رواية اختيار مستحيل الفصل الثالث 3 - بقلم نجلاء عبد الظاهر

بتكون سيلا لسه فاقدة الوعي. فبيشيلها فهد وبيرجعها البيت. بعدها بمسافة، سيلا بتفوق. سيلا بخوف: انت عملت فيا ايه؟ انا ليه في غرفتك ولوحدنا؟ وكمان في سريرك؟ فهد: مفيش حاجة من اللي في دماغك دي حصلت. وبصلها بخبث: إذا عايزة تتاكدي مفيش مشكلة. سيلا بتقوم بسرعة وبتقوم تجاه الباب: بص يا فهد، الكلام اللي عندي قولتهولك، فلوسك رجعتها، يعني الاتفاق. فهد بخبث: خلاص، روحي. بكرة هتجيلي بمزاجك. سيلا بتبصله بعدم فهم وبتروح.

سيلا وهي بتدخل البيت: ياه، وحش البيت بدونك يا بابا. يا ترى فهد كان قصده ايه لما قالي بكرة هتجيلي. سيلا وهي بتتذكر طلب فهد. فهد: شرطي اننا نتجوز لحد ما تجيبي لي عيل، وبعد ما تخلفيه على طول نتطلق. سيلا: بس يا ترى فهد عايز يجيب عيل ليه؟ وبعدين اذا عايز عيل، ما يتجوز. اه، انا بشغل دماغي بيه ليه؟ في مايولع في ستين. و بتنام. بيمر شهرين. عند سيلا، كانت شغالة في المحل. فجأة بتحس بالدنيا بتلف بيها.

سيلا: مش عارفة انا مالي. الايام دي راسي بيلف كتير. لازم اروح الدكتور اكشف. وبتعمل الفحوصات وبتنتظر النتيجة. سيلا: ها يا دكتور، في ايه؟ الدكتور: الف مبروك يا مدام، انتي حامل. سيلا: اييييييييييييييه؟ انت غلطان. الدكتور: لا، انا متأكد. سيلا: بس انا مش متجوزة. الدكتور بصلها بصدمة. بعدين فكر كده وبقي يبصلها بطرف عينه، بصه كأنه قرفان منها، وهي واحدة مش كويسة. سيلا بدموع: انت بتبصلي كده ليه؟ والله ما عملتش حاجة غلط.

الدكتور بمقاطعة: لو سمحتي اطلعي برا عشان عندي شغل. سيلا: طب والله محد لمسني. تقدر تفحصني، عايزة افحص. وفضلت تتحايل عليه. الدكتور بعد ما زهق منها: ماشي. الدكتور وهو بيشوف النتيجة: ايه ده؟ ده مستحيل. سيلا: ايه؟ الدكتور: انتي فعلاً لسه انسة. سيلا: طب انا ازاي حامل؟ الدكتور: ممكن تكوني حامل عن طريق حقن مجهري أو حاجة زي كده. سيلا: طب يا دكتور، انا حامل في الشهر الكام؟

الدكتور: ما دام سالتي في الشهر الكام، معناها انتي ملاحظة الأعراض من بدري ومطنشة. وانتي حامل في بداية التاني. سيلا: شكراً. وبتخرج من العيادة. سيلا: طب انا حامل ازاي؟ ومن شهرين كمان. و بتفتكر فهد. سيلا بصدمة: فهد. مفيش غيره. هوا اللي عملها. ازاي مفكرتش فيه؟

عشان كده كان بيقولي انا بكرة هجيله بمزاجي. بس انا معنديش حل غير ده. بكرة بطني تكبر والناس تتكلم عليا بالعاطل. يقولوا ما صدقت ابوها مات. حسبي الله ونعم الوكيل فيك يا فهد.