رواية احببتك صدفه الفصل الثامن 8 - بقلم ايمان محمد

الجد. اه اه تالين بتجرى عليه وكل اللى قاعدين. آسر. وسعوا وبيروح جرى بيشيلوا وبيروح يوديه العربية. مازن. استنى يابنى انت تعرف المستشفيات اللى هنا؟ آسر. مش عارف. انتى عارفه يا تالين؟ تالين بتهز رأسها وبتكون بتعيط وخايفة على جدها. بتركب العربية وبتروح مع آسر وبتكون بتشاور عشان تعرفوا الاتجاهات مع إنها بتكون مش قادرة تعمل كدا من الخوف. سلمى. أنا هروح لتالين مش هسيبها لوحدها. مازن. انتى تعرفى المستشفى؟

سلمى. والله. أومال أنا عايشة هنا ليه؟ زينة. مازن. خلاص. أنا أصلاً رايح لآسر. تعالى معايا. سلمى. أجي معاك؟ لا استنى هفكر. سلمى. بعد شوية. أنا هروح الحمام وجاية. مش تمشي تمام؟ مازن. إيه البنت المجنونة دي؟ سلمى. الو يا ماما. أنا هروح المستشفى. أم سلمى. ليه يابنتي؟ لما أجي أحكيلك. تمام؟ أنا رايحة دلوقتى لتالين. قولتلك عشان ما تقلقيش. أم سلمى. ماشي يا بنتي. ما تتأخريش. سلمى. ماشي. يلا نروح. مازن. يلا يا ستي.

حنان بتكون قاعدة ومش عارفة تعمل إيه فبتروح مع مازن وسلمى. تالين بتحاول تفوق جدها وبتكون بتعيط مع صوت شهقاتها. آسر أول ما بيشوفها بالحالة دي. آسر. ما تقلقيش يا تالين. هيبقى بخير إن شاء الله. وبيمسك إيدها يهدّي فيها لأنها بتكون بترتعش. وبيسرع بالعربية جدا وهو ماشي. تالين بتشاور بإيديها. إني دي المستشفى. آسر. بينزل وبيروح يجيب الممرضين يساعدوا إنهم يشيلوا الجد. آسر. بيدخل المستشفى. يا دكتور يا دكتور.

الدكتور. ادخلوا بسرعة الأوضة. آسر بيكون حزين على منظر تالين من العياط وفجأة بيلاقيها وقعت على الأرض وانهارت. آسر. بيروح عليها. أهدّي يا تالين. ما تعمليش كدا. جدك هيبقى بخير. وبيحضنها وبتفضل تعيط أكتر. آسر بيكون قلبه بيدق جدا ومش عارف إيه اللي بيحصل معاه. سلمى. يا تالين. تالين بتنكسف لأنها بتكون حاضنة آسر. سلمى. بعياط. فين جدي؟ الدكتور قال إيه؟ تالين بتحضنها وبتكون بتعيط بغزارة.

سلمى. تعالي روحي اغسلي وشك يا تالين. على ما جدي صالح يصحى. وبتروح تغسل وشها. مازن. إيه يابنى؟ الدكتور قال إيه؟ آسر. لسه الدكتور ما طلعش. الدكتور بيطلع. آسر. لو سمحت. جدي حصل له إيه؟ الدكتور. للأسف المرض كان فتت عضو من جسمه وأثر عليه. آسر. يعني هو دلوقتي كويس ولا إيه؟ الدكتور بحزن. للأسف هو ما قداموش أكتر من أسبوعين. دلوقتي أنت في إيدك تتدخل تشوفه لو عايز. آسر. هل فيه أي عملية يعملها أو أي علاج؟

الدكتور. المرض وصل للمرحلة الأخيرة ومش هينفع. بس. آسر. بس إيه؟ الدكتور. فيه عملية ممكن يعملها تساعده. آسر. ومش عملتهاله ليه؟ الدكتور. لما جه أول مرة يكشف وعرف كان ساعتها قلت له يعمل العملية. بس ما كانش معاه فلوس. ولما ما عرفش يجمع الفلوس كانت المستشفى هتدفع نص وهو النص. بس ساعتها قال إنو محتاج الفلوس دي عشان حفيدته وكليتها. وما عملش العملية. آسر. طب اعملهاله. الدكتور. والمصاريف؟ آسر. ما لكش دعوة.

الدكتور. بس العملية مش مضمونة. يمكن تنجح أو لأ. آسر. اعملها بس. بعدين الدكتور بيمشي. مازن. أنت متغير يابنى. آسر. متغير إزاي؟ مازن. مش عارف. آسر. لما تعرف ابقى قول لي. مازن. مش حلوة الجملة. آسر بيدخل للجد لأنه بيكون بينادي على تالين بس تالين مش موجودة فهو بيدخل. الجد. تعال يا آسر يابني. آسر. عملت إيه؟ الجد. الحمد لله يابني. آسر. ونعم بالله. الجد. هي فين تالين؟ آسر. راحت الحمام وجاية. الجد. تمام.

آسر. أنا عايز أتجوّز تالين الأسبوع الجاي يا جدي. الجد. ليه الاستعجال يابني؟ آسر. أنا مش مستعجل. أنا عايز نتجوّز الأسبوع الجاي. الجد. بس يابني فيه تحضيرات كتير لازم تتعمل. آسر. ما تشيلش هم التحضيرات. أنا هعمل كل حاجة. الجد. على خيره الله يابني. آسر. أسيبك ترتاح دلوقتي على ما تالين تيجي. الجد. ماشي يابني. آسر. أنا هتجوز الأسبوع الجاي يا مازن. مازن. إزاي يعني؟ آسر. هتجوز تالين الأسبوع الجاي. مازن. بس أنت ما كنتش موافق.

آسر. ووافقت. مش هتقولي مبروك؟ حنان بتكون قاعدة في الريسيبشن. آسر بيروح لها. آسر. ما فيش مبروك يا ماما؟ حنان. مبروك على إيه؟ آسر. أنا هتجوز تالين الأسبوع الجاي. حنان. ألف مليون مبروك يابني. ألف مليون مبروك. سلمى وتالين بيجوا. سلمى. جدو صحي؟ مازن. أيوه. تالين بتروح تجري على الأوضة بتاعته. تالين بتدخل تجري عليه وتحضنه. الجد. أهدّي يا بنتي. أهدّي. تالين. بتكون منهارة من العياط. مازن. هي خطيبتك دايما بتعيط كدا؟

آسر. مش ليك دعوة. وأنت مالك بخطيبتي؟ روح شوف شبشب قصدى سلمى بتاعتك اللي دمها خفيف. مازن. اسمها سلمى. أنا اللي أقولها شبشب وبس. آسر. هو إحنا بنعمل إيه؟ أنا حاسس إننا وقعنا. مازن. اتأكد يا روحي. آسر. تعالى نروح نشوف جدو صالح. مازن. يلا. وبيروحوا هنا الاتنين. آسر قبل ما يدخلوا الأوضة. استنى يا مازن. نروح ندفع الفلوس. مازن. يلا. الجد. تعالي يا بنتي. تالين بتكتب: أنت خوفتني عليك يا جدي. ليه تعمل كدا وتخوفني؟

صباح. إيه يا عم صالح؟ لازم تخوفنا عليك. الجد. أعمل إيه بقى؟ معلش. صباح. ألف سلامة عليك يا عمي صالح. صالح. الله يسلمك. سلمى. ألف مليار سلامة عليك يا أحلى جد أنت. صالح. الله يسلمك يا أحلى سلمى. تالين بتكون جابت هي وسلمى عصير وهما برة لأنهم طلعوا لما كانوا راحوا الحمام. تالين راحت تتمشى شوية لأنها كانت مخنوقة. وبتجيب عصير وهي راجعة. تالين بتفتح العصير وبتقعد تشرب لجدها. الجد. كفاية يا بنتي. تالين بتكتب: لا هتخلصها.

آسر بيرجع هو ومازن. آسر بيشوف تالين وهي بتشرب العصير لـ جده. بيحس بطيبة قلبها وبيسرح في تصرفاتها. وإد إيه كانت من شوية متغيرة من كتر العياط. ودلوقتي ضحكتها مليانة وشها وهي بتشرب العصير لـ جده. الجد. يا تالين يا بنتي. آسر. طلب إنكم تتجوزوا الأسبوع الجاي. تالين بتتصدم وبتبص ناحية آسر. تالين بتفهم من نظرات آسر إنها توافق وإنه عايز يقول حاجة بس مش عارف. الجد. إيه يابنتي؟ موافقة؟ تالين بتهز رأسها بالموافقة.

صباح. لووووووووووووووووووووولى. لووووووووووووووووولى. لووووووووووووووووولى. آسر. كفاية. إحنا في مستشفى. تالين بتطلع بره وبتكون كتبت رسالة لـ آسر. آسر بيطلع وبيروح لـ تالين. بيلاقي تالين كاتبة رسالة طويلة عريضة. آسر. إيه ده؟ تالين بتديهاله عشان يقرأها. آسر بيقرأ الرسالة. على فكرة أنتِ فاهمة غلط. أنا..................................