رواية اخترقت قلب العشق الفصل السادس 6 - بقلم جاسمين محمد

صخر طلع من مكتبه بيبص لقى عشق واقفة عمالة تتكلم في التليفون وفرحانة. قرب يسمع. عشق: هههه أكيد يا حبيبي، هكون عندك بكرة وهنام في حضنك الليل كله كمان. ههههه ماشي يا شقي. أنت يلا بقى باي عشان أخلص شغل. صخر اتعصب جامد وعيونه بقت لونها كاتم. نزل جري ركب العربية وهو سايق بعصبية. صخر: كلكم... باله فعلاً، حتى أنتي. *** بعد شوية. عشق: السلام عليكم. خلود: وعليكم السلام. عشق: هو أستاذ صخر جه؟

خلود: لا يا فندم، صخر بيه طلع من شوية ولسه مجاش. عشق: اممم، طيب ممكن طلب؟ خلود بابتسامة: أكيد، اتفضلي يا جيسيكا هانم. عشق بابتسامة: تسلمي، بس ممكن لما أستاذ صخر يجي تديله الملف ده، عشان أنا لازم أمشي دلوقتي. خلود: أكيد حاضر. فين الملف؟ عشق بفرحة: أهو، بس متنسيش، ماشي؟ خلود: حاضر. عشق: تمام، باي. خلود: باي. داليا كانت واقفة من بعيد وبتراقبها. وبعد ما طلعت راحت عند خلود. داليا: خلود، صخر جه؟

خلود: لا يا هانم، أستاذ صخر طلع من بدري ولسه مجاش. داليا: اممم، طيب متعرفيش ملف المشروع الجديد فين؟ خلود: معرفش، بس جيسيكا هانم سابت ملف هنا أعطيه لصخر بيه لما يجي. داليا: هات أشوفه كده. خلود: اتفضلي يا هانم. داليا: تسلمي. وخدت من خلود الملف وبابتسامة. داليا: أه، ده هو الملف، تمام يا خلود. هاخدوا، وأنتي خليكي يجبولي فنجان قهوة على مكتبي. خلود: حاضر يا هانم. داليا خدت الملف ودخلت مكتبها وقفت تتنطط من الفرح.

داليا: هههه، أبقى وريني بقى هتطلعي من المشكلة دي كيف مع صخر يا حلوة. لسه متخلكيش اللي ياخد صخر مني. *** عشق وصلت الأوتيل لقت جو وليلي قاعدين. عشق: أهل ياهل البيت، قاعدين في أوضتي ليه؟ ليلي: كنتي فين؟ عشق: رحت أشوف ملف المشروع الجديد وقعدت أراجع عليه شوية وجيت اهو. آه صح يا جو احجز طيارة، عايزة أرجع لندن. جو باستغراب: ليه؟ لسه واصلين هنا من تلت أيام. عشق: معلش، بس زين وحشني أوي.

ليلي: آه، قولي كدا بقى، سي زين واحشك وأنا اللي أحسبك عايزة ترجعي عشان الشغل. عشق: اتلمي يابت. وأنت احجز يا جو، بس أول طيارة. جو: حاضر يا عشق. عشق: حبيبي، وأنت مطاوعني كده، والله هههه. ليلي بغيرة: حبك برص، متتلمي يابت. عشق بصت لجو وانفجروا في الضحك، وجو سابهم وطلع. عشق قعدت جنب ليلي وبحب. عشق: بتحبيه؟ اعترفي، هو شخص كويس وأي واحد تحبه. ليلي: بس أنا مش بحبه.

عشق: بطلي ضحك على نفسك، أنت بتحبيه أوي كمان. وبراحتك، بس نصيحة من أختك، لو بتحبيه اعترفي ليه قبل ما يروح منك. ليلي: إن شاء الله. يلا نجهز الشنط. عشق: يلا. *** تاني يوم. صخر: خلود، جيسيكا جت؟ خلود: لا يا صخر بيه. صخر: تمام، لما توصل عرفيني. خلود: حاضر. حاجة تاني يا فندم؟ صخر: لا، روحي على مكتبك. خلود: تمام. داليا خبطت ودخلت. داليا بحب: صباح الخير. صخر: صباح النور. داليا: عامل إيه؟ مختفي يعني من امبارح.

صخر: الحمد لله كويس. وعادي. المهم، في حاجة عشان جاي بدري كده؟ داليا: لا عادي، بس آه، عايزة فين ملف المشروع عشان تراجعه أنا وأنت قبل الاجتماع. صخر: الملف جيسيكا خدته تراجعه امبارح ولسه معاها. داليا بعصبية: معاها إزاي يا صخر؟ الاجتماع كمان ساعة. صخر: معرفش، هي خدته ولسه مجابتهوش. بس ممكن زمانها جاية. قومي رني عليها واستعجليها. داليا: اممم، تمام، أروح أرن عليها. *** عشق: حبيب قلب عشق، عامل إيه؟

زين: الحمد لله بخير، وحشاني أوي. عشق: ياقلبي، أروح أنا وليلي وجو الشركة نخلص وأجيلك ماشي؟ زين: ماشي، بس متتأخريش. عشق: حاضر يا قلبي، سلام. زين: سلام. جو: لسه بردو مش عايزة تعرفي مامتك وجدك بزين؟ عشق بحزن: حاسة إنهم مش هيتقبلوا. جو: جربي، يا لعلي خير. عشق بيأس: حاضر. المهم يلا نخلص شغل عشان أرحل. جو: اممم، ماشي، يلا. *** صخر بعصبية: ها، مردتش برضو؟ داليا بتمثيل الحزن: لا، مش بترد، شكلها مشغولة.

صخر بعصبية زاح كل اللي على المكتب ومسك التليفون ورن على خلود. دخلت له. خلود بخوف من منظر صخر: نعم يا صخر بيه. صخر: بلّغيهم إن الاجتماع اتلغى بحجة إني حصل معايا ظرف ومش هينفع النهارده، وأجل الاجتماع. خلود بخوف: حاضر يا صخر بيه. وطلعت تجري. على برداليا قربت من صخر وقربت منه وبحب. داليا: اهدي يا حبيبي، وكل حاجة هتتعدل. صخر بص لها بعصبية وخد مفاتيح العربية وطلع من الشركة. *** ليل.

عشق وصلت هي وليلي وجو بيتها. وأول ما نزلت من العربية. زين جري عليها. زين: مامااااا، وحشتيني. (وحضنها)