رواية اخت بلا رحمه الفصل الرابع 4 - بقلم ايه عرفات

محمد: عيب يا شمس، دي مرات أخوكي برضه. شمس: مهو صحيح، المشرحة مش ناقصة. محمد: طب لمي لسانك بقى وخلي الليلة تعدي. محمد أخذ أمنية زوجته ودخلوا غرفتهم. محمد: مبروك يا روح قلبي. أمنية: أنا مخنوقة أوي من كلام أختك عليا.

محمد: بصي يا حبيبتي، بدام هتعيشي في البيت ده يبقى لازم تعرفي إن كل اللي هنا كويسين وطيبين وهيحبوكي جدا، خصوصًا قمر. لكن شمس دي بغل وبتكره نفسها. ممكن ترخم عليكي شوية، بس لازم تتعودي إنك متزعليش منها وتنفضيله زي قمر كده بالظبط. أمنية: حاضر يا حبيبي. في الصالة، قاعدة فرح وقمر وأحمد عاملين يهزروا ويضحكوا. شمس خرجت من أوضتها. شمس: إيه بقى مش هنفضى القعدة دي وتقوموا بقى تناموا؟ أحمد: إنتي مالك إنتِ؟

شمس: وإنتي يا دكتورة فرح مش هتقومي بقى تروحي؟ الوقت اتأخر. قمر: مالكيش دعوة بفرح، فرح هتنام معايا. شمس: هو انتي جيتي تستأذنيني؟ أحمد: لا حول ولا قوة إلا بالله، يبنتي هو انتي راجل البيت وأنا معرفش؟ شمس: إنت شايف إن فيه راجل هنا غيري؟ أحمد: طب لمي نفسك بقى وادخلي اتخمدي. شمس: فرح مفيش بيات هنا، اتفضلي إنتِ ليكي بدل البيت فلة، روحي نامي في فلتك. فرح: العبي بعيد يا شاطرة.

أحمد: ههههههه بجد كسفة، ادخلي نامي بقى يا شمس بدل ما تتكسفي أكتر من كده. شمس اتعصبت ودخلت أوضتها. أحمد: هقوم أنا علشان شغلي، لازم أصحى بدري. فرح: خلي بالك من نفسك يا حبيبي. أحمد: يلهوي على العسل، بحبك والله. فرح: وأنا بموت فيك. قمر: إيه نحنو هنا؟ إيه السهوكة دي؟ أحمد: تصبحي على خير يا روحي. فرح: وانت من أهل الخير يا قلبي. أحمد دخل ينام، وفرح وقمر دخلوا يناموا. وتاني يوم الصبح، شمس رنت على زين.

شمس: هو أنا ممكن أقولك وحشتني؟ زين: ده إحنا كنا مع بعض امبارح بالليل. شمس: والله بتوحشني وأنا معاك. زين: ربنا يخليكي. شمس: هو أنا موحشتكش واله إيه؟ زين: بصراحة لأ، لأني كنا مع بعض امبارح بالليل، وكمان إحنا لسه معرفناش بعض قد كده علشان توحشيني يعني. شمس: ما إحنا هنتعرف على بعض. زين: طب ممكن لحد ما نتعرف على بعض، بقا نكون إخوات وبلاش كلام الحب ده، لأنه مش وقته. شمس: حاضر. زين: هقفل بقى علشان ورايا شغل.

شمس: طب هشوفك النهارده. زين: أكيد، أنا جاي البيت عندكم العصر علشان أبارك لبنت عمي. شمس: هستناك. زين: إن شاء الله، سلام. شمس: سلام. شمس خرجت من أوضتها وكان البيت كله نايم، راحت على أوضة العروسين وخبطت على الباب. أمنية: حبيبي محمد اصحى. محمد: في إيه يا حبيبتي؟ أمنية: في حد بيخبط على الباب. محمد: يتلاقى ماما جايبالنا الفطار. أمنية: طب هروح افتح. محمد: لا اقعدي يا حبيبتي، هفتح أنا. محمد فتح الباب وكانت شمس.

محمد: خير يا شمس. شمس: أمال السنيورة الجديدة فين؟ محمد: قصدك على مين؟ شمس: مراتك. محمد: استغفرك يارب وأتوب إليك، وعايزة إيه منها؟ شمس: الساعة 10، خليه تقوم تحضر فطار، يله وإلا هي عايزة تقعد وتاكل وتشرب على الجاهز. محمد: إنتي مجنونة يبت، دي لسه عروسة وفي الصبحية عايزة تدخليها المطبخ؟ شمس: عروسة مش عروسة، أنا عايزة أفطر، ماليش دعوة. محمد: متدخلي تطفحي إنتِ مالك بمراتي. شمس: أمال إحنا جايبينها ليه؟ علشان تخدمنا.

محمد بصوت عالي: طب ادخلي جوه علشان مش امد إيدي عليكي. وفجأة الكل صحي على صوت محمد. قمر وفرح خرجوا من الأوضة. قمر: في إيه يا محمد؟ محمد: شوفي أختك المجنونة. أمنية: اهدي يا حبيبي، أنا ممكن أدخل أجهز الفطار عادي. محمد: اسكتي إنتِ وادخلي جوه. قمر: افهمنا بس فيه إيه؟ محمد: أختك بتخبط عليا وبتقولي طلع مراتك الخدمة تعملي فطار.

قمر: طب اهدا إنت وخد مراتك وادخل جوه، وأنا هعمل الفطار ليكم ولي شمس وللبيت كله، بس متعصبش نفسك، إنتِ عريس جديد. شمس: إنتِ اخرسي إنتِ. قمر: إيه يا شمس، متهدي شوية؟ قولت هعملك فطار. أنا عايزة تعملي خناقة وخلاص. شمس: اخلصوا، أنا عايزة أفطر. اتصرفوا. أوف. شمس دخلت أوضتها. محمد: إنت ليه سايب البنت دي تتحكم فينا كده يا بابا؟ متتصرف واضربها، أو سيبني أنا أضربها.

الأب: يبني سيبها، لو كلمتوها أو ضربتوها ممكن تسيب البيت، ماهي عملته قبل كده ورجعنا، عايزة تعمل كده تاني وقلبنا يوجعنا عليه. قمر: ادخل إنت يا محمد أوضتك مع مراتك، وأنا نص ساعة وهحضر الأكل لينا كلنا. الأم: أنا جاية معاكي يا بنتي. قمر: لا يا ماما خليكي إنتِ تعبانة، هنحضروا أنا وفرح. فرح: أيوه يا ماما اقعدي إنتِ واحنا هنجهز الفطار. فرح وقمر جهزوا الفطار وقداموا على السفرة وفطروا.