رواية اخترقت قلب العشق الفصل السابع عشر 17 - بقلم جاسمين محمد

عشق مسحت دموعها وبصت للطفل وبحنية... أنا هو في بيتي وعدي وهربية ومستحيل أخليه يعملوا حاجة. جو... بس... عشق... ما بسش أنا قولت اللي عندي يلا عشان نحضر لدفنها. جو بفقدان أمل... ماشي يلا. الحاضررر. عشق منهارة من العياط... بس كل دي اللي الحكاية 🌿🌿🌿 صخر خدها في حضنه... اهدي طيب. عشق بعياط... هو ليه معندهوش قلب كدا أنا بقيت بكره أوي أوي يا صخر. صخر بيطبطب عليها... اهدي طيب يا قلب صخر.

عشق خدت بالها إنها في حضنه بعدت بسرعة وبكسوف... أنا آسفة مخدتش بالي والله وجت تقوم صخر مسكها شدها لحضنه تاني... أنتي عيبطة يا بت متخرجيش من حضني تاني أنتي سامعة. عشق... بس. صخر... ما بسش أنتي مراتي أصلاً فمش حرام. عشق... طيب دلوقتي هنعمل إيه وهقول لماما إيه لو سألتني وخايفة يعرفوا يعملوا حاجة. صخر... ولا حد هيعرف حاجة. عشق... كيف. صخر...

مالكيش دعوة هتعرفي بعدين المهم يلا قومي ارتاحي واطمني زين هيفضل معاكي ومش هيحصلوا حاجة. عشق بفرحة... بجد ربنا يخليك ليا يا رب ومتحرمش منك أبداً. صخر بحب... يا رب ويخليكي ليا ومتحرمش منك. عشق... أنا هقوم أنام بقا تصبح على خير. صخر... تمام وأنا هروح أخلص شوية شغل وأجي أنام. عشق... أشطااا. عشق قامت نامت وصخر نزل المكتب يخلص شغله. في أوضة داليا ــــــــــــــــــــــــــــــــــ داليا...

ماشي يا صخر بقا قاعد في أوضتها وبتنام معاها كمان بس مش هسكت وهرجعك ليا مش داليا المصري اللي حد ياخد حاجة تخصها ومسكت التليفون... الو هبعتلك صور تطبعها وتحطها على كل بيت في البلد دي أنت سامع. ... حاضر يا هانم حاجة تانية. داليا... لا بس كدا يلا نفذ اللي قولتلك عليه وبسرعة. ... حاضر يا هانم سلام. داليا... سلام. إن مخليت فضيحتك تبقى بجلاجل مبقاش أنا داليا وديني لازفك وأطلعك من البلد دي هههههههههههه. تاني يوم.

صخر صحي لبس وراح الشركة ورحاب وليلي وجو قاعدين في الصالة وعشق نازلة من فوق. عشق بحب... صباحواا صباحوا. رحاب بحب... صباح العسل يا حبيبتي طمنيني عاملة إيه دلوقتي. عشق... الحمدلله بخير يا ماما وسمعوا صوت عالي برة. جو بتسأل... إيه الصوت ده. رحاب... معرفش يا بني تعال نطلع نشوف. وطلعوا لاقوا نص أهل البلد وقفين قدام القصر وصوتهم عالي. رحاب... في إيه. ...

معرفش والله يا هانم بس اللي سمعته إنهم عملين يسبوا الأنسه عشق ويقولوا جابت لنا العار. عشق بصدمة... نعم عار إيه ده. وتحركت نحيتها. عشق... ممكن أعرف إيه اللي مجمعكم قدام القصر هنا. ... جين نشوف اللي جابت العار للبلد. عشق باستغراب... عار إيه ده اللي جبته للبلد. واحدة ست... لما واحدة تسافر بلاد بر وترجع بولد ومحدش عارف ابن مين ده لا وكمان بتلف ورا صخر بيه المنشاوي يبقى جابت لنا العار ولا مجابت لناش. جو...

وإنتوا مالكم أصلاً بكل ده يلا امشي من هنا. ... البنت اللي تجيب العار للبلد بنخلص عليها ومش هنمشي غير لما نخلص عليها. وقعدوا يحدفوهم بالطوب. جو خدت عشق وليلي ورحاب ودخلوا بسرعة القصر والحرس قعدوا يتخانقوا مع الناس. رحاب قعدت على الكرسي وبطلت طقطقة... يا مري يا مري هنعمل إيه دلوقتي. جو... أنا رنيت على صخر وجاي. عشق... ماما أنتي مصدقةهم إني جبت لكم العار. رحاب...

مهم عندهم حق أنتي سافرتي وجيتي من بر بولد ومنعرفش ابن مين يا عشق. عشق بصدمة... أنتي مش واثقة في بنتك يا ماما. رحاب بصت في الأرض ومتكلمتش. عشق بحزن... مكنتش أعرف إنك لدرجة دي معندكيش ثقة فيا وفي تربيتك يا خساره. ليلي... عشق أكيد طنط مش قصدها كدا خالص. عشق... بس محدش يتكلم جو احجزلي في الطيارة أنا وزين عشان هنسافر لندن ومش هنرجع تاني. صخر وهو دخل من الباب... بس أنتي مش هتسافري. عشق بحزن...

ومينفعش أقعد هنا تاني بعد اللي حصل. صخر... ليه إيه اللي حصل. عشق... صخر متستعبطش أنت شوفت كل اللي حاصل في البلد وأنت جاي أكيد. داليا... بصراحة أه والبلد خربانة وعندهم حق أنتي جبتي لنا العار. صخر... عشق أشرف من أي حد ومجابتش العار لحد. ومسك إيد عشق وهز راسه يطمنها وخدها وطلع برة قدام أهل البلد. عشق... صخر هتعمل إيه. صخر... اهدي بس. ... صخر باشااا احنا لازم نقتلها. صخر...

بس محدش يقدر يقرب منها عشان بتكون حرم صخر المنشاوي. ... كيف ده يا باشااا. صخر بعصبية... هو إيه اللي كيف ده بقولك بتكون حرم صخر المنشاوي والفرح بتاعتنا هيكون يوم الخميس الجاي يلا كل واحد على بيته ويخليها في نفسه. وخد عشق ودخلوا جو وكل ده وعشق مصدومة. عشق... صخر أنت قصدك فرح مين اللي يوم الخميس. صخر... فرحي أنا وأنتي ليه في حاجة. عشق... بس أنا مش عايزة أتجوز آسفة. وسابتهم وطلعت على فوق جري. جو... صخر عشق مش قصدها.

داليا بغيظ... هو إيه اللي مش قصدها ده مش تحمدي ربنا إنه أنقذها من العار اللي جبتهولنا لا وبتتكبر علينا كمان. ليلي... نفسي أفهم بتدخلك فيها ليه متخليكي في نفسك ومالكيش دعوة. داليا... بت أنتي أنا أقول واعمل اللي أنا عايزة أنتي سامعة. ليلي... لا مش سامعة ووريني هتعملي إيه. صخر بعصبية... بس أنتوا الاتنين إيه متقوموش تمسكوا في شعر بعض وتضربوا بعض مدام مش محترمينا ولا محترمين عمتي. داليا...

حقك عليا يا صخر بس أنت شايف بتكلمني إزاي. صخر... أنا طالع ارتاح. وسابهم وطلع. بعد شوية. عند عشق قاعدة عمالة تعيط... يا رب غصب عني والله بس خايفة أثق فيه وأرجع أحب تاني ويحصل نفس اللي حصل أنا مصدقة إني عديت المرحلة أرجع أعيدها تاني يا رب والله مهقدّر تعبت تعبت. وراحت نزلت الجنينة. في نفس الوقت كان جو وليلي قاعدين بيتكلموا في الجنينة. ليلي... أنا هطلع أنا بقا أنام كفاية كدا الساعة 3 الفجر. جو...

تمام روحي وأنا كمان شوية وهروح أنام. ليلي... تمام تصبح على خير. جو... وأنتي من أهل الخير. ليلي... عشق إيه مصحيكي دلوقتي. عشق وعيونها حمرا من كتر العياط... عادي نزلت أشم هواء شوية. وراحت قعدت على الكرسي وليلي قعدت جنبها. ليلي بحب... عشق احكيلي مالك. عشق بعياط... تعبت يا ليلي ومش قادرة أعيش نفسي أعيش فترة مرتاحة ومبسوطة. ليلي خدتها في حضنها... يا روحي اهدي وإن شاء الله خير. عشق... خايفة من اللي جاي أوي. جو...

ليلي سيبيني مع عشق شوية وروحي اعملينا حاجة نشربها. ليلي بصت لجو وجو هزت راسها بمعنى اطمني وليلي قامت دخلت تعملهم حاجة وجو قعدت جنب عشق. جو... خايفة يعمل معاكي نفس اللي عملوا أحمد صح. عشق... صح. جو... بس صخر غير أحمد أه أحمد كان بيحبك أوي أوي كمان بس مش حمل مسؤولية وكمان بيحب الفلوس أوي ويبيع أي حد عشان الفلوس ولما أبوه طلّ عليه يسيبك مقابل إنه يسافروا بر ويعيشه ملك وافق بس صخر مش زيه صخر بيحبك يا عشق. عشق بعياط...

مهو أحمد كان بيجيبّني برضو عارف أنا كنت مستعدة أضحي بحياتي عشانه وأديله اللي عايزه بس ميسيبنيش أنا كنت بحبه أوي يا جو وهو سابني وأبويا برضو كان بيحب أمي وسابها وراح لوحده تاني يعني الكل بيتغير والحب يتنسي. جو... يا عشق مش كلهم زي بعض في حب بيدوم بس أنتي ادي نفسك فرصة. عشق...

وإفترض طلع زيهم تيجي تاني وتقولي ادي نفسك فرصة وأفضل أدي في فرص وأنا والله ما هقدر أتوجع تاني كفاية وجع بقا من وقت ما عيني فتحت على الدنيا دي وأنا بتوجع يا جو تعبت تعبت. وانهارت في العياط جو قربت منها وطبطبت عليها. جو... اهدي طيب طيب قوليلي عايزة تعملي إيه وأنا معاكي. في نفس الوقت صخر كان واقف في البلكونة ولما شاف جو مقرب من عشق أوي كدا غار واتعصب ونزل جري عندهم. عشق... عايزة أبعد عن كل الناس وأرتاح شوية.

جو عشان يلطف الجو شوية... حتى أنا يا عشق. عشق برفع حاجب... ليه أنت الأكسجين وأنا معرفش يا حب. جو... ههههه أه الأكسجين يا مزة. صخر من وراهم... الله الله ما احنا حلوين اهو أمال ليه هزار معايا لا. جو... صخر أنت اتجننت إيه حلوين ده. صخر... اهو اتجننت لما شوفت مراتي قاعدة مع واحد الساعة 3 الفجر وبيهزروا ومقرب منها وهي تقوله يا حب وهو يقولها يا مزة عايزني أعمل إيه. جو بعصبية... لا أنت شكلك اتجننت فوق أنت بتقول إيه. عشق...

سيبه يكمل كمل يا صخر وإيه كمان. صخر... كمان إيه يخليني أصدق بعد اللي شوفته ده إن زين فعلاً مش ابنك ما ممكن تكوني غلطانة. ونزل كف من عشق على وشه خرّسه. عشق بعياط... إياك تكملها أنا سمعت منك كتير بس إلا تهيني بالطريقة دي وكمان طلقني يا صخر أنا مستحيل أكمل مع واحد زيك. وطلعت تجري على أوضتها. ليلي جت من جو... أنا عملت العصير يا أهل الدار. وشافت عشق داخلة تجري بتعيط. ليلي... جو مالها عشق هي لسه بتعيط. جو بعصبية...

هتفضل لحد إمتى عبيط وبضيعها من إيدك بتصرفاتك دي عارف يا صخر عشق أه قدامي من زمان ومصاحبها من خمس سنين بس عمري ما فكرت فيها غير أخت وبس وعارف كمان عشق لو فكرت إنها توافق تحبك وتفضل معاك فبعد اللي أنت عملته ده هتخليها مستحيل تفكر تفضل مع شخص زيك شكاك وسابها وطلع يجري هو وليلي ورا عشق. وصخر صعد مكانه وعمال يفكر في الكف وكلام عشق طلقني بتتردد في ودنه هي وكلام جو إنها مستحيل تحبه. جو وليلي بيخبطوا على أوضة عشق. جو...

عشق افتحي الباب نتكلم. عشق عمالة تكسر في كل اللي في الأوضة وبعياط... قولتلك كلهم زي بعض حبهم مش حقيقي اهو قبل محبة بيشك فيا لا وشوف بيقولي إيه أنا مستحيل أحب تاني كفاية وجع بقا كفاية. ليلي... افتحي طيب يا حبيبتي عشان خاطري. عشق... لا امشوا من هنا وسبوني وحدي أرجوكم. جو... مينفعش نسيبك كدا. عشق... أرجوكم سبوني أرجوكم مش قادرة أتكلم مع حد. جو... ماشي بس شوية وهنجيلك. وخدت ليلي ومشي وعشق قعدت على الأرض تعيط ومنهارة.

الصبح. صخر داخل من بر لأنه طول الليل كان قاعد في الجنينة وما نمش لقى رحاب نازلة من فوق تجري. صخر... في إيه يا عمتي. رحاب... زين مش في أوضته ولقيت دولابه فاضي كمان. صخر بصدمة... نعم كيف ده زين زين. وافتكر عشق طلع يجري على أوضتها يشوفها.