رواية احببتك صدفه الفصل الثالث 3 - بقلم ايمان محمد

سلمى. مع السلامة يا تالين، أشوفك بكرة. تالين بابتسامة تهز رأسها وتدخل. أول ما تالين تدخل، بتلاقي جدها واقع على الأرض. تالين بتجري عليه وبتكون مش عارفة تتصرف إزاي، حتى مش هتعرف تتكلم في الفون. وبتكون دموعها نازلة أسرع من المطر من الخوف على جدها. بتطلع تجري على الباب تلحق سلمى عشان تتصل بالإسعاف. تالين بتكون جاية على سلمى وهي بتجري ومنها، بتعيط. سلمى. مالك يا تالين؟ تالين بتشد سلمى على بيتهم. سلمى. يا جدي، مالك؟

سلمى. ماله يا تالين؟ تالين بتعيط جامد وبتكون مش عارفة تقولها إيه. بتروح ماسكة الموبايل وتتصل على الإسعاف وتخلي سلمى تتكلم. مازن. تسلم إيدك يا خالتوا على الأكل، طعمه حلو جداً. آسر. معاه حق يا ماما، طعمه جميل. صباح. تسلموا يا حبايب قلبي. آسر. كوبايتين قهوة كدا يا صبوحة، ولا كوبايتين شاي؟ صباح. عيني. مازن. عملت إيه في حوار العروسة؟ آسر. كل يوم بيتقلب نكد بسبب الكلام ده. ماما مش مقتنعة وعايزاني أتجوزها.

مازن. طب هي ليه عايزة تجوزك البنت دي؟ آسر. مش عارف، بس مقتنعة بيها أوي. صباح. عشان أم البنت دي هي السبب في إنك عايش، وماتت بسببك في الحريقة. الله يرحمك يا سارة. آسر. سارة مين؟ صباح. أم العروسة. آسر. اقعدي كدا وفهميني. صباح. إنت كنت صغير يا ابني وكنا عايشين في الحارة قبل ما أبوك يعمل إمبراطورية الأنصاري وتكمل مسيرته. حصل... ... صباح. عرفت يا ابني عايزاك تتجوزها ليه. آسر. سيبيني يا ماما أفكر دلوقتي. وبيسيبها ويمشي.

سلمى. هه يا دكتور، في إيه؟ الدكتور. للأسف مش قدامه وقت كتير. المرض أثر على كل أعضاء جسمه ودمرها. سلمى. يعني إيه يا دكتور؟ الدكتور. يعني قدامه بالكتير شهر. تالين أول ما بتسمع الجملة دي بتنهار من الحزن وفقدان جدها وبتكون خايفة. سلمى بعياط. اهدى يا تالين. بيعدي وقت. الدكتور. مين فيكم تالين؟ تالين بترفع إيديها. الدكتور. المريض عايزك جوه. تالين بتدخل وبتكون بتعيط.

الجد. ما تعيطيش يا بنتي. أنا مش عايز أشوف دموع في عينك يا روحي. تالين بتحضن جدها جامد وبتكون عايزة تتكلم بس مش بتعرف. الجد. ليا طلب أخير عندك يا بنتي. عايز أفرح بيكي قبل ما أموت. عايز أطمن عليكي يا روحي. تالين بحزن تهز رأسها إيجاباً بموافقة. الجد بيفرح جداً. تالين في سرها. كله يهون بس أشوف فرحتك يا جدي. الجد. هاتيلي تليفوني يا تالين. تالين تهز رأسها. الجد بيتصل على رقم. صباح. ألو يا عمي صالح.

صالح. أيوه يا بنتي، هه عملتي إيه؟ صباح. هبقى نيجي نطلب إيديها النهارده يا عمي. الجد. ماشي يا بنتي. آسر. هو إيه ده؟ هما اللي بيطلبوا إيدي ولا أنا اللي بطلب؟ هو إيه ده؟ صباح. إيه ده، في إيه؟ آسر. إني هما يتصلوا عشان يعرفوا رأيي. هو أنا العروسة؟ صباح. احترم نفسك يا آسر، دول ناس محترمين. آسر. وكمان حددتي الميعاد النهارده؟ صباح. عمر صالح عايز يفرح بحفيدته. آسر. يفرح بيها على قفاي. تلقيها مش حلوة خالص.

صباح. ماشي، روح جهز نفسك. وعلى فكرة عايز يفرح بيها قبل... آسر. قبل إيه؟ صباح. قبل ما يموت. عمي صالح تعبان. آسر. تعبان؟ عنده إيه؟ صباح. هبقى أقولك بعدين. يلا روح اجهز. آسر. ماشي، لما نشوف آخرتها. آسر. ألو. مازن. ألو. آسر. جهز نفسك. مازن. ليه؟ آسر. هتروح معايا أخطب. مازن. إنت بتتكلم جد؟ آسر. أيوه. مازن. ساعة وأكون عندك. صباح. خلصت يا ابني؟ آسر. اه خلصت. صباح. يلا. آسر. أنا مستني مازن. صباح. ماشي.

مازن. السلام عليكم ورحمة الله وبركاته. صباح. وعليكم السلام ورحمة الله وبركاته. مازن. مبروك لآسر يا خالتوا. ابقى دوريلي على عروسة كدا. صباح. ماشي يا ابني. آسر. يلا نمشي خلينا نخلص. الجد. جهزتي يا تالين؟ تالين تهز رأسها بـ"آه". الجد. ربنا يحميكي يا حبيبتي يا قلب جدك إنتي. تالين تحضن جدها. صباح. بتخبط على الباب. آسر. هو ده بيت؟ ده يعتبر كوخ. صباح. متنساش أصلك يا ابني، مش عشان درست برة شوية هتعمل كدا. آسر. خلاص.

الجد بيفتح الباب. الجد. أهلاً وسهلاً. والله وكبرت يا آسر. صباح. الصغير بيكبر يا عمي صالح. صالح. اتفضلوا. آسر بيتدخل وكلهم. صباح. ده آسر وده صديقه مازن، فاتحين الشركة سوا وشايلين مع بعض. الجد. ربنا يديمها بينكم محبة. صباح. اتكلم يا ابني. آسر مش بيتكلم ف صباح هي اللي بتتكلم. بعدين بيكونوا هيقروا الفاتحة. الجد. استنوا. يا تالين يا بنتي. تالين بتطلع و...