رواية اخفى حبه الفصل الرابع عشر 14 - بقلم جنة الرحمن

أحمد: ها هتديني فرصة ولا لا؟ منة: خايفة وموجوعة. أحمد: اللي بيحب بيسامح، أرجوكي فرصة واحدة. منة: مش هقدر، كرامتي أهم. أحمد بحزن: أنا آسف والله، أنا عارف إن كرامتك فوق كل شيء، بس أنا بطلبك منك فرصة واحدة بس. منة بتفكير: هفكر. أحمد بفرحة: بجد؟ منة: متفرحش أوي كده، أنا بقول هفكر، موافقتش. أحمد: ماشي، مش مهم، المهم هتفكري. منة: طب أنا همشي بقى. أحمد: ثانيا هوصلك. منة: لا، أنا معايا عربية، همشي لوحدي.

أحمد: تمشي لوحدك دلوقتي إزاي يعني؟ منة: عادي، طب ما أنا جيت لوحدي. أحمد: منة، يلا على عربيتك. منة: ماشي. منة ركبت عربيتها وأحمد مشي وراها بعربيته. أحمد فضل ماشي بعربيته وراء منة لحد ما وصلتها. أحمد: بقولك. منة: نعم؟ أحمد: فكرتي؟ منة: أحمد، يلا امشي على بيتك يا بابا. أحمد: بابا إيه، أنا دكتورك. منة: مكنشوش 6 سنين دول. أحمد: ماشي، خشي نامي عشان الوقت اتأخر. منة: ماشي، باي. أحمد: منة. منة: نعم؟ أحمد: بحبك.

منة: هنبدأ بقى في الجو ده، ماشي، الله يخليك. ومشت، أحمد وقفها. أحمد: منة. منة: أوف، إيه تاني؟ أحمد: هتوحشيني. منة: في حاجة تانية عايزة أنام. أحمد: تصدقي إنك فصيلة غوري، نامي. منة: أحسن برضو. أحمد مسك إيدها. أحمد: طب مفيش كلمة حلوة ليا؟ منة: لا مفيش، سيب إيدي بقى. أحمد: هتفضلي مصدرة الوش الخشب ده لأمتى؟ منة: هو كده مش عاجبك، خلاص. أحمد: لا طبعا عجبني،

بهمس: أنا اللي جبته لنفسي، كان لازم أفهم غلط، كانت زمانه دلوقتي هي اللي بتقول كلام حلو. منة: سمعتك على فكرة، واتعلم بقى عشان تفهم غلط تاني. أحمد: معاكي حق. منة: ممكن أسألك سؤال؟ أحمد: أكيد. منة: إنت ليه موجهتش أنا أو رامي؟ أحمد: مش عارف، بس اكتشفت إني أكبر غلطة عملتها إني موجهتش. منة: ماشي، تصبح على خير. أحمد: وإنتي من أهلي. منة ابتسمت ومشت. وأحمد روح. كل أبطالنا ناموا. عَدَى اليوم اللي بعده من غير أحداث مهمة.

يوم الخميس اللي هو دياب هيروح هو وأهله لليلى. دياب وأهله راحوا وكله كان مبسوط، بذات منة لأن صحبتها ودودي ابن خالتها. قرأوا الفاتحة وسابوهم قاعدين مع بعض. أحمد راح لمنة. منة: خير؟ أحمد: بقولك إيه، ما تيجي نقرأ الفاتحة أنا وإنتي كمان؟ منة: لا، أنا لسه بفكر. أحمد: ماشي ياختي، بس هتزودي هخطفك واتجوزك واللي يحصل يحصل. منة: لا والله. أحمد: أه والله. منة: هتخليني أرفض. أحمد: لا ونبي، أنا مصدقة. منة ضحكت. دياب: مبسوطة؟

ليلى: أكيد. دياب: طب أنا قولتلك إني بحبك، مفيش كلمة حلوة منك؟ ليلى: لا، بعد كتب الكتاب. دياب: بقولك إيه، إنتي كده هتخليني أجيب المأذون دلوقتي. ليلى: إنت حبيتني ليه؟ دياب: معرفش، شدتيني ليكي، لما بشوفك بحس إحساس حلو أوي، قلبي بيفضل يدق جامد، حبيت طول لسانك، كل حاجة فيكي. ليلى: أنا لساني مش طويل على فكرة. دياب: لا والله. ليلى: طبعا. دياب: ماشي ياستي. بعد شوية كل مشي، وطبعا مع فرحته الكل، وحددوا موعد الخطبة بعد شهر.

عَدَى باقي اليوم، وطبعا أحمد بيحاول مع منة بس هي ما شاء الله مصدرة الوش الخشب. في الليل البنات بتكلم بعض واتس. منة: مبروك يا لولي. ليلى: الله يبارك فيكي يا قلبي. هناء: مبروك يا حبيبي، ربنا يتمم لك على خير. ليلى: الله يبارك فيكي يا عمري، والف مبروك ليكي إنتي كمان. منة: مبروك يا هنون. هناء: الله يبارك فيكم يا حبيبي. ليلى: كده مفضلش غير منة. منة: لا ملكمش دعوة بيا، أنا مش عايزة أتجوز. هناء: والله وأحمد راح فين؟

منة: ها، لا أحمد ابن خالتي. ولبس. ليلى: على فكرة احنا عارفين الحكاية كلها. منة: منين؟ ليلى وهناء حكوا لها كل حاجة. منة: يعني إنتوا اللي خليتوا أحمد يعرف؟ هناء: أه، بس بجد سامحي، هو بيحبك بجد واللغبطة اللي حصلت دي السبب. ليلى: أه يا منون، بجد أنا شايفة نظرة الحزن في عينيه، سامحي يا حبيبتي، هو اتوجع برضو. منة: مسمحه، بس مش قادرة أنسي إنه كسرني والله. هناء: زي بعضه يا روح.

منة: ماشي، تصبحوا على خير يا حبيبي، هروح أنام، أوكي؟ هناء: ماشي يا حبيبتي، تصبحي على خير. وقفلتها.