رواية اخترقت قلب العشق الفصل الخامس عشر 15 - بقلم جاسمين محمد

جو... معرفش بقولك إيه صح في حاجة عايز أقولك عليها بس مش عارف هي صح ولا لا. عشق بقلق... في إيه؟ قول قلقتني. جو... ليلي بتقول إنها سمعت داليا بتتكلم في التليفون مع حد وبتقوله أنت اتجننت كنت عايز تموت صخر أنت عارف لو كانت الرصاصة جت فيه كنت عملت فيك إيه. عشق بصدمة... أنت قصدك إيه؟ جو... قصدي اللي جه في دماغك بس مش متأكدين. عشق... لو اتأكدت إنها هي اللي ورا كده والله مش هسكتها عشان كده يبقى تاني مرة. جو باستغراب...

تاني مرة؟ كيف هي عملت إيه أول مرة؟ عشق... عملت.............. جو... يا بنت ال... بقى هي خدت الملف واتهموا فيكي. عشق... أه. جو... طيب هتعملي إيه دلوقتي؟ عشق... معرفش وأنت حاول تتأكد وتعرف إذا اللي بنفكر فيه صح ولا لا. جو... حاضر أسيبك ترتاحي شوية. عشق... تمام ماشي. عند صخر في الشركة. صخر... داليا كده كل حاجة تمام وورق المناقصة مفيهوش حاجة. داليا قامت من على الكرسي وقربت منه بدلع... وحشني أوي يا صخر. صخر...

مش وقته يا داليا احنا في الشركة. داليا... طيب هتقضي الليلة معايا ماشي؟ صخر... ماشي هشوف وأقولك اقعدي مكانك بقى عشان هنا شغل بس. داليا... حاضر. صخر وداليا قعدوا يشتغلوا لحد بليل. بليل صخر وصل البيت وأول ما وصل قعد على الكرسي يرتاح. رحاب... أجهزلك العشاء. صخر... لا بس عشق عاملة إيه دلوقتي؟ ليلي... كويسة بس من الصبح عملين نتحايل عليها تاكل ومش راضية. صخر بعصبية... وكيف ده؟ إمال هتصحى كيف؟ جو...

والله تعبنا معاها وخليناها أكلت في العصر بالعافية عشان تاخد العلاج. داليا... إيه الدلع والمياسة دي وهي صغيرة ولا إيه؟ لم متأكلش وتتفعل؟ ليلي برفع حاجب... عشق مش بتاعت التصرفات الهبلة دي ثم إيه دخلك في الكلام بينا أنتي مش تقربيلها أصلاً. داليا بعصبية... بت أنتي أنتي تحترمي نفسك وأنتي قاعدة هنا أنتي سامعة وأنا أدخل في اللي أنا عايزاه صح يا صخر؟ صخر بعصبية...

بس أنا تعبان داليا مسمعش صوتك وأنتي يا عمتي جهزي العشاء عقبال مطلع أغير ووديه أوضة عشق. رحاب... حاضر يا حبيبي. داليا... صخر أنت هتسيبها بتكلمني كده وتسكت؟ صخر... داليا بقول تعبان ومش وقت كلام حريم ووجع دماغ وسابهم وطلع أوضته. ليلي وجو ضحكوا إن صخر طنشها وسابها وهي اتعصبت وراحت على أوضتها. صخر طلع خد دش وغير ورايح لوضة عشق. عشق... يا ماما قولتلك مش هاكل مش كل شوية تطلعي الأكل ثم مين قالك تجيبي أكل؟ صخر من وراها...

أنا اللي قولتلها تجيب الأكل. عشق برفع حاجب... طيب أنت جعان متأكل في أوضتك جاي هنا ليه؟ صخر... عشان هاكل أنا وأنتي عمتي سيبي الأكل وروحي انزلي. رحاب... حاضر يا بني. عشق... ماما خدي الأكل معاكي أنا مش هاكل. رحاب سابتها وطلعت وقفلت الباب وراها وصخر قرب قعد على حرف السرير ومسك الصينية بتاعت الأكل وحطها قدامه ومسك المعلقة وملها رز. عشق... صخر خد الأكل وروح كل في أوضتك أنا عايزة أنام ومش عايزة أكل.

صخر من غير كلام حط المعلقة في بوقها وهي بتتكلم وبعصبية... مسمعش صوتك وتاكلي وأنتي ساكتة والا أحلف مش هاكل حاجة من اللي على الصينية وأخليكي تاكلي كل الأكل ده. عشق فتحت بوقها بصدمة... نعم أكل كل ده؟ ليه قالولك مفجوعة؟ صخر... والله محد قالي بس شوفت فاكرة لما كنا في أمريكا. فلاش باك. صخر فتح باب المكتب... عشق عشق واتصدم. عشق كانت قاعدة بتاكل بيتزا وماسكة بإيدها الاتنين وبتاكل زي المفجوعين. صخر بصدمة...

إيه يا بنتي براحة هي هطير. عشق والأكل في بوقها... جعانة أوي يا صخر. صخر قرب قعد جنبها... وأنا كمان جعان أوي ومسك البيتزا التانية ولسه هيفتحها. عشق شدتها منه... أنت بتعمل إيه دي بتاعتي. صخر... بتاعتك كيف ما أنتي معاكي واحدة يا مفجوعة هتاكلي الاتنين. عشق... أه عادي وممكن كمان أطلب تاني. صخر فتح بوقه بصدمة... هااا نعم يا أختي إمال مش باين عليكي ليه اللي عاملة تطفحية ده. عشق... نق بقى واحسدنا. صخر... أحسدك على إيه؟

جتك نيله أنا هقوم أطلع أحسن لو قعدت شوية تاني حاسس إنك هتاكليني أنا. عشق... لا مش باكل بنادمين عشان بيكون طعمهم وحش. صخر بلامبالاة... ليه هو أنتي كلتي بنادمين قبل كده عشان عرفتي طعمهم؟ عشق بتفكير... بصراحة لا بس ممكن أجرب فيك. صخر... فيا؟ لا سلام عليكم وسابها وطلع من المكتب. الحاضر. عشق... يوه مخلاص بقى مقولنا كنا جعانين الآه. صخر...

طيب كلي يا أختي أحسن معمل حاجة تزعلك اخلصي كلي عشان مش قادر لشغل العيال وجاي تعبان من الشركة. صخر كان باين عليه الضغط والتعب نومه قليل اليومين فصخر صعب على عشق. عشق بتفكير... بص طيب أكل بس بشرط. صخر... عشق بقولك مش قادر كلي وأنتي ساكتة واخلصي. عشق... اسمع الشرط طيب الأول. صخر... حاضر قولي بس خدي المعلقة دي الأول. عشق اشطااا بص إيه رأيك أخليك توكلني بس أنا كمان هوكلك أنت متعشتش صح؟ صخر... بس أنا مش عايز أكل. عشق...

خلاص يبقى أنا مش هاكل ماليش دعوة. صخر بنفاذ صبر... طيب اخلصي وكليني وكلي. صخر وعشق قعدوا يوكلوا بعض. عند داليا. داليا... إيه يا بابا قولتلك مش هرجع قبل ما أدمر بنت داود الأنصاري وأستولي على كل حاجة ملك صخر أنا مش أضيع عمري معاه كل كده وفي الآخر أطلع من غير حاجة. محمد... أيو هي دي بنتي بس خلي بالك من نفسك عشق زي أبوها داود وناصحة. داليا... متقلقش هاخد منها كل حاجة أول حاجة الشركة اللي أبوها خدها منك. محمد...

ماشي خلي بالك من نفسك ولو عوزتي حاجة رني عليا. داليا... حاضر يا بابا سلملي على ماما. محمد... حاضر سلام. داليا... سلام. داليا... والله لوريكم وش داليا التاني عشان تعرفوا تضحكوا عليه. عشق... ها الحمدلله كفاية كده أنا بطني التملت. صخر... هههه وأنا كمان والله. عشق سرحت في ضحكته وبسرحان... ضحكتك حلوة أوي. صخر برفع حاجب... وهو أنا بتعاكس ولا إيه؟ لا أنا محترم. عشق ضربته على دراعه... عيل بارد والله أمشي أطلع برة. صخر...

أممم هفكر المهم دقيقة وخد الصينية ورايح نزلها تحت وطلع. عشق... الساعة بقت 12 روح نام بقى عشان أكيد عندك شغل بدري. صخر... أنا هنام فعلاً عشان عندي شغل بس بعد ما تاخدي الدوا يلا. عشق... طعمه مر والله يا صخر. صخر... عشق خديه وأنتي ساكتة بقى اخلصي. عشق... والله طعمه مر. صخر... يا عشق يلا خدي بقى أحسن مدهولك بطريقتي. عشق... أنت يا ض انا مش عشان تعبانة كل شوية هتهددني. صخر بعصبية... يلا خدي العلاج بقى.

عشق خافت من منظره التحولي وخدت العلاج من غير كلام. صخر... أيو كده مكان من الأول ويلا أصحي خليني أنام. عشق برفع حاجب... هو أنت علقت ولا إيه؟ تنام جمبي؟ يلا يا روح طنط على أوضتك. صخر... شكلك مش بتيجي بالذوق وراح طافي النور وقرب رقد على السرير وشالها وحطها صدره. عشق... صخر ابعد طيب. صخر... أنا حابب أنام كده ونامي بقى خليني أنام أنا جوزك يعني مش حرام. عشق سكتت ومتكلمتش.