رواية اخت بلا رحمه الفصل الرابع عشر 14 - بقلم ايه عرفات

دخل أحمد على فرح وقمر وهما قاعدين في الأوضة. أحمد: فرح يله علشان ننام. فرح: أنا هنام هنا النهاردة. أحمد: وهتنامي هنا ليه؟ فرح: تعبانة. أحمد: تعالي يا فرح عايزك والله. فرح: لو عايزني تعالي بكرة بيت بابا، كلمني هناك أنا هنا كاني مش موجودة. أحمد: يعني مش هتيجي؟ فرح: لا. أحمد: متخلنيش أجيبك بالغصب. فرح: إيه هتضربني تاني؟ أحمد: لا بس تعالي. قمر: روحي شوفيه عايز إيه وتعالي تاني. فرح: أنا تعبانة وعايزة أنام.

أحمد: طب اطلعي بره يا قمر انتي شوية. فرح: لا مش تطلعي يا قمر بالله عليكي. قمر: يحبيبتي أنا هسيبك مع جوزك مش مع حد غريب. أحمد: يله يا قمر. قمر: حاضر. قمر طلعت من أوضتها. أحمد قعد جمب فرح ومسك إيديه وهي شدتها منه. أحمد: عارفة إن أول مرة في حياتنا إني أمسك إيدك وتشديها مني. فرح: لا بس علشان متزهقيش من إيدي زي ما زهقتي مني.

أحمد: والله العظيم أنا بحبك وحقك عليا وسمحيني، والله العظيم أختي جابتلي عقدة في حياتي. عارفة يعني إيه أختك اللي من لحمك ودمك، اختك اللي هي عرضك وشرفك بتعمل حاجات غلط ومنقدرش حتى نقوله بتعملي إيه. فرح: وليه كده؟ أحمد: أنا هحكيلك حكاية شمس وإيه اللي خلاها بالمنظر ده، بس الحكاية دي محدش يعرفها غيري أنا وبابا وماما، ومحمد يعرفها. فرح: احكي.

أحمد: بصي يا حبيبتي شمس وقمر وهما صغيرين مكنوش بيسيبو بعض، كانت روحهم مع بعض، كانوا بيحبوا بعض جدا. وهما عندهم 7 سنين كل واحدة فيهم كانت عندها عروسة وكانت بتحبها أكتر من نفسها. شمس وقمر في يوم اتخانقوا على العرايس، بابا جه وكان متعصب وكسر عروسة شمس وساب عروسة قمر. من ساعتها بدأت شمس تحس إن بابا مش بيحبها. تعبت وجالها حالة التشنج العصبي، فضلت في المستشفى سنة نعالج فيها لحد ما بقت تمام. فرح: وبعدين؟

أحمد: من ساعة ما جالها التعب ده مش بنحب نزعلها. من 3 سنين اكتشفنا إنها بتتكلم ولاد، ضربناها، هربت من البيت وتعبت وجالها الحالة دي والدكاترة قالوا مهما تعملوا أوعوا تزعلوه، لأنه لو تعب مش هتعرفوا تعالجوه تاني. ومن ساعتها مهما بتعمل محدش بيقدر يكلمه. عرفتي بقى إن جبت آخري منه ومبقتش طايقة حتى نفسي. فرح: طب أنا مالي تضربني ليه وتهيني وتجرحني ليه؟

أحمد: أنا آسف، سامحيني. والله ببقى غصب عني. لو مش هتستحمليني مين هيستحملني يعني؟ والله أنا ما ليا غيرك. فرح: خلاص يا أحمد بس ممكن متتكررش تاني. أحمد: موافق بس بشرط. فرح: إيه هو؟ أحمد: تيجي تنامي معايا النهاردة. فرح: هو أنا أقدر أنام بعيد عنك. أحمد: بحبك. فرح: بعشقك. أحمد وفرح دخلوا أوضتهم. تاني يوم شمس صحيت بدري وجهزت الفطار ودخلت بيه عند قمر. شمس: قمر حبيبتي قومي افطري يله.

قمر: إيه ده مش معقول، جايبالي الفطار لحد السرير بنفسك. شمس: أنا ليا غيرك. قمر: هو في إيه يا شمس مالك اليومين دول؟ شمس: حاسة إني ظلمتك، أنا أنانية ومبحبش غير نفسي وعايزة أتغير. قمر: مش معقول بس هحاول أصدقك. وفجأة فرح دخلت عليهم. فرح: بعد إذنك يا قمر تعالي معايا. قمر: فين؟ فرح: عايزة أروح أكشف. قمر: مالك؟ فرح: تعبانة شوية، هتيجي؟ قمر: متخدي حد من البيت معاكي، أنا زين جاي علشان ياخدني نرجع الفستان لصاحبته.

فرح: خلاص خليها بكرة. قمر: لو تعبانة أوي نروح النهاردة ومش مشكلة زين. فرح: لا روحي مع زين وبكرة نروح. شمس: طب بعد إذنكم بقى. شمس خرجت من الأوضة. فرح: إش إش، فطار كمان لحد السرير. قمر: والله شمس اللي عاملة وجايبة. فرح: كمان؟ قمر: آه والله. فرح: والله أنا مش مطمنة وفي حاجة هتحصل. وبكرة تقولي فرح قالت. قمر راحت مع زين يرجعوا الفستان لصاحبته. خبطوا على الباب وهي فتحت. زين: أنا متشكر جداً على الواجب اللي عملتيه معايا.

جومانا: ده شكر على واجب، اتفضلوا اشربوا معايا حاجة. زين: مش عايزين نتعبك. جومانا: لا بالعكس، انتوا هتسلوني أوي. بليز ادخلوا. قمر: خلاص يا زين تعالي ندخل. زين: ماشي. قمر وزين دخلوا. جومانا: انتوا منوريني جداً. زين: هو حضرتك عايشة لوحدك؟ جومانا: آه أهلي كلهم في أمريكا وأنا عايشة هنا. زين: هو انتي اسمك إيه؟ جومانا: أنا جومانا. زين: وحكايتك إيه؟

جومانا: أنا بنت عادية جداً، ماما أمريكية بس أهلها مصريين وبابا مصري. بابا سافر أمريكا صدفة واستقر هناك، اتعرف على ماما وحبه واتجوزوا وكانوا بينزلوا مصر كتير. زين: إزاي مامتك أمريكية وأهله مصريين؟ جومانا: أنا جدو كان شغال جاسوس، أول ما حس إنه خلاص هيتمسك سافر على أمريكا وخد ماما معاه وهي عندها سنتين واتربت هناك وعاشت هناك. قمر: طب وليه سبتهم وعايشة هنا؟ جومانا: اكتشفت إن للأسف بابا جاسوس، سبتهم ونزلت عشت لوحدي.

زين: أعوذ بالله، شكلك بتحبي مصر. جومانا: جداً وعمري ما هقبل إن حد يهزم مصر. زين: مفيش حد بيجي يزورك ولا ليكي صحاب هنا؟ جومانا: لا للأسف، أنا عايشة لوحدي، ممكن تكونوا أصحابي وتيجوا تزوروني وأجي أزوركم. قمر: طبعاً لينا الشرف. جومانا خدت عنوان قمر ورقم تليفونه وبقوا صحاب. شمس رنت على آدم. آدم: يا نعم خير. شمس: عايزة أتكلم معاك. آدم: مش فاضي، لما أعوزك هكلمك.

شمس: لا أنا هشوفك ودلوقتي، ولو مجتش أنا هفرج عليك الدنيا كلها. سلام. شمس قفلت التليفون وراحت الشقة. شوية وآدم جه. شمس أول ما شافته جريت وحضنته وهو ماسكه من شعرها ورمها على الأرض. اخت بلا رحمه البارت الخامس عشر. شمس: هو في إيه ليه عملت كده؟ آدم شدها تاني من شعرها. آدم: لما واحد زيك يكلمني ويهددني أنا آدم اللي الكل بيتهز قدامه، واحدة زيك تهددني؟ شمس: ده كله علشان وحشتني وكانت عايزة أشوفك.

آدم: في أسلوب أحسن من الأسلوب الزبالة اللي انتي كلمتيني بيه ده. شمس: أنا آسفة متزعلش مني. آدم: خلال ربع ساعة لو مدخلتيش غيرتي ولبستي حاجة حلوة وجاتلي في أوضة النوم مش هيحصلك كويس. شمس: أنا تعبانة بلاش النهارده. آدم: أنا قولت كلمة، اجري نفذي اللي قولتهولك، انتي هنا زي الخدامة تنفذي اللي يطلب منك وبس. شمس: يوووه بقا انت ليه بتكلمني كده؟ آدم: إيه مش عاجبك كلامي؟ عادي خالص، ممكن نطلق. شمس: يااااه بسهولة كده؟

آدم: آه عادي جداً، إيه رأيك؟ شمس والدموع في عنيها. شمس: حاضر يا آدم هعملك اللي تومر بيه. آدم: برافو، يله بقا ادخلي اعملي اللي طلبته منك. شمس: دخلت وعملت كل اللي آدم طلبه منه وروحت البيت. الغل في قلبه. وتاني يوم فرح دخلت على قمر. فرح: هتيجي يا قمر معايا؟ قمر: آه طبعاً. فرح: طب يله. قمر: طب ثواني آخد الإذن من بابا. فرح: مفيش حد هنا غيري أنا وشمس، الكل نازل.

قمر: طب ثواني هدخل لشمس أعرفها علشان لما بابا ييجي مش يقلق عليا. فرح: ماشي. قمر دخلت لشمس. قمر: شموسة. شمس: إيه يا قلبي في حاجة؟ قمر: لا يا روحي، بس أنا خارجة مع مرات أخوكي نكشف، ممكن لو بابا أو ماما جم تعرفيهم لأني مفيش حد هنا. شمس: بجد البيت كله فاضي؟ قمر: آه والله. شمس: خلاص يا حبيبتي روحي ومتقلقيش. قمر: ماشي يا حبيبتي سلام. شمس: بقولك يا قمر. قمر: نعم.

شمس: ممكن تديني تليفونك أقعد عليه لحد ما تيجي لأني تليفوني مش شغال. قمر: عادي يا قلبي، بس لو زين رن مترديش. شمس: أوك. شمس خدت التليفون من قمر وقمر مشيت مع فرح. وشمس قررت تنفذ خطتها. شمس رنت على زين. زين: الو. شمس: إيه يا زين انت فين؟ زين: أنا في المكتب، خير يا شمس. شمس: كانت عايزة أتكلم أنا وانت في موضوع بيني وبينك بس من غير ما تعرف حد، والله حتي قمر ولا أمنية بنت عمك. زين: حاضر بس إيه الموضوع؟

شمس: أنا عايزة 5 ألف جنيه سلف دلوقتي. زين: ليه طيب؟ شمس: كانت سالفة فلوس من صاحبتي وهيا محتاجهم النهارده. زين: حاضر من عنيا هبعتهم لك. شمس: ربنا يخليك ليا يارب. زين: هبعتلك حد ييجي ويدهمالك وهبعتلك أكتر من 5 ألف كمان علشان لو احتاجتي حاجة. شمس: لا تبعت حد إيه بس، لازم تيجي انت بنفسك، لو بعت حد أخواتي وأبويا هيسألوا مين ده، تعال اعمل نفسك جاي لقمر. زين: بس أنا عندي شغل والله. شمس: علشان خاطري والنبي. زين: مين عندك؟

شمس: بابا وماما وقمر وفرح، تعال بقا. زين: حاضر أنا جاي. أمنية مرات محمد كانت في الأوضة وشمس كانت مفكراها مشيت. أمنية سمعت كل حاجة وحبت تشوف شمس ناوية على إيه. زين ساب شغله وخد 10 ألف جنيه وراح لبيت شمس. وشمس رنت على تليفون فرح. شمس: الو فرح. فرح: نعم. شمس: فين قمر؟ فرح: اهي. شمس: اديهالِ. فرح: حاضر. قمر: خير يا شمس. شمس: تعالي بسرعة الحقيني. قمر: في إيه بس خير. شمس: بقولك تعالي بس بسرعة.

قمر: حاضر أنا جاية في الشارع أهو، خمس دقايق وهكون عندك. شمس: بسرعة سلام. قمر قفلت مع شمس. وشمس طلعت لزين. زين: إيه يا شمس، أمال فين الجماعة؟ شمس: كلهم في أوضهم، تعالي ادخل بس وهندهالك قمر. زين: آه والنبي ناديني عليه، برن عليه مبيردش، ودي أول مرة. ادخلي ناديني والنبي. شمس: حاضر عنيا. زين: خدي الفلوس أهي الأول قبل ما تطلعي، ودول مش 5 دول 10 ألف، خدي ليكي جيبي اللي نفسك فيه ولو احتاجتي تاني أنا موجود.

شمس: تسلملي يا أخويا. شمس دخلت أوضة قمر ورنت على قمر بصوت واطي بتصرخ علشان زين ميسمعش. شمس: الوووو الحقيني يا قمر تعالي بسرعة، انتي فين؟ قمر: اهدي بس بتصرخي ليه؟ أنا جاية في الشارع أهو، خمس دقايق وهكون عندك. شمس: بسرعة سلام. قمر قفلت مع شمس. وشمس طلعت لزين. زين: أمال الجميل فين؟ شمس: بتلبس وجاية. زين: طب ممكن فنجان قهوة من إيديك. شمس: عيني.

شمس دخلت المطبخ، فتحت هدومه وبينت جسمه ونكشت شعره وجريت في الصالة ومسكت في زين. زين: إيه ده انتي بتعملي إيه؟ شمس: انت بتاعي أنا وبس ومحدش هياخدك مني. زين: انتي بتعملي إيه يا مجنونة؟ شمس رمت نفسها على الأرض وفتحت زراير قميص زين بالعافية ومسكت في رقبته. لحد ما الباب كان بيفتح راحت شايلة إيديه ومصوته. قمر دخلت وشافت المنظر هي وفرح اتصدموا. شمس: الحقيني يا قمر، الحقيني. زين أعصابه سابت ومكنش عارف يعمل إيه.

قمر جريت وخدت شمس في حضنه. قمر: اهدي يا شمس، اهدي يا حبيبتي. فرح: هو إيه اللي بيحصل ده؟ شمس: الزبالة ده رن على رقمك، رديت عليه، قولتله قمر مش هنا ومحدش هنا، لما قمر تيجي هرن عليك. لقيتو جه وقالي هدخل استناه جوه، دخلتو عادي لأنه أخويا، وبعدين طلع فلوس من جابه وادهمالي، قالي خدي دول ليكي. استغربت، خدتهم عادي وطلب أدخل أعمله قهوة، دخلت راح داخل ورايه وكان عاوز يغتصبني. زين: أنا كنت عايز أغتصبك؟

والله كدب، أنا ما لمسته، والله ما لمسته. هي رنت عليه وطلبت مني فلوس سلف، جيت علشان أدهمله، مسكت فيا لحد ما انتي جيت. شمس: كداب أوي. قمر سابت شمس وراحت قدام زين. زين: صدقيني والله العظيم أنا ما لمسته. قمر ضربت زين قلمين على وشه. فرح اتصدمت وزين واقف مش عارف يتكلم. قمر: انت إنسان زبالة وواطي وأنا ندمانة إني عرفتك، امشي اطلع بره. زين: قمر والله أنا مظلوم. قمر: قولتلك بره، مش عايزة أشوفك تاني. زين خارج من باب الشقة.

قمر: استني يا زين، خد دبلتك، مبقتش تلزمني يا أكبر خاين شوفته في حياتي. قمر رمت الدبلة في وش زين. زين خرج وفرح خرجت وراه. ركب العربية وفرح ركبت معاه. زين دموعه نزلت منه. فرح: ليه عملت كده يا زين؟ زين: والله كل ده كدب. فرح: طب اهدي، أنا معاك ومصدقاك. زين: مش غريبة إنك تصدقيني وخطيبتي تكدبني وتضربني؟ فرح: أنا مصدقاك لأني عارفة شمس وعارفة هي ممكن تعمل إيه علشان تبوظ جوزك. زين: وليه تعمل كده؟

أنا كنت جاي أعمل معاها خير، ليه في الآخر تخليني أخسر أغلى حاجة في حياتي؟ فرح: خير إن شاء الله، انت ارتاح وسيب الموضوع ده عليا. زين: ربنا يخليكِ. فرح نزلت من العربية وزين مشي. وطلعت الشقة وكان شمس عمالة تعيط وقمر حاضناه. قمر: أنا آسفة يا حبيبتي، أنا السبب. شمس: كانت هتروح في داهية لولا إنكم جيتوا. قمر: ربنا سترها. المراديفرح: حلوة أوي التمثيلية اللي انتي عملتيها دي يا شمس، عجبتني. شمس: تمثيلية إيه؟

قمر: بعد إذنك يا فرح، مدفعيش عن زين، إحنا دخلنا وشوفنا كل حاجة. فرح: انتي مصدقة اختك؟ وانتي عارفة إنه بيحقدك وبيكرهك. شمس: أكره اختي؟ انتي غبية. قمر: اسكتوا، أنا اتخنقت. قمر دخلت أوضته وفضلت تعيط. أمنية كانت في الأوضة وسمعت كل حاجة وصورت شمس فيديو وهي بتعمل كده مع زين وشمس مشفتهاش.