.

الجد: أهدي يا بنتي. فكري في اللي أنا قولته لك، وأتمنى إنك تتجوزيه، على الأقل كنا عارفين أمه. سلمى: يا تالين يلا عشان الكلية. الجد: يلا يا بنتي روحي كليتك. سلمى: مالك يا تالين؟ تالين بتقعد تعيط. سلمى: تعالي نروح الكلية وبعدين أبقى احكي لي. امسحي دموعك دي بأه يا أحلى عيون. سلمى: تعالي نروح الكانتين. سلمى: مالك بأه يا تالين؟ تالين بتكتب على الورقة: جدي عايزني أتجوز يا سلمى. سلمى: وفيها إيه؟

تالين: جدي جدي عايز يجوزني عشان... سلمى: عشان إيه؟ تالين بتقعد تعيط أكتر. سلمى: لا، فيه حاجة كدا. مالك يا تالين؟ مازن: مبروك يا صاحبي الصفقة. آسر: مبروك ليك انت كمان. مازن: إيه رأيك نطلع بره؟ آسر: هنروح فين؟ مازن: إيه رأيك نروح نلعب كورة. آسر: يلا. مازن: هصفك يا صاحبي وأنا اللي هكسب. آسر: هنشوف. من ضحك أولًا بكى آخرا. (وبيبدأ الماتش) الحكم: تعادل. مازن: لا يلا نكمل. آسر: يلا نروح أنا أصلاً تعبت. مازن: لا يلا نكمل.

آسر: يلا. (وبيبدأوا يلعبوا) آسر: جووووووووووووووووووول. مازن: لا كدا كتير. أنا كنت متفائل إني هكسب المرة دي. آسر: يلا يا صاحبي، أنا وانت واحد. مازن: يلا. آسر: إيه رأيك تيجي تقعد معايا النهاردة؟ مازن: لا يابني خليني أروح شقتي أنام أحسن. آسر: متخافش مش هاكلك. مازن: لا مش خايف. آسر: خلاص يلا تعالى اقعد معايا. مازن: صبوحة عاملة أكل إيه؟ آسر: مش عارف، استنى هسألها. آسر: الو يا ماما. صباح: أيوه يابني.

آسر: أنتِ عاملة أكل إيه؟ صباح: عاملة محشي وبشاميل. آسر: خلاص ماشي. سلام يا ماما. آسر: عاملة محشي وبشاميل. مازن: يلا اطلع على بيتكوا. آسر: بتاع بطنك طول عمرك بأه مش عايز تيجي تقعد معايا وهتيجي عشان الأكل؟ بس ماشي يا صاحبي. آسر: هسألك سؤال يا مازن. مازن: اسأل. آسر: لو خيروك بيني وبين أي حاجة هتختار إيه؟ مازن: أكيد أي حاجة. يمكن تطلع مفيدة. آسر: ونعمة الأصحاب. مازن: بهزر يا صاحبي. مش بتهزر ي مرسي؟

آسر بضحكة: ما أنا عارف إنك بتهزر. تالين بتكون رايحة هي وسلمى. سلمى: أهدي يا تالين كدا، ادخلي واذكري عشان الامتحانات قربت. تالين بتهز رأسها وبتدخل، وبتفتح الباب وفجأة 😱 بتلاقي ......................