رواية احببتك صدفه الفصل السابع 7 - بقلم ايمان محمد

بيعدي شهر على قراءة الفاتحة، وآسر مش بيروح ولا مرة يقعد هناك شوية. سلمى: يا تالين، هو اللي قرأ فاتحتك لسه مش اتعرفتي على شخصيته؟ تالين بتكتب: لا. تالين بتكتب: أنا إحساسي كان في محله، وهو مش موافق على الجوازة دي، بس إيه اللي غصبه؟ سلمى: مش تفكري كتير، تلاقي مشغول. مازن: عملت إيه يا درش؟ آسر: الحمد لله، أحدنا الصفقة، بس كان لازم تكون جنبي يا مازن. مازن: معلش بقى. آسر: دي آخر مرة تاخد إجازة.

مازن: أول مرة أشوف مدير بيؤمر مدير. آسر: بس يالا، يالا نطلع بره شوية، إنت مش زهقت من البيت؟ مازن: والله زهقت. مازن: إيه أخبارك؟ آسر: الحمد لله. مازن: مش بسألك على نفسك. آسر: أومال؟ مازن: مع عروستك؟ آسر: مفيش تطور، بس أمي عايزة نروح النهاردة عندهم. مازن: أنا هاجي معاكم. آسر: أنا أصلاً مش هروح من غيرك، بس لحظة، إيه الحماس ده كله؟ مازن: مش تاخد في بالك، كنت عايز أشوف شبشب، قصدي سلمى. آسر: إنت أعجبت بيها ولا إيه يالا؟

مازن: لا، بس دمها خفيف. آسر: دمها بردوا؟ مازن: يالا نمشي. آسر: إتهرب، إتهرب. صباح: الو يا عمو صالح. صالح: ألو يا بنتي. صباح: فاضيين النهاردة يا عمي صالح عشان كنا هنيجي نقعد شوية. صالح: تنوروا في أي وقت، مش لازم تتصلوا يا بنتي. صباح: هنكون عندكم الساعة ٨. صالح: تنوروا يا بنتي. صباح: سلام يا عمي صالح. صالح: سلام. صالح: يا تالين يا بنتي. تالين بتيجي. صالح: صباح وآسر جايين النهاردة يا بنتي. تالين بتكتب: ماشي يا جدي.

وتروح تنضف البيت، مع إن هو أصلاً نضيف، بس بتنضفه تاني. سلمى: إزيك يا جدو؟ صالح: إزيك يا بنتي. سلمى: فين تالين يا جدو؟ صالح: تالين في أوضتها. سلمى: أنا هدخلها، ماشي. صالح: ماشي يا بنتي. صباح: يا آسر. آسر: نعم يا أمي. صباح: إحنا هنروح النهاردة عند عمي صالح وتالين. آسر: هنروح إزاي؟ صباح: هنروح، إنت من ساعة ما قرأت الفاتحة مش رحت، حسيت إنها عيبة فينا إننا مش نروح. آسر: ماشي يا ماما.

صباح: عايزين نتفق على ميعاد الخطوبة كمان. آسر: خطوبة؟ صباح: أيوه، خطوبة. آسر: اعملي اللي تعمليه، إنت مش عايزة الجثة وأنا الجثة، هروح معاكي يا ستي. سلمى: في إيه يا تالين، متوترة ليه؟ تالين بتكتب: آسر جاي. سلمى: جاي زيارة ولا تحديد الخطوبة؟ تالين بتكتب: مش عارفة. سلمى: إنتي مش عارفة حاجة خالص. تالين بتكتب: إيه رأيك في الفستان ده يا سلمى؟ سلمى: إنتي قمر بكل حالاتك، الفستان إنتي اللي محلياه يا حبيبتي.

مازن: إنت هتلبس إيه يا آسر؟ آسر: بتسأل ليه؟ مازن: عشان هلبس زيك. آسر: لابس تيشرت وجاكت وكوتشي وبنطلون جينز أسود. مازن: لابس التيشرت أبيض. آسر: أيوه. مازن: خلاص، أنا هعيش عكسك. آسر: إزاي؟ مازن: هلبس البنطلون أبيض والتيشرت أسود. آسر: إشطا يا زميل. آسر ومازن بيبقوا مستنيين. صباح: أنا خلصت. آسر: ده كله؟ ده إحنا مستنيين من ساعتين. صباح: يلا، اديني خلصت. وبيروحوا. آسر: هو ده البيت. وبينزلوا.

صالح: يا أهلاً يا أهلاً، اتفضلوا. آسر بيدخل وبيكونوا بيتكلموا. صالح: تعالي يا تالين يا بنتي. تالين بتطلع. آسر بيكون حاسس بشعور غريب أول ما شافها. تالين بتقعد جنب جدها. صباح: ما شاء الله، بتحلوي يوم عن يوم يا بنتي. تالين بتبتسم. صالح: أنا فرحان أوي باللمة دي. صالح: اعملي عصير يا تالين. بتكون تالين لسه قايمة وفجأة 😱.