رواية احبك يا بنت عمي الفصل الحادي عشر 11 - بقلم ملك ايمن

خير عاوزه حاجة؟ اه عاوزه أرجعلك حاجة. رمت الجواب اللي فيه الفلوس في وشه. انتي اتجننتي؟ اه اتجننت، يوم ما كنت فاكرة إني مسؤولة منك وطلبت منك فلوس، وإنتي عاملتيني بأحقر أسلوب. إنتي مش معاكي فلوس، هتصرفي منين؟ أنا عندي أشحت ولا آخد فلوس من واحد زيك. خرجت من المكتب ومازن هيتجنن من اللي هي عملته. مازن قعد يكلم نفسه، دي أكيد مجنونة، إزاي تكلمني كده، ماشي يا مي أنا اللي غلطان أصلاً، إشحتي واصرفي على نفسك. في الكلية.

مالك النهارده كمان؟ اسكتي خالص، مش عاوزة أسمع صوتك. ليه؟ شورتك المهببة يا أختي، طلبت منه فلوس واه على اللي حصلي. حصل إيه؟ حكتلها على كل اللي حصل. ههههه والله إنتي جدعة. طبعاً، أمال أسيبه يقلل من كرامتي وأسكتله. طيب هتعملي إيه دلوقتي؟ لازم أشتغل، أنا يا دوب معايا اللي يكفيني يومين بس. هتشتغلي إيه؟ أي حاجة يا سارة، متعرفيش حد يشغلني. امممم اه، خالي شغال في مطعم، هسألهولك. ماشي، يالا اسألي. دلوقتي.

اه بقولك مش معايا فلوس. رنت سارة على خالها وقالها إن فيه شغل لغسيل الصحون في المطبخ بس ب 100 جنيه في اليوم. موافقة. إنتي مجنونة، إنتي دكتورة إزاي هتشتغلي الشغلانة دي؟ والله أنا أشتغل ولا أذل نفسي للمغرور ده. طيب يا حبيبتي، اللي يريحك، بعد ما نخلص نروح لحالك. ماشي. خلصوا البنات المحاضرات وراحوا المطعم. خال سارة اسمه علي وقال لمي شغلها من 5 ل 10. وافقت وفرحت أوي لأن المواعيد كده هتناسب كليتها.

وممكن تبدأي من النهارده لو عاوزة. لالا، النهارده إيه. لا ابدأي، قولتلك محتاجة الفلوس. روحت إنتي يا سارة ونتقابل بكرة في الكلية. ماشي يا صاحبتي سلام. قعدت تشتغل واتعرفت على كل اللي في المطبخ. مازن في البيت هيتشل من تأخير مي وكان خايف لتكون راحت إسكندرية وقعد يقول لنفسه، إنت خايف ليه، ما ترجع، مش ده اللي إنت عاوزه. وفجأة مي دخلت الفيلا. كنتي فين كل ده؟ وإنت مالك؟ ردي عليا كنتي فين؟ كان عندي مستشفى وخرجت أنا وصاحبتي.

عندنا مان. احضرلك أكل يا دكتورة؟ ياريت يا أم حسن، أنا واقعة من الجوع. وهي نازلة من على السلم. أم حسن متحضريش حاجة. نعمليلي. إحنا الأكل عندنا هنا بمواعيد وإنت آخرتي. يعني هو اللي يتأخر ملوش أكل ويموت جوع ولا إيه؟ والله ده النظام عندنا. بصت لمازن اللي منطقش ولا كلمها. والله وأنا جعانة ومش هموت من الجوع عشان النظام بتاعك. وأنا قولت مفيش أكل ونشوف كلمة مين اللي هتمشي.

لو أنا باكل في بيتك ولا من فلوسك يبقى اتكلمي، بس أنا باكل في بيت عمي. مازن قولها حاجة، شايف بتردي عليا إزاي؟ إنتي مش سامعة هي بتقول إيه ولا كلامها عاجبك؟ طنط هي ست البيت وكلامها اللي يمشي. قربت من مازن وحطت عينها في عينه وقالت: ماشي يا ابن عمي، وأنا هموت من الجوع عشان كلام مرات أبوك يمشي، ومن النهارده أنا مش هاكل حاجة معاكم، ونظامكم ده لنفسكم. وسابت مازن وطلعت أوضتها وهي بتعيط ونامت من تعب الشغل ونامت جعانة. الصبح.

مي نازلة من على السلم والكل على السفرة، مكلمتش حد فيهم وخرجت. أنا شبعت، هروح الشغل. خرج مازن وخد عربيته، لقى مي لسه ماشية، وقف العربية. تعالي أوصلك. طريقي غير طريقك. هوصلك وبعدين أروح الشغل. لا شكراً، مش عاوزة منك حاجة. مش هتلاقي تاكس هنا. أنا بقالي أسبوع بمشي كل ده حضرتك عشان الهانم مرات أبوك ترتاح وإنت ترتاح. بتمشي كل المسافة دي؟ اه بمشي كل دي كل يوم. طيب تعالي أوصلك لأول المدينة.

لا، أنا هروح من هنا عشان أركب الأتوبيس. أتوبيس!! اه الأتوبيس. إنتي مجنونة، ده بتاع الناس الفقيرة. والله كل واحد بيمشي على قد فلوسه. ما أنا أدتك الفلوس وإنتي رفضتي. أدتهالي بعد إيه؟ بعد ما هنت كرامتي، أنا مش عاوزة منك حاجة، أنا أتصرف. إتصرفت إزاي؟ يعني إنتي مسؤولة مني أنا، متخديش من عند غيري.

لا، أنا مش مسؤولة منك، أنا لو فعلاً مسؤولة منك، مكنتش تأخدي مني العربية، مكنتش تقولي إني بشحت منك، مكنتش تخليني أنام ودموعي على خدي وأنا جعانة، تعرف إيه إنت عن المسؤولية. وسابت مازن ومشيت. مازن قعد يخبط على العربية، إنت عملت إيه يا مازن، عملت إيه، وقعد يكلم نفسه، هو أنا ليه مدايق عليها كده، ليه بفكر فيها كتير كده، ليه بعمل فيها كده، إنتي عملتي فيا إيه يا مي.