رواية احتواء قلب الفصل الرابع والأربعون بقلم عبير سليم

دخل فاروق البيت وعلى وجهه علامات الحزن والهم. "سلام عليكم يا غالية." "وعليكم السلام ورحمة الله وبركاته. مالك يا فاروق؟ في حاجة يا حبيبي؟ "آخر حاجة كنت أتوقعها يا غالية، ومش عارف أعمل إيه ولا أتصرف إزاي." "في إيه يا فاروق؟ إيه اللي حصل؟ قول الله يخليك، قلقتني." "أدهم." "أدهم ابنك ماله يا فاروق؟ "أدهم جاله استدعاء في الجيش يا غالية." "استدعاء في الجيش؟ يا لهوي! ليه؟ ما هو مخلص جيشه وخلصنا خلاص. يطلبوه تاني ليه؟

وإشمعنى هو؟ ما يروحوا ياخدوا اللي مراحوش خالص وجالهم إعفاء. ابني يجيله استدعاء؟ ده الواد فرحه بعدها كام يوم يا حبيبي يا أدهم. ده لو عرف مش بعيد يطب فيها ساكت. ده قاعد بيحسبها بالثانية. وبعدين إنت حتسيبهم ياخدوه؟ متعملش حاجة. خللي حماك يعمل حاجة. هو ده مش فرح بنته اللي حيبوظ؟ لأ ده حيبقى فرح الاتنين. آه ما هو لو مراد اتجوز وأدهم متجوزش، مش بعيد يرتكب جناية. يا لهوي يا مصيبتي. جيب العواقب سليمة يارب."

"اهدّي يا غالية الله يخليكي. أنا على آخري وربنا، وعاوزك تهدّيني زي ما أنا متعود معاكي دايمًا في أي مشكلة بنقع فيها. مش تعملي كده." "أي حاجة تكون بعيدة عن أدهم ابنك، حتلاقيني هادية وجميلة وغالية اللي إنت عارفها. لكن أي حاجة تخص أدهم، وبالذات جوازته اللي حيفرح عليها، يبقى لازم أبقى كده وأكتر من كده يا فاروق. هو عرف يا فاروق؟ قلتله؟ "عرف. وهو لو عرف كانت حتبقى الدنيا هادية كده. هو فين؟ راح فين؟

"راح هو ومراد بيقيسوا بدلهم. عيني عليك يا أدهم يا حبيبي لما تعرف. كان مكتوب لك ده فين بس يا ضنايا؟ حتقوله يا فاروق؟ "أمال حقول لأمي يا غالية. إنتي كمان. هو مين اللي حيتنيل يروح؟ مش هو؟

"يا حبيبي يا ابني. الطف بيه يارب. يارب هونها عليه يارب. يا بختك المنيل يا أدهم. هو الواد ده طول عمره فقري ومفيش حاجة معاه بتعدي بسهولة كده. وأي حاجة ينبر فيها لازم تتكلكع. يا تبوظ، خلاص. بس إنت اتصرف يا حبيبي. لازم تتصرف يا فاروق. ده فرح ابنك يا حبيبي اللي حيبوظوه. وهو فرح ابنه بس اللي حيبوظ؟ يا هادي. ما فرح بنتي كمان واختها بالمرة. ابن خالك ده فقري والجوازة أهي بانت من أولها. أهيه." "هادي." "ههههههه ههههههه."

"يونس." "إنت بتضحك يا هادي؟ "ههههههه. أنا آسف والله يا باشمهندس، بس مش قادر والله. ده إيه الصدفة العجيبة دي؟ معقولة دي؟ قبل الفرح بأسبوع أدهم يجيله استدعاء؟ ده زي ما يكون حد قاصدها وعاملها معاه بالعند. طب عاوزين نشوف له حل يا باشمهندس. ده أدهم ممكن يروح فيها." "حل إزاي يعني يا هادي؟ معقولة إنت اللي بتقول كده؟ أنا لا يمكن أقف في وش حاجة في خدمة الوطن."

"ما هي الضرورات تبيح المحظورات. وكده كل حاجة حتبوظ. ده احنا حجزنا الفندق وبعتنا الدعوات وحجزتلهم شهر العسل. حنعمل إيه في كل ده؟ "حتتدبر إن شاء الله. ليها رب يدبرها." "طب عاوز أفهم. هما عاوزين منه إيه؟ مش هو أدى خدمته العسكرية وخلاص؟ "عادي بتحصل كتير يا هادي. كل فترة الدولة بتستدعي بعض اللي خلصوا الخدمة. حاجة زي تذكرة كده ليهم عشان لو حصل حاجة في البلد يبقوا جاهزين." "والاستدعاء ده بيبقى مدته قد إيه؟

"في بيقعدوا شهر، في بيقعدوا تلت أسابيع. ما دامت أوضاع البلد مستقرة ومفيش طوارئ. لكن لو في طوارئ يبقى البس يا معلم. نشوف وشك بخير." "يالهوي. عيني عليك يا أدهم واللي جرى لك. طب هما بيختاروا المدة على أساس إيه؟ "مش عارف والله يا هادي. مش عارف. بس أكيد كل واحد وبخته. وبالنسبة لأدهم عشان واضح أهو بخته من أولها، فممكن يقعدوه على طول. خليه ينبط بقى واحنا نرتاح منه." "طب هما بيبعتوا للكشف؟

"أكيد لأ طبعًا يا هادي. كل واحد وحظه. في ناس بيفتكروها وناس لأ. زي ما أنت شفت أدهم جاله ومراد مجالوش." "طب ليه مبياخدوش اللي أخدوا إعفاء ويسيبوا اللي راحوا خلاص؟ "حيخدوا اللي أخدوا إعفاء يعملوا بيهم إيه؟ هما كانوا واخدوا حاجة عشان يفتكروها. اللي راحوا هما اللي أخدوا عشان كده بياخدوهم. وخصوصًا بقى اللي كانوا مظلات أو صاعقة. أي حاجة من اللي بيكون ليها دور كبير وقت ما البلد يحصل فيها حاجة. دول بقى بيلبسوا." "وش!

مجتش غير في أدهم يا حبيبي يا ابن خالي." "والله يا ريتها كانت جت لمراد. كانت بقت أهون. لكن المج..نون ده أنا مش عارف لما يعرف حيعمل إيه." "حيعمل إيه؟ يا لهوي عاللي حيعمله." قاعد بيولول وبينــدب حظه. ماسك الفوطة وبيشوح بيها يمين وشمال. "يا بختك المنيل يا أدهم. جت الحزينة تفرح ملقتلهاش مطرح. أنا كان قلبي حاسس إن حتحصل حاجة. أنا عارف إن الجوازة دي مبصوص فيها. أعمل إيه ياربي؟

"اسكت بقى يا زفت. كله منك يا فقر. قعدت أقولك اهدى اهدى. داري على شمعتك. تستاهل بقى. حلال فيك." "أداري مين يا أخويا؟ دي انطفت خلاص. انطفت. وعلى رأي المثل قليل البخت يلاقي العضم في الكرش." "كرشه؟ هههههههه هههههههه." "بتضحك على أخوك طبعًا. مانت مش خسران حاجة." "مش خسران إيه يا بني آدم؟ ما هي حتعك على كلف." "خليك قاعد ولول كده زي الستات." "أمال عاوزني أعمل إيه في المصيبة اللي نزلت على راسي دي؟

"اسكت بقى. اسكت. خلينا نفكر حنعمل إيه يا بني آدم. إنت بعد ما عزمت الناس كلها واتفقت على الدبا... يح. كل حاجة باظت. حنعمل إيه دلوقتي؟ قل لي." "هو ده اللي هامك؟ المعازيم والدبا... يح؟ وابنك مش هامك؟ بابا متسيبنيش يا بابا. ده أنا ابنك حبيبك فلذة كبدك. الله يخليك اتصرف يا بابا. اتصرف. أنا حتشل. حيجرالي حاجة لو الجوازة متمتش في معادها." "يا ضنايا يا ابني. اتصرف يا فاروق. اعمل أي حاجة عشان الواد." "وأنا أعمل إيه بإيدي؟

إيه أعمله؟ هو بخته ونصيبه بقى." "فين حبايبك؟ فين صحابك؟ فين أعضاء مجلس الشعب اللي عارفهم؟ فين حمايا؟ فين؟ شايل إيده ليه؟ هي مش جوازة بنته دي؟ فين هادي؟ هاتولي هادي. هو ابن عمتي اللي حيتصرف في المصيبة السودة اللي أنا فيها دي. إشمعنى أنا بس ياربي اللي يحصل لي كده؟ ودلوقتي بالذات؟ لأ وربنا ما هو تمثيل. وبجد وبحق وحقيقي. ده حد موصي عليه. اتصرف يا بابا. اتصرف. يهون عليك أدهم حبيبك يحصله كده؟

"اخس عليك يا أدهم. إنت عاوز ته... رب من المسؤولية؟ أنا ربيتك على كده." "أنا مش متربي. أنا عديم الرباية. شوف لي حل الله يخليك." "ملهاش حل يا أدهم. حقك عليا يا ابني. مش حاقدر أعمل لك حاجة." "يعني معناه إيه الكلام ده يا بابا؟ حعمل إيه دلوقتي؟ "لازم تسلم نفسك يا أدهم." "يا مرك يا أدهم. يا مرك. غطيني وصوتي يا أما. يا لهوووووي." في المساء. قاعدين كلهم مع بعض وهما الاتنين بيعيطوا. والكل بيبص لهم ومش عارفين يعملولهم إيه.

وفهد بيجاوبهم على أسئلتهم: "بعد ما أي شخص بيكون أدى خدمته ونهـاها، بيتحول للقوات الاحتياطية. وده بيكون لمدة تسع سنين من بعد انتهاؤه للخدمة. ومن حق الدولة إنها تبعت استدعاء رسمي لأي شخص طوال الفترة دي. والاستدعاء في الفترة دي بيكون بأجر كامل. يعني لو بيشتغل في وظيفة حكومية بياخد أجره كامل عالفترة اللي حيقضيها لحد ما يرجعوا. بيكون مدة الاستدعاء حوالي شهرين. يعني تمن أسابيع. ده الرسمي. لكن المتعارف عليه إنهم بيكونوا ما بين أسبوعين لتلاتة مش أكتر."

"طب ليه ياخدوني من أساسه؟ عاوزين مني إيه تاني؟ هو أنا لحقت وحشتهم؟ يا دي النيلة علية وعلى بختي المنيل." وفهد وهو بيضحك: "ده يا أدهم بيكون لقياس الحالة والكفاءة الأدائية أو لاستعداد الدولة للمعارك." "معارك؟ هي فيها كمان معارك؟ الحقيني يا بيسان. شكلها الجوازة مش مكتوبالك يا بسبوستي." "اهئ اهئ اهئ." "عيطي يا أختي. عيطي. ابقي خلي بالك من العيال يا بت." الكل مش عارف يضحك على كلامه ولا يعيط.

"يا ضنايا يا ابن أخويا. شوف لنا حل الله يخليك يا فهد. الواد عقله حيطير منه." "هو مفيش غير حل واحد." "حل إيه يا فهد؟ "إحنا مستلمناش حاجة." "إزاي يا بني؟ مستلمناش؟ والظابط مبلغني بنفسه إن اسم أدهم نزل في الكشوفات اللي حيبعتوها بكرة للناس." "تمام أوي. يعني حضرتك لسه ما استلمتش حاجة. فايدك ولاضيّت عالاستلام؟ "لأ لسه. بس هو قال لي القرار اتمضى خلاص، وبكرة حينزلوا للأهالي."

"تمام أوي. اللي حييجي بالجواب حياخد قرشين ويتوكل على الله. ويبلغ إنكم عزلتم من البلد أو إن الأستاذ مسافر خارج البلاد." "وه دي مفيهاش مسؤولية عليا يا فهد؟ "لأ طبعًا فيها مسؤولية. ده استدعاء رسمي يا جميل. بس هو ده الحل الوحيد اللي قدامنا. مفيش قدامنا حل غيره." "يعني عقوبة إيه طيب؟ فهمني. حيعملوا في إيه؟ ولا أقولك. يعملوا اللي يعملوه بقى. قال حيسخطوك يا قرد. قال إيه غزال؟ ما هي بايظة بايظة."

"اهدى بقى شوية يا بني. يخرب بيتك. خلينا نفهم اللي حيحصلك." "أدهم ده غلبني وربنا. تفوق عليا." "وهو المفروض إنه لما بيعرف إن كان جايله استدعاء وهو مراحش، بيروح بنفسه يعرض نفسه عالتجنيد. وبيسألوه شوية أسئلة تقليدية.

اللي هو: كنت فين وإيه اللي منعك من إنك تسلم نفسك. وبيحددوا له معاد. والقاضي هو اللي بيحكم، يا إما بالحبس والغرامة، يا إما بالغرامة بس. لكن المتعارف عليه وحرصًا على مستقبل الشاب، بيكون في الغالب غرامة بس مش أكتر. بس برضه في الأول والآخر القاضي هو اللي فايده الأمر." "و عشان أنا أدهم إن شاء الله، القاضي حيطسني مؤبد. بصوا أنا أهو يا جماعة. إنتوا شايفينني. أنا مسافر بره ومش راجع تاني."

"مش بالبساطة دي يا أدهم. إنت ناسي إنك حتسافر تقضي شهر العسل. ووقتها في الجوازات حيعرفوا. يا إما وأنت مسافر، يا إما وأنت راجع. يعني حتتقفش حتتقفش. ووقتها لازم تسلم نفسك." "لأ إنتوا لازم تشوفوا لي حل. أنا لازم أتجوز خلاص. مش رايح شهر عسل. بلاها شهر عسل خالص." "وليه بس يا أدهم؟ ما تفرح يا ابني. هو أنت حتتجوز كل يوم؟ "طب نعمل إيه دلوقتي يا فهد؟ شور علينا يا بني."

"أولًا الموضوع مش صعب كده يا جماعة. ده هما أسبوعين تلاتة بالكتير أوي. هو يروح والفرح يتأجل. إيه المشكلة؟ كل تأخيرة وفيها خيره. يا عالم كان حيحصل إيه لو الفرح تم في معاده؟ وربنا سترها بالاستدعاء ده." "قدر الله وما شاء فعل. اتوكل على الله يا أدهم. وأوعدك إن يوم ما ترجع ونكون كلنا طيبين وبخير، حيكون تاني يوم فرحكم على طول إن شاء الله يا حبيبي." "طيبين وبخير؟

لأ بقولكم إيه. كل واحد يخلي باله من نفسه. لحد ما أدخل. أنا قلت أهو. ولا كده الجوازة حتتأجل لأجل غير مسمى. إيه اللي أنا بقوله ده؟ يعني كده خلاص مفيش فايدة. لله الأمر من قبل ومن بعد. يا بختك المقندل يا أدهم." بعد يومين. يسلم أدهم عليهم. وبيسان بتعيط. "إنتي بتعيطي ليه إنتي كمان؟

ما أنا حتنيل أرجع. وممكن برضو مرجعش. يالهوي. لعلي بختي يحصل حاجة والبلاد كلها تقوم على بعض. ويقعدوني. آآآه آآآه. تستنيني يا بت يا بسبس. إنتي فاهمة؟ عارفة لو رجعت ولقيتك متجوزة حد غيري؟ "اطمن يا حبيبي. بيسان قاعدة مستنياك. خلي بالك إنت بس من نفسك." "طب بوسة طيب. أي تصبيرة لحد ما أرجع." "يا ابني مش كده بقى. اتلم. هو أنت عقلك ده فيه إيه؟ "وهو كل اللي بيحصل لي ده وعاوزين يبقى فيه عقل؟ مكنش يومك يا أدهم يا حبيبي."

"اطمن والله يا أدهم. حتستريح إن شاء الله. أنا موصي عليك." "يا خوفي لتكون الراحة الأبدية." يسلم على أمه. "مع السلامة يا غالية. خلي بالك منها يا فاروق." "يرضيك كده يا فاروق يا أخويا اللي حصل لابنك ده؟ ملحقتش أغني تحت بيت أم فاروق الشجرة طرحت برقوق. واللي بحبه طلع مخبول وبلا سة لاس سة نايلون. أشوف وشكم بخير ده إذا شفتكم تاني من أساسه. وسلم عالشهدا اللي معايا." "هههههههه ههههههه ههههههه." "……………………………………"

بعد مرور عدة أيام. في إحدى القاعات يجلس عدي وهو واضع يده في يد والد مرام لعقد قرانهما. ومرام تجلس بجواره بفستان زفافها وقلبها يدق من شدة فرحته. والكل يتجمع حولهم. ينتهي المأذون بقوله: "بارك الله لكما وبارك عليكما وجمع بينكما في خير." تعلو الزغاريد في القاعة، والكل يسلم عليهم ويبارك لهم. "ألف مبروك يا حبيبة ماما. ربنا يهنيكي ويسعدك يا حبيبتي يارب." "الله يبارك فيكي يا ماما. ربنا يخليكي ليّا يا حبيبتي."

"ألف مبروك يا عدي. ربنا يهنيك يا حبيبي يارب." "الله يبارك في حضرتك يا باشمهندس. مش عارف أقولك إيه على كل اللي عملته معايا." "هو في ابن بردو بيشكر أبوه؟ ربنا يهنيك ويسعدك معاك. أسبوعين من دلوقتي. اعمل فيهم كل اللي نفسك فيه عشان بعد كده حتسلم لي نفسك. الشركة محتاجاك." "حاضر يا باشمهندس. ربنا يقدرني وأكون دايما عند حسن ظنك. وعقبال البنات يارب." "يارب. بس أدهم يرجع." "هو لسه قدامه كتير؟ "أسبوعين إن شاء الله ويرجع."

"يرجع بالف سلامة إن شاء الله." يحضنه هادي وفهد اللي كانوا شهود عالعقد ويباركون له. وكل واحد فيهم يتصور معاهم هو ومراته. هادي وجنة، وفهد ونجلاء. أما الولاد فسابوهم في البيت مع جدودهم عشان الصوت والدوشة. يحضن عدي مرام ويقبلها من جبينها. "ألف مبروك يا حبيبتي." "مبروك لينا يا حبيبي." "كان نفسي أرقص معاكي زي كل العرسان وأفرحكم." "إنت فرحتي يا عدي. ربنا يخليك ليّا."

يجوا البنات يشـدّوها عشان تقوم ترقص معاهم وهي مش عاوزة تسيبه لوحده في الكوشة. لكن عدي يصر عليها إنها تقوم ترقص مع صحابها. يجي فهد يقعد جمبه في الكوشة. "ياه، فكرتوني بالذي مضى. بقولك إيه يا عدي؟ "خير يا فهد؟ "خير طبعًا. هو أنا بييجي من ورايا غير الخير؟ هو مفيش مكان هنا ألاقي فيه شيشة؟ "هنا في القاعة؟ "أيوه. وفيها إيه؟ فاكر مسلسل لن أعيش في جلباب أبي؟ لما الحج سردينة شرب شيشة في فرح ابنه؟ "ياه، ده إنت قديم أوي يا فهد."

"من فات قديمه تاه يا معلم. أصل من يوم ما الواد إياد شرف وهو قطع عنا مياه ونور. ماهو ابني بردو وبخاف على صحته. ده غير كمان حمايا من يوم ما سكن جنبنا وهو مقيم عندنا. يعني لو لمحني حيمرجحني." "هههههه. معلش بقى." "بص، أنا حخرج برة القاعة كده شوية. يمكن ربنا يرزقني بحاجة." يقوم فهد وييجي عمرو يسلم عليه. "ألف مبروك يا حبيبي." "الله يبارك فيك يا عمرو. هي همسة مجتش معاك؟

"معلش. هي بتسلم عليك وبتقولك ألف مبروك. وإن شاء الله أنا وهي حنجيلكم البيت. لكن أنت عارف هي مبتحضرش أفراح من يوم اللي حصل." "ربنا يصبرها يارب ويقومها بألف سلامة إن شاء الله." "ربنا يخليك يا عدي. ربنا يهنيك ويرزقك بالذرية الصالحة يارب." "يارب. عمرو، نفسي يبقى ليا عيلة وأحس إني لوحدي في الدنيا زي ما طول عمري حاسس بده." "إن شاء الله يا عدي. ربنا حيديك كل اللي نفسك فيه. هما الجماعة عندك مجوش؟

"بابا جه سلم عليا ودلوقتي مش شايفه. تلاقيه مشي. أما ماما حاولت أبلغها مردتش عليا. بعتلها رسالة معرفتش شافتها ولا لأ. أنا عارف إنهم شالوني من حساباتهم من زمان يا عمرو."

"عدي، الليلادي فرحك. يبقى عاوزك تفرح وتنـبسط. ومتخليش حاجة تعكنن عليك. دي ليلة في العمر. والحمد لله ربنا رزقك بأهل مرام بيحبوك ومعتبرينك ابنهم. بص بيرقصوا مع بنتهم إزاي وفرحانين عشانها. وبص هي الفرحة على وشها إزاي وعيونها مبتنزلش من عليك. احمد ربنا يا عدي وانسى اللي فات وافتح قلبك للدنيا."

"الف حمد وشكر ليك يارب. ربنا يخليكم ليّا يا عمرو. إنت وهادي وفهد والباشمهندس. أهلي وإخواتي ودنيتي كلها. ربنا عوضني بيكم عن كل اللي فات." "ربنا يخلينا لبعض يارب." سهرة جميلة يقضونها في الفرح وكلهم سعداء. وهادي وفهد وعمرو يوصلوهم لحد البيت بزفة جميلة لدرجة إن كل الناس خرجت في البلكونات وقعدوا يتفرجوا عالزفة ويزغردوا ليهم. وطلعوا معاهم الشقة وصوروهم صور كتير وسابوهم ومشوا عشان يبدأوا.

مرام كانت بتساعد عدي في كل حاجة بكل حب الدنيا. وعدي سعيد إنه حيبدأ معاها حياته من أول وجديد. "……………………………………" بعد مرور أسبوعين. يرجع أدهم. ويكونوا حضروا كل حاجة للفرح. وبقى قاعد خايف يفتح بؤه بكلمة ليحصل حاجة تاني. "يا حبيبي يا أدهم. هما عملوا فيك إيه بس يا ضنايا؟ من وقت ما رجعت وأنت مكتوم." "خلاص حرمت. أنا عاوز أتجوز بقى. نفسي الجوازة دي تعدي على خير. أنا حاسس إني معمول لي عمل على رجل نملة."

"حتتجوز يا واد وتنـبسط. وبكرة تضرب نفسك بالجزمة." "على أساس إنك كنتي ضربتي نفسك بالجزمة؟ نفسي أفهم ليه كل واحد وواحدة متجوزين يفضلوا يقولوا للمتجوزين إنتوا كده أحسن؟ قطيعة تقطع الجواز وسنينه. هما يعني اللي اتجوزوا أخدوا إيه؟ ده الجواز ده قرف والله. ده إنتوا كده عايشين أحلى أيام حياتكم. طب لما هما قرفانين كده قاعدين مع أجوازهم ليه؟ طب ما يسيبوهم ويرتاحوا."

"يعني الحق علينا إننا بنعرفكم اللي حيحصل بعد كده عشان تبقوا مستعدين." "أنا عن نفسي مستعد وجاهز. وربنا ادوني فرصتي بقى." "حتاخدها والله. وابقى اتشطر بقى وورينا إنجازاتك." "ياه، ده أنا حعمل عمايلي."

يوم الحنة. فاروق عمل احتفال كبير وعزم أهل البلد كلها وعزم الناس كلها عالغدا. الفقرا قبل الأغنياء. والناس كلها فرحانة عشانهم وبيدعولهم. وفاروق وزع لحمة عالناس كلها من فرحته بولاده. وطبعًا هادي معاهم طول اليوم. فرحان لولاد خاله. والناس كلها بتسلم عليه وتهنيه برجوعه لأهله بالسلامة. وكان سامع الناس بودانه وهما بيقولوا إن حركاته نفس حركات أبوه عبد الرحمن ونفس طريقة كلامه. كان سامعهم وهما بيحسبنوا على إسماعيل واللي عمله فيه وهو صغير. وفهد معاه بيساعده وبيحط الأكل قدام الناس.

أما جنة ونادية وآلاء ومعاهم نجلاء ومامتها، فكانوا مع جميلة بيشاركوها فرحتها بولاد أخوها. وجميلة كانت خايفة أوي على جميلة الصغيرة من العيون. "جنة عشان خاطري طلعي جميلة فوق. أنا خايفة عليها." "حاضر يا ماما." "وإنتي كمان يا نجلاء طلعي ابنك معاها فوق عشان خاطري." تطلع جنة ونجلاء فوق وينيموا ولادهم. وتقعد معاهم آلاء. وهما يرجعوا ينزلوا تاني. "العيال فين يا بنات؟ "اطمني يا ماما. آلاء قاعدة معاهم."

"أمال آلاء فرحها إمتى إن شاء الله؟ "بعد شهر إن شاء الله. والله ما عارفة حعمل إيه من غيرها. حتوحشني أوي." "ربنا يسعدها يارب." "يارب. دي آلاء حتة من قلبي." عدت ليلة الحنة على خير. وأدهم رايح جاي في البيت. "ما تتنيل تقعد بقى. قرفتنا. ولا اطلع اتخمد نام." "أنام إزاي وأنا بكرة فرحي؟ أنا قلقان. قلقان أوي."

"أهو ده اللي أنا كنت عامل حسابه. شفتوا بقى إن كان عندي حق لما قلت دول لازم يباتوا هنا أول ليلة. ومفيش سفر لشهر عسل غير أما أطمن حيبهبوا إيه مع عرايسهم الأول. خصوصًا أبو لسانين ده. يا خوفي منك يا سبع لتطلع قطة." "تصدق بالله يا بابا؟ ما في حاجة حتجيبني الأرض غير كلامك. ده بكرة إن شاء الله حتلاقي أسود بتجري في البيت وأعاصير وبراكين."

"آدي الجمل وادي الجمال والمياه تكدب الغطاس. وبكرة قريب. وادينا حنقعد جنب الحيطة ونسمع الظيطة." "إيه ده؟ هو أبوك حيقعد لي جنب الباب؟ ولا إيه؟ "لا يا حبيبي. ده حينام لك تحت السرير." "ليه؟ هو عارف حاجة عني أنا معرفهاش؟ مراد. كلام أبوك ده بدأ يقلقني على نفسي. إيه ده؟ بص لي إزاي. مراد، إنت متأكد إن الراجل ده أبونا؟ "ههههههه. يا عيني يا أدهم. معلش حبيبي. بابا عاوز يطمن علينا."

"هما مش زمان كانوا بيبقوا عاوزين يطمنوا عالبنات؟ دلوقتي بقوا عاوزين يطمنوا عالرجالة. هو إيه اللي حصل؟ "معلش بقى. عوامل التعرية يا حبيب أخوك." يوم الفرح (ياللا يا أهل الجروب استعدوا. كل واحدة وراها حاجة تخلصها. الليلادي فرح أدهم ومراد وهما عازمينكم كلكم. متتاخروش بقى)

صحى الشباب من النوم وراحوا أخدوا البنات وودوهم الفندق. والكل بدأ يستعد للفرح. جنة لبست جميلة فستان عروسة جميل وكانت زي القمر. وهادي كان طاير بيها وبجمالها. ونجلاء لبست إياد بدلة كان فيها زي القمر. اتجمع في الفندق كل الأهل والأصحاب وزملاء العمل ورجال الأعمال وكبراء البلد. وأدهم ومراد أخدوا عرايسهم من إيد يونس. وبدأ الفرح اللي مـبطلوش فيه رقص. ولا قعدوا دقيقة.

"♥️ ياااه أخيرا وصلت. الجو عندكم حر أوي في القاهرة. مش كانوا عملوا الفرح عندنا في إسكندرية؟ الفندق أهو." "أيوه حضرتك جايه فرح مين؟ "فرح أدهم ومراد. ومش جايه لوحدي. حضرتك بص كده." "إيه الأتوبيس ده؟ "دول كل أعضاء الجروب وحبايب أدهم. ممكن بقى توسع حضرتك." "آه طبعًا. اتفضلوا. وهو أنا أقدر أتكلم؟

"تعالوا يا بنات. ادخلوا الفرح. فرحنا والليلة بتاعتنا. تعالي يا هبة. وإيمان. ياللا يا منى. ادخلي يا أسماء. ياللا يا رشا. سوزي. يا توتة. ياللا كلكم ادخلوا. مش حعرف أقول اسم واحدة واحدة. مفيش وقت. أدهم أهو بيرقص. ياللا بينا." "مبروك يا أدهم." "مش معقول. عبير؟ معقولة إنتي هنا معانا؟ "وأنا حاجي لأعز منك؟ وحياتك ما عملتها لهادي نفسه. بس آخر حلقة بقى وقلت أفرح الجروب قبل ما نحط كلمة النهاية."

"عبير أبوس إيدك. إنتي بهدلتيني بما فيه الكفاية. ربنا يخليكي. عدي ليلتي دي على خير." "وأنا عملت إيه بس يا دومي؟ ده أنا حتى غلبانة." "يا مفترية. ده إنتي جبتي لي استدعاء. والليلادي مش عارف ناوية لي على إيه. بصي الناحية اللي هناك دي." "دول عيلتك القمر. وده عمو فاروق. باباك." "أيوه يا أختي. وأنا يعني حقولك عليه؟ ناوي يبات لي على باب الأوضة. عشان خاطري ارفعي راسي. خليني أعرف آخد الغلبانة دي وأقضي شهر العسل."

"مش لو أنت بيت فيها يا معلم." "إنتي بتقولي إيه؟ مش سامعاك." "بقول ليلتك حتبقى ولا ألف ليلة وليلة. عمرك ما حتنساها العمر كله. واللّيلة ليلتك يا معلم. أدهم متزعلش مني يا حبيبي. ده أنا بحبك والله." "أما فين عروستك؟ أبارك لها. يا دي النيلة. ده أنا مش عارفاهم من بعض. أوعى تتلخبط إنت وأخوك في العرايس. هههههه. حقه تبقى كملت."

"بنات روحوا إنتوا عيشوا حياتكم في الفرح. وأنا حرجع بقى أكمل الحلقة. وربنا يستر وليّته تعدي على خير." "مين اللي كنت واقف معاها دي يا أدهم؟ "معقولة مش عارفها؟ دي عبير سليم. يابني جت عشان تبارك لي. بس مش عارف ليه مش مستريح لها. وحاسس إنها ناوية لي على حاجة." "لأ دي مادام جات لك تبقى بتحبك أوي. دي معملتهاش في فرحي. بس أنا زعلان منها. إزاي تبقى موجودة ومتسلمش عليا؟

"معلش أصلها مستعجلة. عاوزة تجري تكمل الحلقة النهارده. الحلقة الأخيرة." "معقولة يعني؟ النهارده آخر مرة حنبقى فيها مع بعض؟ حتوحشني والله يا أدهم. والجروب كله حيوحشني. ولو إنّي زعلان منهم عشان متفاعلـوش كويس عالرواية. وكانوا مزعلين بيرو منهم." "إن شاء الله الليلادي حيتفاعلوا. ومش حيهون عليهم عبير تزعل منهم في آخر حلقة." "ياللا بقى روح افتح البوفيه عشان الجروب كله يتعشى قبل ما يمشوا. ده فرح أدهم حبيبي."

ليلة من ألف ليلة وليلة. الكل حضرها. عيلة هادي طبعًا. مسعد ومرزوقة وبناتهم. وخديجة وابنها هادي. وبنتها جنة. هادي كان فرحان بيها أوي وكان شايلها وفرحان بيها. وعدي وعروسته مرام. وعمرو. حتى همسة مقدرتش متجيش تبارك لهادي. وقعدت شوية ومشيت. وأشرف وريم ومصطفى كان موجود طبعًا. وطول الفرح جنب آلاء ونادية. طلبت منه ياخدها ويرقصوا مع الشباب. كل الحبايب كانوا موجودين. والصور والفيديوهات كلها نزلت عالمليون.

رجعوا البيت والزغاريد ملت الدنيا. وكل عريس أخد عروسته وطلعوا أوضتهم. "ألف مبروك يا حبيبتي." "الله يبارك فيك يا حبيبي." "ربنا يقدرني يارب وأخليكي أسعد واحدة في الدنيا." "أنا فعلاً أسعد واحدة في الدنيا عشان اتجوزتك يا مراد." "جّيلان أنا بحبك أوي." "وأنا بحبك أكتر." "نفسي أوي تجيبي لي بنوتة أمورة شبهك." "آه عشان تاخدك مني زي ما جميلة أخدت أبيه هادي من جنة."

"لأ طبعًا مش صحيح. مفيش حد ممكن ياخد هادي من جنة. هو بيحبهم هما الاتنين. بس كل واحدة فيهم حبها غير التانية." "يعني محدش حياخدك مني يا مراد؟ "توء توء. اطمني. مفيش حاجة في الدنيا دي كلها ممكن تاخد مراد من جّيلان حبيبته." "يــاللا نغير هدومنا ونتوضى ونصلي ركعتين وندعي ربنا يبارك لنا فحياتنا ويكتب لنا السعادة والفرح يارب العالمين." "حاضر يا حبيبي." عند أدهم وبيسان. "بت يا بيسان." "أيوه يا دومي."

"اضربيني بالقلم على وشي يا بت." "ليه يا حبيبي؟ "عشان أصدق إني مش بحلم يا بسبوستي." "ههههههه. لأ اطمن. إنت مش بتحلم. إحنا اتجوزنا يا دومي." "يعني حبوس؟ "حتبوس يا دومي." لسه بيقرب منها عشان يبوسها، يلاقي خبط جامد عالباب. "يا لهوي! بابا! هو مفيش غيره؟ أنا عارف خبطته. عاوز إيه مني دلوقتي؟ قطع حبل أفكاري. وبعدين هو عاوز إيه؟ هو إحنا لسه قلعنا هدومنا؟ يا دي النيلة علية. أنا عارف إنها ليلة مش فايتة." "في إيه بس يا حبيبي؟

ما تفتح وخلاص." "لأ مش فاتح. سيبك منهم وركزي معايا." "افتح يا أدهم. افتح يا بني آدم." "إيه يا بابا؟ إيه؟ وربنا لسه ما عملتش حاجة." "وشكلك مش حتعمل حاجة يا فقري. قدامي أوم. مفيش وقت." "أقدامك على فين؟ أوعى تقول جالي استدعاء تاني." "لأ يا عين أبوك. جالك حالة ولادة متعسرة. جاموسة عندنا بتولد ومش لاقي حد يولدها. ياللا مفيش وقت. الجاموسة حتفطس." "لأءءءه!

ده حرام. أنا قلبي مكنش مطمن. مش مسامحك يا عبير عالبدلة اللي بهدلتيني بيها دي." "سيبك من عبير وياللا قدامي. الجاموسة حتروح فطيس." "لأءءءه! ده حرام. أنا قلبي مكنش مطمن. مش مسامحك يا عبير عالبدلة اللي بهدلتيني بيها دي." "سيبك من عبير وياللا قدامي. الجاموسة حتروح فطيس." "لأءءءه! ده حرام. أنا قلبي مكنش مطمن. مش مسامحك يا عبير عالبدلة اللي بهدلتيني بيها دي." "سيبك من عبير وياللا قدامي. الجاموسة حتروح فطيس." "لأءءءه!