رواية اقدار الفصل التاسع 9 - بقلم علياء ناصر

وصلت السيارات لتنزل سيلا من سيارة فارس وروتيلا من سيارة صقر. سيلا: افتكري إنك مش رضيتي تركبي معايا. سيلا: يعني كان ينفع نسيبه لوحده. سيلا: صغير هيتخطف. فارس: يلا عشان نخلص بدري. ليتوجه الجمع إلى الداخل لتستقبلهم فتاة الاستقبال. -تحت أمر حضرتكم، أقدر أخدمكم إزاي. ليقرأ الاسم ويقول: تحت أمر حضرتك يا فندم، اتفضل لحظة واحدة. لتتوجه إلى الداخل لمكتب إنجي علام المصممة المعروفة. -إنجي هانم، فارس بيه صاحب شركات (F&S)

موجود في الاستقبال. إنجي: فارس بيه جاي هنا، اللي معروف عنه إنه ملوش في العلاقات النسائية ولا الحاجات دي، هو جاي لوحده. -هو جاي ومعاه صقر بيه ومعاه أنستين. لتقف إنجي وتنظر على وجهها في المرأة وتعدل من شعرها وتضع مزيد من الروج. إنجي: طب يلا بسرعة، ميصحش نسيبه يستنى. لتتوجه إلى الخارج لتقابل فارس وتمد يدها وترمقه بابتسامة واسعة. -أهلاً أهلاً فارس بيه، نورت المكان. ليمد يده ليصافحها ويقول: أهلاً بيكي.

-مش عارفة أقول لحضرتك إيه، مبسوطة إن اتعرفت عليك، أقدر أساعد حضرتك إزاي. تميل روتيلا على أذن سيلا وتقول: هو في إيه، هو مفيش غيره في المكان. ثم ترفع صوتها: هو مش محتاج مساعدتك، مش هيلبس فستان. لينظر لها فارس فتصمت وتنظر إلى سيلا. -يا ريت تساعديهم في اختيار فساتين مناسبة لحفلة. تتوجه بنظرها إلى الفتاتين ثم توجه نظرة لكل منهم من أعلى لأسفل. -طب اتفضل حضرتك والأستاذ ارتاحوا، تحبوا تشربوا إيه. -مفيش داعي.

لتتوجه إلى سيلا وروتيلا: في حاجة معينة عايزينها. سيلا: حاجة تكون سمبل ولون فاتح. روتيلا: وأنا كمان. إنجي: اتفضلوا معايا. لتعرض لهم أحدث تصميماتها لتعجب سيلا بفستان باللون البرتقالي وروتيلا بفستان باللون الأبيض وتذهب كل الفتاتين لقياس ما اختارته. فستان سيلا فستان روتيلا الفساتين كانت رائعة لدرجة إن إنجي انبهرت بالفتاتين لتقول: -بسم الله ما شاء الله، الفساتين تحفة عليكم، تحبوا أنده فارس بيه يشوفكم.

سيلا: لا طبعًا مينفعش، عايزة أعمل عليه تعديلات عشان يناسب الحجاب. روتيلا: أنا بالنسبة لي عاجبني، مش هعدل فيه حاجة. سيلا: لا هنعدل، هنعمل طبقة تول على منطقة الصدر والكتف. روتيلا: التصميم هيبوظ كده. سيلا: تفتكري ممكن ألبسك حاجة وحشة، إنتي مش واثقة في ذوقي. روتيلا: طبعًا واثقة في ذوقك. سيلا: الحفلة بكرة يا مدام إنجي، هتقدري تعملي التعديلات ونستلم الفساتين إمتى؟ إنجي: بكرة على الساعة 3 يكونوا جاهزين.

لتذهب الفتاتين لارتداء ملابسهم مرة أخرى ويتوجهوا إلى صقر وفارس. عند صقر وفارس، فارس ينظر في ساعته ويقول: قولت لك روح معاهم إنت، أنا مش بحب العطلة دي. صقر: بذمتك كنت هقعد كل ده لوحدي أو آخدها المول وألف على المحلات، أهم جم. فارس: كل ده تأخير، فين الفساتين. إنجي: هما طلبوا شوية تعديلات، فالفساتين هتبقى جاهزة بكرة على الساعة 3، وهاجيبهم بنفسي على الفيلا عشان لو في أي حاجة حابين يعدلوها.

فارس: تمام، ويا ريت ميبقاش في أي تأخير، يلا صقر سيب عربيتك، هنتحرك بعربية واحدة. صقر: تمام. ليتوجهوا إلى السيارة ويتحركوا أغلى البيت لتستقبلهم هنية. -حمد الله على سلامتكم، أحضر الأكل. سيلا: أيوه يا هنونه، أحسن واقعة على الآخر. لتذهب هنية لتحضير الطعام وتجلس سيلا على الأريكة. لتجلس بجوارها روتيلا وتخلع حذائها وتقول: -أنا أرجع فرنسا بكرامتي، أنا رجليا مش حاسه بيها. صقر: سلامتك يا روتيلا، وبعدين عايزة تمشي وتسبينا.

روتيلا: مالك يا صقر، من ساعة ما خرجنا من عند مدام إنجي وأنت ساكت. صقر: لا أبداً مفيش حاجة، يلا نأكل أنا جعان. ليدخلوا لغرفة الطعام ويتناولوا طعامهم بهدوء وبعد انتهاء تناول الطعام تدخل هنية: فارس بيه، عبد الله المسئول عن الاسطبل حابب يشوف حضرتك. لنتفض واقفًا سريعا: ليل حصله حاجة. هنية: معرفش يا فارس بيه. فارس: دخليه بسرعة. ليدخل عبد الله. فارس: ليل كويس. عبد الله: أيوه يا فارس بيه، ليل بخير.

ليتنفس فارس براحة ويجلس مرة أخرى. ليكمل عبد الله حديثه: أنا كنت عايز حضرتك في موضوع شخصي يعني، وأتمنى مش تكسفني. فارس: خير، اتكلم. عبد الله: أنا بصراحة يعني، كنت حابب أتقدم لنور اللي بتشتغل هنا. فارس: وأيه المشكلة، إنت راجل يعتمد عليه. عبد الله: حضرتك عارف إنها يتيمة، وست هنية وحضرتك اللي مسئولين عنها، فحبيت أكلم حضرتك يعني. فارس: تمام يا عبد الله، هخلي هنية تكلمها وتشوف رأيها، وأنا أكيد مش هلاقي أحسن منك لها.

عبد الله: شكراً يا فارس بيه، السلام عليكم. صقر: اليوم كان طويل، يلا تصبحوا على خير. وفي صباح اليوم التالي يستيقظ فارس ويتوجه لشركته، أما صقر فيتوجه للفندق لاستقبال الوفد الذي سوف يوقع مع فارس عقد الصفقة الجديدة. لتطرق هنية على الباب وتدخل: يا صباح الخير، معلش قوموا بقى، فارس بيه طلب أصحيك. لتستيقظ سيلا: ليه، هي الساعة كام يا هنون. هنية: الساعة 1 بعد الظهر. روتيلا: ياااه، محستش بحاجة، يوم امبارح كان مرهق جدًا.

سيلا: فعلًا. هنية: أنا هجهز الحمام وأنزل أجهز الفطار. روتيلا: هنون استني، كلمتي نور وأخدتي رأيها. هنية: لا والله لسه. سيلا: خلاص مش تكلميها غير لما نفطر، نكلمها معاكي، اعملي لنا سندوتش بس وقهوة. هنية: وتتوجه لتجهيز الحمام والإفطار لتستحم الفتاتين ويهبطا لتناول الطعام وبعد الإفطار يتوجهوا إلى المطبخ. سيلا: عاملة إيه يا نور إنتي وهبه. هبه ونور: الحمد لله بخير ونعمة. هنية: تعالي يا نور عايزة أكلمك في حاجة.

ويذهبوا إلى الحديقة. سيلا: نور يا حبيبتي، إنتي تعرفي المسئول عن الاسطبل. نور: أيوه، عبد الله. روتيلا: وتعرفي عنه إيه. نور: راجل ابن حلال وطيب ومحترم. لتغمز سيلا إلى روتيلا: وعرفتي منين إنه محترم، إنتي بتروحي الاسطبل. نور: أنا والله أبداً يا هانم، أنا بشوفه ساعات في الجنينة هنا، بس هو لو مش محترم كان فارس بيه سابه في البيت هنا، ولا أمنه على الأحصنة بتاعته. لتضحك سيلا وروتيلا لتقول روتيلا: عندك حق.

هنية: عبد الله متقدم لك وعايز يتجوز، وقال لفارس بيه، وفارس بيه قالي آخد رأيك. نور: يتجوزني أنا. ليحمر وجهها وتضع وجهها في الأرض. روتيلا: السكوت علامة الرضا. سيلا: مبروك يا نور. هنية: يعني أقول لفارس بيه إنك موافقة. تهز رأسها دليلاً على الموافقة. لتأتي هبه: مدام إنجي وصلت ومعاها الفساتين. لتذهب كل من سيلا وروتيلا لاستقبال إنجي واستلام الفساتين. -أهلاً مدام إنجي، الفساتين جاهزة.

-طبعًا، وأنا جيت بنفسي أسلمها لكم، اتفضلوا. -اتفضلي معانا نقيسها ونشوف. ليذهبوا إلى الغرفة ليجدوا الفساتين كما أرادوا تمامًا. -حفلات فارس بيه بتكون حفلات على مستوى عالي جدًا، وحاجة تشرفني إنكم تلبسوا من تصميمي في حفلته. للتصنع الأسف وتقول: عمري ما حضرت أي حفلة، ليه بس أسمع عنها. روتيلا: طب ما تيجي الحفلة. لتنكزها سيلا وتنظر لها وتقول إنجي: بجد مش عارفة أشكركم إزاي، إن شاء الله هكون الساعة 8 في الحفلة، باااايو.

تذهب سريعا. سيلا: هي حفلتنا بتدعيها ليه. روتيلا: اتسرعت صح، بس حسيتها زعلانة. سيلا: ربنا يستر، يلا يا دوب نلحق نجهز. وفي الشركة يجد فارس تلفونه يرن. فارس: السلام عليكم. ...................... فارس: متأكد. ............. فارس: ميغبش عن عينك لحظة. ويغلق الهاتف ليدخل عليه صقر. صقر: هتلبس هنا وأنا أروح أجيبهم. فارس: لا، سيلا مش هتتحرك إلا معايا. صقر: إنت مش أخدت البدلة معاك وقولت هتلبس هنا. فارس: غيرت رأيي.

صقر: تمام، نتحرك سوا كمان نص ساعة. فارس: سيلا مش هتشتغل معاك. لينظر له صقر في عينيه يحاول أن يفهم ماذا يحدث ويقول: ليه. ليصمت فارس قليلا ثم يقول: غيرت رأيي. صقر: فارس في إيه. فارس: بعد الحفلة هقولك كل حاجة.