رواية اخترقت قلب العشق الفصل الرابع عشر 14 - بقلم جاسمين محمد

الدكتور... "والله لسه ما نعرفش هنحدد ده بعد أربع وعشرين ساعة بعد إذنكم" صخر قعد في الأرض وبحزن... "أنا السبب في اللي هي فيه ده" جو قعد جنبه... "صخر لازم تكون قوي عشان تقوينا وإن شاء الله هتكون بخير" صخر... "يا رب يا رب" تاني يوم صخر... "ها يا دكتور أخبارها إيه" الدكتور... "لسه مخلصوش الـ24 ساعة يا صخر باشا" صخر... "طيب هو أنا ممكن أدخل أشوفها" الدكتور... "أه عادي اتفضل أدخل بس ياريت متأخرش جو" صخر... "حاضر"

وسابه ودخل الأوضة عند عشق. عشق كانت راقدة على السرير والأجهزة حواليها. صخر قرب، قعد على الكرسي جنب السرير ومسك إيدها. صخر بحزن... "عشق قومي عشان خاطري والله أنا مقدرش أتخيل إنك تبعدي عني أنا مش عارفة ليه بس طول ما إنتي بعيدة عني ببقى مش مرتاح ولم بشوفك بيبقى نفسي أخدك في حضني وقولك خليكي في حضني ومتطلعيش منه أبدا يمكن ده حب ويمكن لا معرفش بس قومي ومتسبنيش عشان خاطر النبي" ونزلت دمعة منه على إيد عشق.

وهو حضن إيدها وغمض عينه ونام. بليل عشق بدأت تفوق وبتبص لقت صخر حاضن إيدها ونايم جنبها. بصتله شوية وسرحت في ملامحه. عشق بتوهان... "ملامحك جميلة أوي وإنت نايم وشكلك شبه الأطفال مش عارفة ليه دايما عصبي وبتعاملني كدا" وبدأت تسحب إيدها براحة وهو حس بيها وقام بسرعة. صخر بلهفة... "عشق إنتي فاقتي إنتي كويسة" وراح حضنها وعشق اتصدمت. صخر بعد عنها... "أنا هروح أجيب الدكتور خليكي هنا" وطلع جري على البري ينادي الدكتور.

وعشق مصدومة من خوفه عليها وبتوهان... "هو ده صخر اللي مش بيطيقني وبيضربني" الدكتور جه هو وصخر... "عامِلة إيه دلوقتي ممكن تعرفيني إيه اللي حاسة بيه" عشق... "الحمدلله كويسة مافيش حاجة بس الحتة دي وجعاني" وشاورت على مكان الرصاصة اللي قريبة من صدرها. الدكتور فحصها... "ده لازم يحصل عشان لسه خارجة من العملية المهم لازم ترتاحي خالص وإن شاء الله هتكوني كويسة" عشق... "شكرا ليك" صخر بفرحة... "هي هتخرج إيمتى يا دكتور" الدكتور...

"ممكن بكرة لو عايزين عادي المهم تاخدوا بالكم منها" صخر... "حاضر متقلقش" الدكتور... "تمام حمدالله على سلامتك" الدكتور طلع وصخر قرب منها وبفرحة... "حمدالله على سلامتك" عشق... "الله يسلمك" وتلفون صخر رن. صخر... "الو إيه يا جو" جو... "هتعوز حاجة من البيت أجيبهالك معايا وأنا جي أنا وطنط وليلي" صخر... "لا مش عايز حاجة ومتتعبوش نفسكم أنا وعشق هنيجي الصبح إن شاء الله فخليكم عندكم وجهزوا أوضة عشق" جو بفرحة...

"بجد يعني عشق فاقت وكويسة" صخر... "أه فاقت وكمان ممكن تخرج بكرة كمان بلغ عمتي وخليها تطمن" جو... "تمام ماشي سلام" صخر... "سلام" عشق... "صخر هو فين زين" صخر... "زين مع عمتي وجو وليلي في البيت اطمني" عشق... "ماشي" صخر... "هو أنا ممكن أسألك على حاجة" عشق... "عارفة يا صخر هتسألني على إيه عايز تعرف زين ابني كيف" صخر... "أه ياريت" عشق... "قريب هتعرف كل حاجة عشان مش هينفع أتكلم دلوقتي ممكن" صخر... "أه ممكن" عشق...

"تمام أنا عايزة أنام" صخر... "ماشي نامي" وطفى النور وقرب منها... "صحفي شوية" عشق باستغراب... "ليه" صخر... "عشان أنام جنبك أنا ما نمتش من إمبارح يلا خلصي" عشق... "إنت مجنون يا ض انت تنام جنبي كيف ولو حد دخل يقول علينا إيه" صخر... "يا ض ومجنون ومحدش أصلا يقدر يدخل من غير إستئذاني وأنام جنبك عشان أنا زي جوزك فعادي اصحفي بقى يا عشق مش قادر أتخانق معاكي" عشق رفعت حاجبها وصحفت شوية صغيرين. صخر برفع حاجب...

"ده لو زين اللي هينام جنبك هتصحفي مكان أكبر من ده بس شكله الزوق مش بينفع معاكي" وراح مقرب ورقد وناِمها على صدره وخدها في حضنه. عشق بكسوف... "صخر إيه اللي بتعمله ده ابعد" صخر... "عشق نامي بالله عليكي وإنتي ساكتة وأنا جوزك فعادي فتصبحي على خير" وناموا الاتنين. عشق وصخر وصلوا وصخر ساعد عشق ودخلوا جو. داليا... "عشق عامِلة إيه" عشق... "الحمدلله كويسة" زين وهو جاي يجري على عشق... "عشقققق" عشق بحب... "قلب ماما طمني عليك"

زين شالها تقرب منه وبصوت واطي... "هو ينفع أقولك ماما" عشق بابتسامة... "أه" زين... "ماما هو إنتي دلوقتي كويسة صح" عشق... "أه يا حبيبي كويسة" رحاب... "عشق قومي اطلعي أوضتك ارتاحي" عشق... "حاضر يا ماما" جو... "ليلي تعالي نساعد عشق ونطلعها فوق" صخر برفع حاجب... "لم إنت تساعده وأنا واقف يبقى أنا إيه كيس جوافة" جو عشان يغيظ صخر... "عادي يا صخر أنا وإنت واحد" صخر بعصبية... "جوجووو لم دورك مش واحد أنا جوزها"

جو بتمثيل الحزن... "وانا أخوها" واطلعها. عشق... "بس إنتو الاتنين أنا هطلع لوحدي ولسه هتمشي" راح صخر جه من وراها وشالها. عشق بحرج... "صخر نزلني أنا هعرف أطلع لوحدي عيب كدا" داليا بغيظ... "أه نزلها تطلع هي مش رجلها اللي مكسورة عشان تشيلها وطلعها" صخر متكلمش وطلع يطلع عشق أوضتها ودخل الأوضة وحطها على السرير. صخر... "متتحركيش واللي عايزاه نادي ويجيلك اللي عايزاه إنتي سامعة" عشق برفع حاجب واستغراب...

"وهي إيه المعاملة الحلوة دي ولا بتعاملني كدا عشان أنقذت حياتك وخدت الرصاصة مكانك" صخر بصّلها وسابها وطلع من الأوضة وجو قابله على السلم. جو... "رايح فين" صخر... "رايح أشوف الشركة وإنت خليك هنا عشان لو حاجة حصلت لحد منعرف مين اللي اتجرّه ودخل الفلة وخطف زين" جو... "حاضر اطمن وروح شغلك" صخر... "تمام" ومشي. جو طلع وراح عند عشق لقاها قاعدة بتكلم نفسها. جو...

"بسم الله الرحمن الرحيم إنتي بتكلمي نفسك هي الرصاصة أثرت على دماغك" عشق... "جو مش طلباك خالص" جو... "ليه في إيه" عشق... "صخر بيعاملني حلو من إمبارح من وقت ما فاقت ومش عارفة إيه غيّره" جو... "معرفش بقولك صح في حاجة عايز أقولك عليها بس مش عارف هي صح ولا لا" عشق بقلق... "في إيه قول قلقتني" جو...

"ليلي بتقول إنها سمعت داليا بتتكلم في التلفون مع حد وبتقوله إنت اتجننت كنت عايز تموت صخر إنت عارف لو كانت الرصاصة جت فيه كنت عملت فيك إيه"