رواية احفاد المنشاوي الفصل الثاني والثلاثون بقلم ندى الشرقاوي "اميرة الرعد الجزء الثالث"

بعد مرور 5 سنوات، أنجبت خديجة توأم، حورية وعائشة. وقدر أتمت 6 سنوات و5 أشهر، وقمر 5 سنوات و6 شهور، وسليم 6 سنوات. في يوم، جاءت قدر من الحضانة وهي تبكي بشدة. أوس بخضة: قدري، مالك يا قدر؟ قدر ببكاء: يا بابي أنا ما عدتش عاوزة أروح الحضانة تاني. أوس وهو يرجع خصلات شعرها للخلف: ليه يا روحي؟ قدر: يا بابي، اشمعنى سليم اسمه سليم أوس المحمدي وأنا اسمي قدر سليمان؟ صحابي في المدرسة بيقولوا كده، أنا مش بنتك ليه يا بابي؟

عانقها أوس بشدة: لا يا قلبي، أنتِ بنتي أنا وحبيبتي أنا وحياتي. بصي يا قدر، أنتِ المفروض تكوني فرحانة، أنتِ ليكِ اثنين أم واثنين أب، في أب وأم فوق عند ربنا يا حبيبتي. بصي، وبدأ يحكي لها الحكاية من الأول خالص. قدر ببكاء: يعني أنا مش بنتكوا وأنا ما كنتش في بطن مامي زي سليم؟ لا أنا زعلانة منكم ومخاصماكم، وهروح لجدو رعد، هو بيحبني أنتوا لا. دخلت جنى: إيه يا قدري بس؟ قدر: مامي أنا بجد مش بنتكوا؟

جنى عانقها بشدة: لا أنتِ بنتي، أنا اللي ربيتك، وأنا اللي كنت معاكِ. صح يا قدر لما حد يقول لك كده، قولي له مالكش دعوة، أنا موافقة. قدر: حاضر يا مامي، أنا بحبك أوي. جنى: وأنا بعشقك يا روحي. قدر: أنا مبسوطة إن بكرة رمضان، والنهاردة هنروح عند جدو رعد ونانا أميرة. دخل سليم: أنا جيت. قدر جرت عليه وعانقته: كنت فين؟ طلع سليم من وراء ظهره بوكس: كنت بجيب هدية رمضان لقدري وحبيبتي. قدر بفرحة: بجد جبت إيه؟

وأخذت البوكس وفتحته قدامهم، وكان فيه فانوس عليه صور قدر، وفيه شوكولاتة كتير، وفيه مصحف صغير. سليم: إيه رأيك؟ قدر عانقته: جميل أوي، ربنا يخليك يا سولي. سليم بغضب: ما بلاش سولي دي. جنى: طب وهدية مامي يا سولي؟ سليم: دي تفوتني برضه، وطلع علبة صغيرة كان فيها سلسلة جميلة فيها صورة ليهم كلهم. جنى بفرحة: جميلة أوي. سليم: نشكر بابا لأنه هو اللي ساعدني في الهدية. أوس: أنا فرحان بيك يا سليم إنك فكرت الفكرة دي.

جنى: نجهز بقى علشان النهاردة هنبيت عند بابا علشان بكرة رمضان. في قصر رعد المنشاوي، في جناح مالك وخديجة، كانت خديجة قاعدة مع حورية وعائشة وقمر. خديجة: يالا بقى نلعب شوية، أنتِ شاطرين وحفظتوا سورة الكافرون. البنات: آه آه. خديجة: يالا استخبوا وأنا هادور عليكم. وبالفعل، بدأوا البنات يستخبوا وخديجة تلعب معاهم. لكن دخل مالك وابتسم على حبها ليهم وإنها مخصصة وقت ليهم معين. مالك خضها: بتعملي إيه؟

خديجة بخضة وشهقة: إيه يا مالك خضتني! مالك: سلامتك يا روح مالك، طب إيه مش ناوية تلعبي معايا أنا كمان؟ خديجة بطفولية: أنت كل شوية تيجي تقطع علينا اللعب على فكرة. مالك: ماشي ماشي. ... : باااااابي! مالك: قلب بابي يا ناس. حورية وعائشة وقمر: إحنا حفظنا سورة جديدة. مالك: برافو، وطلع لكل واحدة شوكولاتة مكافأة. حورية قبلته من خده: مرسي يا بابي، لا شكراً، مامي قالت شكراً أحسن من مرسي. مالك بحب: شطورة يا روحي. عائشة

فعلت كما فعلت شقيقتها: شكراً يا بابي. قمر: شكراً يا عمو. مالك: الشكر لله يا حبايبي، والنهاردة اللي هتصحى للفجر ليها فانوس. البنات: هيهيهيهي. ونزلوا تحت. مالك عانق خديجة من الخلف: وأنتِ يا قمري مش عاوزة هديتك؟ لفت خديجة له وقبلته من خده: أنت هديتي، أنت وبناتي. مالك: ربنا يخليكِ ليا يا ديجة. وطلع شوكولاتة كبيرة ليها ومعاها خاتم. خديجة: شوكولاتة الله! مالك بمرح: طب والخاتم؟ خديجة: الشوكولاتة أحلى.

مالك: طب البسك الخاتم بقى. ولبسها الخاتم وقبل يدها. خديجة: حبيبي أنت تعبان؟ مالك: والله يا ديجة أنا عاوز أنام مش قادر. خديجة: طب تعال غير والبس بيجامة ونام، لسه بدري لما العيلة تتجمع. مالك: ماشي بس ما تسيبنيش، اتفضلي معايا. ابتسمت خديجة قائلة: ماشي يا حبيبي. قمر: يا بابي يا بابي. أنس: نعم يا قمري. قمر: عمو مالك جاب لي شوكولاتة. أنس: وأنا جبت الفوانيس وكل بنت أخذت فانوس عليها صورتها. عائشة: شكراً يا عمو جميل أوي.

حورية: آه جميل شكراً. قمر: الله حلو أوي شكراً شكراً شكراً، يالا ننزل نوريه لجدو ونانا أميرة ونانا هدى ونانا سامية هتيجي مع جدو أكرم. تاج: حمد لله على السلامة يا حبيبي. أنس: الله يسلمك يا تاجي. نزلوا كلهم على رعد. البنات: جدوووووو! رعد: حبايب جدو. عائشة دخلت قبلت يده وهكذا حورية وهكذا قمر. قمر: شوفت يا رعدي بابي وعمو جابوا لي إيه؟ أميرة: بس يا بت ده رعدي أنا. البنات: لا ده رعدنا إحنا.

قهقه رعد بصوت عالي على حبهم وعلى غيرتهم من بعض. رعد: إيه ده سامعين صوت العربيات؟ قدر وسليم جم، يالا ويحيى. نزلوا البنات جري. أميرة بغضب: أنتِ رعدي أنا وبس. رعد بضحك: اهدي بس. أميرة: أنت رعدي أنا وحبيبي أنا صح يا بابي؟ عانقها رعد بحب: صح يا قلب بابي، 28 سنة جواز يا أميرة وهتفضلي في عيني البنت اللي عمرها 18 سنة، فاكرة أول مرة شوفتك لما قولتي لي عمو؟ أميرة: آه. رعد: ما تجيبي قبلة الحياة. أميرة بضحك: قبلة إيه؟

رعد بضحك: الحياااه. ... : جدوووو بتعمل إيه؟ رعد بتبرير: والله يا قدر أنا ما عملتش حاجة. قدر دخلت وطلعت على الفراش: ممكن أفهم قاعدين لوحدكوا ليه؟ أميرة: يا بت ده جوزي. قدر بغيرة: وفيها إيه يعني، ما تقدريش معاها تاني لوحدكوا. رعد بطاعة: حاضر. أميرة بصدمة: حاضر؟ طب أنا ماشية. قدر: حلو علشان أقعد مع رعدي براحتي، خدي الباب في إيدك. أميرة مسكتها من الكنزة (البلوزة) : ده جوزي، ماشي؟ قدر بخوف: اهدي بس يا ميرو ده أنتِ حبيبتي.

أميرة: أيوه كده اتعدلي. دخلوا الأحفاد سليم وعائشة وحورية وقمر ويحيى. سليم: جدوو. واترموا كلهم في حضن رعد. ابتسمت أميرة على حبهم الجميل لرعد، وسابتهم يقعدوا مع بعض لأن رعد بيحب يقعد مع أحفاده يشوفوا هما بيعملوا إيه. نزلت أميرة تحت وسلمت عليهم. قاسم: فين عمي رعد؟ أميرة بغيظ: فوق مع ضرايري. جنى بضحك: عملوا إيه؟

أميرة: قمر وعائشة وحورية يقولوا ده رعدنا إحنا، وجت بنتك تقولوا أنتِ قاعدين لوحدكوا ليه، ما تقعدوش تاني، وتقولي خدي الباب في إيدك. أوس بضحك: مش قادر. قاسم: ولا أنا. جنى: تيتا فين؟ أميرة: أنتِ عارفة مش قادرة تنزل، فا اتغدت وقالت هتنام وماما وفاء وبابا طبعًا مش هيقدروا يجوا. فردوس: ربنا يشفي الجميع. أميرة: اللهم آمين. نزل رعد هو وأحفاده. رعد: السلام عليكم. الجميع: وعليكم السلام ورحمة الله وبركاته.

بعد دقيقة دخل أكرم وياسمين ويوسف ومرام. أكرم: كل سنة وأنتوا طيبين. رعد: وأنت طيب يا أخويا، اقعد. دخلوا الشباب. قدر بصوت واطي لتميم: جبت الصواريخ؟ تميم: عيب عليكِ، جبتهم. قدر: جدع أنا مبسوطة منك. تميم: تربيتك. أميرة: بتخططوا لإيه؟ تميم: ولا حاجة ده إحنا طيبين خالص. أمير: طب أنا جعان. تيام: ومين سمعك، وأنا. أميرة بضحك: خلاص يالا الأكل جاهز. ونزل مالك وخديجة.

أتغدوا وقعدوا يهزروا سوا، وكان يوم جميل، وفضلوا سوا لحد الساعة 12 بليل. وكل واحد دخل جناحه مع مراته. وبعد ساعات، اشتغل قرآن الفجر. صحيوا عائشة وحورية. عائشة طلعت على جناح رعد وفضلت تخبط. عائشة: الفجر يا جدووو، يالا. ما حدش رد. عائشة: يا جدووو يا جدووو. صحي رعد وفتح الباب. رعد: إيه يا عائشة مالك يا قلبي؟ عائشة: الفجر يالا يا جدو، صحي نانا. رعد ابتسم على حفيدته: ماشي يا قلبي.

حورية خبطت على مرام ويوسف: الفجر يا جدو الفجر. تاج خبطت على أكرم وياسمين: الفجر يا جدو أنت ونانا. وبدأوا يصحوا الشباب كلهم لصلاة الفجر. خديجة: يالا يا مالك الفجر. سمعت خبط على الباب من عائشة. عائشة: الفجر يا مامي الفجر. خديجة: حاضر يا عائشة جايين. صحي مالك والكل صحي واتوضوا، وكان رعد مخصص غرفة للصلاة. وكلهم جهزوا، الرجالة في المقدمة والستات في الخلف، والبنات لابسين إسدالات شبه بعض. بدأوا يصلوا الفجر جماعة.

خلصوا الصلاة. رعد: حرماً. الجميع: جمعاً يا رب. رعد: ربنا يبارك فيكم ويخليكم ليا يا رب. الجميع: ويخليك لينا. اقترب رعد على أميرة. رعد: بعشقك يا أميرتي. أميرة بتحذير: الصيام. رعد: الله أنا غرضي شريف. أميرة: وأنا بحبك يا رعدي. رعد: بعشقك يا أميرتي.