رواية اخذت بذنب اخي الفصل الأول 1 - بقلم سارة عادل

حرام تاخدني بذنب حد تاني، سيبني في حالي وإلا هموت نفسي. مراد: مفكرة يعني هسيبك تموتي من غير ما آخد حقي منك؟ ده أبعدلك، انتي ملكي، أعمل فيكي اللي أنا عايزه. وبعد كده أنا اللي هخلص عليكي بإيدي. روح بعياط: أنا مالي؟ انتي هتعاقبني عشان أخويا خد مراتك منك؟ أنت مريض، سيبني في حالي بقى. مراد: انتي اللي قدامي عشان آخد حقي، للأسف أخوكي ده عبيط هيخسر أخته عشان واحدة. طلع خسيس بصراحة، مهنش عليه العشرة وفي أول اختبار طعني.

روح بتألم من قبضته على إيديها قالت بدموع: أنا روح يا مراد، أنا زي أختك وأكتر، عمرك شفت حاجة مني وحشة؟ سيبني أرجوك، أنا عارفة إن أخويا وحش ومش من حقك تسامحه أبدًا، بس أنا ليه تأذيني؟ مراد ببرود: عشان أخته، وأنتي اللي لعبت اللعبة دي كلها، بقيتِ تصاحبيها عشان تجريها لطريق أخوكي؟ هو أنتوا شايفني إيه قدامكوا؟ الحق يا أخوكي يدخل داري يأكل ويشرب فيها ويبص لمراتي. كلكوا هتتعاقبوا على القرف اللي عملتوه ده. ***

مراد هيقتلني لو طالني تاني، تعالي نسافر ونمشي من هنا خالص. عمار ببرود: شايفاني إيه قدامك عشان أهرب؟ لا أنا معملتش حاجة غلط عشان يحاسبني عليها. أنتوا اطلقتوا عادي زي أي اتنين بيطلقوا، وأنا هتجوزك بس كده. إيه الغلط اللي عملته بقى؟ شروق: عمار متجننيش، الغلط من الأول إني سبته عشانك، وهو عمره ما آذاني في حاجة. عمار بزعيق: لا والله! أنا اللي ضربتك يعني على إيدك؟

وبعدين خلاص انسيه، متجيبيش سيرته على لسانك، انتي دلوقتي في مقام مراتي لعند لما أتجوزك. شروق: طب وأختك هتعمل إيه؟ أكيد هياخدها بذنبك. عمار: ما خلاص يا شروق بقى، بقت مراته هو حر فيها يعمل اللي عايزه. معرفش أنتوا مدينه قيمة أكتر من قيمته ليه. شروق: أنا مش مرتاحة يا عمار، أبوس إيدك تعالي نمشي من البلد خالص، الموضوع ده مش هيعدي على خير. عمار بزعيق: ابتديناها قرف وزن بقى!

روحي يا شروق متقرفنيش أكتر من كده، وأنا رايح لأبويا عايزني ضروري. *** منتا لو راجل مكنتش عملت كده، إنما هقول إيه؟ عمرك ما نفعت في حاجة، وكمان جايب لنا القرف. عمار بزعيق: متقرفوناش بقى! أنا مقلتلكش تتجوزها ليه، وأنا عايزه يأذي أختي بقى، وتبقى يا قاتل يا مقتول. محمد بزعيق: بص بقى، البنت دي مش هتتجوزها فاهم؟

تبعد عنها حالًا، بلاش مشاكل مع العيلة دي يا ابني، مش هتمر على خير وهتبقى خراب على الكل. وأنا لو أعرف بالمصيبة اللي عملتها مكنتش رميت أختك ليه، منك لله. عمار ببرود: اللي عنده يعمله، أنا مش هسيبها، واللي عنده ياخده مني أنا. ومتدخلش يا أبا خليك بعيد عن الموضوع ده. محمد بزعيق: نعم! وأختك اللي في النص دي أسيبها تتأذي بسبب واحد طايش زيك؟ غور من وشي غور بدل ما تجلطني بكلامك.