رواية احببتك صدفه الفصل الرابع 4 - بقلم ايمان محمد

الجد: تالين يا بنتي تعالي. تالين تطلع لكنها تنزل وجهها ولا يراها، وهو غير مهتم. بعد قراءة الفاتحة: الجد: ألف مبروك. صباح: الله يبارك فيك. مازن: ألف مبروك يا آسر. آسر لا يرد عليه. مازن: تيجي نطلع بره؟ آسر: يلا. آسر: أنا طالع شوية أنا ومازن يا ماما. صباح: هتسبيني قاعدة وتمشي؟ آسر: انتي اللي عايزة كدا. ويتركها ويمشي. مازن: طب على الأقل كنت استنى تشوف العروسة. آسر: يا عم سيبك. تلاقيها مش حلوة وتقطع الخميرة من البيت.

مازن: هو الجملة دي "تقطع الخميرة من البيت" ههههههههههه. انت جبت الجملة دي منين؟ آسر: سمعتها واحنا جايين. صباح: ما شاء الله يا تالين، الله أكبر عليكي يا بنتي. ملامحك بريئة أوي يا تالين. تالين تبتسم. صباح: تيجوا نطلع نتمشى يا عمو صالح بما إني مش جيت البلد من زمان. صالح: ماشي يا بنتي تعالي. صالح: عايزة تيجي معانا يا تالين ولا لأ؟ تالين تكتب على الورقة إنها هتروح عند سلمى تقعد شوية وتيجي على السريع.

الجد: ماشي يا بنتي مش تتأخري. صباح: ياه البلد اتغيرت أوي. صالح: كل حاجة مش بتثبت على حالها يا بنتي. صباح: معاك حق يا عمي صالح. تالين تخبط على سلمى. سلمى: تعالي يا تالين، عملتي إيه؟ تالين تدخل ومعها ورق للكتابة. تالين: مش عملت حاجة. سلمى: إزاي يعني؟ العريس حلو ولا لأ؟ تالين تكتب: مش عارفة. سلمى: إزاي يعني مش عارفة؟ بدل إنتي مش عارفة يبقى أنا اللي أعرف.

تالين: مشوفتش وشه أوي. بس باين عليه مش عايز يتجوزني. أنا معاه في كدا، إزاي يتجوز واحدة مش بتتكلم؟ سلمى: مش تقولى على نفسك كدا يا تالين، انتي أحسن من أي بنت. سلمى: إيه رأيك نروح نشرب عصير قصب يا أمورة؟ تالين تكتب: يلا. آسر: أعمل إيه دلوقتي؟ هتجوز دي إزاي؟ مازن: بس إنت مش شوفتها. آسر: أكيد يا ابني مش حلوة. ويكون ماشي هو ومازن ويتناقشوا. سلمى: أنا بطني واجعاني، شربت قصب كتير. تالين

تهز رأسها كأنها تقول: وأنا كمان بطني وجعاني. سلمى: فاكرة أيام الثانوية العامة؟ أد إيه شربنا قصب. تالين تضحك لما بتفتكر. سلمى: أيوه كدا اضحكي. فاكرة لما كنا بنتريق على البنات اللي عاملين نفسهم اتيكيت وهما بيشربوا عصير القصب بخرطوم الغسالة؟ تالين وسلمى يكونوا بيضحكوا وماشيين في الشارع. آسر: مازن. مازن: إيوه. آسر: شايف الحلوين اللي هناك دول؟ مازن: أوووبا. آسر: لا يا روحي، ولا أووبا ولا مش أووبا، اتظبط كدا.

مازن: عايزني أعمل إيه يعني؟ آسر: نمشي باحترامنا، إحنا في البلد وهنا غير عندنا. وبيمشوا. آسر: أنا عارف العيون دي. مازن: أنهي واحدة فيهم؟ آسر: اللي عيونها جميلة هناك دي. مازن: اللي على اليمين. آسر: أيوه. مازن: عارفها إزاي بقى العيون دي؟ آسر: أنا شفتها قبل كدا. مازن: شفتها فين؟ آسر: البنت اللي خبطت فيا المرة اللي فاتت. مازن: آهه. آسر: البنت دي فيها حاجة غريبة. مازن: زي إيه؟

آسر: مش عارف، دي تاني مرة أشوفها، وفي الحالتين بحس إني بتشدلها أكتر. مازن: طيب يلا يا أخويا نمشي عشان نروح ناخد طنط صباح ونمشي، ورانا شغل كتير بكرة. آسر: يلا. سلمى: إيه رأيك ناخد وردة من هنا؟ تالين تكتب على الورقة: الراجل اللي هنا بيزعق على أي حاجة، ف خلينا نمشي ونسكت. سلمى: بس أنا عايزة وردة. إنتي مش عايزة وردة؟ تالين تهز رأسها بأنها عايزة وردة، بس لا عشان الراجل اللي هنا وحش. سلمى: تعالي نقطف وردتين ونمشي. تالين:

بمشي وبتكتب على الورقة: يلا امشي، مش ناقصين مشاكل. آسر يسمعها. آسر: تعالي يا مازن. مازن: تعالي فين؟ آسر: نقطف ورد. مازن: نقطف ليه؟ آسر: يلا بس. ويجروا رايحين يقطفوا. صباح: هما العيال لسه مش رجعوا؟ آسر: أتأخر أوي. صالح: مش تخافي. تعالي أعملك شاي عقبال ما يجوا. آسر بيقطف وردة وبيحي طالع. بيطلع راجل شكله مخيف والجو بيكون ضلمة، بيكون شكله مخيف جدا. الراجل: مين اللي اتحرأ ودخل الجنينة بتاعتي؟ وبيكون صوته عالي جدا.

آسر: فيها حاجة يا عمي؟ الراجل: ده انت ليلتك سودة! انت إزاي استرجيت تدخل الجنينة بتاعتي؟ آسر: وفيها إيه يعني؟ الراجل: انت لو مش اتحركت من مكاني هكون طخك بالنار، مفهوم؟ مازن: يلا يا آسر، ده شكله مجنون. آسر: يلا. الراجل: خد تعالى ياض. انت اسمك إيه؟ حاسس إنك مش غريب عليا. هو إنت ابن صباح؟ آسر: أيوه. الراجل: ماشي. ويتركونه ويدخل. آسر: هو يعرف أمي منين؟ مازن: مش أمك قالتلك إنكم كنتوا عايشين هنا؟ آسر: يلا.

وبيكون ماشي وبيلاقي تالين وسلمى لسه ماشيين. آسر: يا آنسة لو سمحتي. تالين تدير هي وسلمى. آسر: اتفضلي الوردة دي ليكي. تالين بتكون ساكتة ومش بترد. آسر: هي أعجبت بيا ولا إيه لدرجة إنها مش بترد؟ مازن: مش تاخد في نفسك مقلب. آسر: بيدي الوردة لتالين وبيمشي. سلمى: هي دي معاكسة ولا حصل إيه دلوقتي؟ تالين بتكون مصدومة من اللي حصل ومين دول. بعد شوية بنلاقي سلمى و تالين قربوا يوصلوا، بس بيحسوا إن في حد ماشي وراهم.

سلمى بتبص بتلاقي إنهم نفس الشابين اللي شافوهم من شوية. سلمى: هما ماشيين ورانا ليه؟ أنا خايفة. تالين تمسك إيدها وبيكملوا مشي. بعد شوية بنلاقي سلمى مسكت. يتبع.