رواية اختي مجنونة الفصل الرابع 4 - بقلم جني محمد

صحيت روان الصبح على صوت مكنسة كهربائية. حطت المخدة على راسها علشان تعرف تنام ومعرفتش. روان بضيق: أوووف، محدش يعرف ينام في البيت ده. الأم: يا رووووان. روان بصوت عالي: نعااااام. الأم: تعالي ساعديني في الترويق. روان بغباء: أنا ناااااااااايمة. الأم: واللهي، أومال مين اللي بيرد عليّ؟ روان: ده عفريتي. الأم: روان، لو ملقتكيش قدامي أنا همنع… روان في ثانية كانت قدامها: أؤمري يا ست الكل.

الأم: ناس مبتجيش غير بالعين الحمرا. روحي نضفي التلاجة. روان: ليييييه أنضف التلاجة؟ هما هيجوا يقعدوا فيها؟ الأم برفعة حاجب: انتي بتعلي صوتك عليّ؟ روان بتلعثم: أنا هروح أن.. أنضف التلا..جة. الأم: بسرعة. روان وهي ماشية: ربنا على الظالم. الأم: بتقولي حاجة يابت؟ روان بابتسامة ضيق: ابداً، بكح، مينفعش أكح. الأم: كحي بعيد عننا. خلصوا ترويق وروان طلعت تنام. الأم: احماااد يا احماااد. أحمد: نعم يا أمي.

الأم: روح يا حبيبي هات إسلام وأسيل من المطار. أحمد بابتسامة: حاضر يا ماما. الأم: يحضرلك الخير يا حبيبتي. روان من على الباب: يارب أوعدني من الحب ده. الأم: انتي مش كنتي نايمة؟ روان: صحيت، عادت شي بتحصل. الأم: ماشي يا أختي. تسريع الأحداث. لما جم أسيل وإسلام. إسلام: إزيك يا مرات عمي، عاملة إيه؟ الأم: الحمد لله يا حبيبي، انت عامل إيه؟ إسلام بابتسامة: الحمد لله. الأم بابتسامة: عاملة إيه يا أسيل يا حبيبتي؟

أسيل بابتسامة: بخير الحمد لله. الأم: بسم الله ما شاء الله تبارك الرحمن فيكي يا روحي. أسيل بخجل: تسلميلي يا طنط. أحمد بهيام وصوت واطي: أيوه حلوة أوي. إسلام: إزيك يا زردة؟ روان بغضب: ولااا، متندنيش كده. إسلام باستفزاز: ماشي يا زردة. روان بضيق: أوووف. الأم: يلا يا عيال علشان تاكلوا. إسلام: مش هقدر يا مرات عمي، بجد عايز أنام. أسيل: وأنا كمان. الأم: طب كلوا الأول. أسيل وإسلام: لما نصحى. الأم: طيب اللي يريحكم.

الأم: روان، خدي أسيل وإسلام أوضهم. تسريع الأحداث. إسلام صحي الصبح من كتر ما كان مطبق، نام من غير ما يحس. أول ما صحي دخل الحمام، بعدين خرج وغير هدومه وطلع. وفجأة. إسلام بغضب: مين اللي عمل كده؟