رواية اختي مصيبتي الفصل العاشر 10 - بقلم زينب زكريا

لما العقاب يخلص أبقى نجيب لكم. يلا يا سيف، أنا الضغط عندي اتفاعل والله. يلا سلام يا ماما. ما تتأخريش. أنا هنام عند مازن بما إن المصيبتين هنا. تمام، تصبحوا على خير. ومشوا. في الصبح، الساعة 6. يا ماااااااااااااما! يا طنط! ياساتر يا رب، حصلهم إيه؟ بينادوا بدري كده. وجرت على الأوضة تشوف إيه اللي حصل. إيه اللي حصل لكم؟ آه يا ماما، مش قادرة. في إيه مالك؟ يلا يا طنط، ناخدها على المستشفى بسرعة. حصلك إيه طيب؟

صباع رجلي الصغير اتخبط في الحيطة. هو ده اللي حصل لك؟ يعني يا ماما، اللي حصلي ده شوية؟ الأم أخذت الشبشب وفي منتصف الجبهة. حرام عليكي يا طنط! مع سمر كذلك الأمر. يا طنط، بقا أنا مالي؟ قدامي انتي وهي، البيت قبل ما تروحوا الجامعة، عايزاه بيلمع. أظن إن أنا ضيفة، والكلام ده لمي صح؟ مين دي اللي ضيفة؟ ده كلام يتقال. يلا يا جزمة انتي وهي، زي ما قلت. 🤣🤣🤣 على الأقل لقيت حد يساعدني. طب أنا جعانة وعايزة آكل، ولا ده كمان لأ؟

ادخلوا اعملوا فطار. متأكدة؟ لأ، خلاص أنا هعمل لكم الفطار، وانتوا وهي نظفوا بس بضمير. حاضر يا روحي. يلا ننضف. بقولك إيه؟ إيه؟ تعالى نهرب منها ونسافر. ماشي، انتي معاكي كام؟ خمسة جنيه ونص، وانتي؟ معايا أكتر منك، ستة جنيه بلا فخر. حلو، تعالي نسافر بيهم الساحل، نصيف بالمرة. طب متنسوش تنضفوا دماغكم قبل البيت، ياهبلة منك ليها. بقا الساحل؟ 11 ونص جنيه. انجروا اعملوا اللي قلته. حاضر، هنضف أهو.

وبعد ما نضفوا الشقة، طبعًا كسروا أكتر ما نضفوا في الشقة. آه يا ضهري ياني! آه يا رجلي ياني! قوموا البسوا، الوقت اتأخر على الجامعة. أنا مش قادرة أقوم، فمش هروح. تمام، طالما مش رايحين الجامعة، يبقى نغسل الستاير والسجاد، وأهو انتوا معايا. انهاردة عندنا محاضرات كلها جاية في الامتحان، يلا نلبس. وجريوا على الأوضة. مش بييجوا غير بالعين الحمرا. بعد ما لبسوا وجهزوا نفسهم. في الجامعة.