رواية اختي مصيبتي الفصل التاسع 9 - بقلم زينب زكريا

سيف: إيه هببتي إيه؟ معلش يا طنط، كفاية ضرب دقيقة بس عايز أسمع كويس وبعدين كملي براحتك. مى: آه يا واطية إنتي، يا أخ انتي، ده أنا مبقاش فيه حتة سليمة، آه يا ضهري، ياني يا عيني عليكي يا بت يا سمر، ده أنا في نعمة، آه والله. سمر: آه خف إيدك شوية يا طنط، نعمة إيه يا أختي، ده أنا جسمي من كتر الضرب مش حاسة بيه. سماح: كفاية عليكم كده، بس لو عملتوا مصايب لأخر الشهر، ولا لأخر الشهر كتير، لأ أخر اليوم بس، وعد هجبلكم حاجة حلوة.

مى وسمر: ههههههي، بجد؟ سيف: حاجة حلوة إيه يا ماما؟ إنتي أكتر واحدة عارفة إن البلاستيشن ده بحبه جداً ومهم بالنسبالي، ومي وقعته. مى: تصدق إن ده الحاجة الوحيدة اللي أنا ملمستهاش أصلاً، أنا قولت كده عشان تعبت من الضرب، فقولت كده، أصل يا خويا محستش باللي أنا حسيته، آه مكنش يومك يا مي، ثانياً هو فعلاً زي الواد مازن قاله، فيه سلك مش موصل بس. سيف: الحمد لله، أخيراً عملتي حاجة حلوة في حياتك يا مي.

مازن: تعرفوا لو لقيتكم مش في القسم حوالين، بس هعلّقكم من رجليكم يا مصيبتين. مى: لا يا بني، إحنا هنكون عندك كل يوم. سيف: وده ليه؟ معلش، وعملتي صفقة مع القسم؟ مى: أصل أنا بصراحة قولت لشوقية إني كل يوم هكون عندها أنا والبت سمر لغاية ما تترحل، وإحنا هنروحلها زيارة بس. سيف: مازن الحقني، مش قادر. مازن: صاحبي منك لله، هتعملي في الواد إيه تاني؟ مى: أنا اتكلمت.

سيف: طلوع من البيت مفيش، وانسوا إنكم إنتوا الاتنين شوفتوا القسم أصلاً. مازن: لا، وكمان لو سمعت خبر إنكم في القسم. صافيه (أم مازن وسمر) : شوقية مين دي اللي هتزوريها؟ سماح: يمكن تكون صاحبتهم ومحبوسة عشان خلافات مرور. سيف ومازن: لا يا ست الكل، وحكالها عن شوقية. سماح بصت لـ صافيه: إنتي عايزة بنتك النهارده؟ صافيه: ولا أعرفها، اعملي كل اللي إنتي عايزاه، اعتبريها بنتك. سماح: خدت الاتنين ودخلتهم الأوضة الخزين.

مى: يا ماما افتحي، فيه فار هنا، طيب. سماح: آه فيه، ويا رب يظهر ليكوا عشان أرتاح منكم. مى: مش لدرجة دي، أنا كنت بسألك بس عشان يسلينا أنا والبت سمر بدل الملل اللي هنكون فيه. سيف: طب يا ماما، أنا نازل أنا ومازن نتمشى شوية. صافيه: وأنا كمان ماشية عشان الوقت اتأخر، ولما أبو مازن يرن، ياسيف تقوله إن سمر بتذاكر مع مي، نفسي أعرف بس بيعاملوهم كده إزاي. سيف: حاضر يا طنط. (وهي في الأوضة)

: واد يا سيف، متنساش تجيبلي بيتزا وبرجر وكريب وبيبسي دايت أنا وسمر عشان عاملين دايت. مازن: ده دايت إيه معلش اللي فيه بيتزا وكريب؟ سمر: آه، ويا ريت بقى أم علي عشان الدايت، أصل إحنا عاملين أكلات معينة ناكلها للدايت. مازن: ...... سيف: ......