رواية اخت بلا رحمه الفصل الثالث 3 - بقلم ايه عرفات

قمر قعدت لوحدها بعيد عن الفرح. زين راح وقف جنبها. زين: ممكن أعرف حضرتك واقفة بعيد كده ليه؟ قمر: أصلي بحب الهدوء. زين: إحنا مكملناش تعارف. أختك مش خلتني أكمل تعارف. قمر: أنا قمر مصطفى، أولى كلية طب. زين: طب بجد؟ قمر: آه والله. زين: ده على كده إنتي ممتازة. قمر: فضل من عند ربنا. زين: برافو عليكي. وفجأة شمس دخلت عليهم. شمس: إيه يا زين واقف هنا ليه؟ زين: واقف مع الآنسة قمر شوية.

شمس: حضرتك طبعاً مهندس كبير ومن أسرة غنية جداً، مش ينفع تقف مع ناس مش من مستواك. قمر اتحرجت ومشيت. زين: ليه أحرجتي أختك؟ شمس: هي دي بتتحرج؟ سيبك منه، تعالي عايزة أعرفك على صحابي. زين: لا بعدين بعد إذنك. شمس: لا مش بعدين، دلوقتي. شمس خدت زين وعرفته على صحابها. وفجأة دخلت الفرح بنت جميلة ورقيقة واسمها فرح، وتكون صاحبة قمر ومن أسرة غنية جداً.

فرح فضلت تدور على قمر في الفرح ومش لاقياها، فقررت تسأل شمس أخته، وكانت واقفة مع زين. فرح: شمس، أمال فين قمر؟ شمس بتقول بسخرية: معرفش. فرح: إزاي؟ أنا مش شايفاها خالص. شمس: مش شغلي، أنا مش هحروسه. زين: حضرتك بتدوري على دكتورة قمر؟ فرح: آه. زين: هتلاقيها بره الفرح، قاعدة لوحدها. فرح: طب شكراً لحضرتك. فرح راحت لقمر. فرح: إيه ده؟ إيه اللي إنتي لابسة ده؟ وإيه الأوفر اللي إنتي عاملاه ده؟ قمر: ما إيه؟ أنا حلوة أهي.

فرح: إنتي كده تبقي حلوة؟ قمر: أمال إيه؟ فرح: أمال فين الفستان اللي اشتريناه أنا وإنتي وأبوكي مبارح؟ قمر: هو عجب أختي شمس، وادتهولها. فرح: مش هتبطلي سذاجة بقى؟ طب ليه أختك مش لابسة الفستان اللي إنتي جبتيه؟ قمر: معرفش، أنا طلبت منه، أخدها، لبستها النهارده، وهي زعقت. فرح: علشان مش عايزة تبقي أحسن منها. قمر: عادي، أنا كده راضية. فرح: تعالي معايا. قمر: هنروح فين؟ فرح: هنروح مشوار صغير. قمر: طب والفرح؟

فرح: العروسة والعريس لسه بدري لحد ما ييجوا. تعالي بقى. قمر: ماشي، يلّا. فرح خدت قمر وراحوا على الفيلا بتاعت فرح. قمر: إحنا جايين هنا ليه؟ فرح دخلت على الدولاب واختارت أجمل فستان. فرح: خدي البسي ده، هيبقي حلو عليكي أوي. قمر: لالالا، ده غالي أوي وكمان بتاعك وإنتي بتلبسيه. فرح: هو غالي، بس مفيش حاجة بتغلى على أختي. يلّا بقى البسي علشان الفرح، لحد ما أكلم لك حد من الكوافير ييجي يظبطك. قمر: متشكره أوي أوي أوي ليكي.

فرح: إنتي عبيطة يابت، يلّا البسي بقى علشان الفرح. قمر دخلت الأوضة ولبست وفرّدت شعرها وحطت ميك أب خفيف وهادي، وكانت جميلة جداً جداً. فرح دخلت تطمن عليها. فرح: إيه ده؟ مين دي؟ إنتي بتتريقي؟ فرح: لا والله بجد، إنتي بقيتي موزة أوي. قمر: بجد؟ فرح: أنا لو ولد هعكسك على طول. قمر: بس أنا مكسوفة أدخل الفرح كده. فرح: طب يلّا بس علشان نلحق، وأنا معاكي مش هسيبك خالص، وكمان هبات معاكي النهارده. قمر: بجد؟ فرح: بجد الجد، يلّا بقى.

فرح وقمر راحوا الفرح. وأول ما دخلوا القاعة، الكل فضل يبص على جمال وحلاوة قمر. فرح: أيوه يعم، الفرح كله عمال يبصلك. قمر: اهدي وتعالي نقعد على ترابيزة. فرح وقمر قعدوا على ترابيزة، وفجأة زين دخل عليهم. فرح بتوشوش قمر: مين الموز أبو عضلات اللي دخل علينا ده؟ قمر: لمي نفسك، عيب كده. وفجأة زين دخل عليهم. زين: ممكن تسمحيلي حضرتك يا أستاذة قمر بكلمة لوحدنا؟ فرح: طب بعد إذنكم بقى، هروح أشوف أحمد أخوكي علشان عايزة...

فرح مشيت. وزين قعد على الترابيزة مع قمر. قمر: خير يا باشمهندس، في حاجة؟ زين: على فكرة إنتي طالعة أحلى من العروسة وأحلى من الفرح كله. قمر وهي مكسوفة: مرسي لذوقك. زين: دي حقيقة. إنتي عسولة ورقيقة، وكل حاجة فيكي حلوة. شكلك ولبسك وجسمك. قمر: أفندم. زين: أنا مش قصدي حاجة والله، أنا بس بوصف جمالك مش أكتر. قمر: شكراً، بعد إذنك. قمر قامت من على الكراسي علشان تمشي، وزين ماسك إيدها. قمر: إنت مجنون؟ إنت إزاي تمسك إيدي؟

زين: أنا بس حبيت أقولك أنا آسف. وفجأة شمس دخلت عليهم. شمس: إيه القرف اللي إنتي عاملة في نفسك ده؟ قمر: عاملة إيه؟ شمس: إنتي إزاي تلبسي كده من غير ما تاخدي رأيي؟ قمر: في إيه يا شمس؟ شمس كانت غيرانة علشان هي أحسن منها. شمس: في إنك بقيتي مقرفة إزاي؟ جالك عين تشحتي فستان وتلبسيه؟ لدرجة دي إنتي مستواكي زبالة. قمر: مفيش داعي للكلام ده قدام حد، إحنا لينا بيت نتكلم فيه. قمر سابتهم ومشيت. زين: إنتي إزاي تكلمي أختك كده؟

إنتي المفروض تكوني فرحانة. شمس: أنا اتخنقت منه ومن تصرفاته. زين: هي معملتش حاجة لكل ده. شمس: سيبك منه بس، إيه الحلوة والشياكة دي؟ زين: ربنا يخليكي. وفجأة المزيكا اشتغلت على رقصة السلو. شمس: الله، أنا بحب الأغنية دي أوي. ممكن بليز ترقصي معايا سلو أنا وإنتي؟ زين: مرة تانية والله، علشان أنا تعبان. شمس: علشان خاطري، بليز، أول طلب أطلبه منك. زين: حاضر، اتفضلي. شمس خدت زين وراحوا يرقصوا سلو.

شمس: عارف إني أول مرة أحس بالفرحة النهارده علشان عرفتك. زين: أنا أسعد والله. زين كان عمال يبص على قمر طول ما هو بيرقص مع شمس. شمس: هتفضل تبص لقمر كده على طول؟ زين: قمر مين؟ أنا مش ببص لحد. شمس: طب ممكن تركز في عينيا شوية بقى. شمس كانت عمالة تقرب من زين وهو يبعد. شمس: هتصدقني لو قولتلك إني شكلي حبيتك؟ زين: يااااه، بسهولة دي؟ شمس: حب من أول نظرة بقى. زين: يسيدي يسيدي. شمس: ممكن نقرب من بعض فترة؟ زين: من ناحية إيه يعني؟

شمس: يعني نتعرف على بعض، نخرج، نسهر، نعيش مع بعض فترة، مش يمكن نحب بعض؟ زين: بس أنا مش بفكر أرتبط دلوقتي. شمس: سيبالي إنت نفسك بس، وأنا هخليك تفكر. زين: أما نشوف. وفجأة رقصت السلو خلصت. أحمد راح لشمس. أحمد: شمس، إنتي إزاي ترقصي مع حد غريب كده؟ شمس: هو ده حد غريب؟ أحمد: أمال ده أخوكي في الرضاعة وأنا معرفش؟ شمس: ابعد عني، مش ناقصاك هيا. شمس سابت أحمد وفرح راحتله. فرح: الجميل زعلان ليه؟

أحمد: سيبك إنتي من الجميل، إيه الحلوة دي؟ فرح: بجد يا حبيبي عجبتك؟ أحمد: جداً والله. فرح: يارب أعجبك ديماً. أحمد: إنتي كنتي فين وسيباني لوحدي كده؟ عمال أبص للبنات، بصراحة الفرح فيه شوية موزز. فرح: ها يا حبيبي، بتقول حاجة؟ أحمد: لا والله حاجة، يا حبيبي، ده أنا بقول وحشتيني. فرح: وإنت كمان. أحمد: طب يلّا نرقص معاهم. فرح: يلّا يا روحي. الكل بيرقص والكل فرحان، وقمر قاعدة لوحدها لحد ما الفرح خلاص والكل روح.

في البيت، محمد العريس والعروسة هيعيشوا في نفس شقة قمر وشمس بس في أوضة لوحدهم. فرح روحت مع قمر علشان تبات معاها. العروسة والعريس بيسلموا عليهم قبل ما يدخلوا أوضتهم. شمس: هو إحنا عارفين نصرف على نفسنا علشان تجيبوا واحدة كمان تعيش معانا؟ محمد: عيب يا شمس، دي مرات أخوكي. ... ... ...