رواية احفاد الطوبجي الفصل الرابع والستون 64 - بقلم اميرة اسامه

قفل جلال مع زيد وراحوا على السوبر ماركت عشان يجيبوا الحاجة لزيد. وفي الطريق اتصل راجح على جلال. جلال: باشا، إيه لحقت وحشتك؟ راجح: مين ده؟ لا وحشتني ولا طايقك. جلال: ليه بس كده يا كبير؟ راجح: اسمع يالا أنت والصايع اللي معاك. فتح جلال الاسبيكر. جلال: خير، كلم يا صايع يا اللي معايا. أمير: خير يا عمي؟ راجح: زيد قفل معانا من شوية وقال إنه هيكلمكم وعايزكم تجيبوا حاجات ليه. جلال: أيوه، وإيه المطلوب يا كبير؟

راجح: المطلوب تجيبوا الحاجة وتروحوا تودوها وتمشوا على طول، اياك حد فيكم يقعد. جلال: على فكرة بقى هو اللي عايزنا هو وصبا. راجح: عارف، بس البني آدم يكون عنده دم. ومتنسوش إنهم عرسان، اياك تقعدوا ولا تعملوا حركة من حركاتكم، أنا عارفكم، تخلصوا مهمتكم وتمشوا. أمير: أنت بتطردنا يا عمي؟ راجح: آه يا أخويا، اعتبرني بطردكم. جلال: طب إيه رأيك بقى يا باشا، مش هنمشي ونقعد ونسهر؟ راجح: طب اعملها يا جلال الكلب عشان أشوف شغلي معاك.

جلال: هتعمل إيه يعني؟ مش هدخلنا القصر؟ والله أعمل لك اعتصام بره على البوابة. راجح: لا هدخلكم، بس هفضّي أوضكم وأخليها على البلاط، ووروني هتناموا فين. جلال: طب ده يبقى يوم المنى، بقالي كتير منمتش في حضن روح. راجح: روح مين اللي تنام في حضنها يا ابن الكلب؟ ضحكت روح والشباب كلهم على غيرة راجح. جلال: أمي حبيبتي هتخديني في حضنك صح يا روح؟ روح: صح يا قلب روح. راجح: والله! أنت يا جزمة سمعت اللي قولته؟

أقولك هبوظلك الموتوسيكل بتاعك، بلاش أوضتك. جلال: عايز تبوظلي الموتوسيكل؟ والله أنا أرتكب جريمة. راجح: جريمة في مين يا صايع؟ والله يا جلال هخربهولك وأخليك تقعد تعيط جنبه. جلال: بتهددني يا باشا؟ راجح: آه بهددك. جلال: عيب، ده أنا حبيبك. راجح: حبك برص، ولا بطيقك. جلال: مين ده؟ ده أنا قاعد في الحتة الشمال ومتربع. راجح: ياواد اعقل واكبر وبلاش تستفزني. اسمع الكلام وودي الحاجة وامشي.

جلال: بضحك، ما تهدي بقى يا عم راجح وتروق كده. راجح: أنا قولت اللي عندي. جلال: طيب دور بقى على اللي هيسمع الكلام. أمير: يا عم اقفل بقى. راجح: شايف ابنك يا مراد؟ والله الاتنين دول هيجلطوني، حاسس إني بتعامل مع عيال صغيرة. مراد: يا عم ما تسيبهم، على الأقل أخلص أنا ويوسف من رخامتهم شوية. أمير: متقلقش، هرجعلك يعني، هتترزح مني فين؟ مراد: أنا هنا في حماية أخويا. الدور والباقي على اللي خد عروسته وراح بيها على الفيلا.

سالم: ولا ومن خيبته بيتصل بيه بنفسه وبيقولوا تعالي. جلال: اهدي يا حقنة، دورك جاي ومش هحلك أنت وشمس. سالم: والله اقتلك فيها. راجح: أنت هتفضلوا ترغوا؟ يلا روح هات الحاجة لأخوك، وساعة والأقيك هنا. جلال: يلا يا باشا، اتكل على الله، متعطلناش، مش كفاية ابنك باعتهنا مشوار عمرنا ما عملناه. راجح: اتكل على الله. والله أنت ما اتربيت، غور يالا. قفل راجح في وشه، وفضل جلال وأمير يضحكوا.

كمل أمير طريقه، وبعد وقت بسيط وصلوا قدام فرع من فروع هايبر كبيرة، ولأول مرة في حياتهم يروحوا يتسوقوا ويشتروا حاجات خاصة بالمطبخ والبيت. ركن أمير العربية ونزلوا دخلوا على جوه. جلال: يلا يا أمير، شوف شغلك. أمير: وحياة أمك، هتيجي معايا؟ أنا مليش في الجو ده. جلال: طب استنى، أنت داخل كده على طول؟ هنجيب الحاجة في هدومنا. أمير: يعني إيه؟ جلال: مش نجيب عربية؟

أمير: أحيه، نسيت. مش بقولك هو يوم مهبب، ما كنت قاعد محترم في بيتنا. جلال: طب يلا يا أخويا، هات العربية. أمير: بقولك إيه، ناخد عربيتين وكل واحد فينا يروح في ناحية عشان ننجز وقت. جلال: مين ده؟ رجلي على رجلك. فاكرني هعرف أسلك يا ابني؟ أنا آخر مرة دخلت فيها سوبر ماركت كان في استراحة للسفر، ودخلت جبت حاجة ساقعة وشوية حاجات لزوم السفر. أمير: طب يلا، ربنا يستر. جاب أمير عربية ومشي جنب أمير.

جلال: بقولك إيه، أنا هركب وأنت زوقني. أمير: في إيه يااض؟ وأنا جاي بأبن أختي أتمشى عشان مضربكش؟ جلال: يا جدع، نفسي أجرب البتاعة دي. أمير: يا ابني اعقل وامشي هادي، متفرجش علينا الناس. جلال: أديني اتخرست. بقولك إيه، هنبدأ فين؟ أمير: أنا عارف السوبر ماركت كبير وحاسس إني تايهة فيه. جلال: هو قال مفيش فطار، تعالي نروح نبدأ بالفطار والكلام ده. أمير: يلا، بس أنت اللي هتشتري الجبن، أنا بخاف. جلال: بضحك، بتخاف من الجبن؟

والله أنا مش قادر أفهمك، شحط طويل زيك كده وبيخاف من الجبن؟ دي فوبيا إيه المهزلة دي؟ أمير: أنا عندي فوبيا من الجبن، بكلم الدكاترة، اعترض بقى. جلال: طب يلا بينا. وصلوا قدام القسم الخاص بالجبن، ووقف أمير بعيد عنه لأنه عنده فوبيا من الجبن. جلال كان باصصله من بعيد. جلال: طب أجيب قد إيه؟ مش عارف. يا اللي ربنا ياخدك. أمير: هات من كل حاجة نص، هو كده كده مش هيطول.

جلال: طيب بص للراجل اللي واقف عند قسم الجبن وطلب منه يجيب نص كيلو من كل حاجة شاور عليها. وبعدين بص لأمير: أجيب جبنة ريكفور؟ أمير: الله يقرفك، بيتهيألي زيد مش بياكلها. جلال: مش مهم زيد، أنا بحبها، هات نص ريكفورد لو سمحت. أمير: بضحك، أنت ناوي تعيش معاهم؟ جلال: آه، وبعدين أنا خلاص قررت، أول ما زيد وصبا يرجعوا هروح أعيش في الفيلا لوحدي وأبعد عن وشكم.

أمير: كده كده أبوك بيتهيألي مش هيدخلك القصر، روح عيش في الفيلا، ده لو زيد رضي يديك مفتاحها. جلال: لو مرضيش هنط من السور وألبسكم مصيبة. أمير: طب أنجز يلا، مش قادر أقف قدام الجبن دي كلها، حاسس إنها هتطلع تجري ورايا. جلال: بضحك، بص للراجل: معلش، اعذره، عنده أغرب فوبيا في العالم، بيخاف من الجبن. بصله الراجل وضحك وكمل اللي بيعمله. خد جلال منه كل حاجة وحطها في العربية ومشي. جلال: خد، زق العربية.

أمير: لا، والمصحف ما أزق حاجة بعد الجبن ما اتحطت فيها. جلال: ياض، همسك طبق وألبسه في وشك. أمير: اعملها عشان تلاقيني واقع قدامكم ومغمى عليا. جلال: دي مصيبة إيه السودا دي؟ بقولك إيه، مش المفروض نجيب عيش وتوست يتاكل بيها الحاجات دي؟ أمير: المفروض، تعالي القسم بتاع المخبوزات، أهو. راحوا على هناك وبدأ جلال يختار. أمير وقف جنبه ومسك موبايله وبعت لفرح. أمير: وحشتيني، على فكرة، مش ناوية ترضي عني بقى وتصالحيني؟

ثواني وردت عليه فرح. فرح: لا، مش ناوية، وملكش دعوة بيا يا أمير. أمير: يابت، هقتل أخوكي وربنا، مش كفاية واخدني معاه على قسم الجبن؟ لو جالي سكتة قلبية الوقت، هموت وأنا مش مسامحك. ضحكت فرح عليه وبعتتله رسالة. فرح: برضه مش هكلمك، ويارب إيدك تيجي على الجبن يا أمير. أمير: أنت بتدعي عليا للدرجة دي؟ هونت عليا؟ يابت وربنا بحبك. فرح: امشي يا أمير، يلا، شوف بتعمل إيه. أمير: ده آخر كلام عندك؟ فرح: آه، واللي عندك اعمله.

أمير: اللي عندي اعمله، طيب متزعلش بقى. فرح: لا، مش هزعل، اعمل اللي تعمله، ويلا امشي. أمير: ماشي يا فرح، أنتِ اللي قولتي متبقيش تزعلي بقى. جلال: أنت يا عم زفت، اعمل حاجة لله، أنا مش عارف أهبب حاجة. أمير: بضحك، إيه رغيف الفينو اللي أنت جايبه ده كله؟ جلال: بضحك، طويل أوي، شكله عجبني، أهو ده تاكل منه واحد وتطير. أمير: هتاكل كل ده يا طفس؟ ده يدوب يتحط فيه الجبن اللي جبتها كلها.

جلال: كده جبت الفينو والعيش والتوست والجبن، نجيب إيه تاني؟ أمير: مش عارف، نجبله مكرونة؟ جلال: هو قال حاجات للتلاجة، مكرونة إيه؟ أمير: يا ابني، بيقولك البيت فاضي، تعالي تعالي. خده أمير وراحوا جابوا مكرونات ورز وزيت وسكر وحاجات كتير خاصة بالمطبخ. جلال: أحيه، العربية اتملت واتقلت، مش قادر أزوقها. أمير: استنى، في عربية هناك أهي. جلال: يا عم كفاية كده، تعبت.

أمير: تعالي نروح نجيب له فاكهة عشان ميتكلمش معانا. منك لله أنت وأخوك، يارب خلصني من العيلة دي بقى. راحوا على قسم الفاكهة. جلال: هات عنب. أمير: زيد مش بيحبه. جلال: حط، حط، أنا بحبه. أمير: والله هيضربنا. جلال: يا عم حط، هات أحمر وأخضر. حط أمير العنب في العربية وبص له: نجيب إيه تاني؟ جلال: هات تفاح وموز. أمير: بلاش موز، صبا مش بتاكله. جلال: يا عم سيبك منهم، أنت هتقرفني، أنا بحب الموز.

أمير: ياض، هو إحنا بنجيب ليك الحاجة دي؟ جلال: آه، مش كفاية مسحولين في السوبر ماركت؟ أمير: طب بقولك إيه، أنا هجيب برقوق. جلال: لا، مزز، مش بحبه. أمير: بضحك، ضربه على كتفه، وأنت مال أهلك؟ أنا بحبه. جلال: والله أبداً، طعمه مش حلو. أمير: أرخم مخاليق ربنا، طب مش جايب، يلا امشي. جلال: نمشي إيه؟ استنى، ده في كريز ومانجة وحاجة كده قمر. أمير: يارب زيد يرضى يدخلنا الفيلا. جلال: نجيب بطيخ؟ أمير: هو يوم أسود، أنا عارف.

جلال: ياض، البطيخ حلو في الحر ده، اسمع مني، إيش فهمك أنت. أمير: جيب يا أخويا، هي جت على البطيخ. بس هتنقيها إزاي دي؟ جلال: عيب عليك، أنا تاجر فاكهة قد الدنيا. أمير: وقع من الضحك، والله هتطلع قارعة ويومك هيبقى أسود. جلال: اسكت بس، أنا بعرف فيه. أمير: امتى؟ قولي امتى عرفت فيه؟ ده أول مرة في حياتك تدخل تشتري حاجة.

جلال: اسمع مني، البطيخ معروف، سمعته زي الزفت، أي حد يروح يحسس ويطبطب عليه، يروح معاه على طول. خبطتين حلوين وأحسس شوية عليه، هتطلع حلوة. أمير: والله أنت عيل مش متربي. خلصوا قسم الفاكهة وراحوا على قسم السناكي والحاجات الحلوة، ووقف جلال يجيب شيبسي وشيكولاتات وبسكوت وحاجات كتير كأنه طفل. أمير: بغيظ، يا ابني اخلص، إحنا هنبات في القسم ده، وبعدين إيه اللي أنت جايبه ده كله؟

الله يخربيتك، والله أنا قولت إني جاي مع ابن أختي، مصدقتنيش. صبا مش بتاكل كل ده وزيد ملوش فيه. جلال: يا جدع، سيبك منهم، هما هيقرفونا، ناكل احنا ونتبسط، مش إحنا اللي هندفع. أمير: ياض، أنت طالع رحلة عندهم، رايح تستجم في الفيلا معاهم؟ جلال: مش هما اللي طلبونا وقالوا نسهر معاهم؟ أهي الحاجات دي لزوم السهر. أمير: كل ده لزوم السهر؟ دي تالت عربية نجيبها يااض، أنا بزق عربيتين مع بعض، تعبت. جلال: رياضة، رياضة عشان يطلع لك عضل.

أمير: طب بقولك إيه، بالمرة ما تجيب لنا كام كيس إندومي كوري. جلال: بصله بقرف، وبتقولها في وشي؟ إندومي كوري؟ أنا شلت البواسير من غير ما آكل شطة، أمال لو أكلت إندومي هيحصل فيا إيه؟ هشيل طيبة قلبي كلها. أمير: وأنت مالك أنت؟ أنا هاكل، وسع كده. جاب أمير كام كيس وحطهم. جلال: وبت تقول لي رايح على بيات؟ جايب عشر أكياس ليه يا اللي ربنا ياخدك. أمير: شكل السهرة هتطول، أبوك وأبويا مش هيدخلونا البيت.

جلال: بضحك، ليهم حق، ده إحنا ناقص نجيب بطاطين ونروح لهم. بقولك إيه، ما تيجي نجيب فحم عشان نشوي؟ أمير: طلاق تلاتة، أنت رايح مصيف. جلال: كتير كده صح؟ أمير: أوي والله، زيد هيندم هو وصبا. انجز يا اللي معندكش دم، مش قادر أقف. جلال: خلاص خلصنا، تعالي بس نجيب بيض، نسيته. أمير: يارب نخلص. جلال: على فكرة لو نسيت حاجة هقولهم أمير اللي استعجلني. أمير: نسيت إيه يااض؟

أنت ما فيش قسم ما وقفتش عنده، عامل زي ستوتة. مكنتش أعرف إنك ست بيت شاطرة كده. جلال: الواحد يدخل بهيبته كده، وبعدين نكسر عين زيد عشان ميقدرش يطردنا. أمير: ده وشه مكشوف ومش بعيد ياخد مننا الحاجة على البوابة ويطردنا، واسمع مني، حقه إحنا منتعاشرش. جلال: أوبااااا، شوفت؟ أديك عمال ترغي وكنت هتنسيني. امير... منك لله😂😂😂🙈 في ايه تاني. جلال... ورااااايا🧐🧐 امير....

وراك ايه همشي ازاي ياللي ربنا ياخدك بقولك ايه مفيش قسم هنا للأحبال نربط العربيات في بعض ونشدهم😂😂😂 جلال... ياجدع حطهم هنا علي جنب وتعالي ورايا راح علي قسم الحلويات الشرقيه وجاب بسبوسه وكنافه وتورته وحجات حلوه وبص لأمير😁 امير... 😂😂😂😂🙈هموت منك والله انت رايح تخطب جلال.... لزوم السهره 😂😂🙈 امير.... بقولك ايه عشان تعرف انك مش مصحصح ونسيت قسم مهم جدا😂 جلال... 🤔🤔ايه امير.... شويه لب ومكسرات لزوم السهره😂😂😂😂😂 جلال....

اهو كده احبك ايوه كده فتح معايا🤔😂😂😂 جري جلال وسابه وراح جاب شويه مكسرات ولب ورجع حط الاكياس في العربيه. امير... اظن كفايه كده زيد بالحاجه دي كلها مش هيرجع القصر😂 جلال.... خلاص كفايه عشان معدتنا متتعبش🙄🙄 امير..... هي لسه متعبتش😂😂😂🙈 يلا قدامي علي الكاشير🔪🔪 جلال... هتدفع طبعا🙄😁 امير... ولا اعرفك ده انت جايب خزين 3 سنين قدام😂😂😂 جلال... واطي زي ابوك😒 طب مش دافع حق الاندومي امير.... انجز ياض واخلص 😡

راحوا علي الكاشير دفعوا الحساب وحطوا الشنط في العربيات وخرج معاهم اتنين من الموظفين يساعدوهم امير... كان ماشي جمبه ميت من الضحك😂😂🙈 بصله جلال وهو ماسك ورقه الحساب ورقه طوووويله جدا😒😒 جلال... اضحك اضحك ما انت مش غرمان حاجه🤨🤨🔪 امير... الراجل قالك هاتلي شويه حجات للفطار وشوف اب حاجه حلوه قدامك هاتها انت حلفت ما تخرج غير وانت مجهزه😂😂😂😂🙈 جلال.... الحق عليا قولت أشرفه قدام صبا الغلبانه اللي قضت اليوم من غير فطار😒🔪 امير....

لا وانت جدع اوي ايش حال ان ماكانش تلت ارباع الحجات جايبها علي مزاجك😂😂 جلال... يعني ادفع وكمان ماكلش🤨 أمير... طب اخلص يلا خلينا نشوف هنحط الحاجه دي كلها ازاي وخلي بالك من البيض احسن يتكسر🙈 جلال... والله انا ما خايف غير علي التورته هموت واكل منها🥴 ولا يا امير بقولك ايه استني هموت وادخل الحمام🙄 امير.... نعمممم ايه هوقف الناس اللي جايه تساعدنا واقولهم استنوا ابن اختي هيعمل بيبي🔪😒 جلال...

ياض روح معاهم و هحصلك انجز هعملها علي روحي🤨 امير.... منك لله😂😂😂 روح بسرعه يلا وتعالي علي البارك. جلال.... ماشي يلا بااااي جري جلال بسرعه وفضل يسأل علي مكان الحمام وطلع من الهايبر علي مكان المول اللي هما فيه وبدا يسأل وهو بيجري بسرعه

وصل اخيرا قدام الحمام كان في اتنين واحد للرجال وواحد سيدات من كتر ماهو مش قادر ومستعجل دخل اول باب قابله ولسوء حظه العامله اللي بتقف علي باب السيدات كانت بتجيب مناديل عشان خلصت من الدولاب ومخدتش بالها منه جري جلال علي الباب وفتح واول ما فتح كان فيه ست كبيره في الست قاعده علي قاعده الحمام🙈🙈🙈 واول نا دخل عليها صوتت😂😂 جلال😳😳😳😳 اسف الست... اسف ايه انت مش بتفهم دخلت هنا ازاي يا حيوان. جلال....

ياحاجه حقك عليا والله ما شوفت حاجه😂😂🙈 الست... ياقليل الادب 😡🔪🔪🔪 خرجت العامله علي صوت الست وصوت البنات الموجوده. العامله.... ايه اللي جابك هنا يا استاذ جلال... مزنوق ربنا ما يوقعك في زنقه مخدتش بالي🥴 الست..... انا هوديك في داهيه😡 جلال... ياحاجه والله ماشوفتك انا قفلت الباب علي طول😭 فضلوا يهدوا الست والست مش راضيه تسيبه ابدا جلال...

ياحاجه طب سبيني اروح الحق نفسي قبل ما اعملها علي روحي وشكلي هيبقي وحش ورينا🥴 ترضهالي وبعدين انا مريض سكر مركزتش بصتله الست وصعب عليها رغم انها مضايقه منه😒 جلال.... مريض سكر صدقيني اعتبريني ابنك🥴 الست..... ماشي هسيبك بس عشان صعبت عليا جلال.... والله انتي ست جدعه الهي يارب يما يوقعك في ضيقه🥴 ابتسمت الست وضحك عليه البنات اللي كانوا واقفين واخيرا سابته و خرج جلال جري علي الحمام الخاص بالرجال واول ما دخل وشاف رجاله

جلال... والله زمااان يا رجاله 🥴 والله ما لينا غير بعضينا خلص جلال ونزل جري علي امير. امير... انت فين يا زفت موبايلك غير متاح وبقالي سنه مستنيك😡 جلال... والنبي اسكت دقيقه كمان وكنت هتيجي تاخدني من القسم😒 امير... عملت ايه يا مصيبه😳 جلال.... دخلت حمام الستات😂😂 وفتح الباب علي ست ومكانتش راضيه تسيبني امير... 😂😂😂😂احيه بتتكلم جد جلال... اه والله والست قاعده واخده راحتها اوي وانا قطعت عليها خلوتها😂😂🙈 امير....

منك لله علي طول كده جايبلنا الكلام😂 جلال... وانا مالي وبعدين هي ايه اللي مخليها داخله ومش قافله علي نفسها من جوه😂😂 امير... كمان هي اللي غلطانه😂😂 المهم انها سابتك جلال.... ماهو انا صعبت عليها اصلي قولتلها اني عندي السكر😂😂 امير... اركب ياض اركب منك لاه كنت عارف انك هتعمل مصيبه😂 جلال... ما انت اللي قاعد تستعجل فيا😂😂😂😂😂 امير... طب يلا اركب 😂😂🙈 ركبوا واتحركوا بص جلال علي الشنط جلال....

انت محطتش الحاجه دي ليه في شنطه العربيه. امير.... حطيت واتملت يا خويا حطينا الباقي علي الكنبه جلال... شكلي افتريت في الشراء🙄 امير.... بص في الورقه اللي معاك طولها قد ايه وانت تعرف😂😂 جلال... يلا بالهنا والشفا علي قلبي🙄 امير... طبعا ماكل اللي جبته جايبه ليك😂😂😂😂 ولا يا جلال. جلال... ارغي🥴 امير... يعني كنت بقول ان الحاجه اللي جبناها دي وهندخل بيها مش كفايه تخلي منظرنا علي وضعه😎 جلال... ايه نسينا حاجه 🤔 امير....

بأبتسامه ليها مغزي مقصدش اننا نشتري انا اقصد علي دخلتنا عليهم😈 بصله جلال وضحك 😈😈 فهمتك بس ايه في حاجه في دماغك🧐 امير.... طبعا واحنا هندخل عليهم كده عادي لازم داخله تليق بينا😎 جلال..... أشجيني يا ابن حماده فتح الله😂😂😂😂😂 عايز داخله تتحلف بيها واهو بالمره اكلم زيد و أقوله يتصل بأبوك ڤديو كول هو ابن حلال ويستاهل عشان يبقي يهددني اوي😂🙈 امير... بضحك مش لدرجه ابوك لو عرف اني صاحب الفكره هيطردني انا وابويا😂😂😂😂 جلال...

متقلقش خليها عليا قول هنعمل ايه🧐 أمير.... كل خير😈 هندخل عليه بزفه ومش اي حد هيغني في الحفله دي هجيبله حبيبته😂😂 جلال.... شفيقه😂😂😂😂 امير.... هو وحظه بقي لا يحبها اكتر لا يكرهها وتبقي ذكري مهببه كل ما يسمع اغنيتها ميبقاش طايقها اكتر😂 جلال.... طيب بقولك ايه مفيش معاك صواريخ وشماريخ لزوم الاحتفال😂😂😂 امير.... عيب عليك وانا بمشي من غيرها 😂 اتصل علي جلال في الوقت ده زيد. جلال... جه علي السيره😂😂 الووووو زيد....

انت فين يا ابني انت وهو الساعه 9 ونص انا مكملك من سبعه ونص 🤨 جلال.... جايين يا غم قاعد انت ومفضي دماغك واحنا طالع عنينيا في السوبر ماركت😒 زيد... ياض هو انا طلبت منك غير شويه جبن للفطار واي حاجه حلوه لحد ما اجيب بكره🤨 امير... بضحك جبن وحجات حلوه😂 طب ابقي هات شويع عمال تساعدنا في تحويل الحاجه🙈 صبا.... انتوا هببتوا ايه😂😂 زيد...

والله قلبي مكانش مطمن انتوا جبتوا السوبر ماركت ولا ايه يا الني انا كلها كام يومين تلاته وهرجع. جلال... لا ما انا بفكر لما تمشي اقعد انا اصل بعد اللي هعمله فيك ابوك مش هيدخلني القصر😂😂😂 زيد.... ورحمه امي يا جلال الكلب انت وامير لو هببتوا حاجه من مقالبكم لا هعلقكم علي باب الڤيلا ومش هسيبكم غير لما الباشا يجي يضمنكم ده ان رضي😂😂😂 جلال... اديك قولت ان رضي عرفت بقي زودت في الطلبات ليه😂😂 زيد.... استر يارب😂😂 جلال...

بقولك ايه اول ما اقولك اني داخل عليك اتصل علي ابوك ڤديو كول وخليه هو والعيله كلهم يحضروا اللحظه دي😂😂😂 زيد.... انت ناوي تتهزق شكلك. جلال... لا اصله بيقولي تروح تودي الحاجه لأخوك من علي الباب وترجع ولو قعدت مش هدخلك وكان بيهددني وانت عارفني انا مبتهددش😂😂 زيد.... ابوك لو جراله حاجه هيبقي سببكم انتوا الجوز اديني قولتلكم عشان تبقوا عارفين🤨🤨 جلال.... خليها علي الله ومتقلقش اللي معاه ربنا نا بيغلبش هي موته ولا اكتر😂😂😂

صبا... طيب يلا انجزوا. جلال... بضحك صباااا😂😂😂 صبا... نعم😂😂😂 جلال... مش انا دخلت علي واحده ست الحمام بدل ما ادخل حمام الرجاله😂😂😂😂😂😂😂 وقعت صبا من كتر الضحك😂😂🙈 زيد... الله يكسفك يا معفن ياريتها كانت ضربتك😂😂 جلال..... ملحقتش بس قفشتني قفشه مخبرين من قفايا ومكانتش راضيه تسيبني😂😂😂 امير.... يا ابني اسكت هموت والله 😂😂😂😂😂😂😂🙈 زيد... انجز يا مصيبه😂😂 جلال... جاي اهو ربع ساعه وابقي عندك افتح البوابه واقف استعد وكلم ابوك والنبي😎

زيد... هكلمه ويارب يجي يضربك😂 جلال.... يلا سلام😂😂😂😂 ............ صبا..... تفتكر هيعملوا ايه😂😂 زيد.... والله ماعارف انا بقلق منهم لما بيحطوا راسهم في راس بعض😂😂 استني هفتحله البوابه راح زيد فتح البوابه ورجع قعد جمب صبا علي الكرسي في الجنينه وأتصل براجح. راجح.... الوووو اكيد بتشتكي من جلال زيد... بضحك لا لسه مجاش جاي خلاص بس هو قاللي اتصل بيك عشان تشوفه وهو داخل😂😂😂 روح.... يبقي عامل مصيبه. راجح...

قولتلك اروحلهم واجيبه قولتيلي لا😒 روح... 😂😂😂كاسفني علي طول اعمل ايه طيب صبا..... انتوا بتعملوا ايه يا روح؟ روح .... مفيش قاعدين بيتفرجوا غلي فيلم اجنبي. زيد.... ولا ياسالم اقفل الفيلم و شغل المكالمه علي الشاشه وسجلها😂😂 سالم.... انت ناوي تجيبله الضرب شكلك😂😂😂 ياسين... خلينا نشوف بالحجم الطبيعي هيهبب ايه😂 راجح... اه يا جلال الكلب😂😂 قاسم.... انت بتاكل في نفسك ليه يا باشا مش زيد اللي قاله تعالي يتحمل بقي😂 زيد....

انا بدأت أندم والله😂😂 فضل زيد يتكلم معاهم هو وصبا ويضحكوا علي جلال وامير ويخمنوا هيعملوا فيهم ايه. وبعد حوالي ربع ساعه وصلوا اخيرا وقبل ما يدخلوا علي بوابه الڤيلا طلع جلال من الشباك وبدأ يفرق في الصواريخ بقت تنور في السما زيد.... اهم وصلوا😂😂😂😂 صبا... يخربيت الجناااان زيد... صوري لابوه😂😂😂😂 راجح.... بأبتسامه شايفه ابنك🤨

وقف زيد وصبا لحد ما دخلوا من البوابه شغل امير سماعات العربيه علي اخرها صوت الدب كان مسمع المكان كله خصوصا انه حاطت سماعات في عربيته حديثه جدا ودخلوا علي اغنيه مهرجان هو اللي مجنني😂😂😂🙈 وقف زيد وصبا يصوروهم وميتين من الضحك. نزل امير وجلال وفي فأيدك العاب ناريه بتطلع شرار وبدأوا يدخلوا بهدوء وهما واقفين قصاد بعض بيرقصوا وبيغنوا مع الاغنيه وبيمثلوا كل كلمه فيها. زيد.... الجيران هتشتكي يا خربيتكم🙈 راجح....

اه يا ولاد الكلب يا جزم😂🙈 مراد.... طب والله احلي زفه😂😂 سالم... كنت واثق انهم هيدخلوا الدخله دي😂😂 نادر ... هو الواد امير مش كان مكتئب خلصت الاغنيه وجات اللي بعدها علي طول بتاعت شفيقه. طلع امير وقف علي العربيه امير.... اسمعععععع يا زيد بااااشا زيد.... اول ما سمع موسيقي الاغنيه حط ايده علي وشه وهو بيضحك وبصله بتدوس علي نقطه ضعفي😂🙈 صبا.... زيد احنا اتفضحنا😂😂😂🙈 سالم.... ايوه بقيييييي🔥🔥🔥 راجح....

بترقص يا ابن الكلب انت كمان سالم..... اسمع يا باشا طب والله عيال ملهمش حل😂😂😂 يوسف.... سالم اتهور😂😂 ياسين.... ماهو مفيش حاجه بتقومه غير رضا البحراوي واغنيه شفيقه😂😂 صبا... بضحك الحق يا زيد سالم بيرقص😂😂😂😂😂🙈🙈 فرح كانت باصه علي امير وميته من الضحك وهو بيرقص وبيغني تقي.... هما معملوش معنا كده ليه😂😂 مراد..... لو مكناش سافرنا كانوا حفلوا علينا كده😂 شايفه الواطي بيرقص ازاي. بصله راجح.... تربيتك😒

والله يا جلال الكلب انت وامير لا هوريكم. روح..... هما هيسمعوك😒😂😂 راجح... يا صبا قولي لزيد يروح يضربهم. صبا..... زيد مبسوط بالاغنيه يا خالوا😂😂😂 راجح... طيب يشرب بقي هو حر 😂 خلص الموال اللي في اول الاغنيه واول ما الاغنيه بدأت وقف جلال جمب امير يرقص. جلال.... اسمع يا زيييييد باشاااا جاي بيشكي راجع يبكي 💃💃💃 زيد.... الله يخربيت شيطانكم🙈 صبا..... حاسه ان الناس بتتفرج علينا زيد... حاسه مش متأكده😂😂

نزل امير وجلال من علي العربيه وكملوا رقص علي الارض وهما بيقربوا من زيد وبيشاوروله يجي😂😂🙈 زيد... اعقلوا عيب😂🙈 جلال.... فاتت سنه وراء سنه💃 زيد.... كفايه يالا🤨🙈 حس زيد انه اندمج عض علي شفايفه وهو بيهز راسه باستمتاع😂😂 وقرب منهم بهدوء رقص معاهم بطريقه هاديه وجذابه خطفت قلب صبا🙈🙈😍 امير... ايوووووه بقااااااااااا🔥🔥🔥🔥🔥 جلال.... الباشاااا اتهووووور🔥🔥🔥 الباشا اتهووووووررررر

حطت صبا ايدها علي وشها وفضلت تضحك علي زيد🙈🙈😂 وتبصله بنظرات كلها حب😍 راجح.... اهو اللي قولت عليه عاقل بيرقص معاهم😂😂😂 اه يا ولاد الكلب يا اللي مفيكوش واحد متربي😂😂 سالم.... يارتني روحت معاهم💃💃💃😂😂😂😂😂😂 خلود... انا بطني وجعتني من كتر الضحك😂😂🙈🙈 بص زيد لصبا وهو بيغني وبيشاور عليها بحب زيد.... انت اللي كنت حبيبي زمان هو السبب 👆في بعدنا انت اللي كنت حبيبي زمان😍😉 فاتت سنه وراء سنه فاتت سنه وراء سنه لا جتني ولا ورتني حنان

لا جتني ولا ورتني حنان يا ما قاسيت علي قلبي كتير ياما الدمع جرح خدي يا اما العقل غلب تفكير والفكر يجيب ويودي 🙈🙈🔥🔥🔥 جاي بيشكي 😉😉 راجع يبكي مد زيد ايده لصبا وهي بتضحكله بحب راح جلال خد منها الموبايل ومسكها زيد رقص معاها هو وامير. جلال... بضحك ايه رأيك يا باشا شوفت الفرح اللي عملته لأبنك😉 راجح...... ده انا هكسر عضمك انت والصايع التاني لما تيجوا🤨 جلال...

بضحك قول انك متغاظ وعايز تيجي تتفرج😂😂😂 وبعدين ما هما مبسوطين وبيرقصوا اهو طب بزمتك عمرك شوفت زيد مبسوط كده يا جدع ده انا رقصتهولك😂😂🙈 راجح.... بضحك بص لروح فين حبايه الضغط😂 روح.... مش قادره والله 😂😂 ربنا يحميهم يارب. راجح.... ايوه افضلي ادعيلهم انتي. روح... ولادي حبايبي😍 داوود.... بحب ربنا يسعدك يا زيد يارب انت وصبا😍 طب والله اول مره يعملوا حاجه عدله كفايه فرحوهم😉 ليلي.... اول مره اشوف زيد بيرقص😂 زهره....

زيد ده دماغ اصلا😍 فيروز.... اوعي تكون مصوراش يا سالم😂😂😂 سالم... لا بيسجل اهو😂😂😂 خلصت الاغنيه واول ما خلصت نط عليه جلال وحضنه😍😍😍 جلال... مبروووووك يا قلب اخوووك زيد.... حبيبي يا جلال والله امير.... طب بزمتك مش احلي من فرحك ضحك زيد وخد امير في حضنه وطبطب علي ضهره بحب الف مره طبعا😍 امير.... وحشتوني والله 😍 صبا.... انتوا عارفين انا حاسه اننا مش هنقدر نخرج من هنا بعد اللي عملتوا😂😂😂😂 جلال....

يعني ينفع ندخل عليكم كده داخله عاديه تبقي عيب في حقنا😂😂 زيد..... مش عايز تقول لابوك حاجه قبل ما اقفل معاهم😂😂 جلال.... لسه مصمم متدخلنيش انا وامير😒😒😒😒 راجح... لا وعلي ايه مش زيد مبسوط خليك عنده بقي 🤨 زيد... بضحك دول يقعدوا وينوروني😍 راجح... اشبع بيهم يا اخويا اهو تبقي عملت في أبوك جميل امير.... مراد فاتك انت احتفالنا خلي السفر ينفعك🤨 تقي.... لسه بقوله والله😂 راجح.... يعني هما بالنسبالك احسن من المالديڤ🤨 تقي...

بضحك طب والله ايوه دول سكر😍😂 جلال... عيب عليك يا باشا ودي مقارنه بردوا انا بفكر اروح اجمع كام شاب معايا انا وامير ونعمل فرقه كده وهطلع وراء اي فرح اعملهم الزفه راجح... عايز تبقي مطبلاتي. جلال: وهجيبلك العار وافضحك زيد: ضربه علي راسه أتلم هو مش طايق خلقه راج: لما تجيلي يا ابن الكلب جلال: لما بقي راجح: اقفل يا زيد يلا ضغطي وطي من الواد ده زيد: ماشي يا باشا يلا سلام قفل معاهم زيد وفضل يضحك جلال: تفتكر ابوك هيدخلني

زيد: بضحك أنا لو منه مدخلكش امير: تعالوا يلا بقي شيلوا معانا صبا: الحاجه كتير امير: كتير بس ده مش بعيد تلاقي حاطط الناس اللي بتبيع في شنط زيد: يا ابني قولتلك احنا مش مطولين هنا هنرجع بعد يومين نقعد كام يوم وبعدين هنسافر أنا وصبا امير: المالديڤ بردوا زيد: لا ومش هريحك جلال: ياجدع البلد دي أحسن من غيرها وبعدين لو على الحاجه كتير كتير مش مهم على الأقل لو اتطردت ألاقي مكان يلمني وأهو في أمل بزيادة زيد: على أساس

إني هسيبك تبات فيها جلال: احيه بتخلي بيا زيد: أه بخلي بيك أجي ألاقيك جايب مصايب الدنيا صبا: إيه كل ده جلال: أي خدمة عدوا الجمايل خلي بالك في طبق بيض وتورتايه زيد: أنت جاي تحتفل امير: دول زعلوك أوي أمال لما تشوف اللي جابه ادخل ادخل فضلوا يحولوا الشنط مع بعض على المطبخ جوه راحوا ورجعوا كذا مرة وبعدين دخلوا فضلت صبا وزيد يفتحوا في الشنط ويضحكوا زيد: مناديل كمان جلال: بص منستش حاجة اتحداك تقول إنّي نسيت

صبا: نسيت إيه ده على رأي أمير كان ناقص تحط الناس اللي بتشتغل في شنط زيد: أنت جايب الجبنة دي ليه محدش فينا كلنا بناكلها جلال: أيوه بس أنا باكلها امير: اهو اسمع بقي عايز أقولك إن تلت أرباع اللي موجود في الشنط قولتله إنك مش بتاكله ولا أنت ولا صبا ويقولي حط أنا بحبها زيد: ماهو طالع رحلة جلال: لا ما أنا قاعد أنا حبيت القاعدة معاكم أوي بص زيد لصبا بغيظ صبا: إيه زيد: مبسوطة أوي وكان واحشك ها حطت صبا

إيدها على كتف جلال بحب: طبعًا واحشني ده حبيبي جلال: زيد: بصلها بابتسامة بسيطة وهو رافع حاجبه والله حبيبك جلال: واخده بالك يا صبا من البصة مش طايقني طبعًا وقلب على راجح باشا في غيرته على روح قرب زيد منهم وشال إيدها من عليه وزق جلال بعيد زيد: يلا ياض من هنا متقفش جمبها صبا: بحب حرام عليك بعد اللي جابه ده كله ده بدل ما تقوله شكراً جلال: هي العيلة دي فيها حد بيشكر زيد: ما تقوليلي أبوسه بالمرة إيش حال إن مكانش جايب

كل اللي على مزاجه صبا: يجيب اللي هو عايزه ده يعمل اللي هو عايزه جلال: زيد: أفضلوا دلعي فيه أنتِ وروحي وزهرة أوي امير: بقولك إيه يا زيد أنا عايز أفتح البطيخة دي عشان جلال مصمم إنه تاجر فاكهة وعرف يختار زيد: أكيد شبه وشه راح زيد جاب سكينة وبص لجلال بغيظ وهو واقف جنب صبا زيد: ابعد عنها ياض جلال: السلاح يطول يا باشا عيب أنا أخوك فتح زيد البطيخة وهو بيضحك وبص لجلال بغيظ حمراء يا ابن المحظوظة جلال: يا سلاااام

عليا ياسلام عليا امير: لا طلعت حلوة والله يا ابن اللاعيبه زيد: والله أكيد جت معاه حظ جلال: بضحك أه وربنا فضلوا يضحكوا فضولوا مع بعض كل الأكياس وساعدوهم في شيل كل حاجة وبدأت سهرتهم شغل زيد فيلم أجنبي أكشن وقام جلال هو وصبا جابوا من كل حاجة جابها كانت القاعدة بينهم جميلة وكلها ضحك وهزار اندمجوا جدًا مع الفيلم صبا كانت ساندة على كتف زيد وهو لافف إيده على وسطها ومركز في الفيلم

ابتسمت صبا لما افتكرته وهو بيرقص معاهم وبيبانها أول مرة تشوف وش زيد التاني وش كله شقاوة جاذبية حب براءة غمضت عينها وهي بتتنهد نفسها جه في رقبة زيد بصلها بجنب وشه وأول ما شافها بتبصله وبتضحك ابتسم وفضل باصلها وساكت صبا: بهدوء وصوت مش مسموع غير ليه بحبك أوي ابتسم زيد وهمس بهدوء زيد: وأنا بعشقك غمضت صبا عينها ودفنت وشها في رقبته وبهدوء طبع قبلة بسيطة على رقبته وياريتها ما عملتها غمض زيد عينها وفضل يحرك رقبته

بهدوء وبعدين بصلها زيد: بصوت هامس أعقلي صبا: زيد: بحب عاجبك الزنقة اللي أنا فيها الوقت دي صبا: ضحكت وهزت راسها ابتسم زيد وباسها من راسها وحضنها بص بهدوء على أمير وجلال لقي جلال نام وفي إيده كيس شيبسي وحاطط واحدة شيبسي في بوقه ونايم أمير عينه بتقفل وبتفتح بالعافية زيد: بضحك الحقي جلال صبا: يا حرام ده نام قام أمير عدل نفسه بتعب وضحك جايب معايا ابن اختي والله هزه بهدوء: قوم ياض عشان نروح زيد: تروح فين أنت عبيط

الساعة أربعة الصبح امير: ودي أول مرة يعني نرجع متأخرين زيد: أيوه بس مش هتمشوا جلال نايم كمان امير: لا والله أبداً مش هينفع يا جدع ده يبقى حلال فينا اللي أبوك هيعمله زيد: سيبك من أبويا ملكش دعوة انت امير: مش هينفع والله يا زيد صبا: في إيه يا واد أنت عبيط أكيد مش هتمشوا الوقت امير: يا بنتي مش هينفع والله إحنا عندنا دم بردوا انتوا لسه متجوزين امبارح

زيد: وإيه المشكلة اعتبرنا موجودين معاكم وبعدين أنا تعب قلبي معاك ليه يلا ياض على فوق على بال ما أصحّي المصيبة اللي بتاكل وهي نايمة دي جلال ولا يا جلال فتح جلال عينه وبصله: إيه في إيه زيد: اطلع يلا نام فوق جلال: أنام إيه هو أنا نمت صبا: أنت سافرت جلال: الفيلم حلو أوي شدني واندامجت معاه زيد: أه حصل عشان كده نمت يلا اطلع جلال: لا ياعم هنمشي قوم ياسي زفت أبويا هيروقنا زيد: أنا قولت اطلع محدش فيكم هيمشي هما أصلاً

جايين بكرة جلال: مش هيسكت والله يا زيد هيعلقني زيد: متخافش أنا اللي هقوله اطلع يلا امير: طب ما نمشي أحسن يا جدع زيد: انتوا هتقرفوني ليه ما تسمعوا الكلام يلا جلال: طيب هنام إزاي بهدومنا زيد: هديك هدوم يلا قوم بس جلال: هدوم إيه اللي آخدها منك عيب عليك أنا قد دراعك زيد: طيب يلا يا قلة منك ليه قدامي امير: طب نروّق الدنيا مع صبا عيب كده زيد: يلا أنا هنزل أشيل معاها جلال: تصبحي على خير يا صبا صبا: وأنتم من أهل الخير

جلال: لأمير شوفت ياض أخويا وجدعنته مش زي أبوك الواطي مرضيش يعشيك معاه امير: على أساس يوسف الواطي دخلك زيد: حقكم عليا الاتنين واطين يلا ادخلوا دخلوا على الأوضة وراح زيد جابلهم غيار واداهم اللبس زيد: يلا غيروا ولو عايزين تاخدوا شاور عيشوا جلال: ماشي يلا اتكل على الله زيد: تصبحوا على خير امير: وأنت من أهله دخل جلال ياخد اتصل أمير على فرح امير: بصوت نايم على نفسه الوو فرح: أنت فين كل ده يا أمير امير: أنا عند زيد لسه

فرح: مال صوتك أنت تعبان ولا إيه امير: لا يا قلبي بس مش قادر عايز أنام أنا كلمتك بس عشان أعرفك إن زيد مش راضي يسيبنا نمشي الوقت فرح: هتناموا هناك يعني امير: أيوه قولت أقولك عشان متقلقيش فرح: ماشي يا حبيبي امير: بحبك يا فرح قولي بقي إنك مش زعلانة مني فرح: بابتسامة حب خلاص يا أمير مش زعلانة امير: طب قولي والله فرح: والله بس إياك تكررها تاني امير: آخر مرة والله بس أنتِ كمان آخر مرة تزعلي مني فرح: حاضر بحبك يا أمير

امير: وأنا كمان يا قلب وروح أمير يلا يا حبيبي نامي بقي فرح: ماشي هنيجيلكم بكرة امير: هستناكي يا قلبي فرح: تصحي على خير امير: وأنتِ من أهلي خرج جلال من الحمام اترمي على السرير عشان ينام امير: يا جدع براحة ثور سابه وراح ياخد شاور هو كمان عشان ينام نزل زيد وهو مستحلف لصبا كانت واقفة تروّق الدنيا في المطبخ زيد من وراها وحضنها صبا: زيييييد خضتني حرام عليك زيد: تعالي هنا بقي صبا: بضحك في إيه زيد: بتزقيني يا صبا عشان عارفة

إني مش هقدر أفتح بوقي صبا: هو أنا عملت إيه بس زيد: مش عارفة عملتي إيه صبا: لا مش عارفة زيد: أنتِ خليتيني مش على بعضي يا صبا حرام عليكي شالها زيد وحطها على الرخامة ووقف قدامها صبا: بتعمل إيه يا مجنون حد منهم ينزل زيد: بحب باس رقبتها محدش هيجي خلاص صبا: زيد بلاش جنان زيد: أنتِ لسه شفتي جنان أنا هخليكي تحرمي تعملي حركة زي دي تاني وأنا قاعد مع أي حد صبا: طب خلاص حقك عليا اعتبرها غلطة من عيلة صغيرة

زيد: في عرف ولاد الطوبجي اللي يغلط يتعاقب صبا: ومرات زيد الطوبجي مش بتتعاقب ابتسم زيد بحب على جملتها زيد: ولا حتى عقاب صغير هيعجبها صبا: بشقاوة ممكن بس بشرط زيد: اشرطي زي ما أنتِ عايزة صبا: أخلص المطبخ وأظبط الدنيا وعاقبني زي ما أنت عايز زيد: بس كده ده أنا هروّق معاكي كمان صبا: اتفقنا

خلص زيد معاها كل حاجة ورتبوا الدنيا وطلعوا مع بعض على أوضتهم بعد وقت بسيط كانت صبا واخدة شاور وخارجة وأول ما فتحت الباب لاقته في وشها ورافعها من على الأرض وراح بيها على السرير صبا: ينفع كده كل شوية تخضني زيد: أه ينفع صبا: طيب خليني أروح ألبس زيد: مش عايز لبس صبا: بضحك بطل وخليك مؤدب وبعدين هفضل كده بالبورنس ده زيد: لا هيتشال هو كمان ابتسمت صبا ووشها احمر زيد: هاا قوليلي بقي إيه اللي عملتيه تحت ده

صبا: والله مكانش قصدي بس افتكرت شكلك وانت بترقص معاهم، فضحكت، شكلك كان حلو أوي وحسيت إني عايزة أعمل كده. فتح زيد حزام البورنس بهدوء وهي بتتكلم ومش مركزة معاه، وفجأة بصتله بإحراج لما حست بأيده. زيد: بهمس، حسك عينك يا صبا تلمسي رقبتي مرة تانية واحنا قدام حد. ضحكت صبا وحضنته وتاهت معاه. ................... في صباح يوم جديد. قامت صبا بهدوء من حضن زيد وقامت بصعوبة، كان واخدها في حضنه ومش راضي يسيبها.

قامت خدت شاور ولبست، نزلت على تحت تجهز الفطار. وبعد شوية صحي زيد، وأول ما لقاها مش موجودة لبس التيشرت بتاعه ونزل وراها. لقاها واقفة في المطبخ. زيد: صباح السكر. صبا: حطت أيدها على قلبها وضحكت، اعمل فيك إيه طيب؟ زيد: اعمل إيه، انتي اللي بتتخضي. قرب من خدها باسها بحب. كان نزل وراه جلال.