رواية الا انا بقلم بسمله بدوي | كاملة

عمو عبده، عمو عبده، عندك شيتوس حار؟ أيوا يابنتي. وأندومي وايس كريم فراولة ومولتو ومورو وبيبس؟ أيوا يابنتي. يابختك يا عم عبده، دا إحنا معندناش. بصلها بنفاذ صبر، ولسا هيدخل تاني المحل، ناديت عليه وهي بتضحك: خلاص خلاص، بهزر معاك، جبلي اتنين أندومي وواحد شيتوس وعبوة سان توب. عنيا ياست البنات. قلدته بسخرية: دلوقتي عنيا ياست البنات. كله بالفلوس. مسكت طبق النشير وهي بتطبل عليه وبتغني بعلو صوتها: كله بالفلوس، أكل بالفلوس، لبس بالفلوس، شرب بالفلوس، صحاب بالفلوس، أهل بالفلوس، كله بالفلووووس. شاورت على أمها: أم بالفلوس. وبعدين شاورت على أخوها: أخ بالفلوس. وبعدين شاورت على أبوها، بس قاطعها سلاح الأم الطائر أبو وردة: أم بأي ياعنياااا. تعاليلي. جريت على باباها تتحامى فيه: بابا حبيبي. رد بضحك: ما أنا كنت هتشتم من شوية منك، بقيت دلوقتي بابا حبيبي. أخوها بعياظ: حبها بُرص. بعدت بسرعة وهي بتعيط بزييف: كله عليا، يعني محدش في صفي، محدش بيحبني، أهئ أهئ أهئ. أما اللي...