رواية اختي مجنونة الفصل الخامس 5 - بقلم جني محمد

اسلام بغضب: مين اللي عمل كده؟ الأم كانت هي وروان في المطبخ، طلعوا يشوفوا فيه إيه. الأم بخضة: إيه يا ابني ده؟ مين اللي عمل فيك كده؟ روان أول ما شافته وقعت على نفسها من الضحك، وكانت بتضحك بهستيريا. الأم بضيق: انتي بتضحكي على إيه؟ روان بضحك: شبه الكتكوت المبلول. كل ده وإسلام باصصلها بغضب. أحمد بردوا طلع على الصوت. أحمد باستغراب: إيه ده؟ مين اللي عمل فيك كده؟ وأكمل بضحك: شكلك يضحك. أسيل صحت. أسيل بخضة: إسلام أنت كويس؟

إسلام ببرود غاضب: آه، هروح أغير هدومي. وكان باصص لروان بغضب. روان مع نفسها: يا مامي، هوه بيبصلي كده ليه؟ إسلام غير ولبس لبس الشغل ونزل، وكان هيخرج. الأم: إسلام أنت رايح فين؟ إسلام: رايح الشركة يا مرات عمي. الأم: أنت عايزني أزعل منك؟ إسلام باستغراب: ليه؟ الأم: امبارح تقولي مش هاكل، ودلوقتي ماشي من غير أكل. إسلام: أوعدك لما أجي هاكل. الأم: تاكل الأول قبل ما تروحه. هنا روان اتدخلت. روان: يا ستي سبيه، قال مش عايز ياكل.

الأم: اسكتي انتي. روان بتمثيل: اسكتي انتي؟ .. يعني إيه اسكتي انتي. أسيل دخلت هي وأحمد. أسيل: أهو قلت اسكتي انتي وخلاص. أحمد بص لأسيل: لا مش فاهمة، هو إحنا مثلا جربانين علشان تكلمينا كده؟ أسيل: انتي جاية عندي ليه؟ انتي بتخوفيني ولا إيه؟ روان: لخوفك ولا مخوفكيش، بس أنا أصلاً مجنونة. الأم: مجنونة؟ روان: آه مجنونة. الأم: انتي مجنونة صح؟ روان: آه. الأم: تمام. وهوب سلاح الأم المصرية كان بيخمس في وش روان. روان: اشمعنى أنا؟

أحمد: أصل انتي كنتي رشيدة زمان. المهم، إسلام قعد بعد محاولات، وكل وأكل، وبعدين راح الشركة، وأحمد راح شغله. الأم نامت. روان بزهق: أنا زهقانة، تعالي نعمل حاجة. أسيل: هنعمل إيه؟ وفجأة روان بصت لأسيل، وأسيل بصت لروان. روان: بتفكري باللي أنا بفكر فيها؟ أسيل بضحك: أكيد. بعد مرور وقت طويل، رجع إسلام وقابل أحمد في الطريق ورجع معاها. أحمد فتح البيت واتصدم وقال: إيه اللي أنتو عاملينه ده؟