رواية اخترقت قلب العشق الفصل الثامن عشر 18 - بقلم جاسمين محمد

صخر داخل من بر لأنه طول الليل كان قاعد في الجنينة وما نمش، لقى رحاب نازلة من فوق تجري. صخر: في أي يا عمتي؟ رحاب: زين مش في أوضته ولقيت دولابه فاضي كمان. صخر بصدمة: نعم؟ كيف ده؟ زين؟ زين؟ وافتكر عشق، طلع يجري على أوضتها يشوفها. صخر دخل أوضة عشق زي المجنون وعمال ينادي عليها. صخر: عشق أنتي فين؟ عشق؟ فتح الحمام ملقهاش. رحاب: عشق فين يا صخر؟ صخر قعد على السرير بحزن: أنا اللي ضيعتها، أنا اللي ضيعتها.

جو: سبحان الله، الواحد فينا مش بيحس بالندم غير لما اللي في إيده يسيبه. رحاب: يا بني مش وقت الكلام ده، دلوقتي نشوف عشق فين الأول. صخر وهو قاعد لمح ورقة مطوية ومحطوطة على التسريحة، قام مسكها وفتحها. رحاب: فيها إيه الورقة دي؟ أكيد عشق هي اللي سيبها. صخر قعد على السرير يقرا اللي فيها. عشق: صخر أنا آسفة على الكف اللي أدتهولك بس أنا مستحملتش تشك فيا وتقول كده وأنت عارف كويس حكاية زين يا صخر ليه تعمل كده؟

عارف أنا كنت قاعدة مع جو، ليه كنت قاعدة بحكيله إني خايفة أحبك وتتخلى عني زي اللي حبيبته قبل كده وسابني، وأنا أسأل ماما أو جو أو ليلي، أنا قعدة قد إيه عشان أقدر أرجع كويسة مع إني مش كويسة والله بس بحاول أبان كويسة عشان مش عايزة أشوف نظرة شفقة أو حزن من حد عليّ، عارف كمان جو قالي أديك فرصة عشان مش كلكم زي بعض بتتخلوا عن اللي بيحبكم، بس الفرصة مكملتش ولقيتك بتشك فيا، بتشك في شرفي يا صخر، وعارف كمان أنا أه مش بحبك بس كنت أوقات بحس بشعور من نحيتك بس دلوقتي مش عايزة أحس من نحيتك بأي حاجة، فسبت البيت ومشيت ومحدش عارف مكاني ولا حو ولا ليلي ولا ماما، وخدت زين معايا عشان مقدرتش أبعد عنه، خلي بالك من ماما يا صخر، عقبال ما أرجع، يلا مش هطول عليك، سلام.

رحاب قعدت على السرير تعيط: بتشك في شرف مراتك يا صخر؟ ليه بتثبتلها إنكم كلكم مينفعش تتحبوه وتخاف منكم عشان بتوجعوا؟ ليه يا صخر شوفلي بنتي يا صخر. صخر: أنا هقوم الدنيا عليها وأجيبها لو تحت الأرض. جو: وفر على نفسك تعبك عشان مش هتعرف توصلها، عشق اختفت مرة زي كده ومعرفتش أوصلها وعملت اللي ميتعملش فيها وهي لوحدها أو متحسس إنها كويسة هترجع. صخر: بس أنا مستحيل أسيبها تبعد عني.

جو: براحتك، أنا عرفتك، اعمل اللي عايزه وسابها ومشي. صخر مسك تلفونه: الو سيف، جهزلي كل الأمن وأنا جي حالاً، سلام. وطلع ركب عربيته ومشي. بعد يومين. صخر كان قاعد على الكرسي وشكله اتغير وبقى مهمل في نفسه. رحاب بحزن: لسه ملقتهاش؟ صخر بيأس وحزن: لسه. جو: قولتلك ريح نفسك وهي لما ترتاح هتجي لوحدها. داليا بمكر: صخر أنت هتقول لأهل البلد إيه؟ العروسة هربت ومش عايزة تتجوزك؟ ليلي: إيه الكلام ده؟ هربت كيف؟ هي بعدت تغير جو بس.

صخر: بس بس، وأنا ميهمنيش أهل البلد، المهم هلاقيها وتكون بخير. جو: ممكن أسألك سؤال؟ صخر: اسأل. جو: أنا أعرف إن اللي بيحب بيثق في اللي بيحبه وأنت تصرفاتك مختلفة شوية، بحس إنك بتحبها وشوية لا، مبقتش فاهمك يا جدع أنت. صخر: اللي بيحب بيغير على اللي بيحبه. جو: بيغير مش بيشك، وأنت شكيت والشك وحش بين أي اتنين بيحبوا بعض. صخر: أهو هو ده اللي حصل وقتها وغصب عني والله، بس أنا والله بثق فيها.

جو: يمكن، المهم أنا مسافر بكرة أنا وليلي عشان عندنا شغل مهم. رحاب: ربنا معاك، ولو عرفتوا حاجة عن عشق عرفوني بسرعة. ليلي: حاضر يا طنط، متقلقيش، وعشق هترجع كويسة إن شاء الله. رحاب: يارب يا بنتي. في مكان آخر. عشق: أنتو يا حيو.. أنين يلي هنا، أنتو جايبيني هنا ليه وفين ابني زين؟ حد يطلعني من هنا.