رواية احببتك صدفه الفصل الخامس والثلاثون 35 - بقلم ايمان محمد

آسر. تلاقت مازن وسلمى، جم. استنى ي تالين، هفتح أنا. وبينزل بيفتح. سلمى بلهفة أول ما بيفتح الباب: تالين فين ي آسر؟ تالين فين؟ تالين: أنا اهو ي حبيبتي. وبيحضنوا بعض. آسر بيكون في قمة الفرح ومش مصدق إن عياله معاه ومراته وكل حاجة رجعت طبيعتها. آسر: مش هتفضلوا واقفين على الباب؟ يلا اتفضلوا. وبيدخلوا. مازن: أنا مش فاهم أي حاجة، ممكن حد يتطوع فيكم ويحكي لي إيه اللي كان حاصل؟ سلمى: هبقى أحكيلك ي حبيبي بعدين.

مازن: أنا هقوم أجيب ميه. تالين: خليك مرتاح. وبتيجي تقوم بتفقد الوعي. حسام: إزاي يعني مش لاقيين الجثة؟ = المشكلة ي حسام بيه إنوا فجّر نفسه وهو بينط. حسام: حتى لو فجّر نفسه لازم تجيبوا الجثة. وبيكون متعصب جدًا وبيتكلم بعصبية. فجأة واحد بيدخل: لقينا الجثة ي حسام بيه. حسام بيفرح إنهم لقوا الجثة وخلاص تالين خلصت منه. بيروح عشان يتأكد من الجثة. *** آسر: تالين مالها ي دكتورة؟

الدكتورة: معلش في اللي هقوله، بس دي عندها حالة نفسية جامدة. هو كان عندها ضغوط أو أي حاجة؟ آسر: كان في شوية ضغوط اليومين دول. الدكتورة: لازم ولابد تبعد عنها أي ضغط، لا إلا هيأثر عليها بالسلب، ولازم تبعد عن المشاكل. آسر: شكرًا ي دكتورة. *** حسام بيكون بيتأكد من الجثة، بتكون محروقة جدًا وملامحه مش باينة. حسام: انتوا لقيتوا الجثة دي فين؟ = لقيناها في البحر اللي تحت البيت ي حسام بيه. حسام: تمام.

وبيسيبهم ويمشي، وبيكون عايز يروح ينام لأنه بيكون تعبان طول النهار وبيكون الوقت متأخر جدًا جدًا. حسام بيكون سايق العربية، بتجيله مكالمة من أمه. حسام: ألو ي ماما. أم حسام: اتأخرت ليه يبني؟ حسام: خلاص ي ماما قربت أوصل. أم حسام: تمام ي ابني مستنياك، متتأخرش. حسام: تمام. *** سلمى: يلا ي مازن نروح عشان نجيب آسر ونيجي بكرة. مازن: يلا ي حبيبتي. سلمى: مع السلامة ي آسر.

سلمى: خلي بالك من تالين ي آسر، ولو حصل حاجة ابقى أرن عليا. وبكرة هاحي مخصوص عشان أشوف محمد ونور. آسر: ماشي. مازن: يلا ي حبيبتي. وبيمشي. آسر بيروح لـ تالين وبيشوف حالتها، بيضايق جدًا. بيطلع البلكونة وبيبدأ يفكر. آسر: يعني أنا فكرت في يوم إن تالين ممكن تقتلني أو تخونني. وبيبدأ يحاسب نفسه وبيكون عايز يعاقب نفسه إنه فكر فيها كدا، وكمان كلمها كلام جارح ووحش. وبيدخل يقعد جنبها. آسر: سامحيني ي تالين، سامحيني.

وبينام وهو قاعد على الكرسي وبيكون ماسك إيدها. *** تانى يوم. *** أحمد: حبيب قلب خالو. = يلا ي خالو اصحى عشان ماما بتقولك اصحى. أحمد: ماشي أنا صحيت. وبيقوم بيدخل الحمام ياخد دش وبينزل عشان يفطر. أحمد: هتروح معايا ي سالي انهاردة؟ سالي: هنروح فين؟ أحمد: نعزم آسر ومازن، جهزي انتي والعسل ده. سالي: تمام. أحمد بيجهز هو وسالي وبيروحوا عشان يعزموهم. وهما في الطريق. أحمد: جوزك مش ناوي ييجي ي سالي ولا إيه؟

سالي: لا جاي بس وراه شوية شغل وهييجي انهاردة بليل. أحمد: تمام. *** تالين بتصحى بتلاقي آسر نايم على الكرسي وماسك إيدها. بتشيل إيدها وبتقوم. بتروح لعيالها. تالين: يا نور يا نور، يا محمد يا محمد، اصحوا ي حبايبى بقينا الظهر. محمد ونور في صوت واحد: الظهر! وبيقوموا بسرعة. تالين: في إيه ي حبايبى؟ اخضيتوا ليه لما قولت الظهر؟ محمد: عشان لازم نصحى كل يوم الساعة ٨. تالين: ليه كل يوم تصحوا الساعة ٨؟

نور: عشان جدي كان حاطط القانون ده إننا لازم نفطر معاه ونصحى بدري، وكان بيزعلنا لما نصحى متأخر في يوم. محمد: انتي هتزعقي لنا ي ماما؟ تالين: لا ي حبيبي أزعقلك ليه. تالين: إيه رأيكم ي حبايبى نروح نصحى بابا؟ محمد: هيييييييييييييييييه يلا. نور: يلا. تالين ومحمد ونور بيروحوا عشان يصحوا آسر، وبيبدأوا يعملوا في وشه حاجات غريبة، يكتبوا عليه بقلم ويرسموا شنب شكله مش حلو. نور: بس كفاية كدا عشان بابا مش يزهق.

بعدين تالين بتاخد العيال وبتمشي لما بيحسوا إن آسر بدأ يصحى. بتنزل المطبخ عشان تعمل أكل للعيال. تالين: عايزين تأكلوا إيه ي حبايبى؟ نور: أنا عايزة أعمل بيض أومليت. محمد: وأنا عايز آكل بطاطس مقلية. تالين: تحبوا نحضر الأكل مع بعض؟ وبتاخدهم وتقعدهم فوق في المطبخ. آسر بيصحى بينزل تحت وبيكون منظره مضحك جدًا. آسر: صباح الخير ي تالين، صباح الخير ي حبايبى. نور ومحمد وتالين بضحكة خبيثة: صباح النور. الباب الجرس بيرن.

تالين بتكون رايحة تفتح. آسر: لا خليكي، أنا هفتح. تالين: لا اسـ... استنى. آسر: استنى إيه؟ خليني أنا هفتح. وبينزل يفتح الباب. سالي: 🤣🤣🤣😂😂😂😂😂 هههههههههههه. أحمد: بيكون بيركن العربية. إيه اللي بيضحك كدا ي سالي؟ وبيبص لـ آسر. 😂😂🤣🤣🤣🤣🤣🤣🤣🤣 هههههههههههه. آسر: هو في إيه اللي بيضحك؟ سالي: وبتفتح كاميرا الفون بتاعها وبتحطها في وشه. آسر: ينهار أبيض على المنظر! هو ده فلتر صح؟ سالي: للأسف لا. آسر: ينهار أبيض!

وبيروح يجري على الحمام يمسح وشه. تالين بتطلع بإحراج: اتفضلوا. سالي: عاملة إيه ي تالين؟ تالين: الحمد لله. محمد: يا ماما يا ماما، انتي لسه مش قليتي ليا البطاطس؟ تالين: هقليهالك ي حبيبي، اصبر شوية. اتفقنا؟ محمد: اتفقنا. سالي: الله أكبر، ابنك دمه زي العسل ي تالين. تالين: يا نور يا نور. نور: نعم ي ماما. تالين: تعالي. وبتوّقف محمد ونور. تالين: أقدم لكم نور ومحمد ولادي. سالي: الله أكبر، ربنا يحميهم ويخليهم. تالين: يارب.

أحمد: هو آسر طلع مش هينزل؟ آسر: فوق في الحمام، ده حبر مش راضي يطلع. وبيكون بيغسل وشه جدًا بس مش بيطلع، آخر ما بيزهق بيلبس كمامة وكاب وبينزل للضيوف. أحمد: انت لابس الكاب في البيت ي آسر؟ وبيكون بيتكلم بضحك. أحمد: أنا عازمك ي آسر على فرحي قريب جدًا، اليومين اللي جايين. أتمنى تشرفني انت وأسرتك. آسر: إن شاء الله. أحمد: إن شاء الله. أحمد وسالي بيروحوا يعزموا مازن وسلمى بردوا، وبعدين بيروح.