رواية اخترقت قلب العشق الفصل العاشر 10 - بقلم جاسمين محمد

صخر بحزن على الحالة اللي بقت فيها بسببه: اهدي طيب، أنا جنبك. واحتضنها، أحس بإحساس غريب لما احتضنها، وبدأ يمشي يده على شعرها بحب: اهدي أنا جنبك، نامي متخافيش، اهدي خالص. وفضل يهدي فيها لحد ما نامت، وجاء يقوم من جنبها لقاها ماسكة يده، رجع خدها في حضنه تاني وقعد يتفرج عليها وهي نايمة. الصبح عشق وهي بتفتح عينها بتعب وحاسة إن في حاجة محوطاها، فتحت عينها وبتبص لقت صخر نايم ومحاوضها بدراعاته، قعدت تتأمل في شكله ولما حست إنه هيفوق غمضت عينها وعملت نفسها نايمة. صخر صحي وبصلها شوي وبسرحان: شكلها جميل أوي وأنتِ نايمة شبه الملائكة، يا ريت تسامحيني على اللي عملته، والله ما كان قصدي، بس لما بفقد أعصابي مش ببقى واعي للي بعمله. وباسها على رأسها وقام طلع من الأوضة راح أوضته. وعشق فتحت عينها وبدموع: اللي عملته كبير أوي يا صخر، ومستحيل أسامحك عليه بسهولة. وقامت دخلت الحمام تاخد دش. صخر دخل أوضته وخد دش وغير ولبس بدلته ونزل تحت. صخر: صباح الخير. داليا وجو: صباح النور. صخر: عاملة إيه يا عمتي؟ رحاب: ... صخر: ردي عليا، أنتِ عارفة إنك غالية عندي ومقدرش على زعلك مني. رحاب: ابعد عن بنتي يا صخر، وأنا مش هزعل منك. صخر اتعصب وحاول يتكلم بهدوء: أبعد كيف يا عمتي وهي مراتي؟ رحاب: جدك كان غلطان لما جوزهالك يا صخر، وأنا هصلح غلطته. صخر: أمم تمام، سلام أنا رايح الشغل. وسابهم ومشي. رحاب: صخر اقف كلمني. جو: اهدي هو مشي. رحاب قعدت بعياط: أنا خايفة على بنتي منه. عشق وهي نازلة من فوق: متخافيش، بنتك مش هيحصلها حاجة، وهتجيب حق كل علامة معلمة على جسمي بسبب ضربه ليا. رحاب بعياط: روحي سافري يا عشق وابعدي عن صخر، صخر عصبي وعصبيته أوقات بتعميه، ومحدش بيقدر يقف قصاده غير جدك، وجدك مات فسافري يا بنتي. عشق حضنتها عشان تطمنها: مستحيل أهرب وهوريكي هعمل إيه فيه، بس استني عليا. داليا بغيظ: ولّا عشنا وشفنا مرة تقف قصاد جوزها. عشق: هههههههه مرة مين يا مرة أنتِ، واتكلمي عدل معايا بقى عشان أنا قرفت من معاملتك ومش هسكتلك تاني أنتِ سامعة. داليا سكتت ومشت متكلمتش. جو بتصفير: أيوة يا جامد أنت، هي دي عشق القوية اللي أعرفها. ليلي: بت أنتِ هترجعي للجبروت تاني؟ عشق بصت لجو وضحكت: هههه. عشق: هههه للأسف شكلي هرجعله، المهم دلوقتي زين فين أنا مشفتهوش من إمبارح. ليلي: بيلعب في الجنينة بره متقلقيش. عشق: تمام، تعالوا نتكلم في الشغل شوي. رحاب: لاااا شغل بعد الأكل، أنتِ تعبانة أصلاً. عشق: يا ماما متقلقيش أنا كويسة. رحاب: عشق اسمعي كلامي، بعد الأكل ابقي اعملي اللي أنتِ عايزاه. عشق: أمم حاضر يا ماما، أدينا ساكتين. بليل صخر خلص شغل وروح غير وقاعدين يتعشوا، عمال يبص لعشق بس هي متجهلاه خالص ولا معبراه. صخر: جهزي نفسك عشان هتسافري معايا عشان في مشروع لازم نحضره. داليا: تمام يا صخر، هنمشي إيمتى؟ صخر وهو لسه باصص لعشق: بكلم عشق. داليا بغيرة وعصبية: أمم طيب وعشق إيه دخلها في شغلنا؟ صخر: أنتِ نسيتي إن هي شريكتي دلوقتي في الشركة؟ عشق: أمم هسافر إيمتى؟ صخر: هنسافر أنا وأنتِ الساعة 10 الصبح. عشق: تمام. تاني يوم الصبح صخر صحي ولبس وجهز نفسه وراح خبط على أوضة عشق، مفيش رد، راح نزل تحت لقى رحاب قاعدة هي وجو وليلي بتلعب مع زين. صخر: عمتي، عشق فين عشان نسافر؟ جو: عشق سافرت أصلاً. صخر: سافرت كيف لوحدها؟ جو: وفيها إيه؟ ما هي على طول بتسافر لوحدها. صخر بعصبية: أمم بس أنا قايلها إننا هنسافر سوا. ليلي وهي بتلعب مع زين: ممكن عشان مش حابة تكون موجودة معاك مثلاً. صخر بعصبية: أمم تمام. وسابهم ومشي من غير كلام. جو بضحك: يخربيتك أنتِ، عصبتيه زيادة. ليلي بضحك: هههه أحسن يستاهل عشان يحس باللي عمله فيها، استني بس وشوفي اللي هيحصل فيه. رحاب: والله ربنا يسترها على عشق هناك لوحدها. جو: متقلقيش على عشق يا عمتي، اقلقي عليه هو. وضحك بشر: هههه. عند عشق في أمريكا عشق: جو عامل إيه؟ وماما وزين وليلي عاملين إيه؟ جو: إحنا بخير الحمد لله، أنتِ عاملة إيه طمنيني عليكي، وصلتي إيمتى؟ عشق: لسه واصلة دلوقتي، قولي إيه الأخبار؟ جو بضحك: ههههه كان متعصب جامد لما عرف إنك مش عايزة تسافري معاه وسبتيه ومشيتي، فخلي بالك من نفسك. عشق: هههه متقلقش عليا، المهم خلي بالك من زين ماشي. جو: حاضر، وأنتِ خلي بالك من نفسك. عشق: حاضر، يلا سلام. جو: سلام. عشق ركبت العربية وراحت بيتها. بليل في الشركة صخر: خلود هاتيلي ملف المشروع. خلود: حاضر يا فندم. صخر: عشق لما توصل ابقي خليها تيجي تكلمني. خلود باستغراب: عشق مين؟ صخر: أمم قصدي جيسيكا. خلود: حاضر يا فندم، بعد إذنك. صخر: اتفضلي. بعد شوي عشق وصلت الشركة. عشق: السلام عليكم. خلود: وعليكم السلام ورحمة الله وبركاته، إزيك يا جيسيكا هانم؟ جيسيكا: الحمد لله بخير حبيبتي، أنتِ عاملة إيه؟ خلود: الحمد لله بخير. جيسيكا: ممكن فنجان قهوة حلو كدا زيك وملف المشروع الجديد؟ خلود: حاضر، بس الملف مع صخر بيه جو، وكمان هو طلب مني إن لما توصلي أبلغك إنك تدخليله. عشق: تمام، هاتيلي فنجان القهوة جو بقى. خلود: حاضر يا هانم. عشق خبطت ودخلت عند صخر، ودخلت قعدت على الكرسي من غير كلام. صخر بعصبية: ممكن أفهم الهانم كانت فين من الصبح؟ عشق: وأنا ممكن أفهم الأستاذ بيسأل ليه هو ماله؟ صخر: عشق متعصبنيش، كنتي فين من الصبح ومستنيتش ليه لما نسافر سوا؟ عشق: والله دي حاجة تخصني وأنا مش حابة أسافر معاك. صخر: أمم ماشي يا عشق. وقعدوا يشتغلوا على ملف المشروع لحد الساعة واحدة بليل، كان الكل مشي من الشركة. عشق بنعاس: آآآه أنا مش قادرة أكمل، تعبت عايزة أنام. وبتتثاءب. صخر بضحك على منظرها: ههههه شكلك عامل شبه الأطفال، مش عارف كيف عملتي اسمك المشهور ده. عشق برفع حاجب: وأنت مالك أصلاً؟ المهم أنا همشي. صخر: هتمشي فين؟ المفروض بكرة نبدأ الشغل عشان المشروع وكمان لسه مخلصناش. عشق: لا وحياة أمك ما قادرة تاني، سيبيني أروح. صخر اتعصب جامد وعيونه لونها بقى كاتم وخبط على المكتب بالجامد لما سمع اسم مامتها، وعشق خافت من منظره. عشق بخوف: صخر في إيه؟ أنا مالي؟ صخر بعصبية: ما أسمعش صوتك تاني، أنتِ سامعة؟ عشق باستغراب: أنا عملت إيه؟ صخر: عشق اقعدي ساكتة خالص، ما أسمعش صوتك. عشق قعدت ساكتة وهي مستغربة من تحوله المفاجئ ده. بعد شوي عشق: صخر أنا همشي. صخر بعد ما هدي: لا، عشان لازم نكون هنا الصبح بدري وطبعاً وطبعاً ما فاضلش على الصبح غير خمس ساعات فمش هتلحقي تروحي وتيجي. عشق باستغراب: أمال هنام فين؟ صخر شاولها على جدار الحيطة. عشق برفع حاجب: هنام جنب الحيطة ولا إيه؟ صخر بطل عبط خليني أروح أنام. صخر متكلمش كلمة وسابها وراح وقف مكان ما شاولها وداس على زرار واتفتح باب في الحيطة. عشق فتحت بقها من الصدمة وقامت مشت بتبص لقت أوضة كبيرة أوي وفيها سرير كبير. صخر بضحك على منظرها: هههه مالك؟ أول مرة تشوفي أوضة؟ عشق: ها لا، بس بصراحة الأوضة دي جميلة أوي بس ليه عملها هنا؟ صخر: عشان أوقات بنام هنا لما بيكون عندي شغل كتير. عشق: أمم طيب أنت هتنام هنا وأنا هنام فين بقى؟ صخر بمكر: هتنامي معايا. عشق بردح: لا يا عسل أنا مش زي البنات اللي تعرفها لا فوق. صخر بصدمة: يخربيتك إيه أنتِ كنتي عايشة في الشارع ولا في لندن؟ عشق: أمم مالكيش فيه، اخلص بقى عايزة أنام. صخر: والله وأنا مش بهزر، هتنامي هنا معايا في نفس الأوضة، كدا كدا إحنا متجوزين فعادي. عشق بضحكة فيها نوع من المسخرة: متجوزين أمم طيب عايزة لبس ألبسه عشان أكيد مش هنام باللبس ده. صخر: لا في دي ماليش دعوة بقى. عشق: طيب ما تجيب تيشرت من لبسك ألبسه. صخر بعصبية: نعم يا عسل؟ لا أنا مش بحب حد يلبس لبسي. عشق: اخلص يا صخر مش وقته، ويا عم ألبسه وأبقى ما تلبسهوش تاني يلا بقى. صخر رفع حاجبه: أمم ماشي، اترزعي هنا أدخل أجيبلك حاجة تلبسيها. عشق: أشطا. وقعدت على السرير، وصخر دخل جابلها تيشرت. صخر: خدي أهو، وأنا هدخل الحمام أغير، تكوني أنتِ غيرتي ماشي؟ عشق: ماشي. صخر دخل الحمام غير ولبس بنطلون قطن وطلع. عشق كانت لابسة التيشرت بتاعه وكان واصل لقبل ركبتها عشان هي قصيرة خالص عنه وهو شبه برج إيفل. صخر أول ما طلع وشاف عشق كدا تنح في شكلها وهي تنحت في منظر عضلاته. عشق بدون وعي وبصوت واطي: إيه ده عنده عضلات ومز شبه اللي بييجي في التلفزيونات. صخر سمعها وقعد يضحك على كلامها: هههههههههه. عشق بدون وعي سرحت في ضحكته: ضحكتك حلوة أوي. صخر بطل ضحك وبجدية: أحم أحم. عشق فاقت من سرحانها واتكسفت وخدودها بقت شبه الطماطم: أنا مش قصدي. صخر قرب منها وحط يده على شفايفها: هش شكلك حلو أوي وأنتِ خدودك شبه الطماطم كدا ههههههه. عشق زقته بيدها: تصدق إنك ما عندكش دم ومتقربش مني تاني أنت سامع. صخر: ههههه حاضر يا طماطم. عشق: عبوشكلك عيل بارد، المهم أنا هنام على السرير وأنت نام على الكنبة دي ماشي. صخر برفع حاجب: على فكرة الأوضة أوضتي يبقى السرير سريري، فأنا هنام على السرير وأنتِ تنامي على الكنبة. عشق: بس أنا مش بعرف أنام على الكنبة. صخر: ماليش دعوة، عاجبك كدا عاجبك، مش عاجبك في كرسي نامي عليه. عشق: صخر مش وقت هزار أنام على الكرسي كيف؟ صخر بتفكير وبابتسامة كلها مكر: أمم أو ممكن تنامي معايا على السرير. عشق بعصبية: نعم يا عسل؟ أنام معاك كيف؟ أنت اتجننت يا واد أنت ولا شارب حاجة؟ صخر: بس بس خلاص براحتك، شوفي هتنامي فين. وراح نام على السرير: ممكن تبقي تطفي النور عشان أنام، تصبحي على خير. صخر نام وعشق راحت على الكنبة وحاولت تنام بس مش عارفة وعمالة تتقلب. عشق بحزن: صخر. صخر وهو نايم: عايزة إيه؟ سيبيني أنام بقى. عشق: تصدق إنك بارد، اتخمد. وفضلت تتقلب لحد ما نامت. بعد شوي صخر فتح عينه يشوفها نامت ولا لا، لقاها نايمة بس عمالة تتقلب، راح قام شالها براحة وحطها على السرير وخدها في حضنه ونام. عند داليا داليا: ها عرفت حاجة؟ اه وعرفت كمان انها عندها ابن اسمه زين

داليا بصدمه.... نعععععععم

يتبع....

تفاعل حلو يابنات وادعولي عشان امتحاناتي🥺♥