رواية احفاد العزايزي - رنا احمد "روح الصقر الجزء الثاني" الفصل العشرون 20 - بقلم رنا احمد "روح الصقر الجزء الثاني"

في قصر العزايزي. في غرفه بدر. بدر بوجع وكسره: شوفتي شوفتي الي حصلي ي أما. روح بدموع: بعد الشر عليك ي ضنايا من أي حاجة وحشة. انسا ي بدر، دي كانت كلبة ولا تسوى. ده انت بدر العزايزي اللي ميكسرش واصل. بدر بألم ووجع: واديتي انكسرت ي أما. وكل ده ذنب سارة والي عملته فيها.

روح بحنان: ألف بعد الشر عليك ي بدر. اللي حصل حصل ي ضنايا. اللي حصل ده في مصلحتكم ي ولدي. هي خلاص لقت اللي يحبها، وانت كمان إن شاء الله هتلاقي اللي تحبها بجد ي بدر. ساعتها ي ولدي هتعرف معنى السعادة صوح. اسألني أنا. بدر بابتسامة حزينة: أيوه طبعًا. ومين هيعرف الحب غيرك ي روح الصقر.

روح وهي تحضنه بحنان: وانت واختك كنتوا ثمرة الحب ده ي ضنايا. علشان كده حزنكم بيقتلني. علشان خاطري ي بدر فوق ي ضنايا. واقف على رجليك. متحرقش قلبي عليك ي ضنايا. بدر بجدية: عندك حق ي أما. لازما أشوف حالي وأرجع أحسن من الأول. في القسم. نيرة بدموع وألم: ها ي عز عملت إيه. بدمع يتلألأ في عيناه ووجه: انتي طالق. نيرة بصدمة وألم ودموع: إيه.

سونيا بسخرية وانتصار: خلاص ي حضرة الظابط. بصراحة عز بيه اتكلم معايا وأنا خلاص هتنازل عن المحضر. الظابط: براحتك ي سونيا هانم. اقفل ي ابني المحضر. سونيا باستفزاز: متخلقش لسه اللي يتحداني. ههههه. سلام ي زيزو. في الخارج. عز بغضب وغيظ: ارتاحتِ دلوقتي بسبب غبائك. شوفتي وصلتينا لإيه. نيرة بجمود: ليه عملت كده ي عز. ده كان شرطها مش كده. عز بغيظ ووحدة: أيوه. وكان لازم أعمل كده. مكنش قدامي حل تاني.

نيرة بوجع ومرارة وصراخ: ياريتك مخرجتنيش. ياريتك سبتني محبوسة. أهون عليا من كسرتي قدامها. من نظرة الشماتة اللي في عينيها. انت كسرتني ي عز. كسرتني. عز بغضب ووحدة: أنا اللي كسرتك. ولا انتي بغبائك وتسرعك. مين اللي راح عند سونيا. مين اللي خلاها تعمل فينا كده؟ شكك فيا. استغلت عدم ثقتك في جوزك وعملت عملتها الحقيرة دي. نيرة بحِدة وغضب: كان لازم أشك. كان لازم ما يكونش عندي ثقة فيك ي عز. لأن ماضيك كله مقرف وقذر.

عز بصدمة ووجع: عندك حق. كويس أوي على اللي حصل ده. لأنه بينلي حقيقتك. إنك أكبر كدابة. بحبك ي عز. مستعدة أعمل أي حاجة علشانك ي عز. كدابة. طلع كل ده كدب. نيرة بدموع ووجع: روحني عند أبويا ي عز. عز بضيق وألم: يلا. من داخل شقة فاطمة. فاطمة بخجل من فريدة: أهلاً ي مدام فريدة. اتفضلي. فريدة بابتسامة: أنا جاية أجمع الحبايب على بعض.

فاطمة بدموع وندم: مش هينفع ي مدام فريدة. خلاص كل حاجة بينا انتهت. وكفاية أوي الذنب اللي كتافنا منه ناحيتك. فريدة بابتسامة: فاطمة. أنا مسامحاكم على اللي حصل. لأنه مش بإيديكم. انتوا الاتنين شباب طبيعي إنكم تحبوا بعض. أنا اللي كان وجودي غلط من البداية. أنا جاي أطلبك لرامي. رامي ابني مش طليقي. رامي بعشق: مدام فريدة مسامحانا. وهي بنفسها جاية علشان تجمعنا مع بعض. وافقي بقى. أنا بحبك ي فاطمة. بحبك.

فريدة بحنان: وهي كمان بتحبك أوي ي رامي. ولا إيه ي فاطمة. فاطمة بابتسامة وسعادة: وأنا كمان أوي. فريدة وهي تحتضنهم بسعادة: مبروك ي ولاد. ألف مبروك. هتعيشوا معايا في الفيلا. وهيكون ليكم في كل حاجة. انتوا عارفين إني ماليش حد. وانتوا بقيتوا كل الناس. رامي بسعادة غامرة: يلا بسرعة نكتب الكتاب ي أحلى عروسة. وبعدين ننزل الصعيد أعملك فرح كبير وسط أبويا وأمي. فريدة بسعادة: ألف مبروك ي ولاد. ألف مبروك. في أمريكا.

في مكان تسليم الشحنة. سيف بخبث: دي فعلًا شحنة جامدة أوي. الزعيم بجدية: طبعًا ي سيف. قلتلك دي شحنة بملايين. ماكس: المفروض نفرزها علشان نقدر نوزعها. اللواء صلاح والقوات: مش هتلحق ي ماكس. أخيرًا وقعتوا تحت أيدينا. الزعيم بغضب وهو يوجه مسدسه لسيف: عملتها ي سيف. لتسرع شاهي لتفاديه وتأخذ الرصاصة بدلاً منه. سيف بفزع: شاهي. شاهي.

شاهي بتعب: سامحني ي سيف. سامحني. أنا عمري ما حبيت حد قدك. كان نفسي تكون أنت كمان تحس بيا. بحبك ي سيف. بحبك. لتسقط جثة هامدة بين يديه. ليغلق عيناها ويقرأ لها الفاتحة. فلا يجوز عليها إلا الرحمة. في فيلا نديم. نديم بصراخ: بسنت. بسنت. رافت بحِدة: بسنت مش هنا. عايزها تفضل هنا بعد الكلام السم اللي قولته. نديم بندم: أنا آسف ي بابا. مش عارف عملت كده إزاي.

رافت بجدية: لو بتحبها صحيح. تروح لها بيت أبوها تستسمحها وترجعها هنا زي الملكة. فاهم. نديم بعشق: أنا بعشقها ي بابا. واتأكدت إن هي كمان بتحبني. لازم أرجعها لحضني. لازم. لأني مبقتش أقدر أعيش من غيرها أبدًا. في قصر العزايزي. في غرفة نيرة وبسنت. رحمة بغيظ وغضب: آه بنت الجزمة. بقا تعملي كده وتقولي لجوزك كده. ده انتي عايزة تتربي من أول وجديد.

نيرة بدموع: وأنا غلطت فيه إيه عاد. مش كل اللي حصل بسببه. بسبب الزفتة بتاعته دي. يطلقني ويكسرني قدامها كده. مين اللي غلطان ي أما. بسنت بوجع وألم: انتي اللي غلطانة ي نيرة. طالما بتحبي عز. كانت لازم ثقتك فيه تكون قوية. محدش يقدر يهزها أبدًا. سونيا دي لعبت على كده. استغلت نقطة ضعفك وعدم ثقتك فيه. أحلى حاجة إنك تلاقي راجل بيحبك بجد. رحمة بغيظ: ي سلام. متقولي لنفسك الكلام ده ي أختي.

بسنت بوجع وألم: أنا حكايتي مختلفة شوية ي أما. نيرة زي نديم. وجوهوا اتهام ليا ولعز من غير ما يفكروا مين السبب. هنيه: شاكر بيه عايزك تحت ي ست بسنت. بسنت باستغراب: ليه ي هنيه. هنيه: نديم بيه تحت وعايزك. بسنت بدهشة: نديم. في الأسفل. نديم بندم: هو ده اللي حصل ي عمي. شيطان خلاني أقولها كده. بس أنا بحبها ي عمي. والله العظيم بحبها. بسنت بدموع وألم: مبقتش أصدقك ي نديم. ارجوك امشي. وورقة طلاقي توصلني.

شاكر بصرامة: بت اقعدي مع جوزك وشوفي هيقول إيه. بلا دلع ماسخ. بسنت بدموع: ي أبويا حضرتك مش فاهم حاجة واصل. شاكر بجدية: لا فاهم. نديم حكالي على كل حاجة. بسنت بصدمة: حكالك. شاكر بجدية: أيوه. اسمعيه. وساعتها اللي عايزاه هيحصل. بس انتي اللي هتبقي مسؤولة عن قرارك ده. عن إذنكم. نديم بعشق: بحبك. بحبك أوي. بسنت بدموع وألم: مش قادرة أصدقك ي نديم. نديم بابتسامة

ساحرة وهو يقبل يدها: لا صدقي. علشان خاطري. سامحيني. أنا كنت عامل زي الأعمى. مش شايف قدامي. أرجوكي ي بسنت. بسنت بوجع وألم وصراخ: لا ي نديم. مش مصدقاك. انت سبت جوايا شرخ كبير أوي. مش هيتداوى بسهولة أبدًا. طلقني ي نديم. طلقني. نديم بإصرار: مش هيحصل ي بسنت. أنا بحبك ومش هطلق. في شقة عصام. عصام بحِدة وغضب: انت مجنون. إيه اللي عملته ده.

عز بحِدة: أنا مغلطتش في أي حاجة. كان لازم أعمل كده علشان أخلصها من المصيبة اللي حطتنا فيها بغبائها. وفي الآخر هي اللي زعلانة ورايحة عند بيت أبوها. خليها بقا هناك. عصام بغضب: اسمع يلا. انت تروح تعتذر لها وترجعها معزة مكرمة. فاهم. صباح بغيظ: اسمع كلام أبوك ي عز. البت معذورة. انت الراجل لازم أنت اللي تستحمل. عز: حاضر ي أما. حاضر. في قصر العزايزي. في غرفة زهرة وريان. ريان بصراخ: زهرة. زهرة.

زهرة باستغراب وقلق: فيه إيه عاد ي ريان. مالك. ريان وهو يحاوطها بذراعيه: فيه إني كنت غبي وحمار ومبفهمش حاجة واصل. لما سبت الجوهرة اللي في يدي وبصيت للتفاهة دي. زهرة باستغراب: قصدك إيه. ريان بابتسامة عشق: قصدي إنك مش هتعملي العملية واصل. أنا عايزك كده. زي القمر كيف ما انتي. زهرة وهي تندفع يده بألم: ي سلام. وده علشان خاطر إيه إن شاء الله. ومن ميتا.

ريان بابتسامة: من دلوقتي. أنا آسف ي زهرة. سامحيني. أنا عارف إني جرحتك. بس والله العظيم أنا بحبك قوي. ومقدرش أبعد عنك واصل. زهرة بدموع وثقة: مش بالبساطة دي ي ريان. أنا مصممة على الطلاق. لأني عمري مهنسى اللي قولته واصل. ريان وهو يقبل يدها بعشق: ي ريتني كنت مت. ولا إني كنت السبب في دمعة واحدة تنزل من عنيكي. بحبك ي زهرة. والله بحبك قوي. زهرة بعناد وألم: وأنا برضه مصممة على الطلاق. مش بكيفك.

ريان بغيظ: أكده. طب أنا مش هطلق. والي عندك اعمليه. زهرة بعند: أكده. طيب أنا هروح أقعد في الأوضة التانية. وهبلغ عم جاسر وأخليه يتصرف معاك صوح. ريان بغيظ: ماشي ي بت حمدان. ماشي. في شركة صقر. من أمام الشركة. الحارس بضيق: رايحة فين انتي. هي وكالة من غير بواب ولا إيه. نور بغيظ: جرة إيه ي أخويا. مالك خلقك ضيق كده ليه. داخلة الشركة هكون رايحة فين. الحارس: وإن شاء الله داخلة الشركة دي لمين وعايزة إيه.

نور بغيظ وصوت عالي: وانت هتتحقق معايا ولا إيه. انت متعرفش أبويا مين. وصقر باشا نفسه مستنيني جوه. وسع كده وانت عامل زي الطور. بدر بغضب: إيه. فيه إيه عاد. إيه الصوت العالي ده. الحارس باعتذار: إحنا آسفين ي بدر بيه. نور بغرور: آه. هو انت بقا بدر ابن عمي صقر. بدر بدهشة: عمك. وانتي مين بقا. نور بغرور: أنا نور بنت الأستاذ صبري. اللي هشتغل محاسبة في الشركة. بدر باستفزاز: آه. بنت صبري الساعي. مش كده. نور بغيظ: أيوه كده.

بدر باستفزاز: أبويا قالي. بس فيه حاجة غريبة. أبويا قالي إن نور دي بت. بس أنا مش شايف كده واصل. نور بغيظ: نعم ي أخويا. طب اسمع بقا. علشان نكون حلوين مع بعض في الشغل كده. نتحرموا بعضينا من الأول. كده. ماشي ي ذوق. بدر بغضب: ذوق. انتي بتهدديني ولا إيه. اسمعي ي بت انتي. أنا خلقي ضيق. نور باستفزاز: ي حول الله يارب. متزعلش ناس كتير كده. ابقى غيره وجيب أكبر نمرتين. بدر بعدم فهم: هو إيه ده. نور بضحكة: ههههههه. خلقك. ههههه.

بدر بهمس: هي مجنونة صوح. بس دمها خفيف. في المطار. اللواء صلاح بفخر: ما شاء الله عليك ي سيف. اللي عملته تستاهل عليه أكتر من ترقية. سيف بابتسامة: الحمد لله ي سيادة اللواء. ده وحبي. والحمد لله إننا نجحنا. علي بابتسامة وسعادة: حمد الله على السلامة ي صاحبي. اللواء صلاح: علي. خالي سيف يستريح. وانت بقا. ودي المجرمين على الوزارة. واستنى أهل شاهي علشان يستلموا جثتها. علي: تحت أمر سعادتك.

سيف باشتياق وعشق: جيالك ي ملكة قلبي. اتوحشتك قوي قوي. في المستشفى. في غرفة آدم. رنا بقلق: بسم الله الرحمن الرحيم. آدم وهو يفتح عيناه تدريجيًا ليعتاد على الضوء ليبتسم بشدة: إيه ده. إحنا مش الصبح اللي جاب القمر جنبي هنا. رنا بسعادة غامرة: حبيبي. انت فتحت. الحمد لله. الحمد لله. أم أحمد بسعادة: لوووووووووي. ألف مبروك ي ضنايا. ألف مبروك. آدم بدموع وفرحة: حبيبة قلبي. زي القمر. أجمل بكتير من خيالي.

رنا بدموع وسعادة: حبيبي. ألف مبروك ي آدم. ده أنا اتردت فيا الروح. مالك بابتسامة: الحمد لله. ألف مبروك ي آدم. شكراً دكتور بيتر. بيتر بالسعادة: الحمد لله. ألف مبروك. رنا بسعادة: حبيبي. فيه حاجة كمان خبر حلو أوي. احنا الاتنين نجحنا وتخرجنا بامتياز. آدم بابتسامة وسعادة: الحمد لله ي حبيبتي. ألف مبروك. رنا بسعادة: مبروك عليا انت ي حبيبي. في جنينة قصر العزايزي.

عز بغيظ: هتفضل كده ولا إيه. نجي نتحايل عليهم كل يوم. وبرضه مفيش فايدة. نديم بعتاب لذاته: ما إحنا برضه اللي عملناه معاهم مش شوية. ريان بغيظ: صحيح ي نديم. بس اعتذارنا كتير قوي. كفاية كده. بس بنت حمدان سايقة العوج. بدر بابتسامة: العوافي عليكم. الجميع: الله يعافيك ي بدر. بدر باستفزاز: مالكم. لسه برضه مش معبرينكم. ولا راضين يتحددوا معاكم. عز بغيظ: لسه ي بدر. شايف اللي إحنا فيه عاد. ولا العيال الصغيرة.

بدر ببرود: علشانكم مفرفرين. المفروض هما اللي يجوا لحد عندكم. مش انتوا اللي تعملوه عليهم كده. ريان بلهفة: أيوه ي كبير أوي بقا. يجوا لحد عندنا ويبينوا حبهم وعشقهم لينا. بدر بمكر: أنا هقولكم عاد. سيف بابتسامة: العوافي عليكم. بدر بسعادة: سيف. حمد الله على السلامة ي أخوي. الجميع بابتسامة: حمد الله على السلامة ي سيف. سيف بابتسامة: الله يسلمكم ي أخواتي. فيه إيه. مالكم. شكلكم مش زين.

عز بغيظ: أخواتك ي سيدي. مطلعين عين اللي خلفونا. ريان بغيظ: وأنا بنت حمدان مطلعة عين أهلي. سيف باستفزاز: أحسن. هما بنات أي حد. خليهم يربوكم. تلاقكوا لعبتوا بديلكم كده ولا كده. نديم بغيظ: كده برضه ي أبو نسب. انت كمان شماتت فينا. بدر بابتسامة: ولا يهمكم مني. هخليهم يجيلوكم برجليهم ويطلبوا السماح كمان. سيف وهو يسير للأعلى: براحتكم. بس أنا مش فاضيلكم دلوقتي. عز بغمزة: أيوه ي عم. مستعجل على الحبايب.

بدر بغيظ: اتحشم يلا. ومتنساش إنها اختي. ريان بلهفة: ها ي بدر. قولنا بقا نعملوا إيه. بدر بخبث: هقولكم. في داخل القصر. كان يسير بدر لداخل بخبث. لتقع عيناه على الثلاث فتيات وهن جالسات يتحدثون. لتبدأ الخطة. ليمسك هاتفه ليتحدث بصوت عالٍ: واه بتقول إيه عاد نديم وعز وريان. الثلاثة. ي حول الله يارب. ليسرعوا إليه الثلاث فتيات بفزع. بسنت برعب: فيه إيه ي بدر. ماله نديم. بدر بخبث: ي حول الله يارب. نيرة بحِدة

وخوف: ماتتكلم ي بدر. فيه إيه. بدر بحزن مصطنع: ريان وعز ونديم. الثلاثة ي ولاد. عملوا حادثة بالعربية. وانتقلوا على المستشفى بتاعتنا. حالتهم خطرة جوي. ياتلحقوهم ي متلحقوهمش. ليسرعوا الفتيات بدموع ورعب على أحبائهم. بدر بضحك: ههههه. قال ومش عايزين يرجعولهم قال. في غرفة إيمي. كانت تخرج من الحمام وهي ترتدي روب أبيض. كانت تشم رائحته تملأ المكان.

إيمي باستغراب: إيه ده. فيه إيه. هو أنا من كتير سيف ماوحشني بقيت شامة ريحته كأنه معايا. سيف وهو يحتضنها بعشق وتملك: بس هو معاكي فعلًا. ورهن إشارتك. إيمي بسعادة وعشق: سيف حبيبي. جيت امتى. وليه مقلتليش. سيف بابتسامة واشتياق: كنت عايز أعملهالك مفاجأة. وحشتيني. وحشتيني قوي قوي ي روحي. إيمي بدموع وسعادة: وانت أكتر ي نبض قلبي. قولي عملت إيه في المهمة.

سيف وهو يحملها باشتياق: سيبك من المهمة. وخلينا في المهمة بتاعتنا. ده انتي وحشاني قوي. إيمي بسعادة: وانت أكتر ي حبيبي. في مستشفى العزايزي. كانوا يجلسون الثلاثة في غرفة واحدة وهم يمثلون التعب. ليسرعوا إليهم الفتيات برعب. زهرة بدموع: ريان. مالك ي حبيبي. إيه اللي حصل ي نور عيني. ريان بخبث: كل ده علشان انتي زعلانة مني. ربنا غضبان عليا. بسنت بدموع: نديم. نديم حبيبي. إن شاء الله هتبقى كويس.

نديم بمكر: لا خليني أموت أحسن. أنا عارف إنك بتكرهيني. نيرة بدموع: ألف سلامة عليك ي نبض قلبي. إن شاء الله أنا. عز بخبث: يلا خليني أموت علشان ترتاحي مني ومن ماضي الوسخ. زهرة بدموع وعشق: لا ي روحي. أنا مش زعلانة منك واصل. أنا بحبك قوي ي ريان. صوح كنت زعلانة. بس أنا بموت فيك. بسنت بدموع: لا ي حبيبي. ده انت روحي ي نديم. فيه حد يكره روحه. ده انت حبيبي ي نديم.

نيرة بدموع: أنا آسفة ي عز. آسفة على كل اللي قولته. أنا بحبك أوي ي عز. وكنت غيرة عليك. آسفة ي عز. ريان بسعادة: يعني خلاص سامحتيني. نديم بسعادة: يعني بتحبيني ي بسنت. وأنا كمان بحبك أوي. عز بسعادة: حبيبة قلبي. انتي ملاكي اللي بموت فيه ي نيرة. بحبك ي نيرة. بحبك. وعلى فكرة أنا رديتك بعد ما سبتيني بثانية واحدة. بسنت وزهرة ونيرة بغيظ: كده. ده مقلب بقا.

ليسرع كل منهما إلى احتضان معشوقته بسعادة وعشق. ليصبحوا كالورود بين يدي أحبائهم. ليجتمعوا العشاق جميعهم. في فيلا سونيا. سونيا بفزع وصراخ: انتوا بتقولوا إيه ي بهايم. يعني إيه السنتر اتحرق ده ب10 مليون جنيه. ده شقا عمري كله. الفتاة بخوف: والله مش عارفين ي مدام سونيا. إحنا روحنا النهارده لقينا بقا كوم تراب. واضح إن فيه حد عمل كده بالليل أوي. ومحدش قدر ياخد باله. غوري في داهية، غوري شقا عمري، شقا عمري خلاص راح.

لتفيق على رن الهاتف لترد سريعا. نيره بغضب: عز.. عز بشماتة: ههههههههه. قولتلك هندمك على كل دمعة نزلت من عينها. ههههه. سلام ي سوسو. سونيا بغضب: آه آه. بعد مرور 4 أشهر... في إيطاليا... ليث بحزن: خلاص هتسافري ي سارة؟ سارة بابتسامة: كفاية كده ي ليث. أنا نازلة وأنا في الثامن. ده كفاية أن أبويا صبر عليا كل ده. ماريا بابتسامة: حبيبتي ربنا يقومك بالسلامة. ليث بعشق: أنا هنزل معاكي. سارة بجدية: إنت بتقول إيه ي ليث؟

إزاي والمستشفى؟ وبعدين هو أنا هطير يعني... ليث بتصميم: مش هقدر ي سارة. هروح معاكي وأسكن قريب منك لحد ما تولدي. وبكده تكون عدتك خلصت ونكتب الكتاب على طول. سارة بابتسامة وسعادة: لدرجة دي مش عايز تسبني وخايف عليا؟ ليث بعشق: طبعاً. ده إنتي روحي ي سارة. أرجوكي. أنا حاسس إني مش هقدر أعيش من غيرك ثانية واحدة. أنا بحبك أوي ي سارة. بحبك أوي. سارة بابتسامة وعشق: وأنا كمان بحبك ي ليث. بحبك أوي. ماريا بابتسامة: بقولكم إيه؟

أنا كمان معنديش شغل الشهرين الجايين. وجاية معاكم. ليث بابتسامة: وأنا عندي دكاترة كتير أوي في المستشفى، مش هقلق عليها. سارة بابتسامة وسعادة: تنوروا الصعيد كلها. في شركة صقر. في مكتب بدر. بدر بابتسامة وحب: إيه؟ فاجئتك بطلبي؟ نور بابتسامة وسعادة: لا بالعكس. أنا كنت مرعوبة. ليكون الشعور ده من ناحيتي. أما بس بس الحمد لله. إنت غيرتني ي بدر. حولتني من نور اللي كانت عايشة في دور الرجالة، لنور اللي عشقت وحبت.

بدر بابتسامة وعشق: بالعكس ي نور. إنتي اللي غيرتيني في الكام شهر دول. أنا دلوقتي بس عرفت معنى الحب اللي بجد. عرفتي قد إيه أنا كنت غلط. أنا بحبك جوي ي نور. بحبك بجد. نور بابتسامة وخجل: وأنا كمان ي بدر. بحبك جوي. بدر بسعادة: ياه. والله وهتفرح ي بدر. أنا هكلم عمي صبري. فرحنا الشهر الجاي. نور بابتسامة: واه ي بدر. علطول كده.

بدر بعشق وابتسامة: أيوه علطول كده. أنا مش هقدر أبعد عنك واصل. إنتي الفرحة اللي ربنا بعتها ليا ي نور. في شقة آدم. رنا باستغراب: إزاي بس ي آدم؟ متروحش البعثة دي. دي كانت أمنياتك. ادم وهو يطعمها بيدها: ي حبيبتي. مانتي شوفتي شروطهم. عايزني لوحدي. مش معايا حد. رنا: وإيه المشكلة ي آدم؟ أنا مش هتخطف ي حبيبي. أم أحمد كمان معايا.

ادم بعشق: أولاً أنا مقدرش أبعد عنك لحظة واحدة. ثانياً محدش ياخد باله منك ويخدمك غيري. ثالثاً أسيب العسل اللي قدامي كام شهر وينورنا ده إزاي ده؟ ثمرة عشقنا ي رنا. رنا بابتسامة وسعادة: ي حبيبي ي آدم. لدرجة دي بتحبني. ادم بعشق: أنا بموت فيكي. أنا عارف إنك كنتي خايفة لما أفتح أسيبك أو أبعد أو أزهق. بس اللي متعرفيهوش بقى إنك نبض قلبي وحياتي كلها. رنا بسعادة وعشق: بحبك أوي ي آدم. كل يوم حبك بيكبر جوايا.

ادم وهو يقبل يدها بعشق: وأنا بموت فيكي ي روح ادم. في منزل علاء. شاهنده بحده: ي فاطمة. قولتلك متعمليش حاجة. كفاية اللي في بطنك ي بنتي. فاطمة بابتسامة: ربنا يخليكي ليا ي أمي. رامي بابتسامة: ها ي حبيبتي جاهزة. شاهنده بحده: إنت مصمم تاخدها معاك ي رامي ي ابني؟ دي حامل وكده خطر. رامي بحنان: ده أنا بخاف عليها أكتر من روحي ياما. بس لازما الشغل في الشركة كتير. ومتقلقيش. مش هنتأخروا واصل.

شاهنده: ماشي ي ضنايا. بس خلوا بالكم من بعض. فاطمة بابتسامة: حاضر ي ماما. في مستشفى بيتر. مالك بابتسامة: حضرتك طلبتني ي دكتور. بيتر بابتسامة: تعال ي مالك. مالك بابتسامة: أوامر ي دكتور. بيتر بابتسامة: إنت عارف إني لما اشتريت المستشفى دي. وأنا بعتبرك أكفأ دكتور عندي. مالك بسعادة: ده شرف ليا ي بروف. بيتر بابتسامة: ده فاكس لسه جاي من روما لعلاج حالات العما منذ الولادة. مالك بصدمة: بجد ي دكتور؟

ده الحالات دي علاجها كان مستحيل. بيتر بجدية: في عملية أجريت في روما ونجحت. وهي بتبقى عبارة عن تغيير شبكة العين والجدار بتاعها. وإحنا لازم نعملها إحنا كمان هنا. فيه ناس كتير محتاجين الحالات دي. مالك بسعادة وحماس: رنا ي دكتور. بيتر باستغراب: رنا مين؟ مالك: رنا مرات آدم. صاحبي اللي عملناله العملية. وهي كانت نفس الحالة دي. بيتر بتذكر: أيوه أيوه افتكرتها. بسرعة ي مالك نجهزها العملية. وإن شاء الله هتنجح.

مالك بسعادة وحماس: إن شاء الله ي دكتور.