رواية اخت بلا رحمه الفصل الخامس 5 - بقلم ايه عرفات

قمر وفرح حضروا الفطار وحطوه على السفرة. فرح: أنا همشي أنا بقى عشان متأخرش على باباي. مصطفى: ليه بس يا بنتي متقعدي معانا النهاردة؟ فرح: معلش يا حاج، قريب قوي هاجيلكم أقعد معاكم يومين. عاوزين أي حاجة؟ شمس: لا، بالسلامة. فرح: على فكرة مش وجهتلك كلام. أحمد: يا بنتي، انتي مش بتهدي غير لما بتتكسفي. فرح: يلا بقى سلام يا عمو، سلام يا ماما. أحمد: استني، خوديني في طريقي بعربيتك وديني الشغل.

فرح وأحمد نزلوا، وأحمد ركب العربية مع فرح. فرح: حبيبي، متيجي نتجوز. أحمد: تاني يا حبيبتي؟ فرح: تاني وتالت ورابع. أحمد: يا حبيبتي، انتي فين وأنا فين؟ أنا شغال محاسب في شركة أبوكي، يتري بقى أبوكي هيرضى يجوز بنته لواحد زيي؟ فرح: يا أحمد، إنت فاهم بابا غلط. بابا أهم حاجة عنده إنني أكون موافقة، وأهم حاجة الاحترام. بابا عمره ما هيحسبها بالفلوس.

أحمد: إحنا اتكلمنا في الموضوع ده قبل كده، وقولتلك لما أفتح المشروع بتاعي اللي بحلم بيه وأكون نفسي، يبقى أجي أتقدم لك وأنا مطمن. دلوقتي هتقدم لك ونتجوز فين؟ فرح: أنا راضية أعيش معاك في أي حتة بس أبقى معاك، وموافقة أتجوز في الشقة معاكم زي محمد، بس أبقى معاك وجنبك. أحمد: هو محدش قالك إني بحبك أوي؟ فرح: نفسي أبقى معاك. أحمد: إن شاء الله. فرح: طب هتكلم بابا؟ أحمد: ولو أحرجني؟ فرح: عندي دي يا عم، بس عشان خاطري نتجوز بقى.

أحمد: حاضر، هكلمه. فرح: النهاردة تروحله المكتب وتكلمه. أحمد: طب آخد رأي الجماعة فوق الأول. فرح نزلت من العربية وطلعت على فوق، وأحمد طالع وراها. خبطوا على الباب وقمر فتحت. قمر: خير يا بت، نسيتي حاجة؟ فرح: فين عمو وماما؟ قمر: جوه، ادخلي. فرح دخلت. أحمد: هتعملي إيه؟ فرح: استنى، عليه عمو وماما يسمحولي أبقى مرات ابنكم. مصطفى: أنا مش فاهم حاجة. أحمد: سيبك منه يا بابا، دي مجنونة. فرح: أيوه، أنا مجنونة وعايزة أتجوزك.

الأم: بجد هتتجوزوا يا أحمد؟ أحمد: أنا قولت أعمل فيه ثواب وأتجوزه، دام هي بارها كده ومحدش بيبصاله. فرح: يا راجل! أحمد: وحياة الراجل! فرح: ها، يا عمو، موافقين إني أحمد يكلم بابا النهاردة؟ شمس: أول مرة أشوف بنت بتخطب راجل، هههه. لدرجادي البلد باظت؟ على كده بقى أروح أدور على ابن الحلال وأروح أخطبها. أحمد: مش لما تلاقي اللي يعبرك الأول. شمس: ظريفة أوي. مصطفى: مبروكين على بعض يا ابني، ربنا يتمم بخير.

فرح: هتكلم بابا بقا النهاردة. أحمد: والله مجنونة. فرح: قول بقا. أحمد: حاضر، هكلمه النهاردة. أحمد وفرح مشيوا. أحمد راح الشغل وأول ما وصل دخل لأبو فرح. الأب: خير يا أبو حميد، في حاجة في الحسابات؟ أحمد: لا والله حاجة، بس كنت عايز حضرتك في موضوع شخصي. الأب: خير، عايز فلوس ولا حاجة؟ أحمد: لا شكراً، ربنا يخليك. الأب: أما لخير. أحمد: أنا جاي أطلب إيد بنتك فرح. الأب: فرح الصغيرة دي لسه عندها 19 سنة.

أحمد: وأنا يسعدني إني أطلب إيدها. الأب: إنت عارف يا أحمد إني مش بعتبرك موظف عندي، أنا بعتبرك ابني وبحبك جداً لأنك منتظم ومجتهد في شغلك، ده غير إن أبوك راجل محترم وأنا بعزه جداً. أحمد: يعني حضرتك موافق؟ الأب: مش لما أشوف الأول، هتتجوز فين وامتى وإزاي؟ أحمد: أنا بفكر نتجوز على طول وهنتجوز زي أخويا في البيت، كلنا مع بعض. الأب: مش شايف إنها هتبقى وحشة لما تعيش في شقة أبوك؟

أحمد: حضرتك شايف إني بكون مستقبلي ومش معايا إني أجيب شقة دلوقتي. الأب: وفرح موافقة على كده؟ أحمد: آه، وممكن حضرتك تسألها. ولو حضرتك مصمم على الشقة، إحنا ممكن نعمل خطوبة لحد ما أشتري الشقة. الأب: أنا مش مصمم ولا حاجة، بس أنا بقول ممكن فرح متوفقش. أحمد: فرح هتبقى في وسط أهله وقمر في وسطنا كلنا. الأب: -أحمد: أفهم من سكوت حضرتك إنك مش موافق؟ الأب: -أحمد: أنا آسف إني اتعديت حدودي، بعد إذن حضرتك. الأب: احمـد. أحمد: نعم.

الأب: هات أهلك كلهم وتعالوا بليل عشان نحدد معاد الفرح ونقري الفاتحة. أحمد: بجد؟ الأب: مبروك يا حبيبي، أنا مش هلاقي أحسن منك لبنتي. أحمد: الله يبارك فيك يا عمو. الأب: خد إجازة بقى وروح جهز نفسك لبليل. أحمد: حاضر. أحمد خرج فرحان جداً ونزل مكتبه، وكانت فرح مستنياه. فرح: بابا قالك إيه؟ أحمد: أنا قولتلك هيحرجني وإنتي مسمعتيش الكلام. فرح: يعني موافقش؟ أحمد: لا، موافق. فرح: طب أنا هروح أتكلم معاه. أحمد: استني يا حبيبتي.

أحمد: نقدر بقى ننزل نشتري فستان أنا وإنتي لقراية فتحتنا بليل؟ فرح حضنت أحمد. أحمد: الله يخربيتك، إحنا في الشركة يا مجنونة. فرح: كلها كام يوم وأحضنك قدام العالم كلها. أحمد: والله العظيم مجنونة، بس بعشق جنانك. فرح: طب يلا عشان نختار فستان بقى. أحمد: يلا يا قلبي. فرح وأحمد نزلوا يشتروا الفستان. زين راح بيت قمر عشان يبارك لأمنية بنت عمه. زين خبط على الباب وقمر فتحت. زين: إزيك؟ قمر: إنت تاني.

زين: أنا بجد آسف والله ما قصدي أزعلك، أنا آسف بجد. قمر: حصل خير. زين: طب مفيش اتفضل؟ قمر: اتفضل. زين دخل وقعد. قمر: ثواني هدخل أعرف محمد. زين: براحتك، أنا قاعد أهو. وفجأة شمس خرجت من أوضته. شمس: إيه ده؟ زين هنا؟ أثري البيت منور. زين: إزيك يا شمس؟ شمس: تمام، عشان شوفتك. زين: يا رب ديما تمام. وفجأة قمر خرجت من أوضة محمد. قمر: ثواني، هو خارج لحضرتك. بعد إذنكم. شمس: خدي هنا، راحة فين؟ قمر: داخلة أوضتي، في حاجة؟

شمس: اجري بسرعة اعملي كبايتين قهوة. قمر: مش هينفع يشرب عندنا حاجة من غير ما يتغدا. شمس: طب متنجري تعملي الأكل. قمر: حاضر، بعد إذنكم. شمس: منور يا حبيبي. زين: إحنا قولنا إيه بقى؟ إحنا أخوات. شمس: سيبها زي ما تيجي بقى. وفجأة أحمد دخل. أحمد: إيه ده؟ مستر زين هنا؟ إيه النور ده. زين: أهلاً يا أستاذ أحمد، عامل إيه؟ أحمد: أنا بخير، أما فين الجماعة؟ شمس: أخوكي ومراته بيلبسوا وجايين، وأمك وأبوك في أوضتهم، وأختك بتجهز الغدا.

أحمد: وإنتي قاعدة ليه؟ قومي جهزي الغدا مع أختك.