رواية اختي مصيبتي الفصل الثامن 8 - بقلم زينب زكريا

مازن: هتسكتوا ولا لا؟ سمر: سكتنا اهو. مى: لا بقولك إيه، أنا مليت. انده عادل يجيب لنا اتنين آيس كريم بدل الملل ده. مازن: عقاب ليكوا، أي حاجة عايزينها لا. مى: قول إنك بخيل. طلعت من جيبها عشرة جنيه. مى: يا حظابط عادل. مازن: أنا بس اللي بسمع كلامي. دخل عادل. عادل: أيوه. مى: بقولك يا حظابط خد العشرة جنيه وهات لنا اتنين آيس كريم. عادل: حاضر. مازن: إيه يا عادل بتسمع كلامهم؟ أنا أمرتك بكده.

عادل: يا فندم مش قولت دول إخواتي يا فندم. مازن: هات لي واحد قهوة. مى: والآيس كريم؟ مازن: أنا قولت لا. سيف دخل. سيف: يونس، أجي اهو عشان يتنازل. يونس: أيوه يا فندم، أنا جاي اتنازل. مازن: وأخيراً، يلا يا ابني امضي على أوراق التنازل، جابوا لي صداع. سيف: دول ملايكة مش شايف. مى: حبيبي يا سونه. سيف: سونه؟ طب يلا انتي وهي، أمكم في انتظاركم. سمر: هما عرفوا؟ سيف: اه عرفوا. مى: احبسني مع شوقية يخلي لك عيالك يا رب.

مازن: لا، ويلا على بيتكم وانسى شوقية خالص، انتي عارفة جاية بتهمة إيه. مى: ودي تفوتني برضه؟ عارفة جايه في قضية ح.ش.ي.ش، يعني كل ده عشان بتزرعه؟ أكيد حيواناتها جعانة دلوقتي. سيف: يعيني صعبة عليكي يا قلب أخوكي. مى: آه والله. مازن: أمكم في انتظاركم. سمر: مازن، بالله عليك، أنت عارف ماما هتعمل معايا إيه؟ سيف: أخيراً حقنا هيرجع، النهارده فرحان أوي. مى: ماما مش هتعمل حاجة وهقعد أكيد فيك. في البيت.

مى: يا ماما أنا معملتش حاجة، بتضربيني ليه؟ الأم: معملتيش إيه؟ أنا هعلمكم الأدب، انتوا الاتنين، بتجري انتي وهي، هتتخبوا فين؟ دي أوضة وصالة. مامة سمر: بصي يا سماح، انتي خدي سمر، وأنا هاخد مي عشان انتي عارفة قلبي حنين. سماح: يلا بينا. سيف: منورنا يا راجل. مازن: بنورك، ما تيجي نلعب جيم بالبلايستيشن بتاعك. سيف: ماشي يا عم، بس اللي هيخسر هيدبس بعزومة في الليل. مازن: وأنا موافق عشان عارف إني أنا اللي هفوز. سيف: هنشوف.

دخل سيف يشغل البلايستيشن عشان يلعبوا. سيف: هو مش بيشتغل ليه؟ مازن: يا ابني ممكن تكون مش موصله في الشاشة. سيف: يا ماما. الأم وهي بتضرب في سمر: فيه إيه يا حبيبي؟ عايز حاجة؟ سيف: البلايستيشن ماله مش شغال. مى: آه، يمكن عشان وقع مني. سيف: إيه؟